الرجل الذي لاتنساه المرأه

[mesryforever]

الرجل الذي يكون كريم في عواطفه ويده ويهبها الأمان والحنان

اللين في تعامله الرقيق في مشاعره القوي الشخصية بلا غرور الواثق من نفسه

الذي تشعر وهي معه برجولته وأنوثتها

اذا تحدث تنبهر من أسلوبه وحسن حديثه ولاتمله

الذي يدللها ويرويها عشقاً

الذي يتقن فن النظرات تجاهها

الذي يقدر احساسها ومشاعرها ويحن عليها وقت حزنها وألمها

الذي يستمع لها ويقدر رأيها ويطلب مشاركتها ويحترم رأيها

الذي في بعض الأمور يفضلها على نفسه

الذي اذا كانت أخطائها بسيطه يسامح ويعفو عنها

الذي يكون غيور عليها بدون تحكم أو تسلط

أن يطرب مسمعها بكلمات دافئه مليئه بالحب و الغزل

أن يحتمل تقلب مزاجها ويشاطرها المزاح والضحك

أن يفرح أذا فرحت ويحزن أذا حزنت ويقف معها سنداً لها

الذي تشعر انه يحتاجها في كل لحظة

الذي يفتخر بها ويراها في عينه غالية جوهره ثمينه

الذي تهبه عمرها لثقتها به وتعتمد عليه

الحار في عواطفه الذي تشعر معه دوماً أنه لايرى غيرها

الذي يشركها بمعرفتة أسراره

الذي ترى دموعه ولايخفيها عنها

الذي يشعرها انها ملكت فؤاده وعقله

[badroora]

وتفتكر يا اخ مصري فى راجل كدا فى الدنيا ؟

ولى راى اخر بخصوص الرجل الذي لا تنساه المرأه

الرجل اللى الخائن

الرجل الكذاب

الرجل اللى ميستهلهاش

اللى يجرح مشاعرها ويخدعها

الرجل الغبي (ودى من عند صحبتي قاعدة جنبي وملتهالى )

الرجل الغير امين

الرجل الذي لا تنساه المرأه اول راجل صادقها واول راجل جرحها

هما الوحيدين اللى من صعب نسيانهم ولو ان رجل صادق بقت صعب اوى .

[Ahmad Farahat]

والله فيه رجالة كتير كده

بس تعمل ايه في اللي ياكل وينكر :sad:

تم تعديل 4 أكتوبر 2007 بواسطة Ahmad Farahat

[mesryforever]

إنتوا دايماً كده يا ستات

بتشوفوا الجزء الفارغ من الكوب

مش كده ولا إيه

[badroora]

لا انتوا يا رجاله اللى مش بتعترفوا بالحقيقة

واللى يقول الحقيقة يطلع ياكل وينكر او نطلع متشائمين بنبص للكوب الفارغ ماهو الكوب دا مين اللى خلاه فارغ مش هو بردوا الراجل اللى شرب اللى فيه :sad:

[miramar]

إنتوا دايماً كده يا ستات

بتشوفوا الجزء الفارغ من الكوب

يا استاذ مصري مش لما يبقى في كوب اصلا

الرجل الذي لاتنساه المراة هو الرجل الذ نساها

مرمر

[mesryforever]

والله ياجماعه

زي مافيه راجل خاين فيه ستات خاينه

زي مافيه راجل كذاب فيه ستات بتكدب زي المدفع سريع الطلاقات وطبعاً دي طبيعة الستات وليست شئ مكتسب زي ما أحنا عارفين طبعاً (لامؤاخذه) لأني أنا شايف هجوم حاد من فريق الستات

زي مافيه راجل ميستاهلش فيه ستات برضك ما تستاهلش

وزي مافيه راجل غبي فيه ستات أكثر غباء ونكديه ساعة متشوفه سعيد شويه تعكنن عليه وعلى إللي؟؟؟؟؟؟؟

وزي مافيه راجل غير أمين فيه ستات غير أمينه بالمره

وبعدين أنا نقلت الموضوع علشان الرجاله يشوفوا الحاجات إللي ممكن تسعد الستات ويحاولوا يجربوها ممكن تنجح مع شخص وتفشل مع شخص آخر وطبعاً ده بيتوقف على اكثر من شئ منها

1- تفهم المرأه للتغير الذي طرأ على الرجل من خلال التغيير إلى الأفضل

2- أسلوب الراجل في كيفية التغيير والإستفادة من النصيحه

أنا ياجماعه طبعاً بأتكلم عن "الراجل الفاضل" والواحد بيحاول يستفيد من النصائح يمكن الواحد يوصل في يوم من الأيام لهذه المرتبه

بس فعلاً ومن خلال تجاربي الشخصية المرأة تحب الراجل الذي

يقدرها في كل شئ لأن طبيعة المرأة غير طبيعة الرجل وعلينا أن نقتدي برسولنا الحبيب المصطفى صلى الله عليه وسلم

" رفقاً بالقوارير "

وياريت الستات متزعلش من بعض الكلام لأني كتبته على عجل

[Ahmad Farahat]

وياريت الستات متزعلش من بعض الكلام لأني كتبته على عجل

إنت مكتبتوش على عجل

إنت كتبته على موتوسيكل

إيه يا راجل المتريليوز ده

مش ممكن

الحقيقة

إنت خلتني سعيد أفتخر بالرجالة

أنا نفسي الإخوة الثتات أول ما نعمل موضوع ميخوش يخبطوا في الحلل

إحنا والله كويسين وطيبين ومحترمين

ومش شريرين

ابدا

أبدا

ابدا

[badroora]

لا اصل بصراحة يعنى ليه ميكونش الموضوع الست الذي لا يجرؤ ان ينساها الرجل !!

بس نسبة الخيانه فى الستات اقل بكتتتتتتتتتتتتتتير من الرجال

نسبة الكذب فى الرجال فاقت مراحل المراحل عن النسا ء

الست حين تحب الرجل تحبه بكل كيانها وتخلص له ومش من طبعها الخيانه

اما الرجل يحب واحدة واتنين وتلاته وخاين وعينه زايغة كمان مش كلهم طبعا بس دي طبيعة فى الرجل وغريزة

ومين قال ان الكدب عند الست شيء اساسي غير مكتسب بالعكس بقي الرجل هو اللى عنده لاستعداد الاكبر للخيانه والكذب والخداع

اما الستات حنينين ومش خاينين الا قلة قليلة وليها ظروفها الخاصة

اى ست ولو شعرت بالامان وحبت الرجل تستطيع ان تجعلة اسعد رجل فى الدنيا وهتكون كلها له واستحالة تخونه بل بالعكس هتوقف جنبه وتدعمة ولو مرض هتكون له زوجة وام وممرضة

اما هو اول ما تمرض ومرضها يطول ولا ربنا يوعدها بمرض مزمن تلاقي الراجل جرى اشتكى وطلع 90 مبرر للزواج من اخرى

وعلى النقيض الاخر تلاقي ست زوجها توفي وهى صغيرة وتلاقيها ترفض الزواج وتربي اولادها وتكتفي بكدا لكن عمرك شوفت راجل كدا وفى لو زوجته بعد مرضها قبل وافتها ؟

تم تعديل 4 أكتوبر 2007 بواسطة Badria Mekkawy

[justtrying]

وياريت الستات متزعلش من بعض الكلام لأني كتبته على عجل

إنت مكتبتوش على عجل

إنت كتبته على موتوسيكل

إيه يا راجل المتريليوز ده

مش ممكن

الحقيقة

إنت خلتني سعيد أفتخر بالرجالة

أنا نفسي الإخوة الثتات أول ما نعمل موضوع ميخوش يخبطوا في الحلل

إحنا والله كويسين وطيبين ومحترمين

ومش شريرين

ابدا

حلـــوة :sad: :ninja: :blink:

بس انا عاوز اقول نقطة للاخ المصري للابد .. الراجل يجب أن يتحكم في مشاعرة أولاً بحكم ولايته وأن يظهر كل هذه الصفات الجميلة المذكورة طبعا ولكن خير الأمور الوسط .. فالوسطية تضمن استمرار العلاقة بين الرجل والمرأة من وجهه نظري لأننا بحكم كوننا بشر تزيد المشاعر وتنقص فإن نقص الاهتمام عند الرجل جاء دور المرأة والعكس صحيح ...

وشكرا على تذكير الرجال بهذه الأفكار والمشاعر الجميلة

تم تعديل 4 أكتوبر 2007 بواسطة justtrying

[mesryforever]

أيوه كده يا أبو حميد خليك جانبي الله يخليك وإسندني لحسن أخوك وقع في حيص بيص

الست الذي لا يجرؤ ان ينساها الرجل !!

أنا هأقول للستات أهم سر من أسرار نجاح الحياة الزوجيه وأهما في نظري وهو

؟

؟

؟

؟

؟

؟

؟

؟

؟

؟

؟

؟

؟

؟

؟

؟

؟

؟

؟

؟

الطــــــــــــــــــــــــــــــــاعـــــــــــــــــــــــــــــــــــــــــــــــه

الراجل فعلاً مش عاوز من الست أكثر من الطاعه لزوجها وطبعاً الأشياء التانية إللي كلنا عارفنها وهي (إذا أمرها أطاعته وإذا نظر إليها سرته إلى آخر الحديث ) بس كلمة السر هي الطاعه وهي دي الست إللي الراجل ميقدرش ينساها

لأن الكثير من النساء في الوقت الحالي تكون عنيده وذلك لأسباب معروفه من أهمها قله ذات اليد بالنسبة للراجل أو أو أو

المهم :

طبعاً ياجماعه إحنا مش بنعمم بس المسألة إن لو كان كل واحد يرضى بنصيبه حتى لو كان مش كويس بس مع ا لأيام ممكن تتغيير هذه الأشياء في الطرف الأخر أكيد كانت الحياه لها شكل تاني بس المشكله إحنا في الوقت الحاضر مبنشوفش النماذج إللي قالت عليه أختنا الفاضله / Badria Mekkawy ، تعالوا نشوف في الوقت الحالي الست بتعمل إيه لو زوجها قصر في أي واجب من واجبات الزوجية أول حاجه هتعملها

هتطلب الخلع وياريت لأسباب مبرره بل على العكس بتكون لأسباب واهيه - وطبعاً بعض الستات بتحاول تستفز الراجل بأي صورة من الصور علشان يطلقها أو يرضخ لأوامرها

وياريت إللي عاوز يغير من حياته مع زوجته يحاول يتبع النصائح أعلاه حتى لو مش هيقدر على تجربة كل النصائح بس على الأقل

يحاول لأنها فعلاً بإذن الله بتساعد على الألفه بين الأزواج والزوجات

وحاولوا مش هتخسروا حاجه

أهي تجربة لو نفعت نفعت منفعتش مش هنخسر حاجه

[أبو محمد]

بس نسبة الخيانه فى الستات اقل بكتتتتتتتتتتتتتتير من الرجال

بدرية هانم .. يا نجفة المحاورات .. إنتى ليه أجغيسيف كده ؟ :lol:

طب أنا حقولك على جملة لازقة فى لسان كل ست : "الرجالة عنيهم فارغة ، ما يملهاش الا التراب" .. عارفة ده معناه إيه ؟ .. معناه إن الراجل اللى بيخون ، بيخون مع أكتر من واحدة .. يبقى ازاى نسبة الخيانة فى الستات أقل بكتتتتتتتتتتتتتتير من الرجالة ؟ إوعى تقوليلى إن كوووووووول الستات اللى بيخون معاهم دول (ده إذا كانت المقولة صح أصلا) عبارة عن قطط مغمضة وما لهمش أى تجارب ومش مغتبطين :lol:

[kokomen]

الرجل الذي يكون كريم في عواطفه ويده ويهبها الأمان والحنان

اللين في تعامله الرقيق في مشاعره القوي الشخصية بلا غرور الواثق من نفسه

الذي تشعر وهي معه برجولته وأنوثتها

اذا تحدث تنبهر من أسلوبه وحسن حديثه ولاتمله

الذي يدللها ويرويها عشقاً

الذي يتقن فن النظرات تجاهها

الذي يقدر احساسها ومشاعرها ويحن عليها وقت حزنها وألمها

الذي يستمع لها ويقدر رأيها ويطلب مشاركتها ويحترم رأيها

الذي في بعض الأمور يفضلها على نفسه

الذي اذا كانت أخطائها بسيطه يسامح ويعفو عنها

الذي يكون غيور عليها بدون تحكم أو تسلط

أن يطرب مسمعها بكلمات دافئه مليئه بالحب و الغزل

أن يحتمل تقلب مزاجها ويشاطرها المزاح والضحك

أن يفرح أذا فرحت ويحزن أذا حزنت ويقف معها سنداً لها

الذي تشعر انه يحتاجها في كل لحظة

الذي يفتخر بها ويراها في عينه غالية جوهره ثمينه

الذي تهبه عمرها لثقتها به وتعتمد عليه

الحار في عواطفه الذي تشعر معه دوماً أنه لايرى غيرها

الذي يشركها بمعرفتة أسراره

الذي ترى دموعه ولايخفيها عنها

الذي يشعرها انها ملكت فؤاده وعقله

الأخ العزيز : mesryforever

مساء الخير ..... رمضان كريم .... أتسحرت ولا لسه ... علشان أتكلم معاك بهدوء

أنا قرأت موضوعك جميل .... وكلاماتك جميلة لها معاني سامية ونبيلة

علاقة المرأة بالرجل علاقة سامية ومقدسة يحفها ويملأها الحب والحنان

والعواطف الجياشة المتبادلة بين الزوج وزوجته وهي ليست حرب فهي علاقة جميلة

ورحلة حياة مملوءه بالصبر والكفاح وتخطي العقبات وتربية الأبناء منذ نعومة أظفارهم

لحين وصولهم الي بر الأمان والي التخرج من الجامعات ثم حمل همومهم من الحصول على

وظيفة حتى وصولهم لسن الزواج ... ثم الفرحة العارمة بأبنائهم أي الأحفاد ... أظنها رحلة طويلة

يفرح بها الآباء والأمهات بفلذات أكبادهم حتى يروا أحفادهم بإذن الله ... هذه أمنية كل أب وكل أم

فلماذا نصور العلاقة بين الرجل والمرأة أو الزوج والزوجة على أنها حرب شعواء فيها غالب ومغلوب

فيها منتصر وخاسر .. فيها الرجل خائن أو الزوجة خائنة ...؟؟؟؟؟؟ مع أنها حياة زوجية وليست حرب نووية

لعلمك أنا أول من قرأ موضوعك ... ولكنني لم أعلق وأنتظرت لأرى ردود الأفعال .. وكما توقعت ..هجوم من

النساء على الرجال ... وهجوم من الرجال على النساء ..؟؟؟ وبدأت الإتهامات المتبادلة بين الطرفين ..؟؟لاأعرف لماذا

أما رأيي ...فهو .. أنني أشعر بكل الصفات الجميلة التي ذكرتها في موضوعك ..لأنني طبقتها والحمد لله وكانت ناجحة

جدا ... ولا أدعي المثالية في ذلك ..؟؟ ولكن يجب أن تكون الحياة مملوءه بالحب والإخلاص والوفاء .. وأن يتجاوز

الزوج والزوجة عن كل الأخطاء غير المقصودة وأن يسود الحب والتفاهم بينهما لتنشأ أسرة مترابطة سوية وتكون الحياة هادئة

تمنياتي للجميع بزواج سعيد وحياة هانئة وللشباب بزوجات صالحات وللفتيات بأزواج صالحين .... آمين ..آمين

:lol: :lol:

[badroora]

هلا والله بالغالى ابو محمد

.

إنتى ليه أجغيسيف كده ؟

لا والله مش اجغسيف ولا شيء انت عارف اساسا ان من طبع المرأة الهدووووووء والثقة بالنفس والعقل وخصوصا حين تستفز

طب أنا حقولك على جملة لازقة فى لسان كل ست : "الرجالة عنيهم فارغة ، ما يملهاش الا التراب" .. عارفة ده معناه إيه ؟

مايملها الا التراب يعنى مهما الست تعمل وتقيد صوابعها العشرة الشمع وتلاقيه بردوا عينه زايغة وفارغة واكيد لما الشرع حدد له اربعة عشان كدا والست تتزوج رجل واحد عشان هى قنوعة وواحد فقك يكفيها ان تخلص له وتحنرمة ويكون تاج راسها زى ما بيقولى :lol:

.

يبقى ازاى نسبة الخيانة فى الستات أقل بكتتتتتتتتتتتتتتير من الرجالة ؟ إوعى تقوليلى إن كوووووووول الستات اللى بيخون معاهم

اكيد اللى شجع الست على الخيانه شيئين او ثلاثة

اولا قلة تربية ووعى وايمان

ثانيا الشيطان متملك منها او رجل وزها على فعل ذلك

راجل خانها وبنتتقم

او هى مش كويسة من الاول

لكن صعب تلاقي واحدة محترمة وليها بيتها ووضعها وام وتلاقيها بتخون

لكن سهل اوى تلاقي رجل فى وضع محترم ومسئول كبير وام وزوج لسيدة فاضلة وتلاقيه بيخون

يبقي ايه دافعه بقي

عين فارغة ولا تراب الدنيا ولا حتى الماء يملائها

الاخ العزيز المصري

موضوع جميل جدا وانا لا قصدت ان افسده والله

بس دا نفسي كل زوج يطبع منه نسخة ويغلفها ويعملها تابلو ويعلقة فى البيت عشان يتذكر هذه الاشياء التى ممكن تجلب له السعاده

اما معظم الرجالة ميعرفوش يطبقوا هالاشياء بطبعهم

على فكرة كل اللى باقولة دا من الواقع مش واقعى انا الحمدلله لانى اكبر من ان اى يرجل يخدعنى او يخونى

بس دى من تجارب اصحابي والميقيمين حولى

وكنت متابعة لحياتهم قبل وبعد الزواج وشايفة ايه اللى كان بينقال قبل الزواج وايه اللى بيتنفذ دلوئتى

وللاسف الغالبية كدا جعلوا جوانا احساس بعدم الامان لاى رجل لان الرجل الوحيد الذي ينفذ ما يجوء فى رأسه

والست بتكون تابعة لهوائهه وكأن الله اعطاه القوامة على النساء بس لقهرهن مش لرعايتهن

اخى العزيز ما استفزك من جانبنا كنساء مشاركات فى هذا الموضوع مش خروج عن المألوف او الاعتراض لمجرد الاعتراض او العند

لا لانى لازم اللى يدخل قرأ المثاليات يقرأ ايضا الجزء الغامق عشان وهو بيطبقي الناصائح اللى كتبتها يقري بردوا اكلامنا وياخد باله منه

واخيرا انا لا اقصدك انت بعينك او رجل بعينه ولكنى اقصد الرجل الخائن الذي بيده سعادة المرأة وشقائها

الرجل الذي يتسلل الى قلب المرأة ويسطو على مشاعرها وقلبها وهو غير جدير بذلك وتظهر نواياه بعد الزواج ويسقط القناع ويظهر الوجه الاخر الحقيقي

ابو احمد الغالى الاسكندرانى

ربنا يديم عليك السعاده يا رب ويباركلك فى حياتك كمان وكمان

انت انسان طيب واعتقد انك زوج مثالى حتى بدون متكتب المعادن بتبان يا سيد كوكومن

واخيرا عشان متزعلوش

يوجد من الرجال التالف والصالح

ومن النساء ايضا

دمتم بالخير :lol:

[mesryforever]

الأخت نجفه

الاخ العزيز المصري

موضوع جميل جدا وانا لا قصدت ان افسده والله

بس دا نفسي كل زوج يطبع منه نسخة ويغلفها ويعملها تابلو ويعلقة فى البيت عشان يتذكر هذه الاشياء التى ممكن تجلب له السعاده

واخيرا انا لا اقصدك انت بعينك او رجل بعينه ولكنى اقصد الرجل الخائن الذي بيده سعادة المرأة وشقائها

أنا أعلم قصدك جيداً - إنك حبيتي توضحي إنه على النقيض يوجد فيه نوعيه أخرى من الرجال إللي منهم الخائن والمخادع .... إلخ )

وأعلم جيداً أنك لم تقصديني بشخصي أو تقصدي رجل بعينه فقط حبيتي توضحي بأمثله .

وأخيراً ربنا يدوم المعروف بين أعضاء المنتدى

وكل عام وأنتم بكل خير

[الحسناءالفاتنة]

:roseop: اولا لكم كلكوا تحياتى

تانيا انا معجبة بالموضوع دة جدا

واحب اقول انى تعبت بجد من كتر مادورت على الجنتل اللى لا انساه بس لسه متوصلتش اليه للاسف يعنى تقريبا النوع دة من الرجالة على وشك الانقراض ياريت يبقى فيه رجالة كدة بجد ياامابقى احنا البنات هنفضل نحلم برشدى اباظة طول عمرنا ونكتفى بانه فارس احلمنا بما ان دلوقت تقريبا كل اهتمامات الشباب فى انهم يوقعوا البناطيل ويجلجلوا شعرهم ويعكسوا فى البنات ويجرحوهم وبس...

[mesryforever]

الأخت العزيزه / الحسناءالفاتنة

بخصوص

ياامابقى احنا البنات هنفضل نحلم برشدى اباظة طول عمرنا ونكتفى بانه فارس احلمنا بما ان دلوقت تقريبا كل اهتمامات الشباب فى انهم يوقعوا البناطيل ويجلجلوا شعرهم ويعكسوا فى البنات ويجرحوهم وبس...

اللي لازم تكون عارفاه كل بنت إن الشخص إللي بتحلم بيه زي (رشدي أياظه) مثلاً هو شخص تصنعه عدة عوامل منها

1- على قدر من الوسامه

2- لديه ما يكفيه

3- لديه وظيفه كويسه أو مركز معقول

4- ليق إلى حد ما

وطبعاً " رشدي أباظه " مع حبي لتمثيله أكاد أجزم أنه لو لم يهتم به الإعلام علشان يستفيد منه من خلال إجذب الشباب إلى السينما في هذا الوقت

أكيد كان هيبقى شخص عادي جداً ليس لديه أي من مقومات " الرجل الذي لا تنساه المرأة "

بمعنى لو تشوفي له أفلام قديمه قبل ما يتم تسليط الضوء على كان شخص أقل من العادي

وأخيرا وعلى العموم ليس هناك شخص كامل بالمواصفات المدرجه من خلال الموضوع

بس حبيت أوضح إن هذه المواصفات أو بعضها يجب أن يتحلي بها الرجال حتى يملكوا قلب من قدر الله له وإرتبطت به .

[mesryforever]

الأخت العزيزه / الحسناءالفاتنة

بخصوص

ياامابقى احنا البنات هنفضل نحلم برشدى اباظة طول عمرنا ونكتفى بانه فارس احلمنا بما ان دلوقت تقريبا كل اهتمامات الشباب فى انهم يوقعوا البناطيل ويجلجلوا شعرهم ويعكسوا فى البنات ويجرحوهم وبس...

اللي لازم تكون عارفاه كل بنت إن الشخص إللي بتحلم بيه زي (رشدي أياظه) مثلاً هو شخص تصنعه عدة عوامل منها

1- على قدر من الوسامه

2- لديه ما يكفيه

3- لديه وظيفه كويسه أو مركز معقول

4- ليق إلى حد ما

وطبعاً " رشدي أباظه " مع حبي لتمثيله أكاد أجزم أنه لو لم يهتم به الإعلام علشان يستفيد منه من خلال إجذب الشباب إلى السينما في هذا الوقت

أكيد كان هيبقى شخص عادي جداً ليس لديه أي من مقومات " الرجل الذي لا تنساه المرأة "

بمعنى لو تشوفي له أفلام قديمه قبل ما يتم تسليط الضوء على كان شخص أقل من العادي

وأخيرا وعلى العموم ليس هناك شخص كامل بالمواصفات المدرجه من خلال الموضوع

بس حبيت أوضح إن هذه المواصفات أو بعضها يجب أن يتحلي بها الرجال حتى يملكوا قلب من قدر الله له وإرتبطت به .

مع تحياتي

[salemhegazy]

الاخت بدرية

ايه رأيك فى الراجل اللى ممكن يعمل كل ده و فى الاخر لا يرى غير النكران و الجحود فيه ستات كدة نكد فى نكد

فيه نوعيات كدة ما بنعمم فى الكلام

[mizo]

فيه ستات كدة نكد فى نكد wst:: wst:: wst::

ابو احمد الغالى الاسكندرانى :sad: :unsure: نفسى اتلقى نفس معاملتك لكن على رائى النابلسى ناس ليها ..... وناس ليها ترتر

الرجل الذي يكون كريم في عواطفه ويده ويهبها الأمان والحنان

اللين في تعامله الرقيق في مشاعره القوي الشخصية بلا غرور الواثق من نفسه

الذي تشعر وهي معه برجولته وأنوثتها

اذا تحدث تنبهر من أسلوبه وحسن حديثه ولاتمله

الذي يدللها ويرويها عشقاً

الذي يتقن فن النظرات تجاهها

الذي يقدر احساسها ومشاعرها ويحن عليها وقت حزنها وألمها

الذي يستمع لها ويقدر رأيها ويطلب مشاركتها ويحترم رأيها

الذي في بعض الأمور يفضلها على نفسه

الذي اذا كانت أخطائها بسيطه يسامح ويعفو عنها

الذي يكون غيور عليها بدون تحكم أو تسلط

أن يطرب مسمعها بكلمات دافئه مليئه بالحب و الغزل

أن يحتمل تقلب مزاجها ويشاطرها المزاح والضحك

أن يفرح أذا فرحت ويحزن أذا حزنت ويقف معها سنداً لها

الذي تشعر انه يحتاجها في كل لحظة

الذي يفتخر بها ويراها في عينه غالية جوهره ثمينه

الذي تهبه عمرها لثقتها به وتعتمد عليه

الحار في عواطفه الذي تشعر معه دوماً أنه لايرى غيرها

الذي يشركها بمعرفتة أسراره

الذي ترى دموعه ولايخفيها عنها

الذي يشعرها انها ملكت فؤاده وعقله

والله ممكن يحصل لمده 25% من حياتك الزوجيه فى ايام عايش فى الجنه وفى ايام ياستار عواصف والسبب 90% الست ده رائى

ومع ذللك لاتصور العيش بعيد عن ام الاولاد والعيال عملين لنا عمل :happy: :lol: