ظهر الحق: الحمد لله اقتصادنا قوى

[ashraf1000]

هذا رد لكل اعداء النجاح فى هذا المنتدى و فى كل مكان

على الصفحة الرئيسية فى الجمهورية اليوم:-

د.عاطف عبيد يرد علي خمسة استجوابات بمجلس الشعب

العالم يشهد: اقتصادنا قوي..ودائع البنوك آمنة

نقف مع المتعثرين الجادين لسداد القروض.. المنحرفون حولناهم للقضاء

3% فقط من الأسر المصرية تحت خط الفقر..ندعمها بالخدمات المجانية

كتب : محمد المختار ومحمود نفادي ومصطفي عبدالقادر

رد د.عاطف عبيد رئيس الوزراء أمام مجلس الشعب أمس وفوراً علي 5 استجوابات قدمها نواب من المعارضة والمستقلين حول القضايا الاقتصادية.. أكد د.عبيد أن اقتصادنا آمن وقوي بشهادة المؤسسات الدولية.. استطاع مواجهة الهزات والتأثيرات لأحداث 11 سبتمبر.. وأن جميع الودائع بالبنوك مؤمنة ومحافظ عليها طبقاً للمعايير العرفية الدولية.

قال في جلسة ساخنة إن الدولة لا تحمي المنحرفين.. وأنها بادرت بتقديمهم للجهات القضائية.. ولكنها تقف مع المتعثرين الجادين لسداد الديون.. ونواجه التعثر في حدود ما يسمح به القانون.

أوضح أن 3% فقط من الأسر المصرية ينطبق عليهم التعريف الدولي تحت خط الفقر.. ونحن ندعمها بالخدمات المجانية.

وصف رئيس الوزراء الاستجوابات بأنها استفسارات وليست اتهامات بنيت علي معلومات صحيحة.. واحتوت علي استنتاجات تفتقر للتحليل العلمي السليم.

يا جماعة فهمونا والله دا حتى بتوع كفر الهنادوه لا يمكن يدخل دماغهم

و لله الامر من فبل و من بعد

[الطفشان]

لاادري ما اذا اقول

نحن اغبياء و هم المفتحين؟

نحن عمي و هم المبصرين؟

نحن ناكري الجميل و هم المتفضلين؟

[ragab2]

أوضح أن 3% فقط من الأسر المصرية ينطبق عليهم التعريف الدولي تحت خط الفقر.. ونحن ندعمها بالخدمات المجانية

تعديل بسيط فى نسبة تحت الفقر وتصحيح الخبر هو ..

3 % فقط من الأسر المصرية فوق خط الفقر .. ونحن ندعمهم بالقروض بالمليارات من البنوك

.................................

وبعد اذن الأستاذ أشرف

ننقل الموضوع الجميل ده الى صفحة الاقتصاد

حتى يناقشه جهابذة الاقتصاد فى المنتدى

علما بأنه يتبع الصفحة الفكاهية أو صفحة ابتسم لأن هذه التصريحات تعتبر نكتة

[ابو حلاوه]

العالم يشهد: اقتصادنا قوي..ودائع البنوك آمنة  

نقف مع المتعثرين الجادين لسداد القروض.. المنحرفون حولناهم للقضاء  

3% فقط من الأسر المصرية تحت خط الفقر..ندعمها بالخدمات المجانية

دموع الفرحة مش قادر امسكها .... الحمد لله يا رب

.... امريكا عشرة في المائه من سكانها تحت خط الفقر و مصر 3 في المائة فقط

التقارير الاقتصادية في امريكا و اوروبا في غاية القلق و التخوف و تطالب بتغييرات هامة في السياسات الحالية... و احنا في مصر تمام التمام و العالم بيشهد بكده

احنا في مصر بندعم الاسر الفقيرة و في فرنسا و المانيا .. بيشتكوا من الخدمات الاجتماعية غير كافية

بصراحة ... انا لو كنت مكان عاطف بيه كنت سبت الحكومة ... و سبت السياسة باكملها ... ما الراجل خلاص أدي اللي عليه تجاه الامة و الشعب ... هنطلب منه اكثر من كده ايه

رجاء حار للدكتور عاطف زعيم الامه قاتل الفقر و الحاجة و العوز و محقق احلام الملايين من ابناء الشعب المصري ....... .......

.نم هنيئا مستريح البال بعد ما حققته لمصر ...و كفاية ما انجزته حتي الان ... نحن نشكرك من اعماق قلوبنا ..... و لا نسعي لارهاقك اكثر من ذلك و ربنا يعطيك و يعطينا الصحة و الصبر و السلوان

[الطفشان]

الحل هو في ان نستغل العبقرية التي اظهرها حكامنا و كيف تغلبوا على مشاكلنا

يجب ان "نصدر" هؤلاء العباقرة الجهابذة الى الخارج ليساعدوا الدول المتخلفة مثل المانيا و امريكا بخبراتهم

[Taher Deyaa]

يجب ان "نصدر" هؤلاء العباقرة الجهابذة الى الخارج ليساعدوا الدول المتخلفة مثل المانيا و امريكا بخبراتهم

حلوة يا عم الطفشان

:) :) :) :) :) :) :)

[ابو حلاوه]

الحل هو في ان نستغل العبقرية التي اظهرها حكامنا و كيف تغلبوا على مشاكلنا  

يجب ان "نصدر" هؤلاء العباقرة الجهابذة الى الخارج ليساعدوا الدول المتخلفة مثل المانيا و امريكا بخبراتهم  

أنا موافق تماما علي هذا الاقتراح ...... و مساهمة مني لحل مشاكل و ازمات العالم الغربي المستعصية ....... ساساهم في شراء تذاكر الطيران لعدد 3 من جهابذة السياسة و الاقتصاد في الحكومة الحالية

علي ان تكون التذاكر رايح بس.......

و ساتكفل كاملا بثمن القلل القناوي ... التي سيتم دشها في المطار

[Taher Deyaa]

و ساتكفل كاملا بثمن القلل القناوي ... التي سيتم دشها في المطار

معاك تمن 50 - 60 مليون قله يا ابو حلاوه !!

:wink: :wink: :wink: :cool: :wink: :wink:

[ابو حلاوه]

يا عزيزي طاهر صدقني لو فتحت باب التبرع للشعب المصري لشراء قلل قناوي للقيام بهذا الهدف النبيل....... الشعب المصري كله هيساهم .....

[ragab2]

لا

أوافق على خروج جهابذة اقتصاد مصر واستنزاف مصر منهم

بعد أن حلوا لنا المعضلة الاقتصادية والحمد لله واختفى الفقراء والمتسولين من أنحاء المعمورة

[ashraf1000]

رد د.عاطف عبيد رئيس الوزراء أمام مجلس الشعب أمس وفوراً علي 5 استجوابات قدمها نواب من المعارضة والمستقلين حول القضايا الاقتصادية.. أكد د.عبيد أن اقتصادنا آمن وقوي بشهادة المؤسسات الدولية.

هو بس لو عاطف بيه يقول لنا مىن المؤسسات الاقتصادية علشان نصرف منهم شهادة و لا اتنين نرفع بيهم نسبة الفقر فى الدول الغلبانة اللى فيها معدلات اعلى زى امريكا و لا المانيا و اهو كله لله .

[ابو حلاوه]

و الله يا دكتور رجب الجهابذة بتوعنا كمان بيحبونا علشان كده مش هيسيبونا ابدا

... و تفتكر يا دكتور رجب ان بيان حكومة رائع من بتوع الدكتور عاطف

( طويل العمر ...يطول عمره ... و يزهزه عصره ...و ينصره علي من يعاديه.. هاي هي) ... كان هيعدي كده سكيتي في اي دولة اوروبية

ده كانت الجماهير قامت و قلعت اللي ... قصدي قطفت الورود اللي في الجنينة و حدفته بيها ....

و الله يا دكتور رجب .... انا من انصار ان الجهابذة بتوعنا يوروا العالم انجازاتهم .... و املي انهم لو اتوزعوا علي اليابان و امريكا و اوروبا في كام سنة بس مصر هتدي للدول دي معونات ......و هنبيعهم اللي وراهم و اللي قدامهم ....

[ashraf1000]

قال الاخ رجب: 

وبعد اذن الأستاذ أشرف 

ننقل الموضوع الجميل ده الى صفحة الاقتصاد 

حتى يناقشه جهابذة الاقتصاد فى المنتدى 

علما بأنه يتبع الصفحة الفكاهية أو صفحة ابتسم لأن هذه التصريحات تعتبر نكتة

طبعا طبعا مافيش مانع

[Cleo]

يا جماعة أنا سوف أنظر لهذه التصريحات نظرة تآمرية.... :cool:

ظاهر الرسالة بيقول "يا حبايبى انتوا بتشتكوا ليه؟؟؟؟ معقول م شمبسوطين؟؟؟ طب بصوا كده ... ده حتى _($($(&$@($(&@(&@#$%%^&^ :xmas: :inlove:

أما باطن الرسالة فيحمل معنى آخر : "باقوللوكوا إيه هو ده اللى موجود و اللى مش عاجبه يروح يدور على اللى يعحبه فى حتة تانية... :twisted: :mad: )

[الطفشان]

عزيزتي كليو

الموضوع ممكن نبص له نظرة (او نظرات) تانية:

مثلا:

الكذب بقى زي ما الواحد بيتكلم او يتنفس كدة. موضوع لا ارادي طبيعي

او مثلا:

اضربوا دماغكوا في الحيط

او مثلا:

انتوا اللي عمي و هبل! الشمس بتطلع كل يوم من الغرب! العيب فيكوا انتوا!

[تصحيح]

فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْماً فَاسِقِينَ (54)

سورة الزخرف

[dimage]

ياخوانا انتو بتهاجموا الرجل لية

الراجل قال ان نسبة الفقر في مصر 3%

ودة مش نخع ، دة انتوا بس اللي مش عارفين تعريف الفقر

اهو انا طلعت موسوعة الفقير امامي علي الكي بورد ، وفي صحفة 6781، سطر 59 ، كتب الفقير للة الحسن بن المسكين :

تعريف الفقير

الفقير هو من لا مأوي لة ، ينام في الهواء الطلق ( وفي عصرنا تحت الكباري ) وفي الحدائق وفي محطات الحمير ( حاليا محطات القطار )

عند الغذاء تجدة في مقالب القمامة يتهاوش مع زملائة الفقراء علي قطعة عجين اسود ومنيل ( وفي عصرنا خبز طباقي ) ، واثناء العشاء علي باب الحسين قاعد يدعي ان ربنا يوسع شوية ال 3% دي ، ولذلك يدعو من كل قلبة ان يزيل كبير الوزراء حتي يأتي بكبير اخر ، يساوي في الظلم ( والمساواة في الظلم عدل )

واثناء مشية في الشوارع والحارات ، تجد العامة يغضون البصر اتقاء الاطلاع علي عوراتة

تجدة سعيد في حياتة ، لا ينعي هم غد او بعد غد ( هو فية اسود من كدة )

(( انتهي ))

شفتوا بقي ان انتوا ظالمين الراجل

مش هي برضة 3 %

[disappointed]

طبعا اقتصادنا قوى

بطّلوا بقى شكوى وتبرّم

اقتصادنا قوى جدا لدرجة أنه اذا كانت الجزائر بلد المليون شهيد , فان مصر قد أصبحت بلد التسعة ملايين عانس

:wink: :wink: :wink:

:roll: :roll: :roll:

:idea: :idea: :idea:

وخلص الكلام (مع الاعتذار للعزيز شريف عبد الوهّاب)

:( :oops:

[عادل أبوزيد]

مطلوب رفع طلب للسيد وزير الصحة بغرض استحداث مشروع قومى على نمط المشروع القومى للتطعيم ضد شلل الأطفال يهدف هذا المشروع القومى لإنشاء مصحات نفسية على مستوى الوطن كله لعلاج الشعب من الهلاوس السياسية و الإقتصادية و الإجتماعية السائدة و التى تدعى بوجود ازمة بطالة ووجود كساد اقتصادى و كذا - استغفر الله العظيم - ان فيه مشاكل فى المواصلات و التعليم و البنوك و استغفر الله العظيم هناك هلاوس ايضا ان اننا لا نعيش فى ازهى عصور الديموقراطية و ان الفساد موجود بشدة لدرجة ان - انهم يدعون - هناك نوابا يقترضون و يتعثرون و هناك من يهرب باموال البنوك

وجود هذه الهلاوس و انتشارها شىء خطير يؤدى الى مشاعر كثيرة بالإحباط و الظلم

رغم ان بيانات الحكومة و بيانات الوزراء و المنظمات الدولية تؤكد عكس هذه الهلاوس

رجاء من وزير الصحة ان يعتبر موضوع المصحات النفسية للعلاج من هذه الهلاوس عملا وطنيا من الدرجة الأولى

[ragab2]

فعلا

اقتصادنا قوى بدليل اقراض وتهريب عشرات المليارات

وصرف المرتبات للكبار بعشرات الألوف والدولة تتفرج

وبدليل ان السما دخنت من كثرة محروقاتنا واشعال مواقدنا 24 ساعة وامتلاء وتخمة بطوننا