ظهر الحق: الحمد لله اقتصادنا قوى

[ابو حلاوه]

الف حمد الله علي السلامة .... و انا سعيد بقراءة مداخلاتك مرة اخري يا داروين

[تصحيح]

حمد لله علي سلامتكم و عود حميد باذن الله

كما توقعت لم تستطع الاحجام أو البعد

ألف سلامة للاستاذ الكبير دارون 

استاذ / دارون : 

أنا متأكد كلها كام يوم و غصب عنك من حبك لمصر حترجع ناني 

البلد بلدنا 

و الوجع وجعنا 

رضينا و لا مرضيناش ..الوجع جوه القلب بينقح و يقول غصب .. عني قريب و لا بعيد .. بحبك يا مصر 

و مش معقول نربي العيال و نؤدبهم و نعلمهم و نكبرهم و بعدين لما يكبرو يعيشوا عيشة العبيد .. حرام .. حرام 

استاذنا دارون 

تعلم أكثر مني أن الحرية تؤخذ و لا توهب 

تعلم و تؤمن أكثر مني أن خالق العيال سبحانه هو وحده راعيهم 

و علينا الا ننسي حديث أشرف الخلق صلي الله عليه و سلم 

( أوصيكم بأهل مصر خيرا ففيها خير أجناد الأرض ) 

و لنحسب أننا جنود من أجل الخير لاهل مصر 

و سلام للحبيب دارون و الاخوة الكرام 

..

http://www.egyptiantalks.org/phpBB2Plus/vi...p?p=42559#42559

ربنا يسامحكم 

على العموم أنا مش عارف الأخوه اللي بيقترحوا تصدير المسئولين دول جرى لعقلهم أيه ... يعني نصدرهم علشان غيرنا يستفيد منهم ولا أيه .. لأ طبعا ... 

وبما أن الحاله عندنا بقت تمام بشهادة الحاج عاطف ...يبقى مالهمش لازمه عندنا أحنا كمان .... 

يبقى الحل الوحيد نعدمهم رميا بالـ .... ونرتاح ونريحهم . 

أيه رأيكم في الحل ده ...

فيه حل تاني

حديقة ( *** ) الجيزة كما تعلمون بعد ما قام الجماعة اياهم باصلاحها ..اصبحت أعظم حديقة ( *** ) في العالم .. و عندهم مش عارف كام مليون دولار فائض في الميزانية و عملوا اعلانات بجميع الصحف العالمية عاوزين مخلوقات نادرة ..

أيه رأيكم في الحل ده ...

[ابو حلاوه]

و الله يا اخ تصحيح ..... طب -- ربنا يديلهم الصحة و طول العمر--- لكل اجل كتاب... هنعمل ايه بعد كدة........... ما رايك في التحنيط؟؟

[تصحيح]

في كتاب الموتي بتاع خشب-حتب .. نص يقول لا يجوز تحنيط المخلوقات النادرة مرتين

[DARWEEN]

في كتاب الموتي بتاع خشب-حتب .. نص يقول لا يجوز تحنيط المخلوقات النادرة مرتين

في كتاب الموتى بتاع خشب-حتب أيضا ... لايجوز تحنيط الموتى بعد تعفنهم

[Khiber]

و الله يا اخ تصحيح ..... طب -- ربنا يديلهم الصحة و طول العمر--- لكل اجل كتاب... هنعمل ايه بعد كدة........... ما رايك في التحنيط؟؟

  --------------------------------------------------------------------------------

تصحيح

في كتاب الموتي بتاع خشب-حتب .. نص يقول لا يجوز تحنيط المخلوقات النادرة مرتين

--------------------------------------------------------------------------------

DARWEEN

 

Quote: 

في كتاب الموتي بتاع خشب-حتب .. نص يقول لا يجوز تحنيط المخلوقات النادرة مرتين 

في كتاب الموتى بتاع خشب-حتب أيضا ... لايجوز تحنيط الموتى بعد تعفنهم

ها ها ها جميل أوى الدويتو والقفشات دى

:D :D :D :D :cry: :cry: :cry: :D :lol: :lol: :lol: :lol:

[ashraf1000]

على فكرة بمناسبة ان كل حاجة عندنا كويسة و فل الفل انا لقيت اللنك ده و هو عبارة عنمقارنة للدخل ما بين اى مكانين فى العالم طبقا لمستوىالمعيشة

ارجو لو حد يعمل مقارنة بين مصر و اى مكان تانى ويقول لى اذا كان الكلام ده مظبوط و بصراحة انا مش عارف هماعملوه على اى اساس و لو كانصحيح دى تبقى خيبة كبيره اوى

هذا هواللنك

http://www.homefair.com/homefair/servlet/A...=199&internal=T

[الطفشان]

عجيبة فعلا

بس مش بيقولوا هو دولار لدولار و الا دولار لجنيه و الا ايه بالضبط

[ابو حلاوه]

ملاحظات علي بيان الحكومة

سياسة البحث عن الشماعات

د. ابراهيم العيسوي

الاهالي 22-1-03

http://www.alahali.com/22-1-2003/araa.html

[ابو حلاوه]

احد الزملاء كتب عن احمد فؤاد نجم

افتكرت علي طول قصيدته بيان هام .......... و ما فيش احسن من المكان ده لها

بيان هام

هنا شقلبان

محطه إذاعه حلاوه زمان

من القاهرة

ومن كردفان

وسائر بلاد العرب

واليابان

ومن فنزويلا

وايضا ايران

ومن أي دار

او بلد مستباحه

بفعل السياحه

مع الامريكان

هنا شقلبان

محطه اذاعه حلاوه زمان

نقدم اليكم بكل اللغات

مراسح وسيما وجميع الفنون

صحافه ومنابر

وتليفويونات

وخطبا ف جوامع

وجبنه وزيتون

ونفزح ونركب جميع الموجات

ونبحث ونفهم

فى كل الشئون

واديما نلعلع فى كل الحالات

ولا حد سامع

ولا يحزنون

وتمسع ما تسمع

دا ما يهمناش

لان احنا اصلا

بناكل بلاش

فخليك فى نفسك

وما نخليناش

نسلط عليك القلم

واللسان

هنا شقلبان

محطه اذاعه حلاوه زمان

يسر الاذاعه

وما يسركوش

بهذي المناسبه

وما بندعيكوش

نقدم اليكم

ولا تقرفوش

شحاته المعسل

بدون الرتوش

شبندر سماسره بلاد العمار

معمر جراسن للعب القمار

وخارب مزارع

وتاجر خضار

وعقبال املتك

امير الجيوش

ما تقدرش تنكر

تقول ما اعرفوش

ما تقدرش ايضا

تقول ما اسمعوش

شحاته المعسل

حبيب القلوب

يزيل البقع

والهموم والكرب

يا نفس

يا فين

يبلغ حبوب

ويفضل يهلفط

ولا تفهموش

وتفهم ما تفهم

دا ما يهمناش

لان انت فاهم

وعامل طناش

ح تنكر وتحلف

ح اقول لك بلاش

ح تتعب دماغنا

وتتعب كمان

هنا شقلبان

محطه اذاعه حلاوه زمان

لان المخبى ظهر واستبان

وكل المسائل

بدت للعيان

وطلعت حكاوي

ونزلت كمان

عن التهريبيه

وعن كيت وكان

وعن محسوبيه

وعن العبان

ظهر فى المدينه

كانه الطوفان

وغرق مراكب

وسوح غيطان

وبعض المراكب

ح تغرق كمان

وازمه مساكن

وازمه امان

وعالم بياكل

فى عالم جعان

وريحه مؤامره

فى جو المكان

مخطط خيانه

مع الامريكان

لدبح العشيره

وحرق الجيران

وفيه ناس بترغي

ولازم بيان

كما ابلغونا

جميع الودان

لهذا وذاكا ... وتكلم كمان

نقدم اليكم

عروسه وحصان

شحاته المعسل

وهذا البيان

هنا شقلبان

محطه اذاعه حلاوه زمان

بسم الله

سلام عليكم

وسلمون وموز

واما المسائل

فهنجف ولوز

فيا اخوتى

ويا اخوات

اليكم بيانى

كما هو ات

جميع المسائل

تمام التمام

وكل الكلام دا

مجرد كلام

فصيرا جميلا

ولا تقلقوش

وشغل الضغاين

انا ما اقبلوش

ما فيش أي حاجه

على الطلاق والعتاق بالتلاته

ما فيه أي حاجه

وقدر كمان ان فيه أي حاجه

ما فيش أي حاجه

ما لوش أي لازمه الكلام

واللجاجه

وعيب ان عيل يسوق السماجه

ويعمل ديباجه

انا بطبعي ضد السماسره الكبار

بحكم المنافسه

وحكم الجوار

لكن مش ف طبيعي

انىاعمل فضيحه

لو احد زميلي

هبش كام صفيحه

ما كل الزمايل

بتهبش صفايح

وكل اللي جاي

مش زي اللي رايح

فيا ايها الشعب

صهين تفعلص

مساء التنفس

مساء الرويح

اخويا الامير بزرميط الايرانى

بعت لي السنه دي

عزمنى ودعانى

انا قبلت طبعا

ورحنا العزومه

وكانت وليمه

ما تحصلش تانى

دا ايه المحمر

وايه المكمر

وايه المشمر

وايه الصوانى

انا دماغى تعبت

ولفت صراحه

من الفخفخه

واهنا الاصفهانى

هناك يعنى مثلا

اذا شربت طافيه

تمز بكوارع

وبسطرمه ضانى

ما شفتش هناك

ناس بتحقد عليهم

ولا ناس بتشتم

فلان الفلانى

لانه اشتري عزبيتن

من شطارته

وحكمه ادارته

وطلع مبانى

وبعد الواليمه استلمنا الهدايا

مفضض

ومدهب

وقز وقيشانى

وطبعا اخويا الامير

قال لى حاجه

ح اقوالها لكو طبعا

اذا الوقت ناسب

ح تطلع لى عيل

بدون أي حاجه

ويعمل لى فلحس

ويقعد يحاسب

دا حقد اشتراكى انا ما اقبلوش

ولو هو ابنى انا ما اعتقوش

كلام عن سماسره

كلام عن دعاره

حاجات مش صحيحه

جمل مستعاره

وعايزين يخلوا البلد

اردغانه

وعايزين اسيب البلد

من زمان

وانا مش ح اسلم

واسيب الامان

ولابالبوليس والنيابه كمان

فيا ايها الشعب

كمل جميلك

وصبرا

واذلم حتيجى المصاري

وتاكل وتشرب

تبع ما ياتيك

وتغرق فى بحر العبيد والجواري

وترسم حياتك

حسب ما يرائيتك

وتملا الحواري

فساقى وقصاري

تسبح بحمدك

وتشكر جميلك

وفضل الزباله

وطفح المجاريه

ختاما سلاما

واخر كلاما

ضرورا

يسود الهدوء والوئاما

فماذا والا

ح طربقها واللا

اهرب فلوسي

واسافر قواما

سلام عليكم

وسلمون وموز

بصفتى رئيسا

وابا

وجوز

[lidooooo]

:)

[lidooooo]

الكاريكاتير دة رسمته للجورنان من حوالي اسبوع كدة :)

ورفضوا ينزلوووووه :) :) :D

[Faro]

كاريكاتير معبر .... لكن الحمار أذكى من الأصل

[أذكى إخواتي]

الكاريكاتير دة رسمته للجورنان من حوالي اسبوع كدة :D 

ورفضوا ينزلوووووه  :D  :D  :lol:

جميل جدا الكاريكاتير ده و معبر قوي

كنت عاوز الفت نظركم لموضوع "الإصرار على الباشا الكبير" ,في رأيي ان اتجاهه في الكلام كان واقعي أكتر و انكم كنت بتتكلموا فيه بجرأه أكتر يعني مثلا لو إستشهدت بأستاذ دارون

لأ لأ ياهشام باشا ...

مالكش حق ياراجل ... هو الراجل ذنبه أيه

بذمتك أنت سمعت وزير مره بيقول بناءا على توجيهات رئيس الوزراء ؟؟

طيب أتحداك تجيب لي تصريح واحد بالشكل ده ....

ياريس مهنة رئيس الوزراء في مصر وحتى الوزراء مهنه فانتازيا ... صوره يعني .... وسي السيد قالها لك ..(زكي قدره)

رئيس الوزراء ممكن تقول عليه كبير السكرتاريا ... حاجه زي كده

لكن المشكله في الباشا الكبير قوي جدا خالص ... والباشوات الكبار الخلفاء والجماعه برضه بتصدر توجيهات .

يعني الراجل غلبااااااااااااااااان ومالوش دعوه بحاجه

وعلى فكره أي واحد مكانه حيكون كده برضه لأن نظام الحكم في مصر نظام حكم فردي ... وأهم طوروه وبقى حكم عائلي ... أبسط ياعم

[mouaten]

سان فرانسيسكو (رويترز)- اوصت شركة ويلشاير الاستشارية الامريكية في دراسة بان يستبعد صندوق كالبرز الاستثماري الذي يبلغ رأسماله 133 مليار دولار دولا منها مصر وروسيا من قائمة الدول المرشحة للاستثمار فيها ويضيف دولا اخرى منها الاردن والمغرب لهذه القائمة.

واتبع صندوق كالبرز العام الماضي معايير جديدة صارمة تتضمن الاخذ في الاعتبار مستوى الحريات المدنية وحرية الصحافة والمخاطر السياسية في اي دولة بعد ان رأي اعضاء مجلس الادارة ان الاستثمار في دول اكثر استقرارا تتمتع بممارسات ليبرالية يضمن عائدا افضل على المدى الطويل.

الوصله :

http://arabic.cnn.com/2003/business/2/11/O...reut/index.html