كيف ترى مباراة الأهلي القادمة مع الإتحاد الليبي

[Ahmad Farahat]

يخوض الأهلي المصري ونادي القرن في إفريقيا مباراة صعبة يوم الأحد القادم في تمام الساعة التاسعة والنصف في طريقه للحفاظ على لقبه الغالي في إفريقيا للمرة الثالثة على التوالي والسادسة في تاريخه ربما ليحسم مبكرا لقب نادي القرن الحادي والعشرين قبل أن تمر أولى سنواته العشر.......

والأهلي يعاني كما نعلم من الإرهاق بفضل قرارات اتحاد الكرة الغبية وتواصل المواسم وابتزاز المدرب المصري حسن شحاته فلاعبوه يتنقلون بين البطولات بلا رحمة غير إن إصرار اللاعبين يحول دون الهزيمة في مختلف البطولات

يتوقع الجميع أن يبدأ الساحر البرتغالي مانويل جوزيه بعصام الحضري في حراسة المرمى وثلاثي الدفاع شادي والنحاس وأحمد السيد

والزئبقي بركات في الجانب الأيمن والغزال جيلبرتو في الجانب الأيسر

والمتألقان حسام عاشور والتونسي أنيس بوجلبان في قلب الوسط

كما سيلعب موسيقار الكرة المصرية محمد أبي تريكة في مركز لاعب الوسط المهاجم

والمهاجمان الخطيران فيلافيو وعماد متعب في الهجوم

يضمن جوزيه بتلك التشكيلة الذهبية أن يلعب مهاجما منذ البداية مع التحفظ الدفاعي بحيث لا يسمح للفريق الليبي فرصة إحرز أي هدف

كما سيعتمد على أوراق بديلة جاهزة في أي وقت على دكة البدلاء

إنني أترك الفرصة للأهلاوية والزملكاوية أيضا فرصة توقع النتيجة

وإليكم الميكرفون

أحمد فرحات

[miramar]

بص يا عم احمد انا عايزة ابقى متفائلة زيك و اقول الاهلي هيكسب باذن الله و هو ان شاء الله هيكسب بس انا خايفة

الاهلي الايام دي مش في احسن حالاته اللعيبة بيغلطوا كتير ومرتبكين و مفيش ثقة

يا رب انصر الاهلاوية ياااااااااااااااارب

يارب خد بيد ابو تريكة ويسره الطريق للمرمى وارزقه بخمس ست اجوان

يارب ما تحول عماد متعب ولا تتوهه ولا تخوله و تتعب الي يقف في طريقه

يا رب تثبت عصام الحضري وتقوي نظره وبصيرته ولا توجعلوش ايد ولا رجل

يارب يخسروا بتوع الاتحاد خمسة صفر

يارب تعقل شادي ولا تروشه واحمينا من عواصف حسن مصطفى ودوشته

اللهم آمين يا رب العالمين

ان شاء الله النهاردة تكون ليلة القدر وربنا يستجيب لدعايا

مرمر

تم تعديل 4 أكتوبر 2007 بواسطة miramar

[النسر المصري]

آآآآآآميييييييييين :sad:

[MZohairy]

لو ليبيا غلبتنا يبقى مفروض نبطل كوره تماما

[justtrying]

اعتقد أن الاتحاد فرقة ضعيفة ... معتقدشي ان الماتش هيبءه حلو

تم تعديل 4 أكتوبر 2007 بواسطة justtrying

[Ahmad Farahat]

اعتقد أن الاتحاد فرقة ضعيفة ... معتقدشي ان الماتش هيبءه حلو

طيب لما هيه ضعيفة

صوت ليه على فوز الاتحاد

[justtrying]

اعتقد أن الاتحاد فرقة ضعيفة ... معتقدشي ان الماتش هيبءه حلو

طيب لما هيه ضعيفة

صوت ليه على فوز الاتحاد

بصراحة لو لعبوا بطريقة فعلا متوازنة في الهجوم والدفاع زي ماتش اسيك اعتقد أنهم هيكسبو الاسيك لعب بطريقة تكتيكية عاليه جدا بس الاهلي لعب الحظ معاه كالعادة .. لكن بنسبة 70% الفوز للاهلي

تم تعديل 4 أكتوبر 2007 بواسطة justtrying

[رمضان]

اعتقد اننا سنرى مباراة جيدة وخصوصا ان الاتحاد الليبي ليس عنده ما يخسره وعلى رأي المثل ( هيسخطوك يا قرد ) يعني مش فارقة معاهم

فيه نقطة اخرى ، يجب ان يحذر الاهلي هذه الفرق فهي اول مرة تصل الى هذه المرحلة في التصفيات ولن تترك هذه الفرصة بسهولة

ربنا يستر على الاهلي انا قلقان والله وخصوصا ان عيون الحساد مفتحة على الاهلي اليومين دول على الاخر

[محمد عبدالعزيز]

أخشى ما أخشاه التعادل الإيجابى, والذى سيكون فى صالح الاتحاد الليبى لأن نتيجة المباراة السابقة هى التعادل السلبى.

عموماً أتمنى الفوز للأهلى.

[Ahmad Farahat]

بص يا عم احمد انا عايزة ابقى متفائلة زيك و اقول الاهلي هيكسب باذن الله و هو ان شاء الله هيكسب بس انا خايفة

الاهلي الايام دي مش في احسن حالاته اللعيبة بيغلطوا كتير ومرتبكين و مفيش ثقة

يا رب انصر الاهلاوية ياااااااااااااااارب

يارب خد بيد ابو تريكة ويسره الطريق للمرمى وارزقه بخمس ست اجوان

يارب ما تحول عماد متعب ولا تتوهه ولا تخوله و تتعب الي يقف في طريقه

يا رب تثبت عصام الحضري وتقوي نظره وبصيرته ولا توجعلوش ايد ولا رجل

يارب يخسروا بتوع الاتحاد خمسة صفر

يارب تعقل شادي ولا تروشه واحمينا من عواصف حسن مصطفى ودوشته

اللهم آمين يا رب العالمين

ان شاء الله النهاردة تكون ليلة القدر وربنا يستجيب لدعايا

مرمر

آآآآآآميييييييييين :sad:

حلوة النزعة الإيمانية دي

ياريت كام دعوة كده على لعيبة ليبيا من نوعية

اللهم ما زلزل الأرض من تحت أقدامهم

اللهم ما انزع الصواب من تسديداتهم

ونحي أهدافهم بعيدا عن القائمين والعارضة

يعني حاجة زي كده

[Ahmad Farahat]

لو ليبيا غلبتنا يبقى مفروض نبطل كوره تماما

ليه يا عمنا

الكورة فوز وخسارة

اعتقد أن الاتحاد فرقة ضعيفة ... معتقدشي ان الماتش هيبءه حلو

طيب لما هيه ضعيفة

صوت ليه على فوز الاتحاد

بصراحة لو لعبوا بطريقة فعلا متوازنة في الهجوم والدفاع زي ماتش اسيك اعتقد أنهم هيكسبو الاسيك لعب بطريقة تكتيكية عاليه جدا بس الاهلي لعب الحظ معاه كالعادة .. لكن بنسبة 70% الفوز للاهلي

طيب لما النسبة للأهلي 70% حضرتك ليه صوتت ليه للإتحاد

ولا هيا رغبة شخصية عندك

مش عيب يا فنان

[Ahmad Farahat]

اعتقد اننا سنرى مباراة جيدة وخصوصا ان الاتحاد الليبي ليس عنده ما يخسره وعلى رأي المثل ( هيسخطوك يا قرد ) يعني مش فارقة معاهم

فيه نقطة اخرى ، يجب ان يحذر الاهلي هذه الفرق فهي اول مرة تصل الى هذه المرحلة في التصفيات ولن تترك هذه الفرصة بسهولة

ربنا يستر على الاهلي انا قلقان والله وخصوصا ان عيون الحساد مفتحة على الاهلي اليومين دول على الاخر

عندك حق والله يا أستاذ رمضان

بس لعيبة الأهلي فيهم ميزة خطيرة

بيوظفوا مجهودهم صح علشان يطلع في المناسبات دي

أنا بصراحة مش قلقان على الجيل ده أبدا

أولا لأنه جيل كفى ووفى

ثانيا لأنهم عيال رجالة ومحترمين وأغلبهم متدين وحساسين جدا وبيحسوا بجمهورهم قوي وعايز أقول إن ده أول جيل كورة في مصر يحس بجمهور ناديه أكتر من جمهوره ما بيحس بيه وده رأيي الشخصي

[Ahmad Farahat]

أخشى ما أخشاه التعادل الإيجابى, والذى سيكون فى صالح الاتحاد الليبى لأن نتيجة المباراة السابقة هى التعادل السلبى.

عموماً أتمنى الفوز للأهلى.

ربك يسترها يا أستاذ محمد

وعلى كل حال أنا اللي يهمني إننا نلعب

أما أي حاجة تانية فدي بإيد ربنا

وزي ما قلت للأستاذ رمضان ده أحسن جيل بيتعامل في المواقف الصعبة

وأزيد عليه

وأكثرهم إحترافية

[kokomen]

مساء الخير : أحمد باشا فرحات ..... أرسين سابقا

كل سنة وأنت طيب ... ورمضان كريم

بصراحة أنا مكنتش ناوي أعلق ... لحسن تقولوا زملكاوي متعصب ... زي أي حاجة تكتب عنها الصحافة الحرة .. يقولك صحافة

صفراء وخونة والكلام الكبير اللى أنت عارفه wst:: ... ما علينا ...؟؟؟؟ أعلق وأمري لله .......؟؟؟؟؟

أنا أول ما قرأت الموضوع قلت موضوع ممتاز ... والغرض منه مجاملة الأهلاوية ورفع الروح المعنوية لفريق القرن

لكن فوجئت كأنني في صلاة التراويح ... الأدعية أشتغلت ... وكأننا ندعوا على عدو مرتقب ومعركة حربية .. وناس تقول ..آمين

وبعدين تعليقك الجميل .. على الدعاء أن جماهير الإتحاد الليبي تدعوا على الأهلي بالزلزلة ... أيه يا جماعة الخير أحنا داخلين مباراة

وليست حرب ولا داعي للشحن الزائد ... نتمنى أن تكون مباراة جميلة يمتعنا فيها الأهلى بالكرة الجميلة والفن والهندسة .. واخد بالك mfb:

تهنئتي مقدما لجماهير الأهلى وكل المصريين بالفوز ... ولا نستهين بالفريق الليبي لانه لا يملك شيئا سوى اللعب بجدية ليجاري الأهلى بطل القرن

أخوكم زملكاوي مخلص محب للأهلي وجماهيره

:lol: :lol:

[Ahmad Farahat]

يا كوكومن يا حبيبي يا أبو قلب دهب

أنا باهزر مش أكتر

وواضح إن الموضوع هنا هزار

أنا لقيت الحاجة مرمر بتدعي

قلت نكمل الناحية التانية من الدعاء

بس ألف شكر يا جميل على الروح الطيبة دي

بس على الله لو حصل والإتحاد الليبي غلب متعملش توبيك هنا وتشبط فينا

إحنا لحمنا مر

منتاكلش بالساهل

وبرضه الف شكر ليك يا جميل

أحمد فرحات من غير باشا

[miramar]

أنا لقيت الحاجة مرمر بتدعي

قلت نكمل الناحية التانية من الدعاء

الحاجة مرمر مرة وحدة ربنا يكرم اصلك

يا عم كوكومن احنا في شهر مفترج و الدعاء ان شاء الله مقبول و انا ما دعيتش على حد انا دعيت لحد

ربنا يوفق الجميع

الحاجة مرمر

[Ahmad Farahat]

أنا لقيت الحاجة مرمر بتدعي

قلت نكمل الناحية التانية من الدعاء

الحاجة مرمر مرة وحدة ربنا يكرم اصلك

يا عم كوكومن احنا في شهر مفترج و الدعاء ان شاء الله مقبول و انا ما دعيتش على حد انا دعيت لحد

ربنا يوفق الجميع

الحاجة مرمر

مالك يا حاجة

إوعي تكوني مضايقة من الكلام

أنا الي دعيت على الإتحاد وإنتي دعيتي للأهلي

عموما أنا باهزر مش أكتر

مالكم يا شباب

يلا نرجع نتكلم عن الماتش

[kokomen]

الأخت العزيزة : مرمر

متزعليش من التعليقات الجميلة من ... أحمد فرحات .. وأنا علقت على الدعاء من باب الهزار والضحك

يا ستي أدعي على كيفك ولا يهمك ... ومتخافيش الأهلي حيكسب إن شاء الله 1 \ صفر بالعافية :lol:

المهم الأهلي يكسب وجماهير الزمالك أم قلوب بيضاء ستشجع الأهلي حبيب الملايين .. شوفتي قلوبنا بيضاء أزاي

[seeem]

الفوز والفرحة للأهلى والعيدية لكل المصريين

كل سنة وانتم طيبين

[Ahmad Farahat]

الفوز والفرحة للأهلى والعيدية لكل المصريين

كل سنة وانتم طيبين

يارب يسمع منك يا ريس

نورتنا في باب الرياضة