قرعة الهجرة إلى أمريكا

[اسكندرية تانى]

حبيت اقول لك لو بديت تكسب زباين لاتنساني من الكوميشن( 20% يالله يا عم عمرو ماحد حوش)

ابتدينا بقى شغل النفسنة بتاع موبينيل اهو :blush2:

يا عم سيبنا نسترزق :roseop:

يالا يا شباب كله يقدم و بالتوفيق ان شاء اللة و لا تنسونا من صالح دعائكم

[كانو]

طيب انا جبت لكم الشروط المطلوبة لطلب التأشيرة منقولة حرفياً من الورق الذي استلمته من القنصلية ( وأكثر من كده أيه)::

1- مقاس الصورة 2×2 أنش=5×5سم,

2- الخلفية بيضاء.

3-لم يمض على الصورة أكثر من ستةاشهر.

4- الوجه بالكامل مواجه للكاميرا.

5- الراس ظاهر بالكامل, من قمة الشعر إلى اسفل الذقن, ومن طرفي الشعر يميناً ويساراً ويفضل ظهور الأذنين.

6- الصورة بدون إطار.

يا عم اسكندرية ادينا بنساهم معكم حتى نحلل القرشينات,,( مازال مصر على الكومشن)

وياربي اشوفكم كلكم في مطار كيندي وانتو تايهين وسط الزحمة مع اني رايح ميتشغان

بالتوفيق للجميع

[الحازم حسن]

و لا يبقى الا ان يوفقنا اللة جميعا و لا تنسونا من 50 دولار اللى كنتم حتدفعوها لتعبئة طلب الهجرة فى احد المكاتب

ميرسي كتير على المعلومات القيمة لكن بالنسبة للفلوس يفتح الله

انا دمنهوري يا عم يعني احاسبك وآخد اللي في جيبك واتكل على الله

[The Cavalier]

جزاكم الله خيراً

[مهاجرة]

الاخ كانو

انا سجلت بالموقع اللي انت كتبته لكن متى تظهر النتائج ؟ بعد انتهاء التسجل ؟ والا بعد سنة؟

[ahmed fawzy]

الأخ أحمد فوزي

افضل ولاية هي الولاية التي لك فيها اقرباء ومعارف وأصدقاء , بحيث تبدأ مرحلة جديدة من حياتك

العرب عموماً متواجدون في ميتشغان, اوهايو, لوس انجلوس, وغيرها

الشهادات العلمية (هندسة, طب,,,,) تحتاج إلى معادلة من السلطات المحلية, وعليك ان تجتاز اختبارات كي تعطى ترخيص مزاولة الهندسة في امريكا

( لاتنسى أنه عليك أن تكون مهاجر نظامي وليس على فيزا سياحة أو زيارة)

سلام مربع للزميل

-----------------------------------------------------------------------------------------------------------------

يا استاذي والله انا مش عارف اشكرك ازاي اول مرة الاقي رد مشجع وواضح كده شكراااااااااا لك

[كانو]

الاخ كانو

انا سجلت بالموقع اللي انت كتبته لكن متى تظهر النتائج ؟ بعد انتهاء التسجل ؟ والا بعد سنة؟

-----------------------------------------------------------------------------------------------------------------

عن التقديم الحالي إليك التواريخ (منقولة من موقع الخارجية الأمريكية)

تاريخ بدء التقديم على تاشيرات عام 2009 : 3/اوكتوبر/2007

تاريخ انتهاء طلبات التسجيل على تاشيرات عام 2009 : 2/ديسمبر/2007(الخامسة مساءً بتوقيت غرينيتش)

إعلان نتائج تاشيرات 2009 : بين مايو ويوليو/2008

سيتم إبلاغ الرابحين بالبريد العادي,

هذا للمرة الثانية,, هاك سنتين بين الاعلان والنتائج فتأشيرات 2009 يجري التقديم عليها في 2007, وتظهر النتائج في 2008.

الرد الحرفي على سؤالك

إعلان نتائج تاشيرات 2009 : بين مايو ويوليو/2008

[كانو]

الأخ أحمد فوزي

افضل ولاية هي الولاية التي لك فيها اقرباء ومعارف وأصدقاء , بحيث تبدأ مرحلة جديدة من حياتك

العرب عموماً متواجدون في ميتشغان, اوهايو, لوس انجلوس, وغيرها

الشهادات العلمية (هندسة, طب,,,,) تحتاج إلى معادلة من السلطات المحلية, وعليك ان تجتاز اختبارات كي تعطى ترخيص مزاولة الهندسة في امريكا

( لاتنسى أنه عليك أن تكون مهاجر نظامي وليس على فيزا سياحة أو زيارة)

سلام مربع للزميل

-----------------------------------------------------------------------------------------------------------------

يا استاذي والله انا مش عارف اشكرك ازاي اول مرة الاقي رد مشجع وواضح كده شكراااااااااا لك

الأخ أحمد فوزي

لي أقرباء كثيرون في الولايات التي ذكرتها لك واغلبهم ما شاء الله شهادات وهم خريجو أمريكا

على فكرة بعض المهندسين من معارفي لايعملون بشهاداتهم التي يحملونها لكن بخبراتهم الهندسية أو التجارية, يستثمرون أموالهم بشراء الاراضي وبناء البيوت عليهاوبيعها أو شراء المنازل القديمة وتجديدها وبيعها وهذا نشاط مربح جداً . أو حتى إدارة سوبر ماركت أو حتى مطعم فرانشايز(ملك خاص)

أمريكا بلد الفرص والاجتهاد والرزق على الله , لايهم من ابوك ومن أين أتيت المهم ما أنت وما لديك من أمكانيات

ومن النادر أن يسألك أحد من أي بلد أنت

لو لديك من يؤمن لك عملاً قبل أن تصل هناك حتى لو كاشير ( عمل مؤقت) حتى تستيقظ صباح اليوم التالي الى العمل ,,, وحبة حبة تأكل العنب ...

بالتوفيق

[Toledo]

السلام عليكم ورحمة الله وبركاته

جزاكم الله خيرا أخى كانو على هذه المعلومات

ولدى سؤال للأخوة هنا على المنتدى :

حيث أنى قرأت أنه يوجد شروط لمن يتقدمون من أجل القرعة من ناحية التعليم أو العمل وحيث انى طبيب امتياز (بمعنى أنى سأتسلم شهادة تخرجى بعد شهر مارس القادم إن شاء الله) فهل أستطيع التقدم لهذه القرعة؟

وجزاكم الله خيرا

[mohsensamak]

السلام عليكم

اتمني التوفيق للجميع

ما هي افضل ولاية من حيث اسعار المعيشة وفرص العمل ؟

هل يجب عمل معادلة عند وصولي الي امريكا لشهادتي الجامعية المصرية ؟؟؟

(جامعة عين شمس - كلية الهندسة ) بكالريوس

مع الشكر

سيدى الفاضل

موضوع الشهادة ده فيه كلام كتير و اللى ح اقول لك عليه ده حاجة انا مريت بيها بنفسى حيث انى هاجرت امريكا وعشت هناك فترة و انا مهندس برضه

بالنسبة للمهندسين أسلم حاجة انك تقدم على امتحان اسمه انجنيير ان تراننج و ده بقى بتذاكر له كام كتاب (2 او تلاتة) و معظمهم عن اللى درسناه فى الكليات فى مصر بس تذكره يعنى و المتحان تحريرى و له رسوم بسيطة و بعد ما تنجح فيه بيبقى معاك هذه الشهادة EIT وفيه اماكن كتيرة بتتطلبها للعمل

بعد كده ب 3 سنين يحق لك انك تقدم على البرفشنال انجنيير و دى اهم رخصة فى الهندسة هناك و امتحانها اصعب بكتير من الأولانى لكنه بيتيح لك فرص اكتر بكتير فى العمل و الحالتين ينطبقوا على المهاجر الشرعى حيث انك لو غير شرعى انسى انك تلاقى شغل محترم تحت اى ظروف

و لكن خلينى اقول لك انه فيه اماكن كتيرة مش بتهتم بالرخص دى فى العمل و يكفيهم انك تعادل شهادك فى اى مكتب معترف بيه ب 150 أو 200 دولار و المكتب ده بيتأكد من سلامة شهادتك و بيانات الترانس كريبت و وضع الجامعة فى مصر و بيحسب لك كمان عدد الكريديت اللى انت عملته فى مقابل النظام الأمريكى و يحسب لك كمان التقدير بتاعك بالأمريكى يعنى كام من اربعة و هذا يكفى انك تقدمه كإثبات لشهادتك و فيه اماكن كتيرة بتاخد بيه

لكن اللى عاوز اقوله كمان ان امريكا مش بلد شهادات زى ما ناس كتير متصورة

انت هناك اهم حاجة بتعرف تعمل و الا لأ و اللى كاتبه فى السي في حقيقى و الا لأ و اهم من كده ان فى اول وظيفة يكون عندك رفرنس كويس يزقك جوه المكان (واسطة يعنى) بس هنا الواسطة لو انت مش كويس يبقى مش ح يعرف يسندك

هذا و بالله التوفيق و انا جاهز للرد على اى سؤال فى حدود معرفتى

محسن

طيب حد يبلغنا تكلفة تقديم الطلب كام؟؟؟ والله انا باخاف ادفع بالفيزا يقوم يطلع نصب ولا حاجة ... طيب انت بتقول اللي بيعرف الكمبيوتر ممكن ميدفعش حاجة ياريت توضح الموضوع ده

وبصفة عامة اللي بيقدم حاليا بيدفع كام .؟؟

وشكرا جزيلا

يا أخت ألكس اخبارك ايه

يا ستى الدفع ده زى ما قال الأخوة فى حالة انك توكلى حد للمضى فى الإجراءات

بس لو انت ح تعمليها بنفسك يبقى تدفعى و عليكى خير لما يطلبوا منك الكشف الطبى رسوم للطبيب

و لما يطلبوا المستندات المترجمة للمكتب المعتمد

و بعدين لما يطلبوكى للمقلبلة بتدفعى مبلغ فى الأول غير مسطرد للسفارة فى يوم المقابلة نفسه و فى الحالة الموافقة بتكملى باقى مبلغ الفيزا اللى بتبقى منفصلة اى مش على الباسبور و بعد كده كان على ايامنا بيعطينا فرصة اربع شهور ندخل فيهم امريكا و اول مطار بتنزلى فيه بتاخدى ختم الجرين كارت على الباسبور و هير وي جو.

و بالتوفيق

محسن

ا

[mohsensamak]

بالنسبة لموضوع احسن الولايات للمعيشة

طبعا معروف انه امريكا فيها الولايات الشرقية و هى زى نيويورك و نيوجرسى و ماسيتشوستسو فلوريدا و خلافه و دى معظمها مش بطالة لفرص العمل لأن فيها بزنس كتير و مهاجرين كتير كمان

و ولايات الغرب و هى كاليفورنيا و اوريجن و واشنطن سياتل ودول كمان فيهم فرص عمنل محترمة و كاليفورنيا ( و هى ولايتى بالمناسبة) غالية جدا و مستواها المعيشى راق الى حد ما مشكلتها انها واسعة قوى (نفس مساحة مصر) و ده مخللى ان رغم انها فيها أكبر عدد مسلمين فى أمريكا (مليون مسلم و تأتى بعدها نيويورك 850 الف) لكنهم مش باينين غير فى كاونتى اسمها اورانج و عليه فغير الغلاء انت بتحس انك وحيد و مشكلة تانية كمان ان بها زلازل محترمة و بعيدة 6 ساعات عن الساحل الشرقى يعنى بتضيف لرحلتك من مصر 6 ساعات على الأقلو تلت ساعات فرق توقيت

فيه بقى ولايات تانية فى النص زى ميتشجان و أوهايو و تكساس و إلينوى (شيكاجو) و دول فيهم تجمعات عرب كتير و مسلمين كذلك و فرص العمل فيهم معقولة و كذلك اسعار الحياة فيهم معقولة جدا بالنسبة لكاليفورنيا

و الى لقاء أخر ان شاء الله

محسن

[كانو]

تشكرات افندم.. محسن باشا

ياريت لو عندك معلومات تفصيلية عن اورانج كاونتي لو ممكن ...عشان قريبي يعمل هنك طبيب استشاري وبراتب ... (ولا بلاش)

من جد هي من أحسن الأماكن في امريكا كلها ,, و الرواتب فيها هي الأعلى

سؤال على جنب؟؟مين الي صحى الموضوع من النوم؟؟؟؟؟

[mohsensamak]

تشكرات افندم.. محسن باشا

ياريت لو عندك معلومات تفصيلية عن اورانج كاونتي لو ممكن ...عشان قريبي يعمل هنك طبيب استشاري وبراتب ... (ولا بلاش)

من جد هي من أحسن الأماكن في امريكا كلها ,, و الرواتب فيها هي الأعلى

سؤال على جنب؟؟مين الي صحى الموضوع من النوم؟؟؟؟؟

مش عارف يا أ خى مين هه

انا يا افندم كنت عايش فى لوس انجيليس ولكن حبيت قوى جو اورانج كونتى لكثرة المسلمين و مظاهر الإسلام فيها و كان بينها و بينها حوالى 80 ميل بالعربية لكن بالباس ،،، كانوا 80 برضه :wub:

لكنى كنت اسبوعيا لازم اروح اعمل الشوبنج حيث اللحمة الحلال و البضاعة المصرى و العربى عموما مع ان كان فيه محلات عربى جنبنا لكن احنا كنا بنحب اورانج كونتى و اشهر المدن كانت اناهايم و دى اللى فيها ديزنى لاند و بريا و نيوبورت بيتش و ايرفاين و هننجتون بيتش اللى فيها واحد من مصانع بوينج الكبيرة

اكتر بلد فيها عرب و مطاعم عربى و محلات عربى و قهاوى و كده هى اناهايم و هى مش اجملهم بس اخفهم دم و يكفى ان فيها شارع واحد فيه تقريبا 4 مساجد و 3 مدارس اسلامى و على فكرة الشيخ وجدى غنيم كان امام مسجد هناك لفترة

بالنسبة للرواتب يا عزيزى الدكتور فى امريكا هوه التوب بين الوظائف كلها فسواء اشتغل فى اورانج او غيره ماشاء الله بيعمل موتشو دنيرو (فلوس كتيرررررر)

انت عارف الرواتب مش بتفرق كتير من الولايات و بعضا لكن للى بيفرق الفرص نفسها و طبعا حجم الشركة اللى بتعمل فيها

و طبعا الأمريكان عندهم حاجة اسمها المنيمم وادج الحد الأدنى للرواتب و ده بتحدده كل ولاية حسب ظروفها مثلا كاليفورنيا كان 7،75 دولار فى الساعة او يمكن زاد شوية دلوقتى، عموما الفروق بيبقى فى حدود بسيطة جدا يعنى ربع دولار

على فكرة رد على جنب برضه انا النهارده كان عندى وقت و قلت لما ادخل الموضوع حيث انى كنت واحد من حجاج قصدى مهاجرين القرعة بس الكلام ده فى 95 و قلت يمكن يكون عندى معلومة كده تايهة اقدر افيد بيها و لو بقدر بسيط

مساء الخير

محسن

[كانو]

الأخ Toledo:

معذرة على التاخير, لم أنتبه الإ الأن , بكل تواضع أنا أقدم مالدي من معلومات, وغيري يساهم بما يعرف, وكله في الصالح...

بالنسبة للطبيب, يمكن لك أن تشترك بطبيعة الحال مع العلم بأنك لو حالفك الحظ وقبل أن يسمح لك بممارسة الطب هناك إن شاء الله ستحتاج إلى إجتياز عدة اختبارات: TOFEL, USMLE وهي كالتالي:

TOFEL=TEST OF ENGLISH AS A FORIGN LANGAUGE

USMLE= UNITED STATES MEDICINE LICENING EXAMINATION

وللعلم الإختبار الثاني هو عدة أجزاء, أما الأختبار الأول فهو معروف وتحتاج فيه إلى معدل محدد سلفاً,,,,

________________________________________________________________________________-

الأخ محسن:

جزاك الله كل خير, عني فلقد كانت مقابلتي في السفارة بعد انتظار سنوات طويلة باعتبارها تأشيرة هجرة عن طريق شقيقتي التي تحمل الجنسية الامركية في شهر 8 الماضي وكله تمام , وهناك ورقة واحدة بقيت مطلوبة , وابلغتني السفارة رسمياً بضرورة تقديمها, وأنا محتار بين اوهايو حيث شقيقتي وبعض اقربائي وبعضهم في ميتشغان المجاورة, وبين لوس انجلوس والتي حتى الامريكيين نفسهم يتمنون أن تتاح لهم فرصة الأنتقال إليها وفيها أكثر من قريب لي وأوضاعهم العلمية والعملية,ما شاء الله, نسأل الله التوفيق لكم ولي ولجميع المسلمين,,,,

لاتنسونا من دعواتكم, ولاتنسوا موعد أنتهاء التقديم للقرعة, حيث لم يعد هناك الكثير من الوقت, على أونة , على دوية, على تريه,,,,مين يزيـــــــــــــــــــــــــــــــــــــــــــد

[mohsensamak]

طيب الف مبروك يا كانو

انا مش عارف انت بتشتغل ايه لكن اختيار الولاية بيعتمد على المهنة اللى انت عاوز تشتغلها

لكن نصيحتى ليك ابدأ بأوهايو خصوصا لو كليفلاند او سينسيناتى لأن فيها جالية كبيرة و فرص عمل مش بطاله

كاليفورنيا غالية جدا فى البترول و الريل ستيت و خلافه و الفرص فيها تقريبا زى غيرها

و خليك عارف دائما انك ممكن تنقل فى اى وقت من ولاية لولاية طالما لم تشترى منزل و ترتبط بالمكان

و بالتوفيق ان شاء الله

محسن

[المصـــــــرى]

إختار ولاية تكون محتاجة مهاجرين، الطريقة دى حتديك ميزة فى نظرهم وإجراءات الورق حتاخد وقت أقل، ولما تاخد الورق من حقك تعيش فى أى ولاية ومحدش ليه عندك حاجه، الناس فى كندا بتختار ولاية ساسكاتشوان لإنها بتعانى من شيخوخة سكانها وهجرة شبابها للمقاطعات الأخرى، ومعظم أصدقائى اللى عايزين يجيبوا أهلهم بيطلعوا هناك يقدموا لهم وبعدين لما يوصلوا بينقلوا أى مكان، آخرهم أخ جزائرى وأخى باكستانى ممكن أجيبلهم عقد فى الولاية اللى أنا فيها ضعف اللى بياخدوه فى ساسكاتشوان، بس الإثنين مستنديين أهلهم لما يوصلوا على الصيف القادم إنشاء الله.

[Toledo]

جزاكم الله خيرا أخى كانو على الإجابة الوافية والحمد لله فأنا لدى بعض العلم بامتحانات المعادلة ولكن لا علم لدى تقريبا بأمور الفيزات والهجرة

معذرة ولكن لدى سؤال بسيط وهو كيفية كتابة الأسماء المركبة فى استمارات القرعة فمثلا اسم والدى محمد كمال فهل أكتبه

M. Kamal or Mohammad Kamal?

سؤال آخر وهو هل تمكننى البطاقة الخضراء –لومكننى الله من الفوز بها- من اصطحاب أحد أقاربى معى مثل الأم أو الأخت؟

وجزاكم الله خيرا ووفكم الله

[كانو]

الأخ Toledo :

في استمارات السفارة هناك Family Name وهو أسم العائلة, ثم First Name وهو أسمك مفرداً كان أم مركباً, ثم Middle Nmae وهو أسم الوالد مفرداً أو مركباً, ( بمعنى لو كان أسم محمد جزء من أسمك أو أسم والدك فيجب ذكره) , والأسماء باللغة الأجنبية يجب أن تكتب كما وردت في جوازات السفر حرفياً دون زيادة ولا نقصان وباقي الأوراق الرسمية وعملياً أن مكتب ترجمة الأوراق الرسمية (بيان الولادة, عقد الزواج, البيان العائلي,...) يطلب صورة جواز السفر حتى يتقيد بالحرف بطريقة كتابة الاسماء بالأنكليزية كما وردت بالجواز.

------------------------------------------------------------------------------------------------

عندما تتقدم بطلب إشتراك في القرعة يمكن لك أن يتضمن طلبك (زوجتك, وأولادك تحت سن 18) فقط لاغير , لو كنت متزوجاً ولديك أولاد, وبعدها وعندما تحصل على الغرين كارت إن شاء الله يمكن لك طلب الوالدة والوالد,ويمكن لزوجتك أن تطلب والدتها ووالدها كذلك, ( معذرة فأنا أتكلم بشكل عام ولاأعرف الحالة عندك بالتحديد), وعندما تحصل والدتك مثلاً على الغرين كارت يمكن لها أن تطلب إبنتها والتي هي أختك , أما أن يسافر أحد معك مباشرة, فللأسف لن يسافر الإ أنت (وزوجتك وأولادك تحت سن 18) بشرط أن تكون أسماؤهم وردت اصلاً في طلب الإشتراك بالقرعة..

أما الأخ حتى يطلب أخته للهجرة أو العكس فيجب أولاً أن يكون قد حصل على جواز السفر وليس على الغرين كارت فقط (وهذه حالتي أنا), ولهذا يتأخر طلب الأخ والأخت سنوات طويلة, (شعري شاب وأنا أنتظر, وأخيراً وصل دوري),,,,هههههههههههههههههه.

لاتتأخر عزيزي بالطلب فلم يعد في الوقت الكثير, وبالتوفيق للجميع

------------------------------------------------------------------------------------------

[كانو]

إضافة بسيطة

لو كنت متزوجاً يمكن لزوجتك تقديم طلب منفصل يتضمن أسمها وأسمك وأسماء الولاد تحت 18 وبذلك تتضاعف فرصة فوزك بالقرعة, لأنك عندها تكون قد تقدمت بطلبين وليس بطلب واحد

وتحياتي

[أختكم المصرية]

السلام عليكم و رحمة الله و بركاته

اهلابيكم ياهل امريكا انا عارفة انكم بتخدموا و بتمدونا بالمعلومات ذى اهالى كندا

عندى بس سؤال

عندى صديقة قدمت فى القرعة بس طبعا فرص القرعة ضعيفة جدا و زوجها عايز يجرب يقدم للسفارة انه طالع زيارة مثلا ديزنى لاند هو و اولادة و زوجته و طبعا مايرجعشى تانى يعنى يروح لمحامى هناك و يحوله من زيارة لاقامة

هل دة فعلا ممكن و لا دة و هم

و لو دة ينفع اد اي الوقت يمكن من خلاله تحويل الفيزة

و بيتكلف كام

و هل ممكن تاجير منزل او دخول الاطفال المدرسة و العمل فى وقت انتقال الفيزا اى اقامة غير رسمية

لو عندكوا اى معلومات او راى ياريت ردكوا

انا من الناس الى عايزة تروح كندا بس انا كمان مقدمة فى القرعة بطلبين انا و زوجى و الى تنفع اروحها المهم انطلع من البلد