الشعر في محاربة الفساد

[kokomen]

الأخوة والأخوات المحاورين والمحاورات

لمحاربة الفساد أوجه كثيرة من ضمنها هذا الشعر الذي أعجبني

كلمات بسيطة سلسة لكنها تعبر عن شعور ساخط تجاه إنتشار الفساد

رثاء الديمقراطية

١٠/١٠/٢٠٠٧كل الدول بتتقدم واحنا لورا راجعين.

حديد بيغلي ياهوووو والشعب قايد نار.

والدم ولوثوه وأصحابه بقوا أحرار

والشعب وغرقوه في اعماق البحار.

وهنشكي بس لمين غير للقوي الجبار.

هو الشديد المنتقم والواحد القهار.

تعليمنا بايظ بايظ من الابتدائي للجامعة.

يا ريت تكون الناس شايفة ويا رب برضه تكون سامعة.

ويدعو علي كل اللي ظلمنا وخلي نار جوانا والعة.

وخلي كل الشعب بيبكي وينام وهو في عينه دمعة.

يا مصري قوم اتحرك يالا كفاية بقي سلبية ونوم.

لحد امتي هترضي لنفسك تعيش في سجن وفيه مظلوم.

انطق بقي وخليها علي الله وروح في وش الموجة وعوم.

وزي ما قال في زمان الشاعر هييجي يوم ويكون معلوم.

اسود علي كل ظالم وابيض علي كل مظلوم.

الشاعر أحمد ياسين

[حسام يوسف]

الفكرة رائعة

ونرجو المزيد

[ابو محمود]

الفساد هو من صنع الأنسان ووصف اللة فى اياتة ذلك بان وصف الفساد فى البر والبحر بما كسبت أيدى الناس

وهاو أبليس يهرب من الارض بسبب الفساد فهيا مع الى القصيدة للشاعر على سلامة !!!!!!!!!!!!!!!!!!!

على باب السفارة ؟؟؟؟

__________________________

على باب سفارة كندا

..لمحت أبليس وف أيدة أستمارة ..

.. بقول لة على فين ...

... قالى بص

... ياهجرة يا أعارة

... ياعم زهقت كفرت

... الا قيش معاك سيجارة

...أنا انتهيت خلاص

... لانافع وسواس ولا خناس

...ولا ليا عيش وسط الناس

...دي عالم مجرمين

...عندكو فائض فى الفساد

... فى كل البلاد

...ومش محتاجين شياطين

...مليش عيش فى البلد دى

...بقالى سنين عاطل

...وانتو بتعرفو

...تقلبو الحق باطل

... وتسلكو القاتل

...وتمشو فى جنازة المقتول

... ومفيش مشاكل

...ياعم دة انا بقيت أوسوس بالمقلوب

...وأقول للحرامى كفاية بقى توب

...أنت هتعمل كل الذنوب لوحدك

... وأنا ابليس

... اشتغل واعظ ؟

..ولا كمساري ف اوتوبيس

...ياعم دة انا زمان

...كنت استنى حد ينسى

... يسمى !!!

..وهو بياكل لقمتة

...دلوقتى كل اكلكم ملوث

... وبصراحة الواحدخايف على صحتة

...دة مفيش ضمير اساسا

...عشان اموتة

...وكل واحد بمزاجة

...خربانة زمتة

...ياعم دة كل حاجة اتسرقت

...وكدةالاجيال الجديدة

...م الحرامية اتظلمت

...ياراجل دة من كتر ما لطشت معايا

... خرجت ف مظاهرة

...مع الناس اللي بتقول كفاية

... وبرضة مفيش فايدة