أين أجازة العيد للمصريين في الدول العربية

[processor]

احنا مهدور حقنا حتى في اجازة العيد، يعني العيد جاي يوم جمعة وكمان احنا اللي في القطاع الخاص ناخد الاجازة يومين بس واهل البلد ياخدوا الاجازة اسبوع واكتر كمان، حتى في العيد يا مسلمين؟!!

[Death Zone]

عادي .. مش انت قولت دول عربية؟ يبقي عادي

[رمضان]

لا مين قال كده احنا واخدين الاجازة زيادة كمان

[badroora]

انا كمان اجازة من يوم 12 الى 17

عمرها ماحصلت فى مصر عمرى ماحضرت عيد مع اهلى دايما عيدي كان بيبقي بعد عيد الناس مابيخلص وكان قطاع خاص بردوا وكانت الاجازة يوم بالعافية وبعد العيد او بالحجز

لكن هنا وباخد كل الايام اجازة وبتتحسبلي ساعات كمان

بس اعتقد انها بتختلف من قطاععام لخاص وحسب نوع العمل بس هنا الشهادة لله المسلمين فى المكان اللى انا فيه متسويين خليجين وغير

تم تعديل 11 أكتوبر 2007 بواسطة Badria Mekkawy

[processor]

لا مين قال كده احنا واخدين الاجازة زيادة كمان

ربنا يسهلك يا عم

يبقى ناس وناس بقه انا مش بحسد والله بس ممكن انت في حكومة مش قطاع خاص زيي كده

[processor]

انا اسف يا جماعة نسيت اقولكم كل سنة وانتم طيبين وعيد مبارك عليكم ان شاء الله

الف مبروك يا نجفة، اكيد الفرحة مش سايعاكي دلوقتي انك هتقضي العيد في وسط أهلك في مصر

[badroora]

انا اسف يا جماعة نسيت اقولكم كل سنة وانتم طيبين وعيد مبارك عليكم ان شاء الله

الف مبروك يا نجفة، اكيد الفرحة مش سايعاكي دلوقتي انك هتقضي العيد في وسط أهلك في مصر

:rolleyes: :rolleyes: اهلى يا ريت انا لما كنت مع اهلى مكنتش باخد العيد اجازة ولما بعدت عنهم بقيت اخد العيد كله اجازة

وللاسف هاسافر بعد العيد وهارجع قبل العيد الاضحي بيومين يعنى مافيش فايدة الهروب من المقدر ومكتوب :closedeyes:

ليس كل ما يتمناه المرء

المهم مش عوزاك تزعل صدئى فى الغربة كل حاجة ملهاش طعم يعنى انا كام يوم اجازة اهو ولا على بالى هتبقي ايام عادية يا مذكرة يا نوم يالمنتدي حتى الاهل مش معقول هيسبوا العيد ويكلمونى عالنت

يعنى كله محصل بعضة والله احسن انك تشتغل وخصوصا لو مش معاك اسرة اهو تلاقي حاجة تلهيك

وكل سنه وانت طيب :rolleyes:

تم تعديل 11 أكتوبر 2007 بواسطة Badria Mekkawy

[رمضان]

بس ما قلتلناش انت في اي بلد ما كل بلد وليها قوانينها

[processor]

بس ما قلتلناش انت في اي بلد ما كل بلد وليها قوانينها

انا موجود بالكويت

[رمضان]

طيب يا اخي ما انت معانا في الكويت واصدقائي في الخاص واخدين اجازة ليوم الاثنين

[قاهرى]

انا واخد اجازة يوم واحد بس :closedeyes:

يااااااااااااااا بختكم كلكم

انا مش بحسد يا جماعة بجد

انا بحقد بس :rolleyes:

[gaserhamza]

قال اييه و انا اللي عاوز اسافر قال

ربنا يكون في عونكو يا جماعه والله

غربه اه بس كله بحسابه :blush2:

ولا ايييييه

[essamalshaaer]

الحمد لله عندنا الأجازة أسبوع من ضمنها أجازة العيد الوطني بالسعودية

ونرجع بعدها بأسبوع ....... وكل سنة وانتم طيبين

أخوكم أبوعلي

الرياض

[amrhoras]

الحمد لله عندنا الأجازة أسبوع من ضمنها أجازة العيد الوطني بالسعودية

ونرجع بعدها بأسبوع ....... وكل سنة وانتم طيبين

أخوكم أبوعلي

الرياض

مين فين ايه ؟؟؟ ايه ياعم انا اجازة من يوم الجمعة ودوام الاتنين عيد وطني مين ماشا الله والنبي محدش يقول هو اجازه اد ايه عشان انا كدى حفرقع وافجر الشغل واصحابي الشغل ونقسي كمان

عيد سعيد على كل حبيبي وصحابي المصريين

[مـي]

بسم الله الرحمن الرحيم ...

و اللهِ صِعبتو عليا ..

احنا الحمد و الشكر لله عندنا أجازة العيد * أسبوووووووووووووع * (^_^)

(ما شاء الله ) ..

أتمنى لكم اجازة سعيدة و عيد سعيييد ...

مع تحياااتي ..

[أبو محمد]

الحمد لله عندنا الأجازة أسبوع من ضمنها أجازة العيد الوطني بالسعودية

ونرجع بعدها بأسبوع ....... وكل سنة وانتم طيبين

أخوكم أبوعلي

الرياض

أنا فاكر إن العيد الوطنى السعودى بيبقى يوم 23 سبتمبر من كل عام .. إلا إذا كان فيه عيدين ، واحد بالميلادى وواحد بالهجرى

[AhmedAli]

كل عيد وانتم جميعا بخير

[mooon]

اولا كل عام وانتم بخير

ثانيا مين قال ان اهل الكويت اخذوا اجازة اسبوع والمصريين لا

انا و اخويا بنشتغل في قطاع خاص و دوامنا يوم الاثنين زي كل الشركات حتي المداراء الكويتين معانا و اختي بتشتغل في الحكومة واول مرة تاخد

اجازة العيد كاملة لاسباب مرضية لانها دكتورة اشعة و كل عيد بيكون عندها خفارة واخويا في بنك بنزل في العيد و ياخد بدل شفت والوالد

في الحكومة و دوامه يوم الثلاثاء كفاية بقى تذمر والشركات في مصر برضه بتاخد يومين اجازة عيد يعني مش حاجة غير مالوفة واللى مش

عاجبه يغير شغله او يرجع مصر ليه دايما احنا اللى بنعترض ومش عاجنا العجب