الفيزا الحرة والمدارس الخاصة

[ahmedthefree]

السلامة عليكم ورحمة الله وبركاته كل عام وانتم بخير بمناسبة عيد الفطر المبارك اعاده الله علينا وعليكم بالخير واليمن والبركات اخوانى المصريين بالكويت انا عايز اشترى فيزا حرة واطلع الكويت والفيزا هادفع فيها 25000 جنيه طبعاً غير مصاريفى الا ان الاقى شغل وانا حاصل على ليسانس آداب قسم الجغرافيا وتقديرى مقبول ومعايا شهادة الرخصة الدولية للكومبيوتر وعاوز اجى اتعاقد مع مدرسة خاصة او اى عمل مناسب

ايه ظروف المدارس الخاصة وهل يمكن ان اتعاقد بدون خبرة , بالنسبة للفيزا الحرة انا كنت قأت فى المنتدى انه معدش نقل للكفالة هل ده بالنسبة للزيارة ولا ينطبق على الفيزا الحرة , هل يمكن ان اعطى دروس فى المواد الإجتماعية والجيولجيا ارجوكم وضحولى الرواتب بتاعت المدارس الخاصة كام والحياة فى الكويت ومستواها المرتفع هيتناسب مع الراتب واقل سكن لأسرة من فردين زوج وزوجة لأنى عاوز اتجوز وابقى اخد مراتى معايا

ارجوكم وضوحولى قبل مادفع الفلوس وجزاكم الله كل خير

[قاهرى]

25000 جنية .... حرام عليك لية كتير اوى اوى

برغم انى معنديش خبرة ولا فى الكويت ولا فى المدارس الخاصة

الا انى لفت نظرى المبلغ الى بتقول علية ... بس بصراحة حرام بجد ملوش لزم ابدا

تدفع مبلغ زى دة علشان تتغرب وتتبهدل ... ولكن خد بردوا الموضوع من اهل الخبرة انا يمكن معنديش خبرة فى اسعار الفيز اليومين دول

[sherifwagdy]

سلام عليكم اولا احب انا اقولك كل سنه وانت طيب بالنسبه للمدراس الخاصه فى الكويت اولا انا مهندس واعمل بالكويت من 10 سنوات تقريبا وعنده فكره من اصدقائى هنا فأنا سوف اتكلم معك عن معرفتى بهذا الامر اولا المدراس الخاصه هنا نوعين من المدارس الخاصه فى الكويت النوع الاول وهى المدراس الاهليه او العربيه فى الكويت فمرتبتها متدنيه جدا جدا وفيها استغلال دائما من صاحب العمل مقارنه بالمدراس الحكومية او المدارس التابعه لوزاره التربيه فى الكويت حيث يتم توظيف المدرس واستغلاله بأكبر امكانيه ممكنه لأنها فى المقام الاول تهدف الى الربح يعنى متوسط مرتبتها يتراوع من بين 190 الى 240 دينار لا اكثر طبعا هذا المبلغ ضئيل بالنسبة لمستوى المعيشه فى دوله الكويت حيث ان الايجار لشقه غرفه وصاله لا يقل عن مئه دينار واحب ان اضيف لك شئ وهى يتم التقديم والقبول دائما فى نهايه السنه الدراسية يعنى على شهر 6 تمام ولهذا الوضع فأغلب المدرسين بها يعملون فى اماكن اخرى بعد الظهر يعنى انا من رأى مميزتها الوحيده وهى مرتب ثلاثه اشهر الصيف فقط اما النوع الثانى الذى اشرت عليه فوق فهو المدارس الاجنبيه او ثنائيه اللغه وهى المدراس متميزه فى كل شئ وبعد الاوقات بتبقى احسن من المدراس الحكوميه ولكن عزيزى الفاضل انتبه هذه المدارس كل المواد بها بالغه الانجليزيةاى بتبقى امريكيه او انجليزية ماعدا ماده اللغه العربيه والتربيه الاسلاميه حتى دائما يفضلون المدرسن الاجانب بسبب اللغة ولأنها مصاريفها كبيره والهدف منها هو اللغه وبالنسبه لمبلغ 25 الف جنيه هو ده فعلا المبلغ للحصول على فيزا او اقامه فى الكويت لمده سنه او سنتين وللأسف هيه ديه الحقيقه المره الذى يجهلها الكثير فى مصريين ووهم المصريين بأن العمل فى دول الخليح بالسهوله او ذو العائد الكبير كما كان فى الثمانيات والسبيعينات وشكرا وانا معك للتواصل فى اى شئ اخر

[hazimhsn]

السلام عليكم ورحمة الله وبركاته

كل عام و أنتم بخير

طبعا الأخ شريف وضع المسائل كلها

أعتقد إنك طالما معاك 25000 و كمان هتصرف فوقهم أكتر من 10000 تذكرة سفر ومصاريف سكن ومصاريف شخصية لحد ما تلاقي شغل ( في حالة العثور عليه )

البحث عن عمل في الكويت صعب وليس بالسهل وخاصة إذا كنت تبحث عن عمل براتب معين ووظيفة معينة

طبعا إنت جاي على سمعة الكويت وعلى رأي المثل " الصيت ولا والغنى "

أعتقد حسب ما رأيت من الكثيريين الذين تورطوا في موضوع الفيزا الحرة أنهم نادمين أشد الندم

فنصيحه لوجه الله أن تحاول إيجاد مشروع لك في مصر تبدأبه وربنا يكرمنا ويكرمك

أما إذا كنت مش مقتنع فبراحتك تعالى ومش هتقدر تغمض عينك

لا خاب من إستخار ولا ندم من إستشار