العفو عند المقدره

[فنكوش]

سمعت بيت للمتنبى معناه ان الذى لا يظلم الناس بالضروره غير قادر على ظلمهم والا كان ظلمهم

سوال ليه الناس لا تسامح الضعيف اذا اخطاء مع انها تتمسح بالقوي لماذا لا نرحم ضعيفنا

نويت وانيه لله ان اعفو عند

[بنت شعنونة]

العفو عند المقدرة

اففففففففف

على فكرة دي حاجا صعببببببببببببة جداااااااااا جدااااااااا جداااااااا

وبجد عشان صعوبتها دي ربنا خلى ثوابها كبير

ها احكيلكم على موقف حصل معايا

واضطريت اني اعفو وها تفهموا ليه

اللي حصل ان ليا عمة وعمتي دي واخدا شقة من بابا بمبلغ هلامي جدا مش عارفا كام جنيه في الشهر وكان الأتفاق شفوي زمان انه لما تعزل لبيتها اللي كانت بتبنيه من يجي مييييييت سنة ناخد الشقة تاني

وطبعا بابا لا خد منها وصل ولا يحزنون وخلص الموضوع من يجي 15 سنة

من كام شهر بقى عمتي خلصت البنى وعزلت كمان وسابت الشقة

وفي نفس الوقت كنا بنمر بازمة مالية ومحتاجين لقرش فكانت الشقة جاية في وقتها

وفوجئنا ان عمتي مش عاوزة ترجع الشقة بحكم عقد الأيجار وافلام

ماعلينا من كل دا

المهم انه من يوم ما عزلت ماكانش في حوار صريح من بابا معاها عن الشقة

فقررنا احنا وبابا اننا نسافر نكلمها مخصوص وهيا عرفت دا

المهم رحنا وقعدنا في بيت جدي واتغدينا وبتاع وشوية كدا وها نقوم نروح لعمتي بقى

فوجئنا بيها بتتصل بالتفلون هيا وحوزها وسلامات وتحيات

وبتكلم بابا بتقوله انها جايبالي عريس وانه العريس قاعد عندهم وعاوز يشوفني ضروري

المهم يالله يا شعنونة لبس واتأيفي وابصر اعملي يه وشكلك ايه والحكاية والرواية وهب هيلا بيلا اتشحنت على بيت عمتي حبيبتي الي جايبالي العريس "قبل ما اعنس بقىىى"

ورحت انا وعمي ومراته وبنات اعماااااااامممممي كللللللللللهم

ونستنى العريس

مفيش

يجي العريس

مفيش؟؟؟؟‍؟ :D :D

روحنا بعد 3 ساعات ومافيش عريس

اتاااااااااري انه الفيلم دا كله اتعمل عشان نتلهي في موضوع العريس دا وماحدش يكلمها في موضوع الشقة

طبعا دا اتفهم بعد ما مشينا من عندها

وخدوا عندك ضحك وتريقاة من ولاد وبنات عمي

ونظرات شفقة ومصمصة شفايف من اعمامي

يومها حسيت اني نفسييييي اقتلها

وقلت لبابا لالالالالالالازم ياخدلي حقي وكرامتي اللي اترمكت على الأرض دي

كان رده في كلمة واحدة

دي اختى‍‍‍؟؟؟؟

:(

واضطريت اني اعفو غصب عن عييييييينيييي

:(

[kokowawa1979]

طبعا قصتك دي ولا الأفلام الهندية زمان يادكتورة لكن فعلا فيه حاجات غلط كتير في موضوع الإسكان لابد من حلها فالكثيرون الآن ممن من الله عليهم في الدنيا وأعطاهم سعة من الرزق وقاموا ببناء عمارات خاصة بهم يتمسكون بشققهم القديمة المؤجرة بملاليم ولايقوموا بتسليمها إلى أصحابها الأصليين إلا إذا دفعوا لهم مبلغ خلو محترم أي والله هذه هي الحقيقة .

وأعرف صديقا لي لديهم شقة ضمن منزلهم قام المستأجر الذي من الله عليه بسعة من الرزق وقام ببناء عمارة ضخمة قام المستأجر بتربية كلاب في هذه الشقه على الرغم من أن صديقي هذا إبن صاحب البيت الأصلي يرغب في الزواج وليس لديه مال لكي يدفعه كمقدم لشقة أخرى وفضل المستأجر تربية الكلاب على أن يقوم بتسليم الشقة لصاحبها حتى يزوج فيها إبنه !!!!!!

لقد صار الإبن يقتل أبيه لكي يسرق منه المال لينفقه على البانجو

والأم تقتل زوجها وابنها ليخلو لها الجو مع عشيقها

هوه فيه إيه بالضبط!!!!!!!!!!

[فنكوش]

العفو عند المقدرة

كان رده في كلمة واحدة

دي اختى‍‍‍؟؟؟؟

:(

واضطريت اني اعفو غصب عن عييييييينيييي

:(

ربنا يعوض عليكم يا شانا بس على فكره العفو ممكن يجى بالتدريب ومع الوقت بس عارفه ايه اكتر حاجة صعبه بجد ان البعض بيشوفو دة عبط ولازم يضحكوا عليه العبيط :twisted:

العفو ممكن يبداء بحاجة صغيره جدا مثلا سواق فتك رمى بوز عربيته عشان يسبق في الزحمه بس من حظه ان اتوبيس متوحش زنقه ومخرجه الوحيد انك تسمحى له يمر من امامك تا تري ها تعفى ولا تسيبى الاتوبيس ياخد حقك :D

[freefreer]

شعنونة .. أنا تأثرت جدا بالموقف السخيف هذا .. :mad: .. و حقك عليا أنا شخصيا .. و باعتذرلك نيابة عن قريبتك .. :mad:

[الطفشان]

يا شعنونة

انت زعلانة عشان مافيش عريس؟ مش كدة؟

و لا يهمك بكرة طنط حتجيبلك عريس احسن منه ميت مرة!

و لو سمحتي غيري توقيعك!

:D :D :D

[بنت شعنونة]

استاذ كوكو..

والله دا اللي حصل فعلا

ياريته كان فيلم

كانت هانت ولا قلة القيمة دي :?

فنكوش

فعلا كلامك صحيح الميبة ان الناس تعتبره عبط ودي حاجا تقرف

دايما الناس بتفتكر الطيبة قلة حيلة او عبط

بس بيني وبينك مابقتش تفرق معايا مادام ضميري مرتاح

بس لجل الحق اوقات العفريت يطلع والالالالالا لازممممم اجيب حقييييي

:twisted: :twisted: :twisted:

عم فري... ربنا يخليك يارب

خليها على الله وربنا اكيد ها يجبلي حقي ... :neutral:

استاذ طفشان

لو علمت ما بحالي الأن ما كتبت حروفك هذه...

تحياتي..

[الطفشان]

استاذ طفشان

لو علمت ما بحالي الأن ما كتبت حروفك هذه...

تحياتي..

انا لم اقصد التهكم ابدا، انا حبيت اروح عنك شوية بالدعابة، و لكن يبدوا انها في غير محلها

و لذلك اعتذر لك عنها، و لو عايزاني امسحها امسحها

اما عن عمتك فهي ما زالت و لن تزال عمتك مهما حدث و يجب عليكي برها و تحمل اذاها

ففي صحيح مسلم ‏‏عن ‏ ‏أبي هريرة ‏

‏أن رجلا قال "يا رسول الله إن لي قرابة أصلهم ويقطعوني وأحسن إليهم ويسيئون إلي وأحلم عنهم ويجهلون علي"

فقال :‏ "‏لئن كنت كما قلت فكأنما ‏‏ تسفهم المل ‏ ‏ولا يزال معك من الله ‏ ‏ظهير ‏عليهم ما دمت على ذلك"

تسفهم المل يعني كأنهم يأكلون الرماد الحار

ومعناه كأنما تطعمهم الرماد الحار , وهو تشبيه لما يلحقهم من الألم بما يلحق آكل الرماد الحار من الألم , ولا شيء على هذا المحسن , بل ينالهم الإثم العظيم في قطيعته , وإدخالهم الأذى عليه

وقيل : معناه إنك بالإحسان إليهم تخزيهم وتحقرهم في أنفسهم لكثرة إحسانك وقبيح فعلهم من الخزي والحقارة عند أنفسهم كمن يسف المل

وقيل : ذلك الذي يأكلونه من إحسانك كالمل يحرق أحشاءهم

[بنت شعنونة]

استاذ طفشان

هوا فيه بين الأخوات اسف برضة :D

ولايهمك

فداكو.. :roll: :D :D

[se_ Elsyed]

من أجمل الخصال التى يتحلى بها الأنسان هى التى يستطيع أن يتغلب فيها على طبيعتة البشرية ، فمثلاُ لو حد ظلمنا فى يوم من الأيام تلاقى إن معظم الناس تفكر بشكل تلقائي فى تحين الفرصة للرد ، ولكن حينما نرى انسان يفعل العكس ويصفح ويعفو عن من ظلمه وهو قادر على أخذ حقه - يعنى مش بيعفو غصبٍ عنه علشان مش قادر مثلاً - فده يعتبر قمة الأخلاق والانسانية .

أما يا أخ فنكوش رداً على سؤالك ، فطبعاً هاسيب الراجل اللى عربيته هايحضنها الأتوبيس يعدي مني خاصة أن كلنا معرضين لنفس الموقف والأيام دول ، فالواحد بيبقى محموق قوى ويقعد يشتم فى الخلق لما حد يتجرأ ويزنق عليه أو يخالف قواعد المرور وبعدها بلحظات تلاقينا بنعمل نفس الغلطة بتفاصليها بالظبط مع الآخرين ، فأنا عن نفسي بأعمل كده - غصبٍ عني والله .. النفس البشرية بأة - مع إنى عايش فى السعودية والمرور هنا حاجة تفرح بجد ، ما بالك فى مصر لو نزلت وسوقت هناك يبقى لازم الواحد يشيل رشاش سريع الطلقات معاه فى العربية.

هنا دايماً فى دول الخليج لما تتضايق على حد يقول لك على طول حكمة مشهورة وهي " وسع صدرك "

أما كلمتى لكِ يا شنشن ، فإن شاء الله ربنا هايخدلك حقك إن ماكنش فى الدنيا يبقى فى الآخره إن شاء الله وده أفضل طبعاً .