ايه مشكلة مصر؟

[حسام يوسف]

انا عارف ردود الافعال اللى هتحصل بعد قراءة السؤال

بما فيها من انات وزفرات واهات ونظرات وحاجات تانية كتير كمان

لكن انا حابب اخد راى الجميع فى مشكلة تخصنا كلنا

نبدأ الامتحان:

السؤال الاول والوحيد:

أكتب فى ما لا يزيد عن مليون صفحة فى الموضوع التالى:

ايه مشكلة(او مشاكل مصر)؟

انتهى السؤال

ونرجو الموضوعية

والتحديد

والاهتمام الكافى

وليشمر كل عن ساعديه

وقولوا يا معلمين

[حسام يوسف]

زمان قالوا الانفجار السكانى

وبعدين لقينا ان الصين منفجرة اكثر

وبعدين شفنا غول الفساد

لكن ايه اللى دخل الفساد فى ادق مشاكلنا اللى كلها انانية

انا شايف ان فيه ازمة اخلاق

[abaomar]

السلام عليكم

الاخوه الاعزاء جزاكم الله خيرا و كل عام و انتم بخير

قال الله تعالى: وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِنْ قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُمْ مِنْ بَعْدِ خَوْفِهِمْ أَمْناً يَعْبُدُونَنِي لا يُشْرِكُونَ بِي شَيْئاً [النور:55]

و قال محمد إقبال الشاعر الباكستانى الكبير

إذا الايمان ضاع فلا امان ........... و لا دنيا لمن لم يحيي دينا

و من رضى الحياه بغير دين ............ فقد جعل الفناء لها سبيل.

هذه هى القضيه مصر الان ليس فقط ابتعدت عن الدين و انما تحاربه على الاقل على مستوى النظام بما يفعله و يعلنه من حرب على الاسلام على جميع المستويات من اباحه الربا و الزنا و الخمر و ..... .

الله المستعان

[حسام يوسف]

وادى اول رد

البعد عن الدين

حد عنده اجابة تانية ولا دى المشكلة الوحيدة او السبب الوحيد؟

ولا ما حدش شايف مشكلة من اصلة؟

[Super kangaroo]

مشكلة مصر هما المصريين

صدقني مشكلة مصر هي الشعب

نعيب مصر و العيب فينا و ليس لمصر عيبا سوانا!

و الحكومة بريئه من دم المصريين الشعب هو السبب والله هو السبب

الحكومات نتاج الشعوب

شعب عنده انفصام في الشخصية !! الجوامع تتملي ليلة القدر و رمضان و هات يا عياط و هات شحتفا و تقوا

و بعد رمضان يرجعوا اللعن من الاول ماهو فكرين باه ان الذنوب راحت و لازم يشحنوا الكرت من تاني لغاية ما رمضان يجي عشان نشيل الذنوب و نملاها تاني و نشيل و نملا و نملا و نشيل الي الابد

حسبي الله و نعم الوكيل و الله

[justtrying]

اقول رأي المتواضع وبكل صراحة وللاسف أيضا

مشكلة مصر أنه مفيش فايدة خلاص ..

تم تعديل 13 أكتوبر 2007 بواسطة justtrying

[Abofady]

مشكلة مصر هى :

اولا: مشكلة اقتصادية ، اى زيادة الحاجات (الاستيراد) وقلة الموارد ، وينتج العجز من ذلك ، ولكى تزيد الموارد للقضاء على العجز يجب ان يكون لديك حرية سياسية ، وهما مرتبطان ببعضهما . لكن الحكومة لا تريد ذلك ، فهى تريد زيادة مواردها بقهر الشعب ، وحرمانه من ابسط سبل المعيشة

ثانيا: وجود حسنى مبارك وبطانته فى الحكم ، فهم اكبر معوق للاقتصاد المصرى ،فهو فيلسوف القاعدة ( يبقى الحال على ما هو عليه .. وعلى المتضرر ان يخبط دماغة فى الحيط) ، 27سنه واقفين ، والعالم كله بيجرى بسرعة الصاروخ

ان تم ازالة هاتين النقطتين من الوجود ، سينطلق الاقتصاد المصرى ، وستحل مشكلة مصر .

[حسام يوسف]

اشكر الاخوة على ارائهم

لكنى الاحظ قلتها

هل هما دول بس اللى شايفين ان فيه مشكلة؟

والا ماحدش شاف الموضوع اصلا؟

والا ما فيش فايدة زى ما قال الزميل؟

والا كل ما سبق؟

[amrhoras]

حضرتك تقصد اى نوع من المشاكل بالظبط

اقتصاديا فساد

سياسيا فساد

داخليا فساد

خارجيا فساد

اعلام فساد

زراعة فساد

صناعة فساد

تعليم فساد

تموين فساد

مياه فساد

كهرباء فساد

نظافة فساد

تجارة فساد

خزانه فساد

عقول شباب فساد

اسكان فساد

صحة فساد

قناه السويس فساد

مشروعات جديدة فساد

ثروة حيوانية فساد

بنوك وقروض فساد

حتى الهواء فساد

اخى حسام متتعبش نفسك مش حتجمعهم

افتح قاموس لكلمة فساد تجد مليون صفحة وان لم تكفي كلمة فساد داخل مصر بلد 7000 تتسرق ونجيب من الاخر افتح صحف اليوم تلاقي قضية فساد

تم تعديل 14 أكتوبر 2007 بواسطة amrhoras