سلام عليكم ـ استفسار

[justtrying]

سلام عليكم وكل عام وانتم بخير جميعا

عاوز موقع يوضح أو قائمة بأسعار السلع الاستهلاكية في الكويت ؟ !

وقائمة بأسعار السيارات الجديدة والمستعملة في الكويت ؟؟ !!

وشكرا مقدما

والسلام عليكم جميعا

[MZohairy]

سلام عليكم وكل عام وانتم بخير جميعا

عاوز موقع يوضح أو قائمة بأسعار السلع الاستهلاكية في الكويت ؟ !

وقائمة بأسعار السيارات الجديدة والمستعملة في الكويت ؟؟ !!

وشكرا مقدما

والسلام عليكم جميعا

متهيألي مفيش حاجه كده

بس عموما لو في كده يبقى ياريت اللي حيساعدك يساعدني انا كمان على مسقط :)

[sherifwagdy]

سلام عليكم عزيزى زهيرى بالنسبه لأسعار المواد الاستهلاكيه فى الكويت مش غاليه نسبيا وتتميز بالرقابه والجوده العاليه وتختلف من شئ لشئ يعنى مثلا سوف اقول لك على بعض اسعار بعض الاشياء التى اتذكرها مثلا كرتونه الدجاج وبها 10 ب 6 دينار ونص البيبسى الكانز ب الكبير ب100 فلس كيلو اللحمه الضانى مثلا دينار و800 فلس وبالنسبه للمواد الاستهلاكية مثل الحليب فعلبه الحليب اللتر ب 400 فلس علما بأن الدينار به 1000 فلس وكيس الخبر وبه 5 تقريبا ب 50 فلس وفى انواع كثسره من الخبر باسعار مختلفه يعنى الخلاصه ارخص من مصر فى حاجات وحاجات لأ يعنى الخضروات فيختلف اسعرها من موسم الى موسم لأن الكويت العزيزه تعتمد على الاستيراد غير مصر فالاسعار اعلى نسبيا فى بعض السلع مثلا الخضروات والفاكهه وارخص فى سلع اخرى مثل التفاح الامريكى بجميع انواعه الكثيره700 الى400 فلس والمعلبات هنا ارخص تقريبا من مصر فأطمئن المواد الغذائيه هنا ليست ابدا مشكله المشكله بدليل جو الكويت بشكل عام يساعد على الثمنه اما المشكله فى الايجارات ولو فيه مدارس خاصه للاولاد وشكرا ومعك تتواصل

[justtrying]

سلام عليكم عزيزى زهيرى بالنسبه لأسعار المواد الاستهلاكيه فى الكويت مش غاليه نسبيا وتتميز بالرقابه والجوده العاليه وتختلف من شئ لشئ يعنى مثلا سوف اقول لك على بعض اسعار بعض الاشياء التى اتذكرها مثلا كرتونه الدجاج وبها 10 ب 6 دينار ونص البيبسى الكانز ب الكبير ب100 فلس كيلو اللحمه الضانى مثلا دينار و800 فلس وبالنسبه للمواد الاستهلاكية مثل الحليب فعلبه الحليب اللتر ب 400 فلس علما بأن الدينار به 1000 فلس وكيس الخبر وبه 5 تقريبا ب 50 فلس وفى انواع كثسره من الخبر باسعار مختلفه يعنى الخلاصه ارخص من مصر فى حاجات وحاجات لأ يعنى الخضروات فيختلف اسعرها من موسم الى موسم لأن الكويت العزيزه تعتمد على الاستيراد غير مصر فالاسعار اعلى نسبيا فى بعض السلع مثلا الخضروات والفاكهه وارخص فى سلع اخرى مثل التفاح الامريكى بجميع انواعه الكثيره700 الى400 فلس والمعلبات هنا ارخص تقريبا من مصر فأطمئن المواد الغذائيه هنا ليست ابدا مشكله المشكله بدليل جو الكويت بشكل عام يساعد على الثمنه اما المشكله فى الايجارات ولو فيه مدارس خاصه للاولاد وشكرا ومعك تتواصل

معلومات قيمة جدا متشكر

بس مقولتليش .. متوسط أسعار السيارات المستعملة ؟؟ !!!

[justtrying]

بقولك ايه بردو معلش انا هتقل على معاليك

ايه اخبار شبكة المواصلات هناك والمواصلات هناك سهلة زي هنا ولا صعبة ؟ ولازم عربية ؟ وتكلف كام مواصلات عامة ؟؟ وتكلف كام بنزين عربية ؟ !

بالنسبة للاكل والشرب هناك يعني بالكتير تكلف 50 دينار أكل وشرب للفرد الواحد ولا اكتر من كدة ؟ !

كمان سؤال .. متوسط المرتبات هناك كام ؟ !!

لو فاضي وينفع ندردش شوية ممكن ادي سيادتك ايميلي ؟

[sherifwagdy]

السلام عليكم ازيكم يا أعزائى واحبائى واولاد بلدى الجدعان اولا بخصوص الاستفسار عن شبكه لمواصلات فشبكه المواصلات هنا فى الكويت مريحه جدا وليس غاليه نسبيا ومنظمه ومكيفه ولكن انتبهوا هناك مشكله فعلا كبيره هتخلى اى واحد لا يحبذها او يسعى للأبتعاد عنها وهيه الوقت الذى يأخذه الباص للوصول الى المكان المراد للراكب يعنى مثلا يا جماعه انا لو عندى شغل ومشوارى هياخد بالسياره ربع ساعه او ثلث ساعه بالعربيه بالباص هياخد ساعتين تقريبا بسب ان الباص ملتزم بخط سير معين ولازم يعدى على محطات بالأضافه ناهيك عن الصداع والتعب فيه برغم ان الباصات هنا مكيفه وفاضيه وتقريبا التذكره ب 300 فلس او اقل مش فاكر ولكن الوقت من ذهب فأنت اولى بهذا الوقت للعمل او للراحه وبالنسبه عن اسعار السيارات هنا فالسياره ليست ابدا المشكله فالسيارات رخيصه جدا ومتوفره يعنى مثلا المرسيدس 200 الموديل حاجه و80 ممكن ب 400 دينار او 300 كمان واقل و كمان الشركات هنا بتعمل عروض جميله جدا جدا بدون مقدم وقسط بسيط تشترى سياره جديده يعنى الخلاصه السياره فى حد ذاتها مفهاش هنا مشكله خالص المشكله تكمن فى جزئين اول حاجه الرخصة وطبعا عايزه واسطه وموافقه جهه العمل وشويه اجراءات وتكون كمان بتعرف تسوق كويس علشان السواقه هنا مختلفه عن مصر خالص خالص واكيد الناس الى فى دول الخليج كلهم عارفين الكلام كده عموما السواقه فى العالم كله مختلفه عن مصر وفى حاجه مهمه انا نسيت اقولها ليكم من سنه تقريبا الكويت طلعت قرار ان ممنوع الرخصه لأي وافد جديد داخل البلد مش معاه مؤهل عالى يعنى بيفضلوا يطلعوا رخص للؤهلين عاليين الا اذا كان جى الفيزا سواق على الباسبور او عدم الممانعه وشكرا يا جماعه

[النسر المصري]

استاذ شريف اوجز وانجز...كل الشكر لك

اكمل انا شويه بما اني احد المتمرمطين في تراب الكويت من خمسه وعشرين سنه!!

المرتبات المتوسط العام للفرد المقيم حوالي 300 دينار....دول الاغلبيه.....

انا اللي بياخدو 500 فما فوق دول شغلانتهم مساعدين اداره في الغالب او بقالهم زمن....

واما الالف وشويتين...دول قليلين نسبيا ولها وظائف محدوده ...وتربط غالبيتها بالاداره

ولو دخلنا على الالفين فما فوق ...فدي مرتبات الاجانب والتخصصات النادره جدا والبترول فقط لاغير

تعالو بقى نقارن الكلام الجميل ده (المحبط من وجهة نظري) .. باسعار ايجارات الشقق.....هي دي المصيبه الفعليه

الشقق ايجارتها خلال السنتين اللي فاتو ارتفعت اضعاف ماكانت عليه بسبب حملة تغيير شاملة ومسعوره للكويت وتجارها......

ايجار الشقة الاوضتين وصاله كبيره زمان كان بالكتير 100 و 120 دينار......دلوقتي الشقة الاوضتين وصاله عامله زي علبة الكبريت 250 دينار.....يعني هتلاقي الصاله 4X3 والاوض 3X3 وحمام يكفي شخص واحد....ومطبخ شخص واحد ...والعماره عشرين دور....والدور فيه ستة شقق ....ومفيش باركينج تحت لسيارتك.....

وفوق ده كله انت بتدفع 250 دينار.....يعني لو راتبك من ذاوات الرواتب العاليه 500 و 700 هتلاقي نفسك بتحط نصهم بس بسسسس في شقه.... ولو هتدخل عيالك مدارس على اكلك على اقساطتك على اكلك وشربك ....يبقى انت اجهزت عالنص التاني وبالحركرك الحتحوت كمان..........وسلملي على المغتربيين..وهأأأو

طبعا الناس هنا بتدبر نفسها...يعني راتبي تلتميه.....يبقى اعيش لوحدي ...ومع شباب ....وادفعلي اربعين دينار ....ستة في الشقة.....كل تلاته ف اوضه.....وأقضي يومي كله بره في الشغل....ويدوب اروح البيت على قد النوم

واشوف عيالي ومراتي شهر في السنه

اكون انا شيبت وعجزت ولسه ماشفتش عيالي......!!!!!!!!!!!!!!!

الكويت ودبي أغلى دولتين خليجيتيين من حيث المصروف العالي مع الفرق....دبي شركات محترمه في الغالب....بتتعاقد معاك وبتقولك...سكنك وعربيتك ومدارسك علي.....وآدي المرتب الصافي اهو...عاوز ولا ايه

اما الكويت فبتديك المرتب الأدنى من الدنو....300 دينار....يعني لو دفعتهم في شقه يبقى خلصوا!!!

في رأيي لو واحد عاوز يجي الكويت يبقى مرتبه هيكون فوق الألف وأكتر........ده اذا كان عاوز ياخد تمن غربته....والله يخربيتك يامغربنا ومشحططنا!!

العواف بقى عشان انا اتنرفذت ...سلام

(كلمة بين قوسين...بصراحة انا بحقد على بتوع السعوديه....السكن عندهم يوم لما تسكن في فيلا لوحدك ...هتدفعلك بالكتير 16 ألف ريال في السنه....يعني لما تقسمهم على اتناشر شهر تلاقيهم ألف وخمسميه مثلا...يعني مية دينار......

يعني شقتي الاوضتين وصاله العلبة الكبريت بتمن اربع فيلل في حي القصور في الرياض.......واللي غايظني ان بتوع السعوديه مش عاجبهم كمان...بيقولك غااااالي......

انا يوم لما واحد في السعوديه قالي كده كنت هبط ف كرشه.....ياعم اجرييي)

[MZohairy]

(كلمة بين قوسين...بصراحة انا بحقد على بتوع السعوديه....السكن عندهم يوم لما تسكن في فيلا لوحدك ...هتدفعلك بالكتير 16 ألف ريال في السنه....يعني لما تقسمهم على اتناشر شهر تلاقيهم ألف وخمسميه مثلا...يعني مية دينار......

يعني شقتي الاوضتين وصاله العلبة الكبريت بتمن اربع فيلل في حي القصور في الرياض.......واللي غايظني ان بتوع السعوديه مش عاجبهم كمان...بيقولك غااااالي......

ايه ده يا نسر؟

فيلا ب 16 الف في السنه؟؟؟؟؟

ده فين ده؟ في السعوديه؟؟؟؟؟

بص يابني...

جده و الرياض و الخبر (اهم ثلاثة مدن في السعوديه) فيهم احياء راقيه و احياء متوسطه واحياء غير ذلك

يبدأ الايجار بألف ريال كحد أدنى في الشهر و يصل الى 30000 ريال في الشهر (ثلاثون الف ريال شهريا)في بعض الكمبوندات

و بأقل من 2000 ريال شهريا صعب اوي تلاقي حاجه كويسه بصفه عامه

و السكن في الكمبوندات يبدأ من 4000 شهريا و يصل الى 30000 كما اشرت مسبقا

بيحسدوا القرد على .....حمار فانلته

[justtrying]

متشكرين قوي يا جماعة على المعلومات الجميلة ومشاركتكم

ربنا يبارك فيكم جميعا

[صـــــقـــــر]

ماهو اللى مايعرفش حاجة يقول عدس

فيلا يا استاذ نسر ب 15000 فى الاحلام بس

انا فى جدة اقل حاجة لو عيلة شقة غرفتين ب10000 فى السنة

اما 15000 فى السنة تجيب لك شقة كبيرة وحترمة 3 غرف وصالة وطبخ وحمام او حمامين ودى الغالبية العظمى من العوائل ودى بتبقى فى عماير قديمة يعنى مش متشطبة جديد

اما لو عماير جديدة ومتشطبة سوبر لوكس ف 3 غرف ب 20000 ريال ودا تشطيب احسن من اللى قاعدين فيه فى مصر او زيه على الاقل