السلام عليكم من البرازيل

[mnman]

السلام عليكم يا أهل المنتدي ... هذا منامن من البرازيل يحيكم و يقدم لكم باكورة أنتاجة الفني ...

منامن في الادغال

في البداية طبعا لازم تعرفوا انا وصلت هنا أزاي....

أنا خريج كلية العلوم جامعة الاسكندرية ... قبل و اثناء الكلية كان حلم حياتي الهجرة من مصر (بصراحة كنت كارة البلد) ومع بعض السفريات اثناء الجامعة لاوربا و دة للعمل مش للفسحة حيث كان ممكن تشتغل اي حاجة حتي تغسل اطباق ومحدش يقولك عيب و ميصحش وكنت انا واصحابي بنحوش مصاريف السفر لكل رحلة من الرحلة السابقة فأنا من عائلة متوسطة ووالدي لم يكن يقدر علي تكاليف هذة الرحلات... و علية فالموضوع استقر في تلافيف دماغي و قررت اني لازم اسيب مصر... لاكن بعد التخرج كان صعب الحصول علي فيزا لاننا لسنا طلبة حيث كلمة طالب تسهل الامور في السفارات...

المهم تحطم الحلم... بس ربنا كبير... اتعينت في شركة بلجيكية لمعالجة المياة (و التعيين كان بواسطة علي الرغم اني متخرج بجيد جدا مع مرتبة الشرف بس الشرف هنا كان للوسطة) المهم في الاشهر الاولي انتقلت مع اخي الذي يكبرني بعام واحد وخريج نفس الكلية الي القاهرة حيث ان الوسطة كانت كبيرة اوي (200 كيلو :D :D ) و تم تعينة هو الاخر.... احببت عملي جدا لدرجة اني كنت بروح الساعة 12 و وحدة بعد منتصف الليل... المدير الخواجة أعجب بي جدا و اعطاني اول ترقية في حياتي الي مشرف علي العروض الفنية... المنصب كان كبير وحسيت اني ضعت... وهنا تم ارسالي لبلجيكا في تدريب لمدة 6 اشهر..

المهم.... بعد العودة وجدت عرض من الشركة جاهز للعمل في فرع الشركة الرئيسي في بلجيكا و طبعا وافقت علي الفور فدي كانت امنبة حياتي... وسافرت علي بلجيكا و استقريت هناك قرابة 5 سنوات حتي قررت الشركة فتح فرع في البرازيل و تم ترشيحي مع مهندس بلجيكي اخر للمجئ الي البرازيل لتأسيس المكتب و الاختيار تم لاني كنت بتكلم شوية اسباني و مش متجوز و خبرة معقولة و شبة البرازيلين :cool: :cool: .... المهم وصلت اراضي البرازيل مارس 2002 و حصيلة اللغة البرتغالي صفر و شوية شوية اسباني و انجليزي طبعا.. و انك تلاقي حد بيتكلم انجليزي في البرازيل دة زي لما تدور علي مصري بيتكلم كوري ولا صيني..... و احتسنا في المطار انا وزميلي حوسة البلجيك....

وللحديث بقية...

[mnman]

وبعد محاولات فاشلة للتحدث و مزيج من اللغات سينيور بليز لوسمحت حيث كانت حصيلت السنة درلسة للاسباني مع طالب غير مجتهد زي لاتزيد عن أهلا و ازيك عامل اية أتفضل كل , شكرا سبقتكم, النبي تيجي, ناكل في فراحكم :D :D يعني تقدروا تقولوا بتكلم 40% اسباني .. حاجة كدة سمك لبن تمر هندي الحمد لله وصلنا الفندق بعد حوالي ساعة...

اما بقي عن البرازيل: فهي من اجمل البلاد و تتمتع بمصادر طبيعية رهيبة تؤهلها لقيادة العالم لو تم استغلالها....

الشعب: من أطيب شعوب العالم وخدوم جدا معندوش عقدة اللون زي الي موجودة في اوربا و امريكا حتي الان.

تعداد السكان: 170 مليون نسمة من غير الهنود لان المناطق التي تسكنها بعض القبائل من الهنود الحمرولا يستطيع احد الاقتراب و هما مش شوية يعني حوالي ربع مليون نسمة الله اعلم.

العملة: ال real ( ينطق هياو) 1 هياو = 1.4 جنية مصري. من اشهر قليلة كان 2 جنية مصري. يتأثر بالدولار ... فالاقتصاد البرازيلي مرتبط تماما بالاقتصاد الامريكي. واحد هياو يساوي 100 سينتافوس.

العاصمة: البرازيل

عدد الولايات: 22

الما المساحة:

total: 8,511,965 sq km

land: 8,456,510 sq km

water: 55,455 sq km

طول الحدود:14,691 km

الدول الحدودية:

Argentina 1,224 km, Bolivia 3,400 km, Colombia 1,643 km, French Guiana 673 km, Guyana 1,119 km, Paraguay 1,290 km, Peru 1,560 km, Suriname 597 km, Uruguay 985 km, Venezuela 2,200 km

اما نسبة الارض المزروعة والمستفاد منها لاتزيد عن 5% .

سلبيات البرازيل:

1- الطبقية... البرازيل شعب طبقي يمتلكة حفنة قليلة من البشر. وخاصة المزارع فتري ملايين الافدنة مملوكة لشخص واحد وغير مستفاد منها علي الاطلاق.

2- الاجور للعاملين منخفضة.

3- العنف: فعربتي مثلا زجاجها مضاد للرصاص ممنوع فتح شباك العربية بعد السادسة مساء.قد يتم قتلك للحصول علي سينتافوس واحد.

4- الفساد عيني عينك حيث يتم دفع مبالغ للشرطة لتتغاضي عن المجرمين الكبار و قد يستعان بالشرطة للقتل .. فبدلا من تأجير قاتل محترف ـاجر شرطي محترف و يكتب تقرير ان المقتول حاول قتلة و مسدس جنب الجثة وخلصت. بأمانة لم أري اي من هذة الحوادث بعيني كلها روايات و حكايات.

5- 98% من الشعب لا يتحدث الا البرتغالية...

6- نسبة الامية و الجهل مرتفعة للغاية.

7- العمل الاكثر اقبالا... لعب الكورة او العمل في اي مؤسسة دولية.. كلامم المتحدة او غيرها..

8- الدراسة الاكثر اقبالا: business and administration

9- فساد الحكومة.. حتي الجديدة..

10- المواصلات صعبة جدا لو معندكش عربية.. و التكسي غالي نار.. و حتي وقتنا هذا انا و صديقي نقود بدون رخص...

11- البيروقراطية... من هنا للسنة الجاية... فعلشان تخلص ورقة لازم تتطلع مليون ورقة و كل ورقة لازم تدرس وتحلل حاجة كدة زي حاوريني ياكيكا .. بس البركة في ال dinheiro يعني ال money يعني الفلوس.

اما مميزات البرازيل:

وللحديث بقية....

[ragab2]

الحقيقة

موضوع شيق ياعم من من

وياريت فى الأول تعطى نبذة عن تاريخ دول أمريكا الجنوبية ومنهم البرازيل الشقيقة من أول نزوح الأوربيين لها وكيف اختاروا اللغة ونسبة تعداد الأوربيين مع الهنود الحمر والأفارقة

تحياتى

[بنت شعنونة]

:D

انا كنت لسا ها اسالك

من كام يوم شفت لقطة حقيقية من كاميرا فيديو عن الشرطة نااااازلة ضرب في واحد غلبان سايق عربية بدون سبب وبعدين وهوا ماشي ضربوه بالرصاص!!!!!

هوا بجد العنف للدرجادي يا منمان هناك؟؟

يعني على كدا مصر ارحم بقى والا ايه!؟؟!

طب وانت مش خايف على نفسك هناك يا سيد!!!!!!؟؟؟؟؟ :D :D :)

[freefreer]

ياااااااااااااه اخيرا واحد عملها .. بقالى سنين و انا اطلب من الأخوة و الأخوات ان يصفوا البلاد الموجودين بها فى مجموعة من المقالات التفصيلية .. و لا مجيب .. شكرا اخى منمن .. و أكيد البرازيل من البلاد المجهولة لنا تقريبا 100% .. و كل معلوماتنا عنها العاصمة و اهم الموانئ و حكاية البن .. و فى الأفلام يقولوا للبطل عمك اللى فى البرازيل اتوفى و سابلك ثروة هائلة .. هاهاهاها ..

[Faro]

العملة: ال real ( ينطق هياو) 1 هياو = 1.4 جنية مصري. من اشهر قليلة كان 2 جنية مصري. يتأثر بالدولار ... فالاقتصاد البرازيلي مرتبط تماما بالاقتصاد الامريكي. واحد هياو يساوي 100 سينتافوس.

العملة السابقة كانت تسمى ... كروزيرو ... أى مقاربة لـ قروش باللغة العربية, وقد تم تخفيضها العديد من المرات. لم أكن أعلم أنها أخذت لقب أخر .

بالنسبة لممارسة القتل بواسطة الشرطة فهذه حقيقة وشاهدت ذلك على شاشة التلفاز ويسمونها دورية الموت وأغلبية من يلاقي الموت برصاصاتهم من الأطفال الأيتام والعائلات الفقيرة ويوجد منهم الكثير حيث أن نسبة كبيرة منهم ناتج لحظة متعة مدفوعة .

[mnman]

والله يا شونشن البوليس هنا معندوش صلاحيات البوليس المصري يعني ميقدرش يوقفك من غير متكون فعلا مشتبة فية او شكلك مريب.. وهنا الخطر حيث ان ضابط الشرطة سيلقي اللوم عليك وان انت الي حاولت قتلة فما كان الا ان دافع عن نفسة....و غالبا كما اشار الاخ فارو الحاجات دي بتبقي بين البوليس و رجال المخدرات او تهريب البضائع الصغار و معظمهم من اسر فقيرة او معدومة اما الروس الكبيرة فدي في الحفظ والصون ...او مافيا المتعة الحرام حيث انها من اسهل واسرع وسائل كسب المال في البرازيل... و طبعا المبالغ المدفوعة لرجال الشرطة لا يقدر عليها المواطن العادي وليس لة ايصا مصلحة من قتل صبي يوزع المخدرات فهي زي ما بنقول بالبلدي شغل عصابات... و معظم الحوادث في ريو دي جانيرو حيث وصل الفساد لقمتة...

الحرمية هنا مؤهلين لتدريب جميع لصوص العالم... كل يوم والتاني نسمع عن حرامية دخلو مول تجاري و سرقوا ماكينة النقود كلها في عربية نقل و محدش شافهم و ساعات الامن بيكون قاسم معاهم... و اغرب من كدة والله ادي حرمية حفرو نفق في السجن وهربوا والله العظيم و اشي صحفي اختفي و بعدين يلاقوة محروق مش عارف فين...

فالمواطن العادي الي في حالة البوليس مش حيدوسلة علي طرف و ينحصر خوفة في الحرامية وقطاع الطرق..و دول مصيبة لوحدهم...

أما من ناحية الخوف سعات لما بيكون الوقت متأخر و انا سايق مبافقش في الاشارات و لازم تشيل معاك مبلغ من المال كاش يعني علشان لو حصل و قابلك حرامي تدهملوة يقوم يسيبك لان لو معكش فلوس و الساعة عدت 8 مساء يعني متقدرش تاخد فلوس من الماكينة بالكارت(دواعي امن) يبقي حيموتك من غيظة.

أما بخصوص الاولاد الحرام فحدث ولا حرج.... ففي برنامج يومي اسمة هاتينيو يعني الفار و دايما بيجيب قصص زي دي كتير و خاصة عن اطفال الشوارع و العلاقات الشاذة بينهم والامراض...

أما بخصوص العملة فتم تغيرها من حوالي 5 سنين و كانت في الوقت دة 1 هياو = 1 دولار..

أما بخصوص تاريخ البرازيل من عنية يا دكتور رجب....

وشكرا يا اخي فري فري.... ومتنساش فيلم فتافيت السكر هانم و الرد لما سألو عبد النعم ابراهيم و انتي رحتي البرازيل لية وكان عامل واحدة ست ورد أصلي كييفة بن.. :D :D :D

بس مع كل دة في مميزات في البرازيل وهي..... يتبع

[بنت شعنونة]

:D :D :D

يا نهار ابيض يا منمان؟

والله انا خفتلك مسبقا؟!؟!

لالالا

على كدا بقى سيبلنا عنوان جيرانك عشان لو اتاخرت علينا حبة نبقى نيجي ناخد التركة :wink: :)

لا والله بس بجد ربنا يعينك انا قلبي انفطر والله

:)

[freefreer]

لا حول و لا قوة الا بالله العلى العظيم .. بقى ال ..

1 هياو = 1.4 جنية مصري

ياللمدلهمة الجنيهية ..

حتى أنت يا هياو !!!!! امال لو كان اسمة عليه القيمة شوية كان عملت ايه فى الجنية بتاعنا .. :mad:

[ragab2]

عمار يامصر

سمعت

أيضا أنه فى الصومال يسرق قطاع الطرق جيبات وبلوزات البنات بالقوة فى الشارع بأن يحملها ويرفعها واحد ويشد بلوزتها وجونلتها الآخر وتترك الفتاة فى الشارع بالملابس الداخلية الى أن يسترها أهل الخير

كما تحطم سيارات الحرس الجمهورى الجيب أبواب المحلات الصاج المعرج بأن تصدمها وتدخل فيها بالإكصدام لفتحها ثم يتم سرقة محتوياتها أمام الناس وتحميلها فى الجيب

الكلام دة كان أيام استقرار الصومال على عهد الرئيس السابق المخلوع

فما بال الحال الآن

لا حول ولا قوة الا بالله

[mnman]

فري فري كتب:

لا حول و لا قوة الا بالله العلى العظيم .. بقى ال ..  

1 هياو = 1.4 جنية مصري  

ياللمدلهمة الجنيهية ..  

حتى أنت يا هياو !!!!! امال لو كان اسمة عليه القيمة شوية كان عملت ايه فى الجنية بتاعنا ..

الله يحظك يا استاذ فري فري... قبل ماجي البرازيل وانا بحضر الاوراق كنت اقوا ريال وبعد مجيت وسمعت ضحكت لما قلت يابس لانهم بينطقوها بدلع حبتين فتسمعها هيييياااوووو.

و بتقول فيها يا دكتور رجب... هنا في البرازيل الاطفال الفقراء و المعدومين زوي العاشرة الي 20 سنة ممكن يوقفك يسرق الكوتشي او الترننج او بنطلون اي حاجة والسلام وتلاقي معاة مسدس محترم....اما الاكبر من كدة تطلعاتة اكبر من كدة...

عمار يامصر.....

[Faro]

إذا لم يحدث تطور إيجابي فى مصر خلال العشر سنوات القادمة فليس من المستبعد أن تنتقل العدوى البرازيلية أو الكلومبية إلى مصر .

[Elham]

على كده مصر رحمه :? :? ربنا يكون فى عونك و يحميك

[KWA]

بسم الله الرحمن الرحيم

السلام عليكم ورحمة الله وبركاته

منمان موضوع في الجون...دول امريكا اللاتينيه دول تستحق المعرفه ...و لكن قولي انت تحمل الجنسيه البلجيكيه ام مازلت تحمل الجنسيه المصريه...علي ما أعرف انك عايش في سان باولو... ممكن تكلمنا عنها شويه يعني زي معلومات سياحيه..مستوي الأجور منخفض كما قلت ..ما متوسط الدخل السنوي للفرد العادي و ياتري ....الدولار يساوي كام...1 هياو...1- الطبقية... البرازيل شعب طبقي يمتلكة حفنة قليلة من البشر. وخاصة المزارع فتري ملايين الافدنة مملوكة لشخص واحد وغير مستفاد منها علي الاطلاق.

شئ ليس بجديد علي دوله من العالم الثالث ...

أنا خريج كلية العلوم جامعة الاسكندرية ...

ده انت كيميائي ....زي حلاتي ....أهلا وسهلا...

:D :D :D :D

العنف المتواجد في البرازيل و خصوصا كما توصف...الي حد شبيه في بعض المدن الكبيره في أمريكا ....رغم طبعا فارق المستوي الأقتصادي...

أرجو ان تكلمنا اكثر عن البرازيل لأني في الحقيقه من الدول اللاتينيه التي اريد زيارتها...المكسيك و البرازيل و الأرجنتين...في المستقبل انشاء الله...و لك جزيل الشكر علي معلوماتك ووقتك

[ابو حلاوه]

إذا لم يحدث تطور إيجابي فى مصر خلال العشر سنوات القادمة فليس من المستبعد أن تنتقل العدوى البرازيلية أو الكلومبية إلى مصر .

و الله يا اخ فارو

انا اري انه اذا لم يحدث تطور في البرازيل و كولومبيا في العشر سنين القادمة قد تنتقل العدوي المصرية لهم

[الطفشان]

موضوع جميل جدا يا اخ منمان

بالنسبة لتاريخ البرازيل، و لماذا هي تتحدث البرتغالية و ليست الاسبانية مثل باقي القارة

عندما بدأ عهد الاستكشاف للعالم الجديد و بعد عودة كولومبوس من امريكا في سنة 1494، اخبر البابا الاسكندر السادس (الاسباني المولد) باكتشافاته

اصدر البابا مرسوم يحدد ان أي ارض غير مسيحية تستكشف غرب خط وهمي من الشمال و الجنوب مئة فرسخ غرب جزر الرأس الاخضر Cape Verde تكون لاسبانيا، في حين ان اي ارض غير مسيحية شرق هذا الخط تكون للبرتغال

لم يعجب هذا الاتفاق البرتغاليين، و التقوا مع الاسبان في مدينة تورديسياس Tordesillas التي عرفت المعاهدة باسمها، و تم زحزحة الخط الى 370 فرسخ غرب الجزر المذكورة

(الفرسخ على ما اذكر ثلاث اميال بحرية و هي اكبر بحوالي 15% من الميل العادي الذي هو 1.6 كيلومتر)

في ذلك العهد لم يكن من الممكن قياس خط الطول بدقة

وافق البابا على هذا التعديل

و في سنة 1529 صدر بيان زاراجوزا (سرقسطة) حيث امتد هذا الخط الى القطبين مقسما الكرة الارضية كلها

كانت النتيجة ان البرازيل وقعت في قسمة البرتغال و لذلك هذه هي لغتها اليوم، و باقي امريكا الجنوبية اسباني

ملاحظات:

1- خرق البرتغاليين الاتفاق و توغلوا في الامازون غرب الخط المذكور، و لكن اسبانيا لم تعترض

2- لاحظ ان هذا كان بداية عصر الاستعمار، و لم يتم استشارة اهل البلاد نفسهم في كل هذا، يعني الحق المطلق مع الابيض المسيحي الكاثوليكي، و الباقي همج

3- لاحظ ان انجلترا و فرنسا و بلجيكا و هولندا كانوا خارج اللعبة وقتها

4- بعد 5 قرون تجد ان امريكا الجنوبية فشلت في التوحد و لو على نموذج الاتحاد الاوروبي في بدايته، بالرغم من تقارب الدين و اللغة في معظمها

[MuslimaEgyptian]

:wow: :wow: :wow:

إيه ده يا أخ منمان...ده إنت تمضى العقد وعلى السعوديه جرى...

ده ولا عصابات شيكاجو والمافيا الإيطاليه كما نرى بالافلام...ربنا يحميك ويحمى كل أبناء الغربه ويمنع عنهم اى سوء..

و كل معلوماتنا عنها العاصمة و اهم الموانئ و حكاية البن .. و فى الأفلام يقولوا للبطل عمك اللى فى البرازيل اتوفى و سابلك ثروة هائلة .. هاهاهاها .. 

:D :D :D

[عادل أبوزيد]

الفاضل منمان

الموضوع شيق للغاية و لأنى كما تعرف مهموم حتى الأعماق بمشكلة محاربة الفساد حقيقة مشكلة الفساد تؤرقنى و كثيرا ما تمنعنى من النوم.

هل لى أن أطلب منك ان تعرفنا كيف يتعاملون مع الفساد و هل هناك آليات لحرب الفساد هناك و هل نجح اى من تلك الأساليب و يهمنى بالدرجة الأولى الشعب العادى و طبعا لا يهمنى اجراءات حراسة فردية كأن يستأجر الفرد حرس خاص لحمايته كيف يتعايشون مع الفساد هل هناك قبول عام بمفردات الفساد هناك ؟؟

[mnman]

من عنيا من جوة... انا ححكيلكم كل حاجة بالتفصيل....

حاليا انا بأجمع بعض المعلومات عن اكتشاف امريكا الاتنية و خاصة البرازيل و ساضعها هنا قريبا جدا... علي الرغم من ان الاخ طفشان ابتدي بداية مشجعة جدا... واضافة الي ما قالة ان حملة كولمبس كانت ممولة من الاسبان بعد رفض البرتغال تمويلها.. و ليس كما هو معروف ان اول من اكتشف الامريكاتين هو كريستوفر كولومبس فلقد نزل قبلة بسننين سفن الفايكينك و لكن لجهلهم لم يستوعبوا حقيقة انها ارض جديدة... و ان شاء الله حيكون في مداخلة عن تاريخ الاكتشافات...

نرجع دلوقتي لمميزات البرازيل...

زي ماقلت ان المواطن العادي يواجة فقط خطر اللصوص اما البوليس فهم قطعا وان كان بهم نسبة فاسدة فلا وجة للمقارنة مع البوليس المصري بدأ من اللبس نهاية بالمعاملة.... فالشرطة في البرازيل من اعلي المرتبات و تصل الي حوالي 2000 هياو وهو ما بعادل 575 دولار و هو مبلغ محترم جدا... المعاملة في منتهي الزوق حتي لو ارتكبت مخالقة في عبور الطريق فهناك غرامة ولكن كلة بالادب... كل المصالح التي لها علاقة بالجمهور مع تغاضينا عن البيروقراطية فأن الموظفين غاية في الزوق والادب... والله العظيم ساعات من أدب الموظف او رجل الشرطة تتمني ان تكون برازيلي...

الشعب طيب جدا و عشري زي المصريين تمام و يخدموك بعنيهم خصوصا لو غريب ومن غير مقابل و لو عرضت يتزرزر البرازيلي :) :) .

المرور: منظم لدرجة غريبة مافيش فرق بين البرازيل و اوربا... الكل يحترم المرور والاشارات مفيش عساكر مالية الشوارع الناس عندها احساس بالمسئولية... المبداء في الشارع او الافضلية للمترجل ثم قائد الدراجة ثم الدراجة البخارية ثم العربة... فلو حصل وعديت غلط العربيات حتوقف و تسيبك تعدي و دي ميزة كبيرة ... ركوب الاوتوبيس بالطابور مفيش زحام الي يجي متأخر يستني في السينما وفي شبابيك حجز التذاكر مفيش حاجة اسمها حسئل سؤال من فضلك .. كبار السن و الحوامل و المعاقين لهم دائما الافضلية... مكتبنا يبعد 500 متر عن محطة اتوبيس ومتروا اوعدكم سوف التقط بعض الصور للحسرة فقط لاغير... عقبلنا يارب..

الصناعة: البرازيل بلد صناعي من الدرجة الاولي من حيث عدد المثتسمرين و الاموال المستثمرة وكبر البلد والموارد الطبيعية.. الشئ الغريب ان كل دة مش ظاهر لان الارباح كلها بتتحول دولارات و تغادر البلاد اول بأول و هذة الارباح زي ماقلت بتكون لقلة من الناس و الشعب غير مستفيد الا من الرواتب وكفي...و علي الرغم من كتر الصناعات والمصانع فهي مش مستوعبة العمالة كلها..

ألاسعار: عكس مصر تماما ما هو غالي عندنا رخيص هنا و ما هو رخيص في مصر هنا غالي... فمثلا الطعام في مستوي الفرد المتوسط و الفقير ياكل زلط في مصر البركة في الفول والطعمية (الحمد لله)..

السيارات: رخيصة جدا جدا فمثلا أكسارا مودل 2003 بحوالي 30000 جنية مصري... و ال كورسا 2003 مثلا بحوالي 15000 جنية... و لو قلنا جيب 2003 مثلا بحوالي 50000 جنية ولو رحنا لارخص عربية وهي فيات أونو بحوالي 6000 جنية.. مصانع العربيات هنا كتير جدا تقريبا كل المركات العالمية و الصناعة برازيلية 100% و لذلك فهي رخيصة... الملابس كذللك رخيصة جدا.... و كل حاجة هنا بالقسط حتي الهدوم... فتلاقي محل فخم بيبيع بدلة اسموكن مثلا ب 500 هياو علي 4 مرات و اخر تيشرت ب 20 هياو علي مرتين..

السكن والشقق: كتير و بتسهيلات كتير وغير معقدين في حكاية الايجار... و الشقق الفخمة بتتراوح من 50000 الي 100000 جنية و ممكن تشتري منزل بحوالي 20000 منزل 200 متر مربع بس في منطقة نائية ولو منزل في منطقة من الغالين يبقي علي حسب المساحة قول 200 متر مربع حوالي 150000 جنية.و كلة بالتقسيط علي 20 و 25 سنة.... مفيش مشكلة في السكن للفرد العادي (عندة شغل و مرتب حوالي 500 هياو)..

الدخول: اقل مرتب في الدولة وهو رجال النظافة حوالي 250 هياو البسطجي حوالي 1000 هياو العسكري 2000 هياو الضابط 3500 هياو او اكثر الكميائي 6000 هياو المهندس 6000 او اكثر المدرس 3000 هياو (مع الاعتذار لجميع مدرسي مصر).. و طبعا كلة بالخبرة و المركز..

ودة معناة ان طالما عنك وظيفة الحياة بتكون سلسة جدا و تقدر تشتري شقة وعربية كمان.

اما الفساد فدة لة طبقتين.... يتبع...

[mnman]

أكتشاف الامريكاتين: (1)

تم ما بين 1492 الي 1504 ب 4 رحلات لكلومبس.... في البداية كانت التجارة مع اوربا واسيا بتم عن طريق رأس الرجاء الصالح و نظرا لطولة والتكلفة الكبيرة لاعداد السفن كانت الفكرة لكلومبس لاكتشاف طريق جديد يؤدي الي الهند حيث كانت الهند في ذلك الوقت من اهم مناطق التجارة وخاصة التوابل و المحاصيل الزراعية...

أما كولمبس فقد ولد في جينوا بأيطاليا عام 1451 و سافر لاخية في ليزبونة عاصمة البرتغال عام 1476 وهناك حاول اقناع الملك جون بدفع التكاليف و لكن قوبلت الفكرة بالرقض التام ... فسافر الي اسبانيا عام 1485 و حاول اقناع العائلة المالكة ولكن قوبلت فكرتة بالرفض... وفي عام 1492 وافق احد ملوك مقاطعات اسبانبا في ذلك الوقت اللمك فيرديناند و الملكة ايزابيل بتميل الحملة الاستكشافية...

و في اغسطس من نفس العام بداءت الحملة الاستكشافية مكونة من 3 سفن وهما سانتا ماريا و نيا و بنتا و 100 بحار.... و بعد 3 ايام تعرضت بنتا الي ضرر بالغ نتيجة عاصفة و اضطر كولمبس للتوقف في جزر الكناري لاصلاحها....بعد حوالي شهر اعتقد البحارة ان كولمبس فقد الطريق و فقد عقلة ايضا...

وفي اكتوبر 1492 وصلت السفن الي اول جزيرة في الباهاما و التي سميت فيما بعد سان سيلفادور... و لكن كولمبس كان علي يقين انة قريب من الهند و ابحر مجددا... و بعد عدة اسابيع وصل الي كوبا و هنا اقر كولمبس انهم وصلوا الي احد الاراضي المجهولة في اسيا و عاد ادراجة الي اسبانيا مع سفينتين بينتا و نيا..

و تم التجهيز لرحاتة الثانية سنة 1493 بحوالي 17 سفينة و 1500 بحار... و تكررت الرحلات.

تاريخ الرحلات

ولكن الاكتشاف الاعظم للعالم الجديد تم علي يد أمريجو فسبسيو بعد تفقدة للساحل الشمالي لامريكة الجنوبية واكتشافة انها قارة جديدة وليست اسيا كما اعتقد كولمبس و دة كان ما بين سنة 1499-1500

لمزيد من التفاصيل: أكتشاف العالم الجديد

المداخلة القادمة عن اكتشاف البرازيل....