عارف إمتى تقول معاييش؟

[محمد عبدالعزيز]

منذ فترة طويلة لم أكتب موضوع فى المحاورات, ولما فكرت ماذا أكتب تعبت من التفكير, فققرت أن أجتر هذه المحاولة المتواضعة.

لعلها تجد من يقرأها.

عارف امتي تقول معاييش؟؟؟؟

يوم ماتدرو علي صاحب يبقي مرايتك

صاحب يفهم ايه مشكلتك

يوم ماتعوزه تلاقيه جنبك

يقدر ياخدك من أحزانك

يعمل مهماً كان علشانك

يوم ورا يوم وبيخلص عمرك

وخلاص تعبت من التفتيش

يبقي ساعتها تقول معاييش

..................................

يوم ماتلاقي الدنيا بتاخدك

رحت بعيد وبعيد عن أهلك

قال ايه.. علشان تثبت نفسك

أو علشان .. تنفخ محفظتك

سنة ورا سنة بتلاقي ملامحك

راحت...بعدت...تاهت عنك

ولا نفعك زمن التحويش

يبقي ساعتها تقول معاييش

..................................

يوم ماتعدي عليك أيامك

يومك أمسك مش في دماغك

ولا شايف بكره في أحلامك

مش فارقه معاك... ليه تشغل بالك

يعني هتعمل ايه في حياتك

ومفيش شئ في اهتماماتك

ولا حتي تجيب لقمة عيش

يبقي ساعتها تقول معاييش

تم تعديل 19 أكتوبر 2007 بواسطة محمد عبدالعزيز

[shahd]

استاذ محمد كلماتك في الصميم .. تهز الوجدان.. سلمت اناملك اخي الفاضل

[امانى]

كلماتك رائعة يا استاذ محمد وفعلا لو لم يتوفر ما قلت يصبح الانسان مفلس معهوش ودى من عندىبقى

-------------- لو أصبحت مجرد فكرة--------------- وبقيت دايما خايف من بكرة--------------وحياتك فى وجودك ز كرى

تيجى تفتش على الافراح

قليلة قوى وكثيرة الاتراح

وتقول فين الود يقولوا مفيش

يبقى سعتها تقول معاييش

سلمت اناملك والى المزيد

امانى

[محمد عبدالعزيز]

استاذ محمد كلماتك في الصميم .. تهز الوجدان.. سلمت اناملك اخي الفاضل

أشكرك بشدة لأنك بذلتى بعض وقتك ومجهودك لرفع روحى المعنوية بهذه الكلمات الرقيقة :rolleyes:

[محمد عبدالعزيز]

كلماتك رائعة يا استاذ محمد وفعلا لو لم يتوفر ما قلت يصبح الانسان مفلس معهوش ودى من عندىبقى

-------------- لو أصبحت مجرد فكرة--------------- وبقيت دايما خايف من بكرة--------------وحياتك فى وجودك ز كرى

تيجى تفتش على الافراح

قليلة قوى وكثيرة الاتراح

وتقول فين الود يقولوا مفيش

يبقى سعتها تقول معاييش

سلمت اناملك والى المزيد

امانى

سعدت جداً بمشاركتك

لقد أحسست فى الحقيقة بهذه المعانى وبهذا الحرمان فى بداية عملى خارج مصر, وبالفعل ما تفضلتى وأضفتيه يكمل هذه المعانى.

شكراً :rolleyes:

[kokomen]

الأخ الفاضل : محمد عبدالعزيز

كلمات جميلة معبرة عن واقع يمر بنا دائما

وأنت مسست الوتر الحساس في موضوع الغربة الذي نعاني منه

عندما ذكرت النص التالي

يوم ماتلاقي الدنيا بتاخدك

رحت بعيد وبعيد عن أهلك

قال ايه.. علشان تثبت نفسك

أو علشان .. تنفخ محفظتك

سنة ورا سنة بتلاقي ملامحك

راحت...بعدت...تاهت عنك

ولا نفعك زمن التحويش

يبقي ساعتها تقول معاييش

فعلا الأيام بتأخذنا في الغربة ولكن الظروف بتحكم

وربنا يسهل وتعدي أيام الغربة بسلام ... أدعوا لنا أخي الكريم

:rolleyes: :rolleyes:

[محمد عبدالعزيز]

ربنا يسهل لك الحال ويعدى عليك أيام الغربة بسلام يا أخى الفاضل كوكومن.

شكراً للتعليق الجميل

[النسر المصري]

رهييييب ..رهيب رهيب جدا يا استاذ محمد

الكلمات تتراقص على الجروح والنغمات معا...وكانها تحدثك عنك اكثر منك....

ولو انني اشكو قلتها.....فانا اعتقد انها كانت تحتاج لمقطعين ثلاثه زيادة على الأقل

سلمت اناملك يا استاذ محمد

[badroora]

اخونا العزيز محمد ابو العزيز

بجد تسلم ايديك كلمات واقعية وملموسه (معرفش ملموسه السين ولا بالثاء

المهم يعنى حسب متطلع (

.

يوم ماتلاقي الدنيا بتاخدك

رحت بعيد وبعيد عن أهلك

قال ايه.. علشان تثبت نفسك

أو علشان .. تنفخ محفظتك

سنة ورا سنة بتلاقي ملامحك

راحت...بعدت...تاهت عنك

ولا نفعك زمن التحويش

يبقي ساعتها تقول معاييش

هنا بقي جيت عالجرح وضغط اوى واتمنى ان اعود قبل ماملامحى تتبدل بملامح تانية والناس تتوه عنى

تسلم ايدك وفى انتظار المزيد ,,,,

[محمد عبدالعزيز]

رهييييب ..رهيب رهيب جدا يا استاذ محمد

الكلمات تتراقص على الجروح والنغمات معا...وكانها تحدثك عنك اكثر منك....

ولو انني اشكو قلتها.....فانا اعتقد انها كانت تحتاج لمقطعين ثلاثه زيادة على الأقل

سلمت اناملك يا استاذ محمد

والله ياعمور يا حبيبى أنا حاسس فعلاً إنها قليلة, ولكن عذرى إنى هاوى على قدى... ومعلش بقى... بصلة المحب خروف

أشكرك جداً على مجاملتك الرقيقة

[محمد عبدالعزيز]

اخونا العزيز محمد ابو العزيز

بجد تسلم ايديك كلمات واقعية وملموسه (معرفش ملموسه السين ولا بالثاء

المهم يعنى حسب متطلع (

.

يوم ماتلاقي الدنيا بتاخدك

رحت بعيد وبعيد عن أهلك

قال ايه.. علشان تثبت نفسك

أو علشان .. تنفخ محفظتك

سنة ورا سنة بتلاقي ملامحك

راحت...بعدت...تاهت عنك

ولا نفعك زمن التحويش

يبقي ساعتها تقول معاييش

هنا بقي جيت عالجرح وضغط اوى واتمنى ان اعود قبل ماملامحى تتبدل بملامح تانية والناس تتوه عنى :huh:

تسلم ايدك وفى انتظار المزيد ,,,, :happy:

ملموسة بالسين زى ماحضرتك كتبتى كده بالضبط.

تسلم إيديك إنتى كمان عشان نورتينى بمشاركتك... ويارب يحقق لك أمنيتك

شكراً :happy:

[Tafshan]

عارف امتي تقول معاييش؟؟؟؟

يوم ماتدرو علي صاحب يبقي مرايتك

صاحب يفهم ايه مشكلتك

يوم ماتعوزه تلاقيه جنبك

يقدر ياخدك من أحزانك

يعمل مهماً كان علشانك

يوم ورا يوم وبيخلص عمرك

وخلاص تعبت من التفتيش

يبقي ساعتها تقول معاييش

..................................

يوم ماتلاقي الدنيا بتاخدك

رحت بعيد وبعيد عن أهلك

قال ايه.. علشان تثبت نفسك

أو علشان .. تنفخ محفظتك

سنة ورا سنة بتلاقي ملامحك

راحت...بعدت...تاهت عنك

ولا نفعك زمن التحويش

يبقي ساعتها تقول معاييش

..................................

يوم ماتعدي عليك أيامك

يومك أمسك مش في دماغك

ولا شايف بكره في أحلامك

مش فارقه معاك... ليه تشغل بالك

يعني هتعمل ايه في حياتك

ومفيش شئ في اهتماماتك

ولا حتي تجيب لقمة عيش

يبقي ساعتها تقول معاييش

عارف امتى تقول معاييش ؟؟

لما بتبقى جوه في بلدك

وسط اخواتك ناسك اهلك

جي بتلملم بيهم نفسَك

جى تتحامى فيهم نِفسك

يأخذ كل ما فيهم حضنك

تلقى ما حدش فيهم عارفك

الا عشان يأخذ بقشيش !

يبقي ساعتها تقول معاييش

تحياتى للكلمات الجميله الموجعه !

اعذرنى يا عزيزي على ردى المتواضع .. استفذتنى !

[إبن مصر]

أثرت شجونا يا اخى الفاضل قطرت بها حروفك بصدق .. ودفعت حروف الاخرين ان تتهادى بجانب ما كتبت تعبر عما جاش بنفسهم عندما لمست اوتار ارواحهم نغمات حروفك..

فعزفت كما عزفت هلى ملحمه الاوطان..

واسمح لى ان اشاركك بكلماتى المتواضعه ..

عارف امتى تقول معييش.

لما تدور جوه فى روحك

على كف يكفكف نوحك

او ودن بتسمع بوحك

او حضن يداوى جروحك

وتلاقى الرد مفيش

يبقى ساعتها تقول معييش....

تسلم ايديك .

[Salwa]

عارف امتى تقول مامعييش ؟؟

لما تنادى محدش يسمع..

لما تخبط ومفيش يفتح ..

لما بتضحك فى وشوش ماتت..

راسمة البسمة صحيح تفويت..

لما بتفتح بيتك حضنك قلبك تلقى الرد يادوب تلاكيك ..

لما تلاقى حقك ضايع وسط حقوق اجبارى عليك ..

واجبك اصبح امر ادارى الا اذا ما بيطمر فيك ..

كلك دمك لحمك عضمك حق عليهم ليهم فيك .

وانت يادوب حتة بنى آدم ضحكة طفل يادوب ترضيك ..

لما بتخلص حبة فى حبة انت لوحدك مشغول بيك ..

كنت لوحدك عشت لوحدك برضه سايبها لوحدك فيك ...

[مسالم]

عارف امتى تقول معييش ؟؟!!

لمّّا تعيش الغربه في بلدك ..

لمّا تلاقي الجار مفارقك ..

لمّا تلاقي الوهم في حلمك ..

لمّا تلاقي الهم في حضنك ..

لمّا تذوق المر في حلقك ..

لمّا الموت ييجي في تفكيرك ..

لمّا الغربه تكون تحريرك ..

يبقى ساعتها حعرف انك ديمقراطي أصيل ... :sad:

حاولت اكون ايجابي .. لكن معييش .. شكرا ياخونا محمد عبد العزيز على تقليب المواجع .. والله المستعان..

ارجو المعذره للغه العربيه فيما كتبت...

تم تعديل 23 أكتوبر 2007 بواسطة مسالم

[kokomen]

الأخ الفاضل : محمد عبد العزيز

كلماتك مؤثرة أستفزت قلوب عطشى لتعبر عما يجيش في مشاعرها الرقيقة فيما يدور من حولها من هموم

** *** عارف أمتى تقول معاييش

** لما تسافر وتبعد عن أهلك

** لما تمل الغربة لوحدك

** لما تغيب عن أحباب قلبك

** لما تذرف دمعك على خدك وأنت بعيد

** لما الشيب يظهر على شعرك

** لما تلملم جرحك ومشاعرك وأنت وحيد

** لما تضيق عيشتك في بلدك تهجر بلدك وأنت حزين

أرجوا المعذرة كلمات بسيطة تعبر عما يجيش في صدورنا وقد أستفزتنا كلماتك لنخرج ما عندنا

مع أرق تحياتي القلبية

:P :D

تم تعديل 25 أكتوبر 2007 بواسطة kokomen

[محمد عبدالعزيز]

آسف يا جماعة اعذرونى للتأخر فى الرد, فأنا بصراحة "اتخضيت" من الردود الأخيرة خصوصاً للعمالقة الأستاذ Tafshan والأستاذ أحمد محمود ومدام Salwa حسب ترتيب مشاركتهم فى موضوعى المتواضع.

حقيقى كنت مش عارف أرد أقول إيه, ولغاية دلوقتى مش عارف بس حبيت أقول شكراً لكل من شارك وأثنى على كلماتى.

كما أشكر أيضاً الأستاذ مسالم والأخ العزيز kokomen على التشجيع والمشاركة الإيجابية.