ماما نونا

[The Professor]

هذا التعليق قرأته في جريدة المصري اليوم لأحد القراء تعليقا على مسلسل يتربى في عزو ..

منهم لله كل من ساعد و ساهم ودبر علي حدوث تلك المأساة في نهاية شهر رمضان في يوم الوقفة وهي ليلة العيد السعيد حيث تذيع الفضائية المصرية في هذا الوقت مسلسل «يتربي في عزو» والذي جسدت فيه النجمة القديرة كريمة مختار «ماما نونا» (مصر) تلك الأم التي دلعت ابنها عزو (الراعي المصري) والذي أفسد كل من حوله أو أفسدوه ماتفرقش!

تلك الأم سليلة الباشوات (عهد الملكية في مصر) والتي تعيش في قصر عزو باشا (أرض مصر) الذي يحتاج للدهان والبياض (التغيير وتداول السلطة!) في عصر مغاير لأيام الباشوات الحقيقيين (عصر بيع ممتلكات مصر للأجانب) عصر إرهاب وبطش أمن الدولة (النقيب حسام عزو) و ماتت مصر (ماما نونا) في ليلة العيد ليبكي المصريون حالهم كما لم يبكوا من قبل لعل هذا البكاء يفيقهم مما هم فيه!

دكتور مهندس جمال الشربيني

[amrhoras]

هذا التعليق قرأته في جريدة المصري اليوم لأحد القراء تعليقا على مسلسل يتربى في عزو ..

منهم لله كل من ساعد و ساهم ودبر علي حدوث تلك المأساة في نهاية شهر رمضان في يوم الوقفة وهي ليلة العيد السعيد حيث تذيع الفضائية المصرية في هذا الوقت مسلسل «يتربي في عزو» والذي جسدت فيه النجمة القديرة كريمة مختار «ماما نونا» (مصر) تلك الأم التي دلعت ابنها عزو (الراعي المصري) والذي أفسد كل من حوله أو أفسدوه ماتفرقش!

تلك الأم سليلة الباشوات (عهد الملكية في مصر) والتي تعيش في قصر عزو باشا (أرض مصر) الذي يحتاج للدهان والبياض (التغيير وتداول السلطة!) في عصر مغاير لأيام الباشوات الحقيقيين (عصر بيع ممتلكات مصر للأجانب) عصر إرهاب وبطش أمن الدولة (النقيب حسام عزو) و ماتت مصر (ماما نونا) في ليلة العيد ليبكي المصريون حالهم كما لم يبكوا من قبل لعل هذا البكاء يفيقهم مما هم فيه!

دكتور مهندس جمال الشربيني

ممكن تحكى التمسليه من الاول لانى متفرجتش على مسلسلات وكمان ليه بكيت؟ اعتقد انه لايوجد اى عمل فنى يبكى الا فيلم حبيبي دائما لبوسي ونور الشريف

تحياتى

[darlengs]

طب اللي شاف المسلسل خد باله من الاغنيه اللي في نهايته ؟؟؟؟ اغنيه جميله اوي كلمات ايمن بهجت قمر

عيني عللي زمان كانو بيمخمخو

لو ميت زلزال ولا يتلخلخو

اطغطو الطمو صوتو صرخو

خليكو قاعدين انتخو

بنعيد و نزيد في الحضارات

قوم اعمل حاجه وورينا

بقا جدك يبني اهرامات

و عيالك يلعبو في الطينه

اعمل حاجه الله يكرمك

دحنا كنا كبار لينا هيبه

هو انا يعني اللي هفهمك

دكنا سبعه و ستين خيبه

[The Professor]

المسلسل ملئ بالإسقاطات السياسية والاجتماعية والتي تضمنتها حتى كلمات التترات - الإنترو والفينال - كما تفضل الأخ دارلنج بعرض كلمات التتر الفينال - فهناك القصر الذي يمثل ارض مصر ومقدراتها ومسألة بيعه لأجنبي وكيف كان الألم يعتصر قلب المواطن المصري الذي عاش في هذا القصر ويحبه ( حمادة عزو و نوال ) لبيع هذا القصر ومحاولة ايقاف هذا البيع بكل ثمن حتى لو انتهج طريقا لا اخلاقيا ( سرقة وبيع السي دي ) .... وغير ذلك الكثير....

اترك لمن تابع المسلسل المجال للإضافة وعرض الرؤى - وتحية كبيرة للمؤلف يوسف معاطي على هذا العمل الجيد ...

[miramar]

ماما نونا لا تمثل مصر

لأن مصر قاسية على ولادها بتطلعهم رجالة مش بطلعهم حمادة عزو

الي مبيعرفش يتخذ اقل قرار لوحده

يمكن الكاتب كان عايز يطلع ماما نونا مصر بجد بس مصر مش متساهلة للدرجة دي

مجرد راي

مرمر

تم تعديل 16 أكتوبر 2007 بواسطة miramar

[zizetta]

مسلسل ماما نونا أو يتربى في عزو كان مسلسل في الظاهر يبعث علي السخرية والتهريج في كل أسرة فيها الإبن الحيلة اللي أمه مدلعاه وماشيه ورا كلامه وبتنفذ له كل طلباته.. وكنا طوال رمضان بنختار من كل أسرة من هو حمادة عزو .. لكن طبعا التتر الأخير للمسلسل وما يفهمه كل رشيد هو ما ينطبق تماما علي الكلام المكتوب في المصري اليوم .. المسلسل كما فهمته هو دعوة للفوقان قبل فوات الأوان وموت ماما نونا هو نذير لمن لا يتعظ بأن هذه ستكون نهاية هذا البلد إذا لم يحدث التغيير .. الحقيقة أنا شايفة أن يحيي الفخراني اتهضم حقه في التقدير لأن هو اللي أبكانا في الحلقة قبل الأخيرة وكلنا بنتفرج وكل واحد ماسك نفسه علشان محدش يضحك عليه من اللي قاعدين ويقوله يا عم ده تمثيل.. لكن لقينا ان كلنا كنا بنبكي وكل بيت شاف الحلقة دي بكي .. عارفين ليه .. لأنه يحيي الفخراني فكرنا بموت الأحبة ولحظات استقبال الخبر لأهل البيت ولباقي المعارف وترتيبات الدفن والحزن وردود الأفعال المتباينة والملخبطة ..حتى أن بنتي قالت لي يا ماما كأن حد قريبنا مات .. تحية تقدير ليحي الفخراني الذي أعتقد انه ممكن يكون رقد له يومين بعد كل هذا المجهود الجبار في توصيل تلك المشاعر من خلال وجهه ودموعه فقط .. معجبنيش بقي عمل عروسة لماما نونا في النهاية مش عارفة ليه لكن ححتفظ لنفسي بالسبب.. بالمناسبة ده المسلسل الوحيد اللي كنت بتفرج عليه لأنه بعد الفطار مباشرة وقبل صلاة العشاء والتراويح ..وكل عام وأنتم بخير..

بمناسبة تتر المسلسل عجبتني كلمة أنتخوا .. وضمتها للقاموس بتاعي اللي حعلن عنه قريب .. تابعونا .. فاصل ونلتقي..

محسوبتكم زيزيتا

[النسر المصري]

طب اللي شاف المسلسل خد باله من الاغنيه اللي في نهايته ؟؟؟؟ اغنيه جميله اوي كلمات ايمن بهجت قمر

عيني عللي زمان كانو بيمخمخو

لو ميت زلزال ولا يتلخلخو

اطغطو الطمو صوتو صرخو

خليكو قاعدين انتخو

بنعيد و نزيد في الحضارات

قوم اعمل حاجه وورينا

بقا جدك يبني اهرامات

و عيالك يلعبو في الطينه

اعمل حاجه الله يكرمك

دحنا كنا كبار لينا هيبه

هو انا يعني اللي هفهمك

دكنا سبعه و ستين خيبه

يانهااااااااار اسووود....انت بتتكلم بجد...بقى هو ده تتر النهايه واغنيتها

مش ممكن...وكمان قال جتنا 67 خيبة.......رقم 76 بالذات

انا الصراحة ماتفرجتش الا على الحلقة الاخيره..ورغم اني مش عارف ايه الحكايه..الا اني بكيت....بيكت من آداء يحيى الفخراني العبقري

ربنا يهده

[The Professor]

من إسقاطات يوسف معاطي العديدة في هذا المسلسل ايضا ترميم القصر ( او إعادة طلاءه )بأيدي سكانه .... - الأجنبي لن يعمر البلد - ولكن ابناؤها هم من سيفعل أو الأولى بفعل ذلك في إشارة إلى خطورة التغلغل الأحنبي في البلد من خلال بيع معظم الشركات والمرافق الحيوية لهم ..

[Salwa]

موضوع مسلسل حمادة عزو.... ليا رأى فيه بصراحة ونتكلم معاكم بدون ترتيب ..لكن بواقعية شوية ..

فى احدى حلقات البيت بيتك تقريبا استضافوا اكثر من مرة كل ابطال المسلسل ..وفى مرة منهم دخل ( على التليفون ) يحيى الفخرانى وقال انه حذر المخرج انه لن يعيد تصوير مشهد اكل البليلة وفعلا ...تم تصوير المشهد مرة واحدة ..واتكلموا معاه على الأجر اللى حصل عليه وقالوا له تقريبا تلاتة مليون وشوية وهو قال ده حقيقى ...

ايضا فى مرة اخرى دخلت كريمة مختار ( على التليفون ) وقالت انها فى الحقيقة شخصيتها تختلف تماما عن شخصية ماما نونا ..

حكاية يوسف معاطى ...

والمصرى اليوم ...

ومش عارف ايه ...

شوفوا بقى ؟؟

المسلسل ناجح ....ناجح لاننا احنا عاوزينه يبقى ناجح ..يعنى احنا شعب عاطفى و...مطحون ..

زهقنا بقى من مسلسلات النكد ...راحوا دول دخلوا علينا بمسلسل (( روش )) وتتر حلو وممثل عبقرى

(( مليان ))...وليلة راس السنة وداخل بعروسة جديدة وقمة الاستهتار وغيره وغيره ....واحنا نضحك !!!

و...اصحى ياحمادة ...ننوس عين امه ...كلبوظة ...وكدة يعنى ..

(((( على فكرة انا لما اتكلمت مع اختى سألتها ؟؟ يظهر انى فعلا نسيت العربى ونسيت الكلام باللهجة العامية ...يعنى ايه يااختى انتخوا ؟؟ وفضلت تضحك على كلامى وقالت لى ..انتخوا ياسلوى يعنى انتخوا ...

ما الشباب كله مأنتخ ....!!!!!!!!(( وانا بس بنقول جوة نفسى ...ماشاء الله فيه تقدم واضافة فى المصباح المنير ))

هى تضحك وانا اضحك

اكتشفوا بقى ان المسلسل (( دخل فى نغاشيش المصريين ))....راحوا قالبينها سياسة !!!

ايه ياعمنا ؟؟ ايه ياعم يوسف يامعاطى ؟؟

امال بقى مسلسل محمد صبحى (( اللى اتظلم )) نقول عليه ايه ؟؟

ده هو ده السياسة الحقيقية ........

ده واحد (( فاهم هو بيعمل ايه )) ...

مش تعالى اهسك لك الزبون ؟؟ شوية رقص وشوية نغمات !!!!!!!ورانيا فريد شوقى عملت لها رجيم ولازم تطلعه على جتت المشاهدين !!!

بلا اى جدال ..يحيى الفخرانى ممثل عبقرى وكلنا بكينا فى مشهد ارتعاشة يده ووقوع النقود منه ثم محاولة اكل البليلة ....يعنى جسد الحزن ....انا شخصيا بكيت اكثر عندما حاول يعمل لنفسه حلاوة الدقيق !!! بكيت فعلا ...بكيت (( وليا اسبابى طبعاااا ومن ضمنها ان زى حنية الام مفيش حنية ))...لكن ؟؟ مشهد ابنة عمه الصارمة وهى بتكمل له وبتعطيه ما كانت تمنعه عنه ...تعطيه طبق حلاوة الدقيق (( مشهد رهيب الصراحة ))..

مسألة انه عمل عروسة لامه ....(( انا برضه معجبتنيش وحسيت انها طريقة طفولية اكثر من اللازم وسمجة ))

لكن ؟؟ كان لابد من المشهد ده حتى يحضر صاحب المصنع ويرى العروسة ويتفق معه على تصنيعها ..

هم فشلوا (( انهم جعلوه ينام بجانبها )) ...يعنى حركة عبيطة قوى الصراحة ..

برضه معجبنيش حتة السذاجة بتاعة اليورانيوم ...

منين ( رفدوا المدير !!!.........ومنين عطوها شهادة تقدير ؟؟.......طيب ايه حصل فى النص ؟؟؟ ) حتة عبيطة قوى الصراحة ...

ويسرق لها حتة يورانيوم !!!!!

والا الدكتور عماد ؟؟ ....

فيه شخصيات كتير ملهاش معنى ..

ابنه ابراهيم !!!!!!(( شخصية معقدة بكل المقاييس !!!! بمجرد انه عزمه على اكلة !!!!!!!!وخد حتة اللحمة الملبسة دى وكلها بدالى وكأنى انا اللى باكلها !!!! .........نسى ابراهيم كل الاتنين وعشرين سنة !!! وحلق دقنه !!!))

طيب مال الدقن ومال العودة لاحضان الأب ؟؟

طيب كان يحلقها حلاقة معقولة ؟؟

بلاش مرة واحدة كدة يخلع كله !!! الجلباب والدقن !!!

طيب حتى كان قال (( ولو بالكذب ))لما عرف انه نجح فى امتحان الخارجية ..........انا رايح اصلى ركعتين شكر لله ......صح ؟؟

وللحديث بقية ..

[Sherief AbdelWahab]

أبدأ قبل الكلام في التوكيد على حقيقتين هامتين:

الأولى أنه لا يوجد شخصان على ظهر هذا الكوكب يتلقيان نفس العمل الفني بنفس الطريقة .. أنا ممكن أشوف المسلسل الفلاني حلو غيري يشوفه هايف غيرنا يشوفه حاجة تانية.. حتى لو كانت نيات المؤلف وصناع العمل واضحة فيه منذ البداية وليست متروكة لاستنتاجاتنا الشخصية..

والثانية أنه لا يشترط أن يكون العمل مملوءاً عن آخره بالإسقاطات لكي يكون عملاً فنياً جيداً .. نجاح أي عمل فني بينحصر في حاجتين مهمين من وجهة نظري : الإمتاع والإقناع .. فمش ممكن أتعاطف مع- مش أعجب بـ-فكرة حلوة مكتوبة بسيناريو رديء وإخراج مهلهل وتمثيل متواضع وصوت زي بعضه وتصوير مش مفهوم ومونتاج ما يعلم بيه إلا ربنا..دة عموماً..

فيه كتاب بيحبوا يفتعلوا الإسقاطات دي لسبب من اتنين ، أو للسببين : إما في محاولة لإظهار نفسه وما يعمل بمظهر أكثر أهمية ، وإما محاولة لاستدرار تعاطف الصحفيين خاصةً إنهم همة اللي بيوجهونا وبيحركونا بمدائحهم وردائحهم في اتجاهات فرجة معينة مش شرط تعبر هي عن وجهة نظرنا أو انطباعنا عن الحاجة دي..

أنا شايف إن محاولات الإسقاط كانت مفتعلة في "حمادة عزو".. لإن يوسف معاطي معندهوش من الحرفية إنه يحطها بدقة .. ولا عنده العين الثاقبة اللي تشوف المجتمع من تحت وتنقده.. وإنه لو كان المسلسل اجتماعي صرف ما كانش حيبقى هايف.. ولا كانت أي محاولة مفتعلة للإسقاط أو تتر الختام الأكثر افتعالاً وغرابة حيضيفوا له أي شيء.. والله أعلم..

خلص الكلام

[أبو محمد]

موضوع مسلسل حمادة عزو.... ليا رأى فيه بصراحة ونتكلم معاكم بدون ترتيب ..لكن بواقعية شوية ..

فى احدى حلقات البيت بيتك تقريبا استضافوا اكثر من مرة كل ابطال المسلسل ..وفى مرة منهم دخل ( على التليفون ) يحيى الفخرانى وقال انه حذر المخرج انه لن يعيد تصوير مشهد اكل البليلة وفعلا ...تم تصوير المشهد مرة واحدة ..واتكلموا معاه على الأجر اللى حصل عليه وقالوا له تقريبا تلاتة مليون وشوية وهو قال ده حقيقى ...

ايضا فى مرة اخرى دخلت كريمة مختار ( على التليفون ) وقالت انها فى الحقيقة شخصيتها تختلف تماما عن شخصية ماما نونا ..

حكاية يوسف معاطى ...

والمصرى اليوم ...

ومش عارف ايه ...

شوفوا بقى ؟؟

المسلسل ناجح ....ناجح لاننا احنا عاوزينه يبقى ناجح ..يعنى احنا شعب عاطفى و...مطحون ..

زهقنا بقى من مسلسلات النكد ...راحوا دول دخلوا علينا بمسلسل (( روش )) وتتر حلو وممثل عبقرى

(( مليان ))...وليلة راس السنة وداخل بعروسة جديدة وقمة الاستهتار وغيره وغيره ....واحنا نضحك !!!

و...اصحى ياحمادة ...ننوس عين امه ...كلبوظة ...وكدة يعنى ..

(((( على فكرة انا لما اتكلمت مع اختى سألتها ؟؟ يظهر انى فعلا نسيت العربى ونسيت الكلام باللهجة العامية ...يعنى ايه يااختى انتخوا ؟؟ وفضلت تضحك على كلامى وقالت لى ..انتخوا ياسلوى يعنى انتخوا ...

ما الشباب كله مأنتخ ....!!!!!!!!(( وانا بس بنقول جوة نفسى ...ماشاء الله فيه تقدم واضافة فى المصباح المنير ))

هى تضحك وانا اضحك

اكتشفوا بقى ان المسلسل (( دخل فى نغاشيش المصريين ))....راحوا قالبينها سياسة !!!

ايه ياعمنا ؟؟ ايه ياعم يوسف يامعاطى ؟؟

امال بقى مسلسل محمد صبحى (( اللى اتظلم )) نقول عليه ايه ؟؟

ده هو ده السياسة الحقيقية ........

ده واحد (( فاهم هو بيعمل ايه )) ...

مش تعالى اهسك لك الزبون ؟؟ شوية رقص وشوية نغمات !!!!!!!ورانيا فريد شوقى عملت لها رجيم ولازم تطلعه على جتت المشاهدين !!!

بلا اى جدال ..يحيى الفخرانى ممثل عبقرى وكلنا بكينا فى مشهد ارتعاشة يده ووقوع النقود منه ثم محاولة اكل البليلة ....يعنى جسد الحزن ....انا شخصيا بكيت اكثر عندما حاول يعمل لنفسه حلاوة الدقيق !!! بكيت فعلا ...بكيت (( وليا اسبابى طبعاااا ومن ضمنها ان زى حنية الام مفيش حنية ))...لكن ؟؟ مشهد ابنة عمه الصارمة وهى بتكمل له وبتعطيه ما كانت تمنعه عنه ...تعطيه طبق حلاوة الدقيق (( مشهد رهيب الصراحة ))..

مسألة انه عمل عروسة لامه ....(( انا برضه معجبتنيش وحسيت انها طريقة طفولية اكثر من اللازم وسمجة ))

لكن ؟؟ كان لابد من المشهد ده حتى يحضر صاحب المصنع ويرى العروسة ويتفق معه على تصنيعها ..

هم فشلوا (( انهم جعلوه ينام بجانبها )) ...يعنى حركة عبيطة قوى الصراحة ..

برضه معجبنيش حتة السذاجة بتاعة اليورانيوم ...

منين ( رفدوا المدير !!!.........ومنين عطوها شهادة تقدير ؟؟.......طيب ايه حصل فى النص ؟؟؟ ) حتة عبيطة قوى الصراحة ...

ويسرق لها حتة يورانيوم !!!!!

والا الدكتور عماد ؟؟ ....

فيه شخصيات كتير ملهاش معنى ..

ابنه ابراهيم !!!!!!(( شخصية معقدة بكل المقاييس !!!! بمجرد انه عزمه على اكلة !!!!!!!!وخد حتة اللحمة الملبسة دى وكلها بدالى وكأنى انا اللى باكلها !!!! .........نسى ابراهيم كل الاتنين وعشرين سنة !!! وحلق دقنه !!!))

طيب مال الدقن ومال العودة لاحضان الأب ؟؟

طيب كان يحلقها حلاقة معقولة ؟؟

بلاش مرة واحدة كدة يخلع كله !!! الجلباب والدقن !!!

طيب حتى كان قال (( ولو بالكذب ))لما عرف انه نجح فى امتحان الخارجية ..........انا رايح اصلى ركعتين شكر لله ......صح ؟؟

وللحديث بقية ..

فى انتظار بقية الحديث يا مدام سلوى

كنت متفائلا بهذا المسلسل لاشتراك يحيى الفخرانى فيه بالبطولة .. وتوقعت بعض التطور للشخصية التى يمثلها فى المسلسل (حمادة عزو) .. وانتظرت طويلا ولم يحدث .. وبعد حلقة تقديم أسامة عباس الخمسين جرام يورانيوم لنهال عنبر فى علبة قطيفة وكأنه بيقدم لها الشبكة .. أصبحت أتابع المسلسل فقط لمشاهدة يحيى الفخرانى .. فهذا المشهد (مشهد العلبة القطيفة) كان من أكبر سقطات المسلسل ..

وأكبر سقطاته على الإطلاق هو ذلك الحشو طوال 29 حلقة وكأن يوسف معاطى والمخرج والفخرانى قرروا إنهم ينفذوا العمل بعد قراءة حلقتين تلاتة فقط .. وقالوا نبدأ بقى والأستاذ يوسف يألف واحنا شغالين .. وده يمكن يكون سبب شعور مدام سلوى إنهم كان قصدهم مسلسل دمه خفيف وبعدين قلب معاهم على سياسة .. وتم التحبيش بشوية اسقاطات طوال التسعة وعشرين حلقة .. وبعدين جم فى الآخر وقالوا يانهار اسود :sad: داحنا فى الحلقة 29 .. قفل ، قفل ، قفل يا أستاذ يوسف .. راح الأستاذ يوسف مخللى ماما نونا تلسع حمادة قلم لأنه كان عاوز يسرق السى دى بتاع نوال .. وتقريبا هى كانت نسيت (أو يوسف معاطى نسى ) إنها تعلم حمادة إن السرقة حرام .. قامت هى ماتت حزنا على ضربه بالقلم وهو حاول الانتحار بأكل البليلة ... تيجى بقى الحلقة الأخيرة وكووووول مشاكل المسلسل تتحل ..

حمادة يتجوز نوال .. بعد احتقارها الظاهر له قبل ذلك

إبراهيم يرجع عن طريق التطرف ويحلق دقنه وينجح فى امتحان الالتحاق بوزارة الخارجية .. ولا ينسى يوسف معاطى إنه يطلع زميل ابراهيم اللى كان يسارى متطرف "فى الجامعة" واللى فوجئ بيه ابراهيم قاعد فى لوكاندة فاخرة فى شرم الشيخ وأصبح باشا من باشاوات اليومين دول "طبعا المتفرج ذكى وحيفهم إن الواد اليسارى المتطرف باع القضية" .. أقول لا ينسى يوسف معاطى إنه يطلّع الواد الباشا ساقط فى امتحان وزارة الخارجية (مش عارف اتقدم ليه من الأساس وهو قد أظهره لنا فى صورة الباشا اللى بيلعب بالفلوس) وطالع من اللجنة قفاه يقمر عيش ويرغى ويزبد ويهدد بقلب الدنيا فى الجرايد

إبنه حسام "ضابط أمن الدولة" الذى كان حمادة يخشاه دائما .. وبعد مشاهد احتقار الإبن لأبيه طوال 29 حلقة وتعنيفه له ، وخوف الأب الدائم منه .. نجده فى الحلقة 30 وقد أصبح يحبه ويحترمه وآخر غرام بالوالد حمادة

نوال تنجح فى بحثها وتاخد جايزة .. ورئيسها اللى ساعدها وظرفها 50 جرام يورانيوم فى علبة قطيفة يُحال للتقاعد

باختصار يوسف معاطى جعل كل المشاكل تتحل بموت ماما نونا .. يعنى هى اللى كانت مبوظة العيلة دى كلها ؟؟؟ wst:: ولم ينصلح حال العيلة إلا بموتها يبقى فين بقى الإسقاطات المقصود بيها إن ماما نونا هى مصر أو القليوبية ؟؟؟ ..

أروع ما فى المسلسل هو تمثيل يحيى الفخرانى وبالذات فى الحلقة 29 و30 فهو من أبكى الملايين بتمثيله الفذ .. ياريتهم كانوا عرضوا الحلقة الأولى والحلقتين الأخيرتين ووفروا علينا 27 ساعة مشاهدة

(((( على فكرة انا لما اتكلمت مع اختى سألتها ؟؟ يظهر انى فعلا نسيت العربى ونسيت الكلام باللهجة العامية ...يعنى ايه يااختى انتخوا ؟؟ وفضلت تضحك على كلامى وقالت لى ..انتخوا ياسلوى يعنى انتخوا ...

ما الشباب كله مأنتخ ....!!!!!!!!(( وانا بس بنقول جوة نفسى ...ماشاء الله فيه تقدم واضافة فى المصباح المنير ))

هى تضحك وانا اضحك

مش عارف أقول لك إيه يا مدام سلوى .. :blink: ... فاكرة لما كان زمان الأهالى يقولوا لابنهم "قوم يابنى شوف حالك بدل مانت قاعد أو نايم متمطرق كده"

أهى مأنتخ دى زى متمطرق بتاعة زمان .. بعبارة أخرى .. "شباب طالع معاش مبكر" :happy:

[نانو]

مسلسل حماده عزو من أسوء المسلسلات التي رأيتها في رمضان

بدايه من الطريقه الساذجه التي كان يؤدي بها يحي الفخراني دوره في بدايه المسلسل مرورا بمشاهد التعنيف أو بالتحديد التهزيئ التي كان يواجهه بها حسام والده ....هذه المشاهد غير مقبوله علي الاطلاق و اعتقد انه لا يمكن ابدا لابن ان تصل به الصفاقه وقله الاحترام والتربيه لهذه الدرجه وخصوصا انه يبدو انه تربي في بيت محترم ووسط عيله لها عروق و اصل

ثانيا مع كل الحب المفروض أن تكنه ماما نونا لحماده فهي تترك الحبل علي الغارب لنوال لتهزيئ حماده علي كل صغيره وكبيره ثم تظهر لها الحب و التقدير ....هذا شئ في منتهي التناقض لا يمكن ان يقبل

ثالثا وهو الأهم شخصيه مثل حماده عزو عاشت أكثر من ستين عاما في منتهي السلبيه ليس لها أي دور إيجابي مع أبنائه أو فيما يخص عمله ...لا يستطيع أن يعتمد علي نفسه أو أن يتخذ قرارا أو يحل مشكله إلا في ما يخص نزواته في زيجاته المتعدده ....لا يمكنها أبدا بأي حال من الأحوال ان تتحول إلي شخصيه إيجابيه لهذه الدرجه وتصلح أحوال كل من حولها خاصه بعد وفاه ماما نونا التي كانت هيا مصدر الحياه بالنسبه له .....كان يستمد منها الدعم المعنوي والنفسي وحتي المادي ...و ينتظر منها الحلول لكل شئ ...الطبيعي في مثل هذه التركيبه من الشخصيه ان تنهار تماما و لا يبقي منها سوي حطام لا يقوي ان يعول نفسه او يسير علي قدميه

رابعا طبعا وقد علق عليها الجميع موضوع الطاقه النوويه و الحرب علي دكتوره نوال بالشكل الواضح من بدايه المسلسل وواضح طبعا أن الحرب من جهات عليا ..في نهايه المسلسل أخدت الحكومه حبوب الشجاعه كده مره واحده وقبلت المشروع النووي لنوال وأعطتها ايضا جائزه تقديريه ....شئ مستفز أن يستهين الكاتب والمخرج والبطل بعقول المشاهدين لهذه الدرجه

هذا المسلسل لا يوجد فيه غير مشهد أكل البليله...... فقط لا غير

[فــيــروز]

أعجبنى جدّا التعليق الذى كان لدكتور "خالد منتصر" فى حلقة "العاشره مساء" التى استضافته و غيره للتعليق على مسلسلات رمضان .. إذ اندهش بشدّه من محاولة ترميز العمل "حماده عزّو" بأى شكل كى يثبت المعجبون به أنّه عمل يستحق الإشاده و كأن العمل البسيط الخالى من الرموز لكنّه متماسك و محكم دراميا فى نفس الوقت لا يستحق الاحترام !!

من فتره و أنا فى حالة ذهول من البحث المستميت عن "ترجمه" لما حواه المسلسل من "رموز" .. وحين قرأت بجريدة "المصرى اليوم" مقالا يصف ماما "نونه" بأنّها "مصر" و "حماده" هو الشعب الذى دللّته "مصر" لقيتنى باقول : لأ مش فاهمه !!

يعنى إيه "مصر" حاجه و شعبها حاجه تانيه !! تسأل واحد عن الفرق بين "مصر" و شعبها عشان تفهم الفرق بين "نونا" و "حماده" يقول لك "مصر" هى الزمان و المكان و التاريخ و الجغرافيا و التراب و العفوش إلى آخر هذه الهلاوس .. والهدف فى النهايه أن يدور رأسك و لا تفهم من يفترض أن يتلقّى اللوم "حماده" اللىّ هو الشعب اللىّ كان ضحيّة التدليل ولاّ "مصر" اللىّ احنا مش عارفين نحدد لها كيان واضح !! ليس مهمّا أى منطق فى هذا السياق المهم أن يخرج المشاهدون بإحساس أنّهم شاهدوا عملا جيّدا هربا من الشعور إنّهم انضحك عليهم لمدّة 31 يوم زى الصعيدى اللىّ أخد عشر أقلام على غفله !!

أنا عدت الآن لمداخلات كتبتها فى موضوع "كيف ترون مسلسلات رمضان" و ابتسمت حين قرأت هذه العباره

مش ناقصه غير "يوسف معاطى" و "أيمن بهجت قمر" تبقى أعمالهم هى الأخرى مسفّه و تجاريه جدّا ثم فى آخر سطرين من العمل أو فى تتر النهايه منه يكون لهم عين يبكّتونا على حالنا ولا كأنّهم ساهموا بأعمالهم المضمحلّه فى وصولنا لهذا الحال

إذ لم أتوقّع من "معاطى" أن "يقفّل" المسلسل كلّه بهذه الطريقه فى الحلقه الأخيره !! ولا أدرى حيث كان لديه الشجاعه لمناقشة عيوبنا -كما يدّعى- لماذا أنجح "ابراهيم" فى امتحان الخارجيه !! ابراهيم صاحب الملف فى أمن الدوله و مهنة أمّه البسيطه و حتى مؤهلاته هو الشخصيه و الإنسانيه التى لا تؤهله للنجاح فى الخارجيه يدخل الخارجيه و يتزوّج ابنة السبّاك التى أشبعها المسلسل تحقيرا و استهزاء !! ولاّ حبوب الشجاعه كانت خلصت من جيب "معاطى" و ماحبّش ينكّد على "ابراهيم" ولا على الناس و دخّله الخارجيه !! و غيّر موقف "نوال" من "حماده" بصنعة لطافه للدرجه التى دفعتها هى لطلب الزواج منه !! يعنى رغم رأيى فى موضوع "تعالى اخطبنى" "حماده عزّو" ليس الرجل الذى تقدم أى امرأه على طلب الارتباط به !! بس حكم النهايه السعيده سيف مسلّط على رقاب المشاهدين

و كل ماما "نونه" و "حماده عزّو" و انتم بخير ..