ماذا تفعل لو اصبحت وزيرا ؟

[مونتى]

ماذا تفعل لو يوم حصل واصبحت وزيرا

اى وزير تريد ان تكون ؟

ولماذا ؟

مرحبا بالخيال والاحلام الجميله من اجل مصرنا الغاليه

[miramar]

ايزة ابقى وزير التربية و التعليم

و اغير اسلوب مصر في التعليم كله

أو وزير النقل عشان اغير طرق السكة الحديد

بس

مرمر

[النسر المصري]

أسرق اللي أقدر عليه....وأجري استخبى ف حته ضلمه......هما اللي قبلي احسن مني ف ايه يعني!!

[امانى]

اكون وزيرة التامينات الاجتماعية واشوف الغلابه اللى مش قادرين يتحصلوا على لقمة العيش اللى تسد جوعهم او اللى يتمنوا

حائط يسترهم وادور على اللى نفسهم يناموا مغمضين عيونهم مش خايفيين من بكرة وغيرهم بيصيف فى مصائف عالمية

ومن كتر فلوسهم بيرموها فى الحفلات والمناسابات المبتدعة 0

امانى

[مونتى]

أسرق اللي أقدر عليه....وأجري استخبى ف حته ضلمه......هما اللي قبلي احسن مني ف ايه يعني!!

يا راجل حرام عليك انا بقول نحلم من اجل مصر

[النسر المصري]

أسرق اللي أقدر عليه....وأجري استخبى ف حته ضلمه......هما اللي قبلي احسن مني ف ايه يعني!!

يا راجل حرام عليك انا بقول نحلم من اجل مصر

طب ياستي انا هتكلم بجد طالما الموضوع هنحلم بجد

لو اانا اتعرض علي اكون وزير ......................................هارفض!!

طبعا مش هتصدقو وهتفتكروني بهزر......

لكن هي دي الحقيقه.....

لاني مهما كانت عندي طموحات واحلام واتجهات اصلاحيه وحب جارف لبلدي وشعبي.......ومهما كانت عندي خطط وحلول جذريه جاهزه للتنفيذ...فان كل ذلك سيتحطم تحت ارجل اونكل جيمي وبابي ومامي سوزي..!!

وكلمة السر...الجنزوري

[seeem]

انا باحلم اكون وزير نقل

اول حاجة حاعمل خط سكة حديد من اسكندرية لغاية توشكى

وتانى حاجة اعمل مترو انفاق فى اسكندرية الجديدة

واطور مطار القاهرة بحيث يسمح بهبوط A380 فيه

وحاجات تانيه كتير قوي

[سهيلة]

طبعا دى مسؤلية موش سهلة ان الواحد يكون وزير

لكن عشان مصر الواحد منكن يعمل اى حاجة

انما بجد لو خيرونى اختار ابقى وزيرة صحة

وموش هعمل لنفسى مكتب ولا حاجة زى باقى الوزرا

انا كل يوم هتنكر واطب على احد المستشفيات الحكومية واعمل عيان

واشوف ازاى بيعملوا المرضى الغلابة ف المستشفيات

واشوف الفساد الطاغى فيها والسرقة العلنية

واوفر مزانية كويسة للمستشفيات الحكومية

وازود امكانيات الطبيب العلمية بعمل دورات علمية مستمرة وامتحانات دورية

وازود مرتبات الاطباء والطاقم الطبى بالكامل

بعد كدة يكون الحساب بجد وحازم عشان مافيش حجة للاخطاء

[Lembic]

أسرق اللي أقدر عليه....وأجري استخبى ف حته ضلمه......هما اللي قبلي احسن مني ف ايه يعني!! :D

وتستخبى ليه؟ هى البلد فيها حاجة اسمها ااسرقة ممنوعة؟

[kokomen]

مسؤولية الوزير كبيرة .... بس ياريت يسيبوك في حالك وتشتغل كويس

لكن ستوضع أمامك العراقيل وتتوه في المشاكل والملفات والبيروقراطية

وسوف تخير بين أمرين أما أن تترك الوزارة فورا مما رأيت من الفوضى

والرشاوى والفساد وأما تواجه الفساد والأخر تطرد من الوزارة غير مأسوف عليك

كما فعلوا في الجنزوري والوزير .. الغريب الذي أدخل السجن ظلما والمرتشون خارج الأسوار

يمرحون بما كسبت أيديهم .... اتمنى أن أكون وزيرا للتعليم .... لعدة أسباب وهي

بناء منظومة من المدارس المتطورة في جميع المحافظات حسب إحتياجاتها للقضاء على إزدحام الفصول ووجود الفترتين**

تشكيل لجان علمية حقيقية يشترك فيها نخبة من المدرسين لوضع المناهج المتطورة التي الطلاب على التفكير العلمي السليم **

بدلا من الحشو والتلقين .... وتفعيل إستخدام الحاسب الآلي والإنترت في عملية التعلم بدلا من غلق المعامل علي الأجهزة

بحجة أنها عهدة حتي تلفت وإعتلاها الصدأ

** رفع مرتبات المعلمين الى أقصى حد ممكن ليصبح المدرس مميزا في المجتمع ثم نطبق مبدأ العقاب والثواب عليه

لأن المعلم هو أساس التنمية البشرية في أي مجتمع فهو الذي يخرج كل الكفاءات العلمية في مختلف التخصصات

**المطالبة بفتح ميزانية وزارتي التعليم والصحة لأنهما من أساسيات نهضة المجتمع ... أنظروا الي المجتمعات

المتقدمة تجد الأهمية القصوى للتعليم والصحة والبحث العلمي وهي من أساسيات نهضة اي مجتمع

** دمج التعليم الفني الصناعي والزراعي في التعليم العام الثانوي ودخول مواد عملية مؤهلة للكليات المختلفة

مثل الهندسة والصيدلة والزراعة والطب والتخصصات الأخرى وتكون الأولوية لدخول هذه الكليات حسب

النجاح في هذه المواد المؤهلة للكليات .. ثم عمل إختبارات قبول في هذه الكليات من خلال هذه المواد المؤهلة

دون دخول أي أشكال للواسطة في هذه الإختبارات المؤهلة للكليات.. بذلك نقضى علي شبح الثانوية العامة

هذه بعض الأفكار التي تمس العملية التعليمية ... فإذا أصلحت التعليم والصحة أصبح لديك إنسان مؤهل

علميا وصحيا ليقتحم جميع المجالات ويحدث تقدم للأمة ..ويكون مؤهلا للعمل خارج مصر بكفاءة عالية

وللحديث بقية بإذن الله

[amrhoras]

أكون وزير الداخلية لعدة اسباب

1- رفع الظلم عن أى مظلوم :blink:

2- عمل تحقيق شامل ودراسة ملف كل معتقل ومسجون دون وجه حق أو محاكمة :)

3- رد أى شرطى يتطاول على اى مواطن بدون تهمه محدده :blink:

4- تنظيم حملات مفاجأة على الشوراع والقبض على المتسولين ومروجى الجريمة وأيضا البلطجبة ksh::

5- القبض على كل متشدد وجماعات أخوان المسلمين بالخصوص وكل من يثير الشبهه تحت غطاء الاسلام gsm::

6- القبض على كبار الحرامية حتى لو وزير او غفيروأيضا عتاولة مجلسي الشعب والشوره (بلطجية الانتخابات) فى ماحاوله للقضاء على قانون السكسونية gjy::

7- طبعا غلق جميع النوادى الليلية لشارع الهرم بتهمة التربح من اعمال مخلة بالآداب وترويج خمرا مغشوشة حتى ولو مش مغشوشة :) وايضا القبض على روادها :)

8- لو ربنا اعطانى العمر ان لم اغتيل أو يقيلنى رئيس الحكومة او لم تنسب الى تهمة مخلة بالشرف المهنى اجعل فعلا شعار الشرطة فى خدمة الشعب ليس اسما فقط بل فعل

شكرا لجعلى اعيش دقائق من الحلم الجميل لكن حلمى الحقيقي انى اكون طيار مقاتل ولم تواجهنى اى مصاعب سواء صحيه او رياضيه او هيئة لكن الواسطة لعبت دور واقالونى قبل أن ابدأ

تم تعديل 18 أكتوبر 2007 بواسطة amrhoras

[ashraf hasan]

اتمنى اكون محافظ القاهرة .. ضمن حكومة شرعية ..

اللى يهمنى اعمله كبداية ,

رفع إيد البلدية عن الهجوم على محلات اكل العيش و ابتزازها ,

و إلزام أصحاب المحلات بالتنظيف الدائم فى مساحة معينة قدامهم و تلوين الرصيف كل منطقة بلون معين أو موحد , و إعفاء الملتزم منهم من أى رسوم خاصة بالنظافة

[badroora]

انا مش عاوزة ابقي وزيرة انا باحلم انى اصبح المسئولة الاولى فى مصر عن التمريض واحقق كل اللى نفسي فيه .

اول حاجة اعمل نقابة محترمة وليها قيمتها مش مجرد اوضة وصالة فى سطوح بيت ؟ md2:

تانى حاجة اعمل Nursing Council للتدريب الممرضات وعمل امتحانات للتاكد من الكواليتيى الخاصة بدائهم معلموماتهم

اغير صورة التمريض فى مصر واجعل الكل يحترمة

اغير نظام التراخيص بدل مالتراخيص يبقي يتعمل مرة واحدة فى العمر لا يتجدد كل 5 سنوات وقبل التجديد يتعمل امتحان لاختبار المعلومات والمهارات عند الممرضات وبكدا هيكون كل الممرضات مؤهلات ويقدموا خدمة على اعلى مستوي

اجعل للتمريض دور فعال فى المجتمع وخصوص المديديا لنشر اهمية مهنة التمريض

عمل دورات تدريبية وتطبيق نظام التعليم المستمر للمرضات

توفير مناخ سليم للمرضات للقيام بعملهم على اجمل وجه

اكون ضهر كبير وقوى ليهم يحمى اى ممرضة من اى اجراء قانونى يؤخذ ضدها وتكون مظلومة

ارسال الممرضات بعثات للخارج لتلقي التدريب ودراسة فى البلاد الاوربية

ونفس فى حاجات كتييييييييير اوى بس لوحدى مش هينفع لازم حد يسمعنى ويحققلي احلامى او حد يتحد معايا ونقوى اكبر رابطة ونرجع نحقق حلمنا

يلا الله كريم

اوحش حاجة بقي فى التوبيك دا ان الواحد يصحي من الحلم ويفاجيء بالواقع وانى زى مانا ولا املك غير الاحلام :flr1:

[miramar]

الله عليكي يا بدردر اهو انت ملكة غير متوجة على التمريض المصري انا دايما كنت متوقعة التمريض يحصل في صحوة

اتمنى تكون على ايديكي يا احلى بدرية ربنا معاكي يارب

مرمر