خبر صغير معتاد وجملة عابره، لكن .. يا إلله !!!!!

[KANE]

خبر صغير معتاد يُنشر كل حين

لفت نظري جملة واحده "وسرحت" ووجدتني أقول يا نهار اسود

متابعة لحادث التسمم بشبين الكوم

ارتفاع عدد المصابين إلي 120 شخصاً

المحافظ زار المرضي.. إغلاق المطعم..وحبس ثلاثة من العاملين

المنوفية- جمال الدين محمد:

ارتفع عدد المصابين بالتسمم بمستشفي شبين الكوم الجامعي قسم السموم إلي 120 مصاباً إثر تناولهم وجبة غذائية فاسدة عبارة عن ساندويتشات شاورمة ودجاج وجمبري.

قام اللواء حسن حميدة محافظ المنوفية بزيارة المصابين داخل المستشفي واطمأن عليهم.. كما أمر محافظ المنوفية بغلق المحل وقد قامت لجنة من الوحدة المحلية ومباحث قسم شبين الكوم ومباحث التموين بتنفيذ قرار غلق المحل وتم تحرير محضر بذلك.

كما قررت نيابة شبين الكوم حبس كل من رشدي عبدالعزيز عبدالصادق ولبيب فرج لبيب وعبدالعزيز أحمد سعفان أربعة أيام علي ذمة التحقيق.. كما قررت النيابة تشكيل لجنة من مدير إدارة تفتيش الصحة ومدير إدارة تفتيش الأغذية ومدير إدارة الأمن الصناعي ومدير القوي العاملة بالمنوفية وأحد الأطباء البيطريين إلي محل الواقعة لبيان مدي توافر الشروط الواجب توافرها في المطاعم صحية وأدوات الطهي وعما إذا كان المحل صادرا له ترخيص بمزاولة النشاط من عدمه.

كما تم أخذ العينات اللازمة عشوائية من الأحراز وارسالها إلي المعامل المركزية بوزارة الصحة والسكان لبيان مدي صلاحيتها للاستهلاك الآدمي من عدمه.

والسؤال المر

هي خلاص بقت مفتوحة سبهلله أي حد عايز يعمل أي حاجة هيعملها!!!!!!!!

يعني لو فيه عمال عندهم فيروسات الكبد أو الإيدز أز أي بلوه سوده

مافيش مشكله اعمل المحل ومش لازم ترخيص وفتح مخك تاكل ملبن

وده يجرنا للعمارات اللي بتتبنى في "الدره"

وعن كل الأشياء اللي بتحصل ومش ممكن أحصرها

بس هي كلمة واحدة

التفكك ده هيسبب في النهاية إنهيار مرعب لمصر

انا من الناس اللي كانت بتتنبأ ديما بده في كل كلامي مع اصدقائي

ولا أخفيكم سرا انا سافرت علشان كده

لا استطيع أن أكون أو أرى مصر لحظة الإنهيار

ربما تعتبروني متشائم زيادة عن اللزوم

ولكن شعاري اللي كنت باكتبه ديما في أي موضوع

سأضعه الآن في توقيعي

"نحن شعب ينتحر -بمزاجه- إنتحاراً جماعياً ببطأ"

[kokomen]

هذا الموضوع يؤكد أمرين بمنتهى الوضوح في مصر الحبيبة

1- أن المسؤولين لا يتحركون إلا إذا وقعت المصيبة وهذا واضح في أزمات كثيرة

مثل موضوع غرق عبارة السلام ووفاة أكثر من 1000 إنسان مصري مكافح

2- أن الفساد ينتشر بشكل رهيب في المحليات خصوصا موظفي ومهندسي الأحياء

وباقي الإدارات الحكومية التي لا تجد من يحاسبها .. مرحبا بالفساد والمفسدين

:D :D :D

[أبو محمد]

عزيزى أبو احمد الاسكندرانى

التسيب والميوعة وجه آخر من أوجه الفساد ، ذلك الغول ذو الألف وجه ..

وما يزيد بلاء من يفكرون من أمثالك ياسيدى ، ويجعلهم كمن يؤذنون فى مالطة ، أن الفساد قد صار شيئا عاديا والمطلوب منا أن نتعايش معه ..

بل ستجد كثيرا من الناس "الطيبين" الذين سيقولون لك "يعنى هى جت على ده ؟" .. إنتوا سايبين الحرامية والفاسدين الكبار وجايين على صاحب المطعم الغلبان اللى فاتحه عشان ياكل عيش ؟ ولاّ على مفتش الصحة الكحيتى اللى غمّض عينه من قلة النوم وبيقبض 250 جنيه ؟ ماتشوفوا اللى نهبوا المليارات وهربوا بره البلد ..

وهكذا .. وبحجج مثل هذه نعتاد على الإهمال ، والفساد ، والأخطاء الغير شريفة ..

[miramar]

"نحن شعب ينتحر -بمزاجه- إنتحاراً جماعياً ببطأ"

انت جبت من الآخر

ربنا يستر

مرمر

[حسام يوسف]

السلام عليكم

انا مع الزميلة ميرامار

انت جبت من الاخر

وانا اعتقد انها جملة هذا الزمان

نحن شعب ننتحر جماعيا ببطء

اته الانحدار يا سادة

[امانى]

:D

فى مثل فى مثل هذه المواقف دائما بنسمعه وهو قالوا لفرعون ايه فرعنك قال ملقتش حد يصدنى وهى دى المصيبة

الكبرى لمعاناتنا ان كل واحد بيقول وانا مالى يعنى انا اللى حاعدل الكون ما الكل بيسرق ويرشى ويغش حاجى انا ايه

فى الحيتان الكبار ويبتدىالفساد من هنا ويكون ده اول مسمار فى نعش مصر يا خسارة

ياريت كلنا منستناش لما تقع مصيبة علشان ندور على المتسبب فيها ليه ميكنش فى دورات تفتيشية على كل المرافق

الحيوية 0 ليه نقول واحنا مالنا خلينا فى حالنا وبعيد عن المشاكل لازم كلنا نصحى ونفوق من الغيبوبة اللى احنا فيها بمزاجنا

لازم نقول لا ولا ولا للفساد والمفسدين علشانى وعشانك وعلشان اولادنا وقبل كل دول علشان مصر 0

امانى

[حسام يوسف]

وانا معك تماما يا اخت امانى

مشكلة مصر ليست فقط فى الفرعون

بل الاخطر فى فئتين اخرتين

1)المنافقين وكدابين الزفة

2)السلبيين والاناماليين

وكما قال الرائع الفاجومى بصوت منير:

حنا وزان

عندالسلطان

سلطان هبوش

ابوذمة فشوش

السبحة ف ايده

بيعد عبيده

وعبيده كتار

زنهار زنهار

زنهار افراح

ياكلوا التفاح

والناس مساكين

ضايعين

ضايعين

(حرام اقول حاجة بعد الفاجومى ما قال كل حاجة)

[Lembic]

:D

فى مثل فى مثل هذه المواقف دائما بنسمعه وهو قالوا لفرعون ايه فرعنك قال ملقتش حد يصدنى وهى دى المصيبة

الكبرى لمعاناتنا ان كل واحد بيقول وانا مالى يعنى انا اللى حاعدل الكون ما الكل بيسرق ويرشى ويغش حاجى انا ايه

فى الحيتان الكبار ويبتدىالفساد من هنا ويكون ده اول مسمار فى نعش مصر يا خسارة

ياريت كلنا منستناش لما تقع مصيبة علشان ندور على المتسبب فيها ليه ميكنش فى دورات تفتيشية على كل المرافق

الحيوية 0 ليه نقول واحنا مالنا خلينا فى حالنا وبعيد عن المشاكل لازم كلنا نصحى ونفوق من الغيبوبة اللى احنا فيها بمزاجنا

لازم نقول لا ولا ولا للفساد والمفسدين علشانى وعشانك وعلشان اولادنا وقبل كل دول علشان مصر 0

امانى

أنا أنادى بأن الشعب كله يهاجر ونؤجر البلد مفروش أو غير مفروش على حسب الطلب :D

[miramar]

مصر

حسبي الله و نعم الوكيل فيك يالي في بالي...........

طبعا هتفتكروا حسني مبارك

بس الله اعلم مين الي ضيع البلد

انا زهقت سلبية من النهاردة لازم نفوق لازم نحس ان كل واحد مننا مسؤل عن مصر

المصري الأصيل هو الي ميسبش بلاده تغرق وقت الشدة

عايزين كلام الأغاني يبقى بجد

ميبقاش حبر على ورق

لازم نتحد ونعلن ان كل واحد مننا مش هيسكت بعد كدة على الغلط و هيحاول ميبقاش وميرتكبش غلط

و أنا أول وحدة انا بجد زهقت من الأخبار السلبية عن مصر و المصريين

نفسي اسمع خبر واحد يفرح

وبس

مرمر

تم تعديل 18 أكتوبر 2007 بواسطة miramar

[رمضان]

أن الفساد ينتشر بشكل رهيب في المحليات خصوصا موظفي ومهندسي الأحياء

وحط مليون خط تحت مهندسي الاحياء دول مصيبة

[واثق الخطوة]

الله يرحمه بقي ..

كان راجل كبير في السن ومهذب ... وطيب

كان كل سنة ييجي يجينبي من القاهرة ويوصلني لحد بيتنا ..

السنة دي سألت عنه

قالوا لي : أكل كشري من محل وطلع مسمم ( الكشري مش المحل ) ومات !!

الله يرحمه وينتقم من اللي كانوا السبب !

[إيزيس]

"نحن شعب ينتحر -بمزاجه- إنتحاراً جماعياً ببطأ"

أظن أننا شعب بلا إرادة بكل أسف اللي بيحصل في مصر نشوفه ونقراه ونسمع عنه نشعر بالبلد بتغلي ونغلي معاها ولما ننزل مصر نلاقي الدنيا كوووووووووووول هو ده صبر واللا حكمة واللا تبلد واللا تعود ؟؟؟؟

فاكرين أغنية عم بطاطا بتاعة علي الحجار