الأموات ورسائل السماء...؟!؟

[بنت شعنونة]

من وانا صغيرة كنت مؤمنة ان الميتين عارفين عننا كل حاجا ومتابعين اخبارنا كمان

لما كبرت

عرفت ان الميت بيوصله سلام اهله له وبيطمن عليهم من اي ميت جديد وبيسال عن احوالهم

وفي كتب تانية قالت ان الميت ممكن يسمح له انه يعرف اخبار اولاده او حد عزيز عليه !!

الله اعلم بكل دا طبعا..

وكنت دايما اربط الأحلام بالحياة

بحكم دراستي ف الحلم مجرد ترجمة عن العقل الباطن

الكلام داصحيح بنسبة كبيرة

لكن..

في جزء من الأحلام دي بيخرج برا الحسبة دي

دابيتسمى رؤوية

لماواحد يحلم بحاجا وتحصل.. يقلولنا دي رؤوية من عند ربنا

لكن برضة..

في حاجااسمها رسائل

ودي معروفة من ايام الصحابة

لمااحد الصحابة حلم بواحد مات قريب وهوا بيقوله انه عليه دين لفلان وبيستاذنه انه يروح يسده

وطلع الكلام صحيح فعلا... :D

معنى كدا

ان الميت ممكن يبعت رسائل معينة للاحياء

وانه بتكون غالبا مقتضبة وبتكون يا اما في شكل طلب معين او تحذير من حاجا معينه...

واعتقدانه ما فيش حد ما جربش الحلم الرسالة او الحلم التحذيري دا

سواءكان من شخص متوفي

او كان من رمز بس

ايه رايكم تقولولي رايكم في الموضوع دا

و ياريت اللي جربه يحكيلناعن تجربته؟؟ :roll: :roll: :roll:

تم تعديل 6 يوليو 2006 بواسطة بنت شعنونة

[بنت شعنونة]

معلش يا جماعا حرف الصاد بيعلق عندي هوا و المسافة

حاولوا تفهموا الكلام اللي انا كاتباه فوق دا

معلش انا اسفة :D :D :D :roll: :roll:

[disappointed]

لازلت أتذكّر حلما رأيته فى عام 1993 وكأننى حلمت به بالأمس... أتذكّره بكل تفاصيله.... وهو حلم يجمع بين رسالة لى من أحد الأموات الذين يعزّون على نفسى وبين رؤية مستقبلية لما سيحدث لى

ففى تلك الأيّام كنت حديث التخرّج وكنت مرتبطا بعلاقة خطوبة باحدى زميلات أختى بكلّية الآداب وهى مصريّة من ناحية الأب ولكن عائلة والدتها أرمنيّة...وكانت هذه البنت بارعة الجمال ولكنّها كانت شديدة التحرّر ودائمة التطلّع الى دخول عالم الشهرة والأضواء , وكانت والدتها امرأة سيّئة من جميع النواحى (الأخلاقيّة والاجتماعيّة ) ناهيك عن تسلّطها الشديد على زوجها وانعدام مبادئها وادمانها على الكذب والملاوعة بالاضافة الى مادّيتها الشديدة ونهمها المستمر الى المال (بالاختصار لم أرى فيها حسنة واحدة)

المهم...مش حأطوّل عليكم...قولوا : لأ...طوّل :D :D , بعد خطبة استمرّت قرابة العام أصبحت غير مقتنع بجدوى أو بامكانيّة نجاح هذا الارتباط رغم تأكّدى من حب البنت لى.... وفى احدى الليالى رأيت هذا الحلم فى منامى :

رأيت جدّى رحمه الله ووجهه يظهر فى جميع مشاهد الحلم (فى الكواليس :D ) بعد أن كان قد ظهر لى فى أول الحلم وهو يحاول منعى من الخروج من باب المنزل وأنا متوجّه للقاء خطيبتى

ثم رأيتنى وأنا أقود سيّارة وأذهب بها لمنزل خطيبتى السابقة ,وبعد انتظار قصير ظهرت خطيبتى وأختها ووالدتهما , وركبا السيارة معى على أساس أننا سنتوجّه لحفلة ترفيهيّة فى كلّية أخت خطيبتى... ولكننا بعد فترة قصيرة اكتشفنا أن خطيبتى حافية ولا ترتدى حذاءا , فهممت باعطاء حذاء كنت قد اشتريته لها ولكن والدتها صممت على شراء حذاء جديد وهو ماحدث بالفعل ولكنّها اكتشفت بعد ارتدائه أنه ضيّق عليها للغاية ولكن والدتها صممت على أن ترتديه.... ثم ظهر طريق ذو فرعين (يسار ويمين) وأردت التوجّه الى الفرع الأيمن من الطريق ولكن والدة خطيبتى تشاجرت معى وهددت بالنزول اذا لم أسير فى الفرع الأيسر من الطريق فقمت بانزالها من السيارة وهى مسرعة فوقعت على الاسفلت وغابت عن أنظارى....وهنا فوجئت بالسيارة وهى واقفة على تحويلة قطار (سكّة حديد) وفوجئت بقطيع من الثيران السوداء الهائجة تمر من أمام السيارة وتصطدم بها مثيرة عاصفة من الغبار عندما انقشعت وجدّت نفسى وحيدا فى السيارة وأنا أشعر براحة نفسية كبيرة , ثم مشيت لمسافة على قدمىّ فوجدّت أمامى خطيبتى أمام منزل فخم للغاية (كالقصر) ووالدتها تقف أمام القصر وتدعوها للدخول وهى ممسكة بحلّة ذهبيّة جميلة تركتها على مدخل القصر بعد أن دخلت مع خطيبتى الى داخله....فاقتربت من القصر لأجد أن الحلّة الذهبيّة صدئة من الداخل وبها طماطم فاسدة , وعندما فتحت باب القصر اذا به يشبه السجن من الداخل ومظلم ورائحته عفنة وبه قضبان حديدية صدئة ويبدو بحالة مزرية من القذارة والفقر....فخرجت منه مباشرة لأجد نفسى فى حديقة مشمسة جميلة المنظر , ثم رأيت خطيبتى فى مشهد منفصل تدخل الى كابينة تليفونات خشبيّة بأحد السنترالات المزدحمة وتستخدم أحد هواتف العملة وتحادثنى طالبة منّى اللحاق بها لحضور الحفل معها ولكننى قلت لها أن الطريق طويل ومليئ بالحفر والمطبّات وأننى متعب من السير فيه ولن أعود اليه ... ثم أغلقت الهاتف فاذا بعدد هائل من العملات المعدنيّة يسقط من الهاتف الذى كانت تحادثنى منه خطيبتى , وعندما همّت بجمع هذه العملات هجم عليها الناس الموجودين بالسنترال وانتزعوا العملات منها وأحضروها الىّ ......وانتهى الحلم على ذلك

وبالفعل , فقد حدث بعد الحلم بيوم شجار كبير جدا بينى وبين والدتها صممت فيه على أن تنفّذ خطيبتى أحد رغباتى التى تعارضها والدتها , فقمت بقطع علاقتى مع والدتها , ثم حدث العديد من المشاكل العنيفة المتوالية , ثم قمت بفسخ الخطبة , ثم قامت والدة خطيبتى عن طريق معارفها بادخالها الى عالم الاعلانات وعرض الأزياء , وظلت خطيبتى تداوم على الاتصال بى لتقول لى أنها تحبّنى وأنها تريدنى أن أعود اليها وأنها اكتشفت أن مجال الاعلانات وعرض الأزياء برّاق من الخارج ولكنه غير مريح من الداخل , ولكننى رفضّت العودة اليها , ثم تدخّل بعض الوسطاء وأجبروا والدة خطيبتى على اعادة الكثير من المشغولات الذهبيّة التى كنت قد ابتعتها لابنتها , ثم قامت والدة خطيبتى بتزويجها الى أحد الرجال الميسورين والذى اتضح أنه عدوانى و عنيف و بخيل للغاية فحدث الطلاق بعد ثلاثة شهور وبعد ان أهانها واعتدى عليها بالضرب....ثم ظلّت خطيبتى تحاول الاتصال بى لاعادة العلاقات لفترة الى أن أفهمتها أننى لا أريدها ولا أود أن تصبح زوجتى , فسارت فى طريق العمل بالاعلانات وعرض الأزياء حتى الآن (وأصبحت دائمة الظهور فى الفيديو كليبات بحثا عن فرصة أن يتم اكتشافها فنّيا) , وفى أجازتى الأخيرة بأكتوبر شاهدتها بالصدفة فى احد الأماكن العامّة فحضرت للسلام علىّ وعلى زوجتى وابنتى , وعندما أخبرت زوجتى بذلك الحلم قالت لى أن جدّى كان يحذّرنى ويرسل لى رسالة بما سيحدث فى المستقبل

و...و....توته توته....فرغت الحدوته

حلوة...والاّ ملتوته؟؟؟؟

:D :cry: :cry:

[بنت شعنونة]

يااااااااه يا دكتر

سبحان الله؟؟؟؟؟؟؟ :D :D

الحلم متفسر حتة حتة....

القصر = الشغل

التلفون والتكالب عليه = ازماتها بعد الجواز وفي العمل

الحلية الذهبية ..الطريق المفترق

ياااااااااااااااااااااه

سبحان الله فعلا.......

دا فعلا كان رسالة وكانت واضحةكمان....

الحمدلله على سلامتك :D

انا بقى معايا الموضوع دا على طول الخط مع والدتي

طووووووووووول الوقت

والدتي توفت وهيا غضبانة عليا :(

المهم يرحمها ويرحمنا الله برحمته

لم اكن احلم بها ابدا

ومازلت.....

الا.....

ويالهوي من الا دي :(

امي لا تاتيني في الأحلام الا لتخبرني بشيء

اوقات تكون الرسالة غامضة وتحتاج وقت للتفسير عشان افهمها

واوقات تكون مباشرة وصريحة

وغالبا ياتيني تفسيرها في خلال يومين او اقل واحيانا قليلة بعد وقت

مثلا

في كل مرة اتخطب فيها

ليلة قرائة الفاتحةلازم ماما تيجيلي وتقولي رايها في العريس

والمصيبة انه بيبقى صح؟؟؟؟

اخي كان ينوي الخطبة وكان متفق مع بابا عليها وانا لم اكن اعلم اي شيء عن الموضوع لكني كنت اعلم بارتباطه بفتاة بعينها

في نفس اليوم اللي كلم فيه بابا كانت ماما تخبرني انه اخي سيخطب

وانه والدي محتار وحزين وانه انا ممزقة بين الفرحة والحزن ولكن سانتهي باني اتغلب على الحزن وافرح وانها هيا ايضا فرحانه وتستعد للفرح بملابس جميلة

تاني يوم لقيت بابا يكلمني على استحياء انه عاوز يخطب لأخي الأصغر مني

وفهمت كل الرسالة :D

ولكن نسيت اقولكم

ليسوا الأموات فقط من يرسلون رسايل...؟؟

الأحياء ايضا

ودي دايما الناس تطلق عليها الحاسة السادسة!!

ولو اني مش مقتنعةبالموضوع بتاع الحاسة السادسة دا قد ما انا مقتنعه انه يتصنف تليباثي او توارد خواطر

مثلا

احي الصغير من ابي... حلمت بيه مرة بيعيط ومصر على البكاء جدااااا

وانا مرعووووبة

اصحى من الحلم واستعيذ وانام تاني

نفس الحلم بالمللي؟؟؟؟

3 مرات على هذا الشكل

لما صحيت قلت لبابا خلوا بالكم من اخويا في مصيبة ها تحصلوا النهاردا..

ولما سالني ليه قلتله

ف ضحك وقالي يا بنتي دي اضغاث احلام

بعدها بساعة كانت زوجة ابي تتصل بي انا وتصرخ انه اخي شرب تنر وانه مش قادر يتنفس

:(

وعلى الرعب بقى

مرة اخرى.... كنت في كورس

وفجاة سمعت صوت عربية بتتخبط خبطة قوية.... انا بس اللي سمعته

ولقيتني بنط من مكاني وبنطق اسم اخويا

ورحت سايبا الدرس في ثانيتها واتصلت باخويا داعلى موبايله وبقوله

انت كويس؟؟؟؟؟

قالي ايوا في ايه؟

-يعني ما عملتش حادثا؟؟

- ضحك وقالي لا

رجع البيت واتغدى وبعد حوالي ساعا ونص نزل وعملت حادثة عربية!!!!!!!

الأنسان دا كائن غريب فعلا؟؟

[ابو حلاوه]

La prophétie auto - réalisante

النبؤة التي تحقق نفسها ....................كثيرا ما نشاهد تلك الامور .. البعض يخشي الاصابة بالسرطان عند سن معين ... و الاخر يخشي من القيام برحلة معينة خوفا من حادثة .... و علي قدر الاقتناع تتحقق النبؤة

لماذا في مداخلة سابقة تكلمت عن الحلم .... و عن جهازين عصبين احدهم يعمل كالالة الحاسبة و الاخر يعمل كالفنان .... المخ اليمين و المخ الشمال

المخ اليمين .. مخ فنان رؤيته للامور و ادراكه لا يتعامل مع الاشياء بمنطق العقل .... و يختزن التجارب و المشاعر و يحلله باسلوبه هو ... بشكل عادة ما يكون غير واعي..........و يصدر احكاما

و الفص الايسر من المخ هو الفصل السيد ... الذي يواجه الحياة كل يوم و يصدر الاحكام المنطقية الواعية و التي تتعرض لكل حجج و تفسيرات الواقع

و ماذا يحدث في اثناء الحلم ... الذي لا يتعدي عادة بضعة ثوان ... العقل الشمال بيلتقط صورة للعقل اليمين - زي فلاش في الظلمة --

لرؤية و تصورات العقل الايمن ---دون التدخل بالرقابة او الحذف

و رؤية جدك .... و هي علي فكرة كليشية معتادة جدا .. لانسان بيلعب و ظيفة ابوية الثقة به مطلقة ......و لا يوجد به ان نوع من انواع التجارب المؤلمة -- اللوم و العقاب -- التي عادتة تلازم الاب ... بل و احيانا يلعب الجد دور الحامي من العقاب و المدافع عن الابن تجاه السلطة .. الام و الاب .. مما يكسبه موقع متميز و شديد التعقيد لدي الابناء ...

الحامي و الحنون الخ

نيجي لتفسير الحلم يا دكتور محبط ....... عقلك اليمين عالج الموقف و المعلومات بامكانياتة متعددة الابعاد و ربما قد اتخذ قرارا و ربما استنتج سيناريو معين للاحداث قد تكون امكانيات المنطق و معطيات الواقع لا تسمح بهم في ذلك الوقت ....... و الجد الحامي الحنون هو الملجا حينما يكون اللجؤ للاب و الام صعبا و عسيرا .... فاكر كويس لما دخنت سجاير والدي و انا عندي ست سنين ... كان يوم بس الله يرحمها تيتة هي اللي انقذتني

و اذا حاولت ان تقرا الحلم كما كتبته انت .... كل ما في الحلم .... يشير الي تفاصيل انت كنت تعرفها جيدا عن خطيبتك و عن امها ... و مخاوفك و لكن ربما لم تتح لك ظروف العقل الواعي الذي يتعامل مع الحقائق ان تصنع من كل تلك العيوب و التفاصيل رؤية شاملة و عامة للموقف او سيناريو محدد او حدوتة تستطيع من خلالها اتخاذ قرارك ...

فما كان من العقل الواعي الا ان ياخذ لقطة للعقل الايمن لكي يساعدة في الحل .... و انا اعتقد انك بشكل او باخر قد قررت ان تترك خطيبتك فعلا بعد هذا الحلم

[بنت شعنونة]

العقل دا مازال لغز يا ابو حلاوة

واحنا ما نعرفش عنه الا 20% بس تقريبا او يمكن اقل

لكن واضح انك تتعامل مع الموضوع بطريقة المنطق

ماشي خليني معاك..

طب تفسر با ايه موضوع الرؤوية المسبقة

انك تشوف موقف ها يحصلك وتنساه تماما ولما يحصلك تلاقي نفسك بتقول

" انا شفت الموقف دا قبل كدا؟؟؟؟؟؟؟؟"

طب دا يتسمى اييه؟؟!

بلاش

ترجملي دي

لما يكون في حب بينك وبين شيء معين

مثلا

و والله العظيم انا بتكلم جد جدا

انا اعشق عربيتي جداااااا

واحبها اكتر مني

ممكن اخرج في يوم وابقى حاسا انه في مصيبة ها تحصلها وتحصل فعلا!!!!!؟؟

طب ايه دا كمان؟

:D :roll: :? :?

[ابو حلاوه]

طب تفسر با ايه موضوع الرؤوية المسبقة 

انك تشوف موقف ها يحصلك وتنساه تماما ولما يحصلك تلاقي نفسك بتقول 

" انا شفت الموقف دا قبل كدا؟؟؟؟؟؟؟؟" 

طب دا يتسمى اييه؟؟!

ده باسميه

Déjà vu .............. و دي من الاعراض المعتادة جدا ... و الي حد ما طبيعية و لكن زيادتها بشكل مكثف قد تعني شئ اخر

هذه الظاهرة .. سببها ان كما قلت لك ان المخ مخين شمال و يمين و انت عارفة يا دكتورة ان الشمال بيتلقي المعلومات من الجزء الايمن من الجسم النظر الشم السمع الخ .... و العكس صحيح ... و ما بين المخ الشمال و اليمين فيه الكوربس كللوزم ....... زي كابل المعلومات اللي بيصول المعلومات بين الاثنين

بيحصل احيانا نوع الفرملة او بطا تدفق المعلومات في الكوربس كللوزم بما يعني ان اليمين قد ييتعامل مع المعلومة بشكل اسرع من الفص الشمال .... و قد يعي الموقف قبل ان يعيه الفص الشمال ...و المسالة كلها لا تاخذ اكثر من جزء من الثانية ..... مما يعطي هذا الانطباع بان الفرد قد عاش ذلك الموقف من قبل

و اذا كنت فاكرة النبطشيات من غير نوم وازاي الظاهرة دي بتتكرر بالذات في حالة عدم النوم لفترات طويلة و تحت تاثير بعض العقارات المخدرة او العقارات المهدئة........ و خصوصا في حالات التدخل الجراحي لمرضي حيث ان في تلك الجراحات عادة ما يتم شق الكوربس كالوزم لمنع تدفق الموجات الكهربائية الصرعية لكل المخ

[بنت شعنونة]

:oops:

يا ابو حلاوة

انت كدا بتخلط الورق على بعضة

انا اصدق كلامك واقتنع بيه تماما في كلمة تجارب الحياة

انمافي موقف يولد قدامك لسا طازة ولم يحدث من قبل

الا انك حلمت بيه وبعدين تقولي فص تعرف عليه قبل فص

فدا لا اقتنع به لسبب بسيط انه الموقف جديد

ف هوا جه منين اصلا للفص الأولاني عشان التاني يستوعبه اسرع!!!!!

فاهم قصدي؟ :roll:

[ابو حلاوه]

يا دكتورة الموقف بيوصل للفصين في وقت واحد ... لكن معالجة المعلومات لاسباب كثيرة بتبقي اسرع في فص من الفصوص عادة في الفص الايمن .. و بعدين المراية الي بتوصل المعالجة و بتسمح بصورة نهائية لاستيعاب الموقف لابد ان تمر بالكوربس كالوزم لوضع الرتوش النهائية

يعني زي الحول تشوفي الصورة اثنين .....صورة يمين و صورة شمال

[disappointed]

يا دكتور أبو حلاوة

ياااااا مدرسة

تحليل صائب وتفسير علمى

:inlove:

فعلا.....أنا كان دايما بعد هدوء عاصفة فسخى للخطوبة بييجى على بالى التفكير فى انى كنت واخد قرارى بفسخ الخطبة المشئومة دى فى عقلى الباطن وان الحلم لم يكن سوى "زقّة" من عقلى الباطن علشان يقول لعقلى الواعى : اصحى....فوووووق...اتحرّك....خذ القرار

(ولو أنه هناك جزئيّتين لم أكن أعيهما الاّ بعد أحداث ما بعد الحلم وتداعيات تلك الفترة...وهما :

=زواجها القصير من شخص ضيّق عليها حياتها وأهانها وضربها (لاحظ ان الحذاء فى الحلم يعنى الرجل :oops: :oops: ولا مؤاخذه يعنى :oops: )

=تدخّل بعض المعارف لــ"تسليك" المشغولات الذهبيّة من براثن والدتها

:roll: :roll: :roll:

عارف يا أبو حلاوة

وانا فى الكلّية كنت متأثّر جدّا بشخصيّة د.أحمد عكاشة... وكان نفسى أبقى دكتور نفسى...بس فى امتياز غيّرت رأيى بعد شويّة زيارات لمركز الطب النفسى بالدمرداش من هول ما رأيت... تخصص صعب و عيانينه تروش

:shock: :shock: :shock:

شكرا على تحليلك الممتع

و

و

و

ربّنا يكفينا شر "الكتاتونيا"

:oops: :cry: :cry:

[disappointed]

:oops: 

ف هوا جه منين اصلا للفص الأولاني عشان التاني يستوعبه اسرع!!!!!

فاهم قصدي؟ :roll:

طيب معلش سؤال:

انتى متأكّدة ان الفصّين شغّالين من غير مايكون واحد فيهم بيهرّب كهرباء على الثانى؟؟؟!!!

:oops: :oops:

بأهزّر معاكى انت عارفه طبعا يا شعنونة..... :cry: :oops: بس والله أنا من كثر ما موضوع كهرباء المخ ده بيتم التركيز عليه من قبل الأطبّاء النفسيين بأحس ان الواحد لمّا بيبقى مخّه حــ(يشتّ) منّه بيبقى محتاج يظبّط الــ"تاكيهات" بتاعته

:cry: :cry:

أمّال همّه بيقولوا :"سلك الأبلاتين لاسع عند فلان" من شويّه؟؟!!

:D :D :D

[ابو حلاوه]

وانا فى الكلّية كنت متأثّر جدّا بشخصيّة د.أحمد عكاشة... وكان نفسى أبقى دكتور نفسى...بس فى امتياز غيّرت رأيى بعد شويّة زيارات لمركز الطب النفسى بالدمرداش من هول ما رأيت... تخصص صعب و عيانينه تروش

انت عين شمساوي بقه ؟

دفعة كام ؟؟؟؟؟

[disappointed]

وانا فى الكلّية كنت متأثّر جدّا بشخصيّة د.أحمد عكاشة... وكان نفسى أبقى دكتور نفسى...بس فى امتياز غيّرت رأيى بعد شويّة زيارات لمركز الطب النفسى بالدمرداش من هول ما رأيت... تخصص صعب و عيانينه تروش

انت عين شمساوي بقه ؟

دفعة كام ؟؟؟؟؟

دفعة 90 يااااافنديييييييم

:oops: :oops:

[ابو حلاوه]

ده انت اللي افندم

انا دفعة 95 .... اخوك الصغنن حلاوة :oops: :oops:

[disappointed]

ده انت اللي افندم 

انا دفعة 95 .... اخوك الصغنن حلاوة  :oops:  :cry:

الظاهر انّى لازم أبتدى أحترم سنّى وأبطّل أعيش فى دور الشباب

:oops: :oops: :cry: :cry: :oops:

[ابو حلاوه]

الظاهر انّى لازم أبتدى أحترم سنّى وأبطّل أعيش فى دور الشباب

يا محبط ... انت كلك شباب ... انا قصدي بس ... انك كنت بالفعل مدرس او اخصائي في الوقت اللي انا لسه فيه تلموذ باخذ مصروف و دي لها احترامها برضه ...

الطب زي الجيش ..... الدرجة و الدفعة لها احترامها وتقديرها ... ده اللي قصدي عليه و الله :neutral:

[disappointed]

أصلى ما أخبّيش عليك من ساعة ما انت قلت انّك شبه الراجل اللى قاعد وراء علاء مبارك فى الصورة اللى فى باب السياسة وأنا قلت فى عقل بالى : يكونشى أبو حلاوة درّس لى الكلّية وأنا مش واخد بالى

:oops: :cry: :cry: :cry:

وعلى فكرة....كلامك عن احترام الـــSeniority فى الطب صحيح جدا.... لدرجة انى حتى يومنا هذا لمّا بأقابل واحد أكبر منّى بسنتين وكان نائب jonior لما كنت انا امتياز بأبقى حاسس انى لازم أقول له حضرتك ... ولسّه وانا رايح الأجازة اللى فاتت قابلت واحد كان امتياز لمّا كنت أنا نائبjonior فى المطار , فلقيته بيقول لى "حضرتك" مع ان الفرق بيننا فى السن سنه واحده بس

أنا بس مش قلقان غير من حاجة واحدة دلوقتى : ان شعنونه تتشعنن علينا وتحطّنى انا وانت فى البلاك ليست علشان خرجنا عن الموضوع وبوظّنا ليها التوبيك بتاعها

:shock: :oops: :oops: :oops: :shock:

:D :D :D

[disappointed]

أنا بس مش قلقان غير من حاجة واحدة دلوقتى : ان شعنونه تتشعنن علينا وتحطّنى انا وانت فى البلاك ليست علشان خرجنا عن الموضوع وبوظّنا ليها التوبيك بتاعها

:shock:  :oops:  :oops:  :oops:  :shock: 

:oops:  :cry:  :cry:

لو حبّيت ابقى تعالى زورنى فى التوبيك ده نأخذ لنا فنجانين قهوة ونتكلّم شويّة عن العمر وسن اليأس وآهو بالمرّة تقول لينا وجهة نظر الطب النفسى فى المراهقة المتأخّرة عند الرجال اللى بتسبب ليهم "جنّونة" منتصف الأربعينيّات :cry: :D

http://www.egyptiantalks.org/phpBB2Plus/vi...opic.php?t=4124

(دلوقتى شعنونة تقول انّى بأخطف الزبائن من مواضيعها على مواضيعى )

:D :D :D

[disappointed]

طب تفسر با ايه موضوع الرؤوية المسبقة 

انك تشوف موقف ها يحصلك وتنساه تماما ولما يحصلك تلاقي نفسك بتقول 

" انا شفت الموقف دا قبل كدا؟؟؟؟؟؟؟؟" 

طب دا يتسمى اييه؟؟!

ده باسميه

Déjà vu .............. و دي من الاعراض المعتادة جدا ... و الي حد ما طبيعية و لكن زيادتها بشكل مكثف قد تعني شئ اخر

أعتقد ان تكرر حدوث ظاهرة الـــDéjà vu بصورة ملحوظة ومثيرة للانتباه قد تكون أحد أعراض الصرع الناشئ فى الفص الجانبى للمخ

Tempro-Parietal lobe epilepsy

وياريت تصحّح لى المعلومة لو مش صحيحة لأنها واقعة فى دائرة اختصاصك يا أبو حلاوة

وبالمناسبة : هناك أغنية لـــSting مع فريق الــPolice عن الــDéjà vu ولكننى لا أتذكّر اسم الأغنية وان كنت أعتقد أنها كانت فى ألبوم صدر فى منتصف الثمانينيّات باسم Synchronicity

[بنت شعنونة]

:oops: :oops: :oops:

د.محبط...........و د.ابو حلاوة

اييييييييييييييييه "الحلاوة" اللي انتوا فيها دييييييييي :oops: :cry:

انتوا جبتووووولي "احباااااااااط" :? :?

بعد اذنكم يعني

شوية كدا

لا مؤاخذة يعني

عاوزين نرششششش مية

:(

بس برضه انا مؤمنة انه الموضوع ينضم لما فوق العادة

والا مكانش ممكن يكون التوائم عندهم نسبة الأحلام دي عالية جدا فيما يخصهم بعضهم لبعض!!؟ :?