الأموات ورسائل السماء...؟!؟

[Set_Amina]

طيب والنبي حد يدلني ويرد على سؤالي ده: انا عمري ما قمت من نومي فاكرة أي حلم بتفاصيله، دايما افتكر الحلم بالتقريب (ده اذا افتكرته يعني)، ياترى ده له علاقة بقوة الذاكرة أو ضعفها؟؟

[ابو حلاوه]

أعتقد ان تكرر حدوث ظاهرة الـــDéjà vu بصورة ملحوظة ومثيرة للانتباه قد تكون أحد أعراض الصرع الناشئ فى الفص الجانبى للمخ 

Tempro-Parietal lobe epilepsy 

وياريت تصحّح لى المعلومة لو مش صحيحة لأنها واقعة فى دائرة اختصاصك يا أبو حلاوة

كل انواع الصرع بدون استثناء قبل و بعد النوبة قد يكون فيها Déjà vu ...

لكن بالتاكيد temporal lobe epilepsy اكثرها علي الاطلاق ... بالاضافة لبعض الظواهر الغريبة الاخري ... في هذا النوع الغريب من الصرع ... migraine كمان تكثر فيه هذه الظاهرة مع بعض الادوية و المواد الاخري اللي بتاثر علي الجهاز العصبي المركزي ....

[ابو حلاوه]

طيب والنبي حد يدلني ويرد على سؤالي ده: انا عمري ما قمت من نومي فاكرة أي حلم بتفاصيله، دايما افتكر الحلم بالتقريب (ده اذا افتكرته يعني)، ياترى ده له علاقة بقوة الذاكرة أو ضعفها؟؟

و الله يا ست امينة انت بقي زي حالاتي ..... شوفي احنا بنحلم كل يوم عشرات بل مئات الاحلام ... قد لانتذكرها كلها و قد نتذكر منها القليل جدا و في كل الاحوال... لا يعني ذلك اي شئ غير طبيعي

او مرضي وليس له علاقة بضعف وقوة الذاكرة

[se_ Elsyed]

طب لو سمحتوا يا جماعة حد يشخص لي حالتى ، انا من صغري بانام مابتقلبش ، يعني بالعربي مريح نفسي لا أحلام ولا دياوله ، والمره الوحيده اللى بابا جالي فى المنام وفضلت اتكلم معاه وده كان من 4 شهور، الراجل أنتقل الى رحمة الله فى نفس اليوم ، لكن بجد عرفت بعدها انه اتوفى قبل الرؤيا بتاعتى دى بساعات قليلة جداً .

لكن اللى عندوا درجة الشفافية عاليه فى رؤياها هى والدتى ، فعلى سبيل المثال لما كان أخويا الكبير فى الجيش وكان تجنيدة فى الأسكندرية وأحنا فى القاهرة، فجأة الاقى والدتى وأحنا بناكل تشيل جزء من اللحمة والحلويات وخلافه على جنب ، وأسألها بطفاسة وعيني فى الحاجة دى ليه كده يا ست الكل تقولي انها حلمت ان اخويا هاينزل أجازة مع ان ماكنش له مواعيد منتظمه على الأطلاق فى أجازته وفعلاً كان بيتحقق الحلم وينزل اجازة وياكل نصيبة اللى كانت عيني فيه طبعاً .

وغيره وغيره من الرؤى اللى كانت بتحكيهالنا ، لدرجة اني طلبت منها تشيلنى من دماغها .. أنا مش ناقص.

أما بالنسبة لإحساس الاخت شعنونة وإرتباطها بعربيتها ، فأنا عندي نفس الشعور وبأحس بعربيتي وكأنها كائن حي وكنت خايف أتكلم عن موضوع ألإرتباط العاطفي بين الأنسان والجماد أحسن حد يقول علي إستنجلينا .

[بنت شعنونة]

يااااااااا عيني عليك يا سي السيد :D

مش تيجي تلحقني من بدرييي

احسن الدكاترا هنا استلموني :roll: :roll:

بهدلوني "علميا" خالص يعني :D :D

موضوع الأم وابنها دا لحد دلوقتي مالوش تفسير واضح لأنه كتييييير جدا من الأمهات بيحسوا بولادهم بطريقة عجيبة فعلا

حتى وهما لسا ما اتولدوش وبيبي في بطن امهاتهم!!

اما موضوع العربية داف والله فعلا انا مؤمنةبنفسي فيه جدااااا

والحمدلله لقييييييييت حد زييييييي اخيراااااااا :roll: :roll: :D :D

يمكن من العشرة!! او يمكن من حبنا فيها

ماتفهمش

بس تعرف مش احنا بس

بابا زمان كان عنده عربية بيجوا قعدت معاه يجي 15 سنة

ولما جه يبيعها وهوارايح يوديها عملت معاه عمااااايل عجب

عطلت والعجلة نامت وبهدلته خالص

يومها رجع مستغرب وبيقولنا

العربية ما كانتش عاوزانا نبيعها :D

عجايب والله

انا عجباني الحواديت دي قوووووووي

ماحدش حصله حاجات عجيبة كدا يحكيهالنا برضه؟ :roll: :roll: :D :D :D

[se_ Elsyed]

من ضمن الاحلام القليلة اللى كنت باحلمها ولسه فاكرها ، كان فيه حلم واحد بيتكرر بنفس التفاصيل وفى نفس التوقيت ، كنت دايماً قبل الامتحانات - الله لا يعيدها - أحلم إنى رايح أركب القطر ودايماً ما بألحقهوش والعيال زمايلي فى الشلة بتاعتنا بيلحقوه فى ميعاده ، وبعد ماتظهر بقى نتيجة الامتحانات فى أخر السنة الحلم يتحقق بالعكس وأطلع أنا متفوق عليهم - هما اللى جابوه لنفسهم حد قالهم يلحقوا القطر - .

وموقف تاني كان معايا واحد زميلنا فى الشغل هنا ماشاء الله عليه أحلامه مابتنزلش الأرض لكن احنا كنا نقعد نتريق عليه لما يحكيلنا ، فى مره حكى لنا أن عمته - وهى فى نفس الوقت حماته - جاتله فى المنام وبتقوله انها تعبانه وحاجات كده وفضلوا ياخدوا ويديوا فى الكلام مع بعض المهم تانى يوم اتصل بمصر وقالهم الحكاية دى وطمنوه عليها وقالوا له مافيش أى حاجة ، بعد أسبوع اتصل وعرف أنها فعلاً اتوفت فى نفس الوقت اللى حلم بيها بس ماحديش رضي يقولوا علشان مايزعلش.

[الطفشان]

بس برضه انا مؤمنة انه الموضوع ينضم لما فوق العادة

والا مكانش ممكن يكون التوائم عندهم نسبة الأحلام دي عالية جدا فيما يخصهم بعضهم لبعض!!؟ :?

هل الكلام دة علميا صحيح؟

ما اظنش

د ابو حلاوة: تقدر تفيدنا في الموضوع دة؟

[ابو حلاوه]

هل الكلام دة علميا صحيح؟  

ما اظنش  

د ابو حلاوة: تقدر تفيدنا في الموضوع دة؟  

 

انا لم اسمع به من قبل ... هناك بعض الحالات الغريبة اللي بتروي عن التوائم المثلي .. منها فتاتان المانيتان يتكلمان لغة خاصة بهم ... ليست لها اي علاقة باللغات المعروفة .. اما موضوع الاحلام لم اسمع به من قبل

[الطفشان]

الاخت شعنونة و الاخ سي السيد

لا احد ينكر الاحلام و انها شئ يقع لمعظم الناس

الذي يقوله ابو حلاوة هو التفسير العلمي لها و لاسبابها، و هو رجل متخصص، و هذا الكلام نقرأه في المجلات العلمية

و الصرع ايضا سببه خطأ في كهربة المخ، مثلا وجود بؤرة ترسل ومضات كهرباء تسبب هذه النوبات و اعراضها من هلاوس و تشنجات

[علي]

كلنا سمع بقصة سارية بن حصن وسيدنا عمر بن الخطاب التي حدث فيها لسيدنا عمر استكشاف سمعي واستكشاف بصري و تخاطب.

وسؤالي مرتبط بهذا الموضوع من الناحية العلمية وليس عن إمكان الحدوث أو عدمه!

فما حدث لسيدنا عمر يمكن أن يكون :

- معجزة

- قوي عقلية خارقة تميز بعض البشر دون سواهمـ ولهذا نسمع عمن لهم حاسة سادسة مثل التليباثي أو القدرة علي تحريك الأشياء عن بعد ، وإن كان لم يتم إثبات أي حالة قطعيا في حدود علمي.

- أو أنها شئ موجود داخل كل فرد ولكنه نائم غير مستغل ، وهو ما تقترحه بعض النظريات الحديثة بأن قدرة الأنسان علي تقوية بعض قدراته الخاصة ستزيد. لا يتوقعون أن نري مثل سوبرمان الذي يطير بين العمارات ولكن تنمية قدرات أخري مثل التحكم العقلي في مراكز الألم وما شابه!

هل يوجد من دكاترة المنتدي من له قراءات "علمية" في هذا الموضوع؟

[بنت شعنونة]

ها نقلبهاعلم يعني؟؟ :D :D

اوكي معاكم

استعنا على الشقى بالله

شوفوا يا استذتي الفاضلين كدا ها ندخل فيكذا شق"لمحاولة" ترجمة هذا الموضوع علميا

موضوع التوائم اجريت وتجرى عليه دراسات بخصوص الترابط فيما بينهم كأن يصاب احدهم بالم في مكان ويشعر به الأخر "بنفس الألم"معانه في بلداخر

وقد رايت كثبرا من البرامج العلمية بهذا الخصوص وقرات بعض الكتبالتى تبحث فيه وبالتالب ف اعتمادا على ما اطلعت عليه ف الموضوع صحيح وان كان بنسبة 40% بين التوائم والله اعلم

اماموضوع التليباثي

حديثا ندرس الأن موضوع الكهرباء الحيوية

ما ادراك ماهي..

هي بحر واسع ونحن لم نمسك بقطرة فيه

واسمحولي اربطه بالدين

مثلا

رقم سبعة وجد انه يضبط الحالة "الأستاتيكية" للجسم

مثل سبع استغفارات

سبع سموات سبع اراض سبعة ايام الخ الخ

رقم تسعة يضبط الحالة النفسية للأنسان

مثل 99 اسماء الله...بعض الأدعية تقال 9 مرات

الرقية اغلبها 9

وهكذا..

الرقم 2 و 4 ايضا يشملان الحالة التفريغية للأنسان

تفريغ شحن كامنه مثل الركوع و السجود

وهما مايعتبرهم دارسين الكهرباء الحيوية على انه اتصال للمخ بالأرض لتفريغ الشحنات الأضافيةفي نفس الوقت يردد كلمات الأستغفار 3 او 9 مرات وهيا من مثبتات النفسية كما ذكرنا

ما كتبته هنا هوا ناتج قرائات وحضور ندوات عن الكهرباء الحيويةومش من دماغي والله

ايضا الكلمات لها تاثير

منها التكبيرفي اذن المولود

فقدوجدان كلمات الأذان تعمل على تضبيط كهربةالطفل.. اوزي ما تقولو كدا كهرومغناطيسية الطفل

نتكلم على حاجاكمان

المولود يعرف امه دون الجميع وذلك بسبب التليباثي الذي يكون بينهم والذي عزاه العلماءايضا للكهرباء الحيوية وانهاتولد مجالامغناطيسيا للطفل يحصل له انجذاب بمجرد احساسه به حينما تكون بجواره

[بنت شعنونة]

نيجي بقى على تنمية قدرات الأنسان او اكتشفاها اصلا

دا بيحصل فعلا

لكن لازميكون الأنسان عنده "قابلية" لدا

الناس اللي عندها شفافية بتكون لديها قابلية اكثر من غيرها على القيام بما فوق الطبيعة

مثل تحريك اجسام عن بعد

التنبؤ

او حتى التنويم المغنطيسي

نيجي بقى يعني ايه شفافية

ناس بتقول دي كهربا زيادة في المخ ف بيحصل حالة activation للمراكز الخاملة عندنا والتى لا نستخدمها تحت روتين الحياة وبالتالي فيكون لديه قدرات ممكن اي حد يستعملها لو عمل تنشيط للمراكز دي

ناس تانية بتقول لا

داحالات خاصة باصحابها فقط وليست تدريبية يعني مش اي حد ممكن يبقى كدا

ناس تالتة بتقول دي تغيرات كهروكيميائية وما تسالونيش ازاي :D

بيني وبينكم انا حاولت تعلم التنويم المغناطيسي وفشلت فشل ذريع

:?

[بنت شعنونة]

هذه المعلومة سمعتها من زميل لي والعهدة على الراوي... :roll:

تجربة عملها العلماء الروس ...

جابو أرنبة وأولادها وأخدو الأم ووضعوها فى معمل للأبحاث لقياس كل اشاراتها العصبية وفى نفس الوقت اخدو أولادها فى غواصة راحت لأكثر من 10 أميال بعيد عن الشاطئ وبعد كده بدأو فى غرز إبر ودبابيس فى جسم الأرانب الصغيرة وإيلامهم .. وكانت أجهزة المعمل بتسجل فى نفس الوقت اضطراب فى اشارات الأم العصبية وكأنها شايفاهم ... بعد كده بدأوا فى ذبح الأرانب الصغيرة .. وصدرت اشارات عنيفة عن الأرنبة الأم كما لو كانت بتتألم معاهم أو حاسة بيهم ..

[علي]

شكرا يا شعنونة، وردك "يحوم حول" أن يكون علمي :lol:

بمعني : أنك ذكرتي أن كهرباء المخ هي العنصر الذي يتأمله العلماء عن قرب لقياس تلك الظواهر.

فما هي كهرباء المخ؟ وهل تغييرها عملية داخلية غير خاضعة للتحكم؟ أم أنه يمكننا أن "نشحنها" بشحنات مختلفة "مثل العملاق الأخضر" ؟

طبعا ده كان الخيط الذي مسك طرفه هواة الخيال العلمي، ولكن ماأسأل عنه : إلي أين وصلت البحوث في هذا الموضوع؟ قبل أن نكتشف نوعية جديدة من البشر السوبر علينا التعامل معهم!! :shock:

[بنت شعنونة]

:cry: :cry: :cry: :cry:

"يحوم حول" :(

ب انا اتقطع نفسي وانا بكتب وفي الأخر يحوووووووم حوووووووول

:(

الله يسامحك يا استاذ علي

انا جاوبت على قد معرفتي بقى.. يا ريت حد من الفطاحل في الطب يفهمنا اكتر...

رحم الله امرءا قال لا اعرف

:(

اناااااااااااااااااا اكـــــــــــــتـــــــــــــــــأبـــــــــــــت :( :( :(

[الطفشان]

السيدة شعنونة

هناك عند الحيوانات حواس و ادراكات غير موجودة عندنا، و لم يفهمها العلم بالكامل

مثلا هجرة الحيوانات و كيفيتها

سمك السالمون يأتي من المحيط و يدخل الانهار و الجداول حتى يصل الى نفس النقطة التي ولد فيها؟ ازاي؟ الله اعلم

هناك طيور تهاجر من الشمال الى الجنوب، و عندنا في مصر البط و السمان و غيرهم

و يعود الطائر و زوجته الى نفس الشجرة سنة بعد اخرى ليبنوا عشهم في نفس المكان

ما هي الميكانيزم؟ الله اعلم، يقال زاوية الشمس و يقال مغناطيسية الارض، الخ

و هناك ميكانيزمات تم اكتشافها:

النحل مثلا وجدوا ان الشغالة التي تكتشف ازهار تاتي الى الخلية و ترقص رقصة معينة فيها الزاوية و المسافة، حتى تعلم باقي الشغالات بالمكان و يذهبن لجمع العسل

[علي]

لأ ، حقك عليا ، ردك "درر علمية"، بس أن عايز ال philosopher stone ذات نفسه :cry:

أذكر لكي حادث تعرضت له من ييجي عشرين سنة "أيام الشباب" : كنت بأعدي الشارع ، وطبعا عارفة احنا بنعدي الشوارع في مصر ازاي ، فانتهزت فرصة أن العربيات كانت واقفة في خنقة مرور وأندفعت زي السهم للوصول إلي الرصيف قبل العربيات ما تمشي. لسوء حظي كان فيه موتوسيكل جاي من وراء الأتوبيس وما شفتوش ألا بعد مابقينا في وضع أنه لازم هايخبطني، لقيت نفسي طاير في الهواء فو الموتوسيكل ، وفوق راس اللي سايق الموتوسيكل ونازل الناحية التانية! الراجل ده كله وهو باصص عليا وأن بانط وأنا طاير فوقه لغاية مانزلت والنتيجة أنه ما قدرش يحفظ توازنه ووقع! :cry: لكن أنا بعد مانزلت وأكتشفت نطة سوبرمان اللي عاملتها دي ماكنتش مصدق نفسي، ده كان خارج قدراتي الطبيعية ، ومالوش تفسير عندي! طبعا ممكن يفسر أن نسبة الأدرينالين زادت لدرجة كبيرة. بس السؤال هنا ما هي حدود جهازنا العضلي والعصبي! وهل كان يمكن أن أقفز من فوق الأوتوبيس مثلا :cry: لو أن الأدرينالين تضاعف أكثر؟ أسئلة كثيرة أظن أن العلم الحديث يجري تجارب عليها ووصل إلي نتائج محددة بشأنها تفسر لنا أي شئ نعتبره غير طبيعي، واذا كان تم التوصل إلي نتائج ، فالخطوة المنطقية التالية هو أن يكون هناك استغلال للنتائج التي تم التوصل اليها ، وهذا ما أريد معرفته :cool:

أنما ما كانش قصدي التريقة، عالأقل أنتي قمتي مشكورة بالرد في حدود ما قرأتي!

[بنت شعنونة]

عالم الحيوان دا عجيب فعلا

ولو اتكلمنا فيه ها نقعد ايااااااااام

انما عالم البشر اعجب واعجب

كلامك صصح والله يا استاذ طفشان

اخ علي :cry:

انا كنت بهزر

اول ما ابقى العلالالالالالالالالامة شعنووووووووونة ها اردددددددد على كللللللللللل دا ان شاء الله :lol: :lol:

انما انا حيا الله حتة مجتهدة

بس انا عجبتني قوي نطة سوبر مان دي :lol:

هوا فعلا التفسير الأدرينالين

بس اعتقد انه ليه حد معين للزيادة

زي ال pain threshold

كدا

اعتقد ان الأدرينالين كمان ليه ليمت والله اعلم

انا كاااااااااااان ايييييييييه خلالالالالالالاني افتح الموضوووووووع داااااااا

:cry: :cry: :cry:

:( :( :(

[الطفشان]

تذكرت بحث قرأته في مجلة من فترة

البحث يتكلم عن ظواهر ال Psi - Psychic Phenomena، و انهم يجرون بعض التجارب المسماة بجانزفيلد Ganzfeld Procedure

و في هذه التجربة، يستلقي الشخص "المستقبل" في غرفة مغلقة و على عينية غمامة، و اذنيه مغطاتان

و الشخص "المرسل" من غرفة اخرى يحاول ان يرسل بعض الصور له عن طريق ما وراء الطبيعة

وجدوا ان هناك نجاح في ارسال هذا الصور بنسبة 35 % من الحالات

و هذا اكثر من ال 25% التي كانت ستحدث كنسبة صواب و خطأ

طبعا هذا يدل على ان ال Psi علمي و له دليل

و لكن قبل ان نقفز الى هذا الاستنتاج يجب مراعاة الاتي:

- انه لا يوجد طريقة قياسية في اجراء تجربة الجانزفيلد، يعني كل شخص بيعملها بطريقة

- انه لا توجد نظرية تفسر كيف ان "الشعور" من المرسل يصل الى المستقبل و يدخل في الخلايا العصبية للمخ

و حتى يتم تغطية هاتين النقطتين (طريقة قياسية يمكن ان يكررها اي شخص في اي مكان، و نظرية تفسر الطريقة)، فيبقى موضوع ال Psi على هوامش العلم، اقرب الى الشعوذة

[بنت شعنونة]

افتكرت الموضوع دا لما شفت برنامج الحياة على دريم بتاع ماما نجوى وهيا بتتكلم عن الأحلام

قلت اسالكم...

تفسير الأحلام

علم او وهم؟؟