هل شعرت باكتئاب وأنت تحتفل بعيد ميلادك الثلاثين؟

[disappointed]

على هامش حوار جانبى عن السن بينى وبين عزيزى أبو حلاوه تذكّرت كيف استيقظت فى يوم عيد ميلادى الثلاثين وأنا مزاجى مش قد كده وعندى حالة اكتئاب (على السريع يعنى...ماطوّلتش...خدت لها يومين ثلاثه) وأحسست وكأنى اكتشفت فجأة أننى لست بذلك الشاب الذى اعتدت أن أكونه بين عشيّة وضحاها (وربّنا يستر على صباحيّة الاحتفال بعيد ميلادى الأربعين)

السؤال الآن لكل من كان فوق الثلاثين : هل شعرت بنفس الشعور عندما تجاوزت الثلاثين من عمرك؟؟؟؟

(الجنس اللطيف يمتنع عن الاجابة....وأصلا كده كده ما أعتقدش انه فيه حد من الجنس اللطيف كان حيرد على السؤال لان "كما نعلم جميعا" عمر المرأة بيقف عند مرحلة العشرينيّات ويفضل راكن فيها ييجى ثلاثين سنه وبعدين ينط فجأة من حاجه وعشرين لحاجه وأربعين عندما تقتنع المرأة أن كل شيئ انكشف وبان :oops: :oops: :oops:

[الأفوكاتو]

لا أتذكـــر :

لأن هذا كان من زمــــــــــــــــــــــــــــــــــــــــــــــــــان :oops: :oops: :oops:

[kokowawa1979]

هم ليه بيسموه عيد الميلاد مع إن الإنسان بيحتفل فيه ببداية سنه جديدة هاتنقص من عمره !!!!!! يبقى عيد ميلاد إزاي!!!!!!

[amir]

بتقول كام ؟؟ ... مش سامع

الثلاثين ولا الاربعين ؟

والله يابنى ما سمعك ... على صوتك شويه

:roll: :roll: :roll:

[abofasad]

شعور عيد الميلاد الثلاثين هو الشعور بالقوة وعنفوان الشباب

أنا طبعا لا أذكر هذا اليوم

ولكن الذي أتذكره جيدا هو يوم الاحتفال بعيد الميلاد التاسع والخمسين والذي يفصلني عن الستين أيام (العد التنازلي) وننضم الى طابور المحالين للمعاش

هو ده الشعور اللي الواحد لازم يتخيله، يوم ما تحس انه مالكش قيمة

أما شعور الثلاثين .. فات عليه زمان

ما تحسروناش

وربنا يديكم الصحة

[kokowawa1979]

صلوا على النبي أما ياخوانا ( عليه الصلاة والسلام)

الشباب شباب القلب مش كدة والا إيه

انتم حتعقدونا ليه مكنا كويسين !!!!!

وربنا يدينا ويديكم طولة العمر لخدمة أبناءنا وأحفادنا بإذن الله وعمل الصالح .

وكل واحد عيد ميلاده قرب كل سنه وهو طيب

[Faro]

شعور عيد الميلاد الثلاثين هو الشعور بالقوة وعنفوان الشباب

أنا طبعا لا أذكر هذا اليوم 

ولكن الذي أتذكره جيدا هو يوم الاحتفال بعيد الميلاد التاسع والخمسين والذي يفصلني عن الستين أيام (العد التنازلي) وننضم الى طابور المحالين للمعاش

هو ده الشعور اللي الواحد لازم يتخيله، يوم ما تحس انه مالكش قيمة 

أما شعور الثلاثين .. فات عليه زمان 

ما تحسروناش

وربنا يديكم الصحة

إية أخبار أم علي ؟؟؟

[abofasad]

سيبك انت يا أخ فارو انت اللي فيهم

جملة واحدة منك غيرت دفة المناقشة

وخليتنا ننسى أعياد الميلاد اللي بتفكر الواحد بالسنين والأيام الباقية

على العموم كل اللي أكل أم علي كان بيدعيلك

وخصوصا الخواجات عجبتهم جدا

بس اللي انا مش عاره لغاية دلوقت

هما سموها أم علي ليه؟

حد منكم عارف؟؟؟؟؟؟

[بنت شعنونة]

هههههههههههههههههههههه

هههههههههههههههههههههههههه

ااااااااخ ياني

والله انا مت من الضحك وانا عمالة اقرا

هوا الرجالة كمان كدا؟؟؟؟؟؟؟ :cry: :cry: :D :D

انا كنت فاكرانا احنا بس اللي بنحس بدا :)

بيني وبينكم انا لحد 25 كنت فاكرة نفسي عيلة

معانهم كل شويةعيب يا بنت البسي كذا وماتلبسيش كذا

وانا ولالالالا هاممني :) :oops: :oops:

اصل بيني وبينكم هانعيش كام مرة

من حقي اتنطط واتمرجح واجري زييييييي ما انا عايزة حتى او ميييت سنة

من اسبوعين كنت بتنطط على نطيطة عجب والله :)

بس بيني وبينكم بعد عيد ميلادي ال 27دا

جالي اكتئاب

مش بمزاجي والله

لكن بنظرة اللي حواليا

ربناااااااا يبارك في اعماركم جمييييعا

ويدينا صغر السن :wink: :wink: :D :lol:

[Faro]

بصراحة لم أعش أبدا هذه الحالة من الإكتئاب بل كانت حالة من السعادة, ولم أشعر أبدا بتقدم السن ولا أحاول أن أتقمص دور المتقدم فى السن .

الأخ أبو فصاد

أم على صاحبة الإختراع على ما أظن .

[فنكوش]

بصراحة لم أعش أبدا هذه الحالة من الإكتئاب بل كانت حالة من السعادة, ولم أشعر أبدا بتقدم السن ولا أحاول أن أتقمص دور المتقدم فى السن .

الأخ أبو فصاد

أم على صاحبة الإختراع على ما أظن .

الشعور ده حسب ردك على سوال يا تري ايه حصيله الكام سنه دول

السنه اللى فاتت ما خدتش بالى من يوم عيد ميلادي الشغل مان واخدنى :? اول امبارح كان عيد ميلادى31 ولما فكرت في الاجابه لقيت ولالالالالالالالالاحاجة :( :? :?: طظ لالا 31طظ انا مكتأب

[بنت شعنونة]

:D

استاذ فنكوش

فكرتيني يوم عيد ميلادي لما انا غيرت توقيعي الى

محصلة 27 سنة = خلع 3 ضروس عقل

يــــــــا خسارة

:D

بيني وبينك خليها على الله

اوقات الأكتئاب الواحد بيشوف كل حاجا نيلة خالص :?

اسألني اننننننننااااااااااا :roll: :roll:

وطظ دي يااااااااما بنقولها وها نقولها

بس شوية كدا وتلاقينا بنقول الحمدلله :D

احنا احسن من غيرنا اكيد :roll:

وبعدين لو سمحت ما تاكلش علينا الشوكلاتة بتاعت عيد ميلالالالالادك

:D

[Cleo]

سيبك انت يا أخ فارو انت اللي فيهم

جملة واحدة منك غيرت دفة المناقشة

وخليتنا ننسى أعياد الميلاد اللي بتفكر الواحد بالسنين والأيام الباقية

على العموم كل اللي أكل أم علي كان بيدعيلك

وخصوصا الخواجات عجبتهم جدا

بس اللي انا مش عاره لغاية دلوقت 

هما سموها أم علي ليه؟

حد منكم عارف؟؟؟؟؟؟

أم على دى يا أستاذ أبو الفصاد تبقى الزوجة الأولى للسلطان عز الدين أيبك اللى تزوج عليها شجرة الدر ليصبح سلطانا على مصر... و يوم ما اتقتلت شجرة الدر، فرحت أم على جدا و خرجت فى الشارع توزع هذا النوع من الحلوى على الناس فسميت باسمها...

[amr2003]

يا جماعة ، الرأي الأصح والأرجح لدى العلماء أن الاحتفال بعيد الميلاد حرام . . وكيف تحتفل بنقصان عمرك سنة . .

المهم ، عن حالة الاكتئاب التي تشعرون بها ( معظمكم )

أنا الحمد لله لا أشعر بأي اكتئاب ، من أن أصبحت أكثر التزاما . .

بل على العكس فإن كل يوم ، أرى شيئا جديدا يتحقق لنصرة الدين ونصرة الصحوة الإسلامية ، مما يبهج قلبي ويسعده . . ويزيدني يقينا أن هذا القرن للإسلام إن شاء الله . .

[se_ Elsyed]

الحمد لله ان الأكتئاب ده ماجليش لأن شكلي أساساً مايدينيش 25 سنة - عمر طبعاً مش سجن آه أحنا بنتكلم يعني - مع إن عندي 31 سنة عملية تموية يعني وكمان زيادة فى الأستحراص مش لابس دبلة فى أيدي الشمال وأهي ماشية .بس بجد عمر الانسان لابد ان يقاس بإنجازاته والهدف الذى يعيش من أجلة .. ياما ناس بلغت من العمر عتياً ومبدأءها فى الحياه " جايين الدنيا مانعرف ليه " وناس تانية فى مقتبل العمر ولسه شباب لكن وزنه دهب - بتشوفوا البرنامج ده اللى بيقدمه أيمن زيدان على قناة ابو ظبي - .

[Spider]

يااااه يا جماعة ليه بس كده

طب أنا حقول لكم على رأيى مع أنى لم أرد أن أقلبها ضلمة بس أستحملونى

أنا أشعر بهذا الأكتئاب منذ ان كنت حديث السن جدا يعنى من أيام المراهقة وأنا أشعر بهذا الأكتئاب وهذا لأنى أعلم أن الموت اّت لاريب فيه وحينما أقرا بالذات عن شخص عنده 17 أو 10 أو 20 أو أى عمر مشابة لتلك الأعمار أحس أن من عليه الدور هو أنا خصوصا أنى أكبر من ذلك بكثير ولكن الموت لا يميز ، ولكن أين ومتى لا أعرف وهذا دائما ما يقلقنى

أذا المسألة ليست بالعمر فقد تحس بهذا الأكتئاب فى سن حديثة جدا كما حدث لى ويظل معك هذا الشعور حتى القبر

أتذكر قبل وفاة جدتى بأعوام كثيرة وكنت صغيرا أيامها أعتقد 10 سنوات أصغر أو أكثر قليلآ ، أعتدت أن أنام بجوارها وكانت فى عز صحتها جدا ولكننى كنت أبكى بعض الأيام بجوارها بعد نومها لأنى عرفت أننى سوف أفارقها يوما من الأيام وبالفعل ماتت بعد العديد من الأعوام ولم أزرف دمعة واحدة عليها لأن لحظات الألم بالنسبة لى أننى حينما أحب شخصا أتذكر أننى سوف أفارقه فى يوم من الأيام ولذلك بدأت أعوام أنعزال طويلة الى الآن لم ولن أخرج منها نظرا لحقائق الحياة التى لا تتغير

ومحدش يقولى الله يخليكوا روح لطبيب نفسى ألا أذا كان هناك طبيبا يستطيع تغيير طبيعة الحياة فهذه هى الحقيقة ولن أهرب منها

ومع انى أعيش حياتى بشكل طبيعى ألا أن تلك الأفكار لا تفارقنى

[ابو يوسف]

اخوانى الاعزاء

ارى ان الموضوع جد جدا جدا

لانى شعرت بنفس هذا الشعور القاتل ؟؟؟؟

لماذا هذه السن بالذات ؟؟؟

أنا عن نفسى فسرت ده بانه اوسط العمر ... يعنى الواحد بيحس ان العد التنازلى ابتدى و ان سن الثلاثين هو فمة المنحنى العمرى !!!

حد عنده تفسير تانى ؟؟؟

[abofasad]

أخي العزيز ابو يوسف

لو صدقت كلامك كان كل واحد يوصل لسم التلاتين يقول يالله بقى حسن الختام، احنا حناخد زمنا وزمن غيرنا ... الخ وما إلى ذلك من الجمل اللي تخليك تفقد الأول وتشوف الدنيا من خلال نضارة سوده.

يا أخي الحياة حلوة .. حاول تعيشها بكل تفاؤل وأمل، واعمل الخير ووزع الابتسامات، واضحك.

لأني لما كنت في سنك، يعني لما كان سنى 30 سنة كان في دماغي مشاريع وأفكار كتيرة وكنت أقول لنفسي انفذها بعد الزواج ثم تأجيل لبعد خلفة الأولاد ثم بعد تعليمهم ثم بعد تخرجهم ودلوقت كلهم اتخرجوا من الجامعة وانا وصلت لسن (59) سنة وما زالت نفس المشارع والأفكار . ومستنى لسن المعاش حتى ابدأ في تحقيق بعض هذه الأفكار. أقصد أقول لو كل واحد وضع أمامه هدف لتحقيقه لن ييأس أبدا ولن يفكر بعد سن التلاتين ان المنحى أخذ يتجه الى أسفل.

الإيمان بربنا وبرسله والعمل برسالتهم سوف يجعلك تعيش حياة أفضل بعيدة عن هذه الأفكار "الوحشة"

تمنياتي لكم جميعا بطول العمر "المفيد"