بتحب أبوتريكة؟

[م.سامح المصرى]

استاذي كوكواواوا

نتكلم بمنطقية بدون تعصب اوكي

المقال الي حضرتك كتبتة دا بيتكلم عن اشهر لاعب في العالم مع ان التصويت علي اكثر شعبيه في العالم

هوا ابو تريكة ما كانش اكتر شعبية في العالم ولا حاجة

بس لما هوا جابلنا بطوله افريقيا بجوله الجميل من تونس

وراجل محترم جدا ولا بيشتم في الملعب ولا بيعمل حركات بصوابعه زي لعيبة تاني في الاهلي والزمالك وكل الاندية

ولاعب مثالي في وقته وحياته

وهل لما كل العالم شافه في كاس العالم للأندية وشاف مستواه الي يعتبر كان افضل لاعب في الفرق كلها ودا شئ ما يختلفش علية اتنين

وما خادش ولا الهداف ولا افضل لاعب مش هايتكلمو علية دى الصحف الاجنبية علي ما اذكر اتكلمت علي الواقعة دي

وعلي فكرة زي ما قلت مش الاهلوية بس الي بيحبوة (مش هاقول المصريين علشان مش كلهم بيحبوة زي ما بان )

انما في فلسطينيين وسعوديين وجنسيات تانية عربية بتحبة

بس

والسلام ختام

[kokowawa1979]

سولي كتب :

المقال الي حضرتك كتبتة دا بيتكلم عن اشهر لاعب في العالم مع ان التصويت علي اكثر شعبيه في العالم

أخي الفاضل سولي - أنا لم أكتب هذا المقال - ولكنني أشرت إلى أن كاتبه هو جمال هليل ولست أنا .

أنا ( وأعوذ بالله من كلمة أنا ) زملكاوي صحيح لكنني أحب أبو تريكة اللاعب الفنان في الملعب الذي لايضاهيه لاعب في مصر حاليا أو حتى خلال العقدين الماضيين على الأقل بما فيها حازم إمام شخصيا وهذه حقيقة لابد من ذكرها - وأحب أبو تريكة اللاعب الخلوق الذي لم نسمع عنه شائبة تمس أخلاقه خارج الملعب .

لكنني لاأحب أبو تريكة اللاعب الذي ضحك على الحكام في كثير من المواقف لأن الأخلاق لاتتجزأ في رأيي !!!

وبالتالي فمحصلة أبو تريكة في النهاية تقول أنه من أحسن اللاعبين في مصر - ويضاهيه في رأيي اللاعب أسامة حسني الذي لم يمثل أبدا على الحكام لكنه لاعب مظلوم بحق إعلاميا وسياسيا في الأهلي .

شخصيا أحب كل لاعب على خلق سواء أكان من الزمالك أو الاسماعيلي أو الاتحاد أو المصري أو ....... حتى الأهلي!!!!!

ولك من كل تحية وتقدير

تم تعديل 14 نوفمبر 2007 بواسطة kokowawa1979

[م.سامح المصرى]

استاذى العزيز كوكوواوا

بجد والله انا مش قصدي ان حضرتك الي كاتبه اني قصدي الي حضرتك اقتبست منه

انتا عارف اني بحب فيك اخلاقك

وانا لا اقصد اية اساءة ليك

تقبل منى كل تحيه واحترام

[kokowawa1979]

سولي كتب :

استاذى العزيز كوكوواوا

بجد والله انا مش قصدي ان حضرتك الي كاتبه اني قصدي الي حضرتك اقتبست منه

انتا عارف اني بحب فيك اخلاقك

وانا لا اقصد اية اساءة ليك

تقبل منى كل تحيه واحترام

أخي الحبيب الفاضل سولي أنا شاكر لك أخلاقك العالية وأدبك الجم في الحوار حقيقة .

أقسم لك أنا ماباقصد حاجة في الرد فقط أردت أن أنوه أن المقال لجمال هليل مش أكتر - وليت كل المحاورين في أبواب الرياضة زيك كدة في روحك العالية ياأستاذ سولي .

لإن الأهلوية أحيانا بيحسسوني إن احنا بنتناقش في الكراتيه مش كرة القدم :D

ولك كل تقدير واحترام

[yasovinas]

ابو تريكة من احسن الشخصيات في الوسط الرياضي على مستوى مصر وقد لا ابالغ اذا قلت على مستوى العالم العربي بتواضعه وادبة واخلاقه (كفايه ضحكته الطيبة واللي بتلاقيها على وجهه في كل وقت حتى بعد ما يغرقله احد المدافعين ) لكن وللحقيقة وعلشان نكون واقعيين لو قلنا اوب تريكه اكثر لاعب في العالم شعبية هيبقى كلام مش منطقي لان وبحسبة بسيطه هنلاقي ان هناك لاعب سعودي حسب الخبر اسمه القحطاني متقدم او حتى يتنافس مع ابو تريكه طيب كام واحد في مصر وهي دوله عربية ومجاورة للسعودية وبنلعب مع بعض كتير مقارنه مع لعبنا مع دول اوروبا واسيا وامريكا كام واحد في مصر يعرف هذا القحطاني انا لا اقلل من اللاعب لا سمح الله ولكن فعلا موضوع الشعبية دي لازم تتقاس بموضوعيه

وعودة للسؤال الموجود في عنوان التوبيك واللي خلاني ادخل لباب الرياض وانا لابس البيجامه وفي رجلي شبشب البيت يعني بدون شورت وفانله وكوتشي

اجاوب وبكل ثقه وانا في كامل وعيي وقدراتي العقلي واقول بصوت عالي

ايوه بحب ابو تريكه :lol:

[kokomen]

أبو تريكة ....... فنان ....... مؤدب ومحترم ........ أخلاقه عاليه

يستحق أجمل الألقاب وأفضلها

ده رأي زملكاوي غير متعصب

خلص الكلام

على رأي الأستاذ شريف عبدالوهاب

:lol: :sad: :lol:

[kokowawa1979]

دي بقى مفاجأة للأهلوية علشان يعرفوا إن كوكو واوا بيحب اللاعب الفنان حتى لو كان أبو تريكة شخصيا - وأعلم أن جميع الأهلوية يحتفظون بهذا الكليب لكن مفيش مانع نعيده تاني هنا للتعرف على مهارات أبو تريكة الأصلية خارج مصر .

وإليكم الكليب

http://www.BLOCKED77/account/file/298897...CYMPUZpkSXRsyEr

خليها علينا المرة دي

[حسام يوسف]

ابو تريكة واى حد احمر ضرورى يبقى احسن انسان فى المجرة

والمجرات اللى حوالينا

الصبر يا رب