طبخات للأزمات...

[بنت شعنونة]

اوقات كتير يبقى الواحد جعااااان جدا

والبيت مافيهوش اكل جاهز وكمان مالكش نفس تجيب من بره :? :?

عاوزين بقى نعرف ايه اسرع "طبخة" بتعملها وتكون مشبعه

وبلاش والنبي البيض والشاي والفوووووووول :D :D :(

اقولكم انا بقى

-وجبة للعشاء

المكونات...

عيش تست + 10 بيضات + سكر + ملح

التحضير

تقسم البيضات الى 5 وتخفق و 5 اخر تخفق في طبق اخر

ونضيف على الطبق الأول كوب لبن + ملعقة ملح صغيرة جدا او اقل حسب الطلب

اما الطبق الثاني فنضيف ايضا كوب لبن على ال 5 بيضات المخفوقة + ملعقتين سكر كبيرة او اقل حسب الرغبة

ثم نغطس العيش التست في الطبق الاول رغيف بعد رغيف الى ان يمتص اكبر كمية من البيض ويرفع ليوضع في طاسة موضوعه على النار و فيها زيت ( يدوبك حبة كدا عشان نقلي التست)

ونكرر الموضوع مع الطبق التاني

وكدا يبقى عندك نوعين من التست

مالح ونوع حلو

ملحو وحلو :D

وادعوالي :D

وجبة غداء سريعة

-نص كيلو لحمة (لحمةبدون دهن اوعضم... اسمها ايه دي؟؟)

-نص كيلو فلفل اخضر بارد (مكبب)

-علبة درةصفراء حسب الرغبة

-2 بصلة كبيرة

-ربع كيلوا فاصوليا خضرة

تقطع اللحمة طوليا الى شرائح رفيعه جدا ومتوسطة الطول ثم توضع في طاسة على النار بهاقليل من الزيت ويترك على النار مع التقليب كل شوية

تقطع الفاصوليا وكذلك الفلفل الى شرائح صغيرة طولية متوسطة الحجم وتضاف الى اللحم

وكذلم البصل يقطع الى شرائح طوليه ويضافالى الطاسة ويقلب

على نارعاليه حتى يتغير لون الحم من الأحمر الى للون البني

تضاف التوابل

ملح وفلفل اسود وحبهان

ويترك على نار هادية ويغطى عليه

لمدة 10 دقايق

ثم يرفع :D من على النار ويضاف اليه الذرة الصفرا حسب الرغبة

وبالهنا والشفا

حد عنده حاجا طواريء زيي كدا؟ :D

[se_ Elsyed]

أسرع وجبة كنت بحبها - خاصة بالليل والواحد قاعد يتفرج على التليفزيون - هى البطاطس المقلية لكن من ساعة أكتشاف مادة الأكرلاميد اللى بيكتبوا عنها فى كل حتة وبطن الواحد وجعتة ومابقيتش أقرب لها لحد مايكتشفوا طريقة صحية لقلي البطاطس.

[MuslimaEgyptian]

أسرع وجبة كنت بحبها - خاصة بالليل والواحد قاعد يتفرج على التليفزيون - هى البطاطس المقلية لكن من ساعة أكتشاف مادة الأكرلاميد اللى بيكتبوا عنها فى كل حتة وبطن الواحد وجعتة ومابقيتش أقرب لها لحد مايكتشفوا طريقة صحية لقلي البطاطس.

ممكن حضرتك تطبخها بوضعها بالفرن وطعمها مش بيكون بطال...

هات ورقه ألومينوم فويل ورص عليها حبات البطاطس المجمده، او المقشره بيتيا..وإفردها بالفرن..وولع الفرن...لغايه ما لونها يقول إنها إستوت..

وممكن برضه تترص على صينيه ألومينوم بدل الفويل...

بس عندى سؤال، فعلا بيحذروا من أكلها بره...بس إيه المانع طبخها و قليها بالبيت ؟ هى الماده التى تحدثت عنها تأتى نتيجه القلى عاما؟

وفى النهايه، موضوع جيد :D...أنا دايما عندى نفس السؤال ده..بس طلبيه البيتزا كائن بيحل مشاكل كثيره بصراحه :idea:

[se_ Elsyed]

أنا قرأت إن المادة دى بتتكون نتيجة تفاعل البطاطس مع الزيت سواء مقلية برة أو فى البيت وحتى التحذيرات بقت على الشيبسي اللى الاطفال بيأكلوة - واحنا برضوا بناكلوا فى الخباثة منهم -

وبمناسبة طريقة البطاطس اللى تفضلتى وقولتيها دى يا اخت مسلمة مصرية ن أنا من كام شهر كنت قاعد عازب علشان أولادي كانوا فى مصر فى إجازة وانا كنت هاحصلهم ، المهم أنا متعود من وقت للتانى اكل فى محل " ستيك " مشهور فى مدينة الرياض وبيقدم مع وجبة الستيك beaked Potatoes ما علينا عملت فيها فلحوس وكان ساعتها عندى لحمة جايالي من مصر قمت مقطعها شرائح زى الستيك وجبت البطاطس ووالله العظيم لفيتها فى ورق الالمنيوم وزق يا جدع فى الفرن ... وعينك ماتشوف الا النور .. قعدت جنب البوتجاز لما نشفت وروحي يا ساعات وتعالي يا ساعات لحد ما الانبوبة خلصت واللحمة لسه نص سوا - طبعاً كلتها لأنى باعمل بمبدأ وجعك يا بطني ولا رمي الطبيخ - أما البطاطس فكانت متحجرة زى ماهيه رميتها طبعاً

ومن وقتها بادى العيش لخبازة ولما أعوز أكل الحاجات دى باروح المطعم زى المحترم.