المعرى!!!

[حشيش]

أعمل بالخليج منذ عدة سنوات(البحرين)...سافرت إلى مصر الشهر الماضى لإتمام خطبتى على إحدى الفتيات التى وقع إختيار الأسرة عليها حيث أنه كما لا يخفى على حضراتكم اللى مابيكنش مرتبط قبل سفره للخارج تكون هذه هى الطريقة المثلى لإختيار الفتاة التى سوف يتزوج منها...يعنى يترك للأسرة مهمة السؤال عن البنت وأخلاقها وأهلها وما شابه...المهم أنا قد ادخرت خلال فترة عملى بالخليج حوالى مائة ألف جنيه مصرى هى كل ما أملك من حطام الدنيا وذهبت لألتقى بالعروس وأسرتها للتعارف مع عائلتى وكنت أتحدث بقلب جامد معتقداً أنى من الناحية المادية (شديد قوى)...ما علينا الحقيقة ارتحت نفسياً للبنت وأهلها وقررت أن أتم الخطبة وبدأ الكلام فى تفاصيل الزواج والشبكة ومن قبل هذا وذاك الشقة مما نتج عنه شعورى بالدوار وزيادة فى إفراز اللعاب :mad: :shock: :mad:

طلب منى والد العروس (بإيحاء من أمها) أن تكون الشبكة بسيطة دبل ومحبس ألماظ!!! (عبثاً حاولت إقناعهم بأن أى محبس يقوم بالغرض..وأقترحت محبس ماركة جروهى ولكن لم يلاقى إقتراحى إستحساناً لديهم)...ما علينا ذهبنا لإختيار الشبكة وأمها شبطت فى خاتم سوليتر يقوم مقام المحبس من عند السرجانى بمبلغ 4000 جنيه بالإضافة إلى الدبل التى حاولت أن أقنعهم بأن الدبل الكنزة أشيك من الدبل العريضة ولكن محاولتى باءت بالفشل...اشترينا الشبكة وبدأ الحديث عن مكان الخطوبة وقررنا أن تكون فى منزل والدها على أن يكون كتب الكتاب فى أحد الفنادق واقترحوا الموفنبيك بمصر الجديدة وهنا إعترضت بشدة لأن هذا إسراف ليس له داعى ( طبعاً الخطوبة فى البيت لأنها على حساب أهل العروسة أما كتب الكتاب فهو على العريس :shock: :shock: :shock: )...ما علينا تمت الخطبة واتفقنا على أن أنزل أجازة أخرى بعد 6 شهور لإتمام الزواج والبحث جارى الأن على قدم وساق للعثور على شقة مناسبة خلال مهلة ال 6 شهور (الإنذار الأمريكى)...عدت إلى البحرين منذ أيام قليلة وأنا شارد الذهن مؤرق الجفن ليس بسبب شوقى لخطيبتى ولكن لأن تحويشة العمر عن قريب سوف تصبح أثراً بعد عين :shock: :shock: :shock:

أخوكم

رهين المحبسين (الشبكة والشقة)

أبو حشيش المعرى

[Faro]

كل عروسة ولها سعر, وأنت محظوظ زوجتك القادمة ليست .. سكندهاند ... لأن السكندهاند تطالب بأكثر من تحويشة العمر وعندئذ سيكون اللقب أبو حشيش المتعري

[MuslimaEgyptian]

أعمل بالخليج منذ عدة سنوات(البحرين)...سافرت إلى مصر الشهر الماضى لإتمام خطبتى على إحدى الفتيات التى وقع إختيار الأسرة عليها حيث أنه كما لا يخفى على حضراتكم اللى مابيكنش مرتبط قبل سفره للخارج تكون هذه هى الطريقة المثلى لإختيار الفتاة التى سوف يتزوج منها...يعنى يترك للأسرة مهمة السؤال عن البنت وأخلاقها وأهلها وما شابه...المهم أنا قد ادخرت خلال فترة عملى بالخليج حوالى مائة ألف جنيه مصرى هى كل ما أملك من حطام الدنيا وذهبت لألتقى بالعروس وأسرتها للتعارف مع عائلتى وكنت أتحدث بقلب جامد معتقداً أنى من الناحية المادية (شديد قوى)...ما علينا الحقيقة ارتحت نفسياً للبنت وأهلها وقررت أن أتم الخطبة وبدأ الكلام فى تفاصيل الزواج والشبكة ومن قبل هذا وذاك الشقة مما نتج عنه شعورى بالدوار وزيادة فى إفراز اللعاب :mad:  :shock:  :mad: 

طلب منى والد العروس (بإيحاء من أمها) أن تكون الشبكة بسيطة دبل ومحبس ألماظ!!! (عبثاً حاولت إقناعهم بأن أى محبس يقوم بالغرض..وأقترحت محبس ماركة جروهى ولكن لم يلاقى إقتراحى إستحساناً لديهم)...ما علينا ذهبنا لإختيار الشبكة وأمها شبطت فى خاتم سوليتر يقوم مقام المحبس من عند السرجانى بمبلغ 4000 جنيه بالإضافة إلى الدبل التى حاولت أن أقنعهم بأن الدبل الكنزة أشيك من الدبل العريضة ولكن محاولتى باءت بالفشل...اشترينا الشبكة وبدأ الحديث عن مكان الخطوبة وقررنا أن تكون فى منزل والدها على أن يكون كتب الكتاب فى أحد الفنادق واقترحوا الموفنبيك بمصر الجديدة وهنا إعترضت بشدة لأن هذا إسراف ليس له داعى ( طبعاً الخطوبة فى البيت لأنها على حساب أهل العروسة أما كتب الكتاب فهو على العريس :shock:  :shock:  :shock: )...ما علينا تمت الخطبة واتفقنا على أن أنزل أجازة أخرى بعد 6 شهور لإتمام الزواج والبحث جارى الأن على قدم وساق للعثور على شقة مناسبة خلال مهلة ال 6 شهور (الإنذار الأمريكى)...عدت إلى البحرين منذ أيام قليلة وأنا شارد الذهن مؤرق الجفن ليس بسبب شوقى لخطيبتى ولكن لأن تحويشة العمر عن قريب سوف تصبح أثراً بعد عين :shock:  :shock:  :shock: 

أخوكم

رهين المحبسين (الشبكة والشقة)

أبو حشيش المعرى

:D :D :D :D :D :D

السلام عليكم يا أخ حشيش

أولا ألف مبروك :D ربنا يتممها بخير وسعاده إن شاء الله...

ثانيا، معلش،شعورك طبيعى خالص..:D الجواز كده فيه شويه مسؤوليات فى الأول ..وخاصا ككونك الرجل :D ما هو لازم شقه وشبكه والذى منه، أمال هتتجوزونا ببلاش وتعيشونا فى الشارع :D (أنا أقصد الحد المعقول من كل هذا بالطبع :D وليس ما نسمع عنه اليوم من مبالغات )

، ولكن حاول تنظر للجوانب الجميله في الموضوع :D ..كتكمله نصف الدين, والاستقرار النفسى والاستعداد لبناء حياه جديده الى جانب الشخص الذى سيعينك على هذا بموده ورحمه وحب ووءام ان شاء الله..وإن شاء الله ستكون خطيبتك وعائلتها من الناس الذين بالوقت

سيبددون قلقك هذا ويجعلك تنظر لهذا الجانب من الزواج بقلق ..من النوع الصحى واللذيذ :)

وحضرتك فعلا محظوظ لأن هناك عائلات تطلب أشياء اليوم يدمى منها القلب...وعلى يدك أهو، قرأت بالمنتدى عن عائله طلبت بيانو كجزء من الجهاز...وأشياء أخرى مش ممكن...كالدش والموبايل :) وصدقنى، كفتاه، أقولك ان مبلغ 4000 جنيه لا بأس به عند مقارنته بالستاندرد الحالى لهذه الأشياء....فمنذ سنتين، قالت لى صديقتى ان 17000 جنيه هو المستوى المتوقع للسوليتير وكيف ان ام صديقتها محسوره

لأن ابنتها جاءت لها شبكه ب12000 فقط...وهؤلاء عائلات متوسطه...فشفت إزاى انت محظوظ؟ :)

وحكايه أخرى...شخص نعرفه نزل مصر ليتزوج بنفس الطريقه، وفشلت خطبته لأن العائله طلبت كذا وكذا وكذا ومن الكذذات دول :)

كان مطرب معين بيآخد مبلغ مهول فى الساعه...فشفت إنت محظو إزاى؟ :)

فيلا، اللى حاسسهم دول هم شويه شعور قلق طبيعى - شويه cold feet كما تسمى - ينتاب الفرد عند

بدايه اى تجربه جديده او بدء مرحله جديده من الحياه...

اكيد انت درست الموضوع جيدا قبل تقبلك للخطبه، وكانت هناك أشياء

جعلتك مستريحا ومتقبلا للموضوع، فأنظر الى هذه الاوليات وتوكل على الله

ان شاء الله واذكره لكى يعينك على تخطى هذه المرحله الانتقاليه بسلام ان شاء الله...

ومبروك جدا :)

واحد دور شربات على المنتدى وصلحه :)

[MuslimaEgyptian]

كل عروسة ولها سعر, وأنت محظوظ زوجتك القادمة ليست .. سكندهاند ... لأن السكندهاند تطالب بأكثر من تحويشة العمر وعندئذ سيكون اللقب أبو حشيش المتعري

سؤال برئ،

ما هو تعريفك للمرأه ال"سكند هاند" ؟

أنا بصراحه سمعت عن عربيات بتكون كده...ملابس...ولكن كونها إمرأه دى جديده شويه !

:s2:

[حشيش]

الأخت مسلمه

شكراً على التهنئة وجزاكى الله خيراً فقد اعادت كلماتك بعض الأمل إلى قلبى أن يتبقى شئ من تحويشة العمر بعد إتمام الزواج...السوليتير الذى اشتريته هو عبارة عن خاتم عريض من الذهب الأبيض وبه فص من الماس(فص واحد يتيم) يسمى فى لغة العرايس محبس...يعنى مش كتير 4600 جنيه دبل وخاتم...ربنا يطمنك

الأخ فارو

كنت أعتقد أن المرأة عالزيرو شبكتها أغلى من اللى عاملة ميت ألف (من المستعملة يعنى)...غريبة ماتقوله بأن العكس هو الصحيح :roll: :roll: :roll:

[بنت شعنونة]

اولا

لولوولولولولولوولللللللللللللليييييييييييييييييييي

الف الف الف مبروووووووك وربنا يتمم بخييييير :D

ثانيا

دي عرووووووووسة لقطة

دلوقتي الشبكة بالمهر مش اقل من 15 الف

وبعدين انت ها تغلس عليها حتى في شكل الدبلة

مش هيا اللي ها تلبسها؟؟؟؟

سيبها تتمتع بقى :wink: :wink: :D :D

والله انت في نعمة

انا بقى بخطب لأخويا الأصغر مني

وخطوبته يوم الأربع دا ان شاء الله :D

طبعا كلكم معزوووووومييييين نااااااااففررررررررر نااااااافففرر :wink: :D :D

الشبكة برضه العروسة اختارتها خاتم سوليتير

بس ب 9000 جنيه سعدتك

اما المهر فربنا يستر بقى :roll:

وكله كووووووووم والأستعدااااااادات للخطوبة دي كووووم تاااني

لون البدلة و تظبيطها مع فستان العروسة

اففففففففف

وشغل الحماوات الفاتنات بقى

و لالا مش ها نقول لون الفستان خلوه مفاجاة

وبعد ما اشترينا البدلة يقولول الله ايه اللون دا مش ها يليق؟؟؟

يلهووووووووييييييي

ما انا سالتكم على لووووون الفستاااان

حووووووووووووسة بعيد عنكم

بس حوسة حلوووووووة جدااااا

:D

عقبااااااااالكم جميييييعااااااا

:)

[Katamando]

يا شعنونة ,

أول الغيث قطرة

أول موضوع أخوكي 9000 جنيه ولسه التقل ورا

وناويين تعملوا الخطوبة فين؟

ولسه كتب الكتاب

ولسه الشقه ومستلزمات البيت

ولسه المهر

ولسه شهر العسل

ولسه

ولسه

ولسه

مش كده ولا ايه ؟

[ابو حلاوه]

و الله يا حشيش انا فاهمك كويس قوي قوي قوي ....

بس برضة يا ابن الحلال انت محظوظ تماما .... انا من سنة و نصف بالظبط كنت في مكانك .... و مش عايز اقولك انا هبدت كام ما بين الفندق الخمس نجوم و الراقصة و المطربين و الشبكة الالماظ .....و المهر ...... الشقة اهلي كانوا جايبينها من زمان .......

و الموضوع بالدرجة الاولي مناظر فارغة ليس لها اي اهمية علي الاطلاق من وجهة نظري ... لكن الواحد كان بيقول في عقل باله خللي المراكب سايرة و تعالي علي نفسك حبتين ......

و بعدين انا مش فاهم ايه حكاية .. انتم هتاخدم بنات الناس ببلاش دي يعني .......... هو لا سمح الله الراجل بيتجوز الست علشان يستعبدها .. و لا الجواز بيعني ان الست بتضحي تضحية كبيرة من اجل الراجل و لا ايه بالظبط ............

انا و اعتقد ان هناك الكثيرين مثلي لما اردت ان اتزوج لم افكر في ان اشتري و احدة بشبكة و مهر و لكن اردت ان اشارك انسانة حياتي و مستقبلي ......... و اعتقد ان دول اهم من الفلوس كتييييييييير قوي

[بنت شعنونة]

:D :) :D

يا وهووووووووييييييييي

انت ها تصعبها عليا ليييييييييه :twisted:

لجل الحق هما متفاهمين معانا جدا

خصوصا انها تبقى بنت عمنا لزم واحب اعمامنا لينا :)

ولجل الحق كمان اتفقنا ان كل شيء بالنص

الخطوبة و الفرح و العفش بدل ما ندفع مهر يعني يبقى العفش بالنص

والشقة على اخويا طبعا

والخطوبة في قاعة افراح تبع القوات المسلحة

ناوي تييييييييجييييي والا حاجا :D :D

انت عارف العدد على القد :D :D :roll:

انا بهرج طبعا :wink: :wink: :D

على النقيض بقى

افتكرت على سيرة المية الف دي

كان مرة اتقدملي عريس خريج تجارة وبيشتغل صاحب محل بيع مواد غذائية جملة

المهم انا كنت مسمياه المعلم لأنه كان بيتكلم زي المعلمين :?

المهم في مرة قالي

انا معايا 100 الف وعاوز اتجوز بيهم

انا بقى كنت "في نظري" واقعية

فقلتله بص

15 الف شبكة على مهر والعفش كله علينا والفرح والخطوبة زي ماتحب

النص بالنص او حسب الاتفا ق يعني

و ب 20 الف تشتري عربية مستعملة (لأن انا عندي عربيتي وهوا ما عندوش الا نص نقل)؟؟؟؟

فرضا خرجنا ها يسوق هوا "عربيتي"؟؟؟؟؟؟ والا اركب انا جنبه النص نقل؟؟؟؟؟

ها يفضل 65 الف يجيب ب 40 او حتى 50 شقة

او حتى ان شاء الله شقة ايجار لأنه انا ما بتفرقش معايا الحاجات دي

ومش مهم الشقة في اي مكان المهم انها تكون عاجباني وخلاص كشقة

المهم

قعديهرش في راسة شوية

ومن يومهااااااا ما شفتووووووووووووووووشششششششش!!!!!!!!!

قال رضينا بالهم والهم ما رضيش بينا :twisted: :twisted: :mad: :? :?

[بنت شعنونة]

الايا جماعا صحيح

احنا اخوات يعني :roll:

ممكن تقولونا دفعتوا كام مهر وشبكة؟

عشان منكم نستفيد ونشوف زمان كان ازاي ودلوقتي احنا ازاي

:roll: :roll: :D :D :D

[Set_Amina]

أولا ألف مبروك ياحشيش وربنا يجعله جواز اخضر ومرعرع عليك :D

طبعا الأخوة والأخوات هونوا عليك الموضوع ورفعوا من روحك المعنوية وبقيت مرتاح الى حد ما انك ماتدبستش ولا حاجة، لكن انا بصراحة ضد كل ما فعلته مع انه عدى وراح وخلاص.. لزومه ايه الفرح اللي في هوتيل مش عارفة ايه وليه ماصممتش على رأيك ورفضت الفرح من أصله وعملت حاجة على قدك في بيت العروسة أو في بيتكم؟؟ طيب الشبكة وقلنا دي زوق العريس وفيها شيء ضمني بيعبر بيه عن فرحته بيها وتقديره لها انما باقي المصاريف لزمتها ايه؟؟

انا باقول رأيي ولو انه متأخر بالنسبة لك ولكن بس علشان باقي عرسان المكان ياخدوا بالهم ومايعملوش كده، بصراحة انا ضد الافراح واللي بيحصل فيها وفي النهاية ما هي الا منظرة وقلة عقل ومصاريف على الفاضي، لو العريس صمم على كلمة لالالالالالالالالا مش هاعمل صدقوني ان اهل العروسة هاينخوا وهايوفقوا (هو فيه حد لاقي جواز الأيام دي)؟ :D واذا والله كانوا غاويين منظرة يبقى يدفعوا من جيبهم.

وانت ياشنن بلاش موضوع الفرح ده ووفري لاخوكي مصاريفه يعتمد عليها في أول حياته ، أكيد هيحتاجهم ويروح يقضي شهر العسل في مكان مريح وهادي بجزء من الفلوس ومبروك مقدما، بس للأسف انا مش هاقدر اجي اولا حكاية مبدأ اني مش باحب الأفراح وثانيا لأني مش هاكون موجودة في مصر :D

[بنت شعنونة]

يا خبر يا ست امينة

دا احنا نتشرف والله :D

انتي بس تعالي ومالكيش دعوة :D

اما موضوع الفرح دا ف انا عكسك تماااااما

ليه بقى

شهر العسل

جاي جاي

وقدامهم العمر كللللللللله لما ها يطهقوا من بعض

يبقوا يعملواعسل على مزاجهم في اي وقت

انما دي ليلة في العمممممرررررررررررر

مرة وااااحدا فققققققققط

وللبنت خصوصا دي مميزة جداااااااااا :wink: :wink:

لا طبعا

لالالالالالازم فرح ودووووووشة :D :D

[حشيش]

الأخت شعنونة

شكراً على التهنئة وعلى حسب كلامك عن اسعار الشبكة هذه الأيام فتعتبر خطيبتى واسرتها على قدر كبير من القناعة لحسن حظى.

الأخ أبو حلاوة

.... و مش عايز اقولك انا هبدت كام ما بين الفندق الخمس نجوم و الراقصة و المطربين

ياريت تقولى دفعت كام فى حجز قاعة بفندق خمس نجوم...طيب بالنسبة للموفنبيك عندك فكرة ده 4 ولا 5 نجوم وتكلفت القاعة كده بالتقريب تطلع كام...متعرفش فندق كويس برتبة ملازم (نجمة واحدة يعنى) :D :D :D ...وكام يتكلف مطرب درجة تانيه أو تالته ورقاصة سكند هاند...أرجو الإفادة وشكراً :shock: :shock: :shock:

[حشيش]

الأخت ست أمينة

شكراً على التهنئة والنصيحة فى آن واحد...أنا عملت خطوبة بس فى بيت العروسة ولكن كتب الكتاب وفندق الموفنبيك لسه لما أنزل فى الأجازة بعد ست شهور...يعنى لسه ما حجزتش الفندق ولكنى وافقت من حيث المبدأ تحت إلحاح أهلها بمسمى أول فرحتهم وأهمية ذلك للعروسة وأسرتها أمام أقاربهم وأنها ليلة فى العمر...وليالى العمر معدودة ياحشيش...المهم وافقت والدموع تترقرق فى عينى(طبعاً مش دموع الفرح)...يعنى تفتكرى ياست أمينة لو أعدت النظر فى الموفنبيك ده مش حيجرى حاجة...على رأيك هوه في حد لاقى جواز اليومين دول..البلد حالتها ناشفة على الآخر...سوف أفكر جدياً فى الأمر...شكراً جداً على نصيحتك التى لو تحققت حتماً فسوف تعيد البسمة إلى قلبى :D :D :D :D :)

[kokowawa1979]

شوف يااخ حشيش : قبل ان تتزوج عليك أن تعرف المعلومات الآتية من اخوك كوكوواوا :

(1) الأعزب كالطاووس والخاطب كالغزال والمتزوج ..... إختار اللى يعجبك

(2) قبل الخطبة يتكلم الرجل وتسمعه المرأة وبعد الخطبة تتكلم المرأة ويسمعها الرجل وبعد الزواج يتكلم الإثنان ويسمعهما الجيران لكن في حالتك انت واضح إن العروسة وعائلتها تتكلم قبل وبعد الخطبة كان الله في عونك

(3) الزواج لذة شهر وبياض شعر وعذاب باقي الدهر

وقالوا في المثال إسأل مجرب وبرضه اسأل طبيب الأعصاب :D :D :D :D :) :D :D :D :)

[kokowawa1979]

وبعدين ليه ياعم حشيش تقول لهم إنك شغال فى البحرين كنت قلت لهم بحر واحد بس علشان محدش يطمع فيك

وصدقني أنا أمزح فقط مع أطيب أمنياتي لك بالسعادة

ياعم اضحك ماحدش واخد منها حاجة ولا بيكلها بالساهل ( اقتباس)

[Faro]

الأخ فارو

كنت أعتقد أن المرأة عالزيرو شبكتها أغلى من اللى عاملة ميت ألف (من المستعملة يعنى)...غريبة ماتقوله بأن العكس هو الصحيح :roll:  :roll:  :roll:

الخبرة لها ثمن .

ألف مبروك مقدما

[kokowawa1979]

وجرى إيه ياست أمينة

انت عاوزة تفشكلي الجوازة واللاإيه وماله فندق ( والله ماعارف أقول اسمه) خليهم يفرحوا وينبسطوا وعلى رأي فاتن حمامة ليالي العمر معدودة يا أحمد

[بنت شعنونة]

بالنسبة للأسعار بقى

اقولك خبرتي في الأسعار كا دي جيهايه قديمة :D

الراقصة تبدامن سعر 800ج دي المضروبة ومن 1000 اللي نص نص

والممتازة ممكن توصل 2000 ولو ليك دلال عليه ممكن تاخدها ب 1500

وخلي بالك ان متعهد الحفلات اللي في الفندق هوا اللي ها يجيب هملك لو انت تعرف نمرهم شخيا هيا ا المغني ها تفرق كتير في الفلوس

الديجي بقى يبدا من 500 في اقل الأحوال و 800 في العادي وكبيره قوي 2000 بس مافيش السعر دادلوقتي

يعني هتلاقيه 800

اللايت سيستم بقى يبتدي من 300 او 400 وحسب عدد البارات (اللمبة الكبيرة) كلما يزيد عددها يزيد السعر لكن 400 دايشمل 4 او 5 بار

الدخان يعمله من 100 ل 150 ج

المغني بقى حسب شهرته

بس غالبا بيبتدي من الف دالو كويس

اقل من كدا بقى بيبقى مضروب ودمه تقبل :?

المغنيات ارخص دايما عشان سخفه بيعتمدوا على شكلهم بس

عاوزاسعار فظيعة بجد

اسكندرية

فيها شوية مغنين ورقصات انا مرة عملت فرح هناك والله زي ما بقولك كدا

حطيتله 12 بار نور + 4 دخان + دي جي + رقاصة +مغني مع الراقصة + الزفة كانت دمياطي واسكندراني وبورسعيدي

كل دا

ب 2500 جنية بس والله

بس دفع ارضية للقاعة 500ج الله يحرقهم

وربنا يعيييييييينك :cool:

[متسائل]

حشيش باشا..

سعدت بأن أجد عضواً في المنتدى في البحرين.. حيث أني انتقلت إليها منذ عدة أسابيع... بعد 21 سنة في دبي.

أرجو الاتصال بي.

تحياتي.