بطاقة الرقم القومي الجديدة

[yasser6666]

ياجماعة الخير...سمعت من بعض الأصدقاء وقرأت علي النت انه يمكن للمغتربين اصدار البطاقة الجديدة المتداولة الأن بمصر والتي تحمل الرقم القومي من السفارات والقنصليات المصرية للمغتربين الذين لم يحصلوا عليها حتي الأن وطبعا معظمنا يعرف هذه البطاقة الجديدة وهي مثل الكردت كارت وعليها صورة شخصية وممغنطة بجميع بيانات الشخص...

المهم انني حاولت استخراجها من مصر اثناء زيارتي الأخيرة لها ولكنها توقفت لسبب خارج عن ارادتي وهو أن شهادة الميلاد بالكمبيوتر صدرت بأسم خطأ (في حرف واحد فقط) وتم رد الأوراق مرة اخري للتصحيح في يوم الاستلام ولم يكن عندي الوقت الكافي لمتابعة الروتين المصري المعروف وقلت سأحاول مرة اخري في زيارة قادمة

....

ماعلينا اخر الأخبار الأن انه يمكن اصدار هذه البطاقات من السفارات بالخارج

لاأعرف هل بدأت بالفعل أم لا؟

وأي بلاد بدأت سفاراتنا بها بعمل هذه البطاقات بها؟

وماهي الأجراءات والأوراق المطلوبة وكم تستغرق من الوقت وكم تتكلف ؟؟

أي معلومات خاصة بالموضوع ستفيد منكم وشكرا أدامكم الله

[زعلان]

يا ريت حد يفدنا في الموضوع ده ؟

[باتمان]

:blink:

ياجماعة الخير...سمعت من بعض الأصدقاء وقرأت علي النت انه يمكن للمغتربين اصدار البطاقة الجديدة المتداولة الأن بمصر والتي تحمل الرقم القومي من السفارات والقنصليات المصرية للمغتربين الذين لم يحصلوا عليها حتي الأن وطبعا معظمنا يعرف هذه البطاقة الجديدة وهي مثل الكردت كارت وعليها صورة شخصية وممغنطة بجميع بيانات الشخص...

المهم انني حاولت استخراجها من مصر اثناء زيارتي الأخيرة لها ولكنها توقفت لسبب خارج عن ارادتي وهو أن شهادة الميلاد بالكمبيوتر صدرت بأسم خطأ (في حرف واحد فقط) وتم رد الأوراق مرة اخري للتصحيح في يوم الاستلام ولم يكن عندي الوقت الكافي لمتابعة الروتين المصري المعروف وقلت سأحاول مرة اخري في زيارة قادمة

....

ماعلينا اخر الأخبار الأن انه يمكن اصدار هذه البطاقات من السفارات بالخارج

لاأعرف هل بدأت بالفعل أم لا؟

وأي بلاد بدأت سفاراتنا بها بعمل هذه البطاقات بها؟

وماهي الأجراءات والأوراق المطلوبة وكم تستغرق من الوقت وكم تتكلف ؟؟

أي معلومات خاصة بالموضوع ستفيد منكم وشكرا أدامكم الله

[yasser6666]

والله انا دخلت المحاورات اشوف الردود ولقيت عدد 2 ردود وقلت خير وبكرة ويمكن فيهم الشفا....

ولكن بعد فتح الموضوع لقيت ان الردود برضه لناس بتستفسر زي بالظبط

قلت خير برضه والله ولكن ياريت لو حد عنده أي معلومات يفيدنا ويبقي جزاكم الله كل خير

وفي انتظاركم

[yasser6666]

:ninja:

[قديم]

اهلا بيك استاذ ياسر . وان شاء الله حد من االاخوان اللي عنده فكره مش هيقصر معاك .

لكن اسمح لي اقدم لك المعلومه . ولو انها مش ماكده لكن دا الواقع

السفارات العربيــه لا تقدم خدمــه لابنائها المغتربين سوى استحصلال الرسوم . . غير كدا ما ضنش هتلاقي اي خدمه او مساعده . بعدين حضرتك بتقول

وتم رد الأوراق مرة اخري للتصحيح في يوم الاستلام ولم يكن عندي الوقت الكافي لمتابعة الروتين المصري

تم تعديل 23 أكتوبر 2007 بواسطة قديم

[قاهرى]

يا جمااااعة انا كونت لسة من اسبوع تقريبا فى السفارة المصرية بدبى (الامارات)

كونت رايح اعمل توكيل لاخويا عادى يعنى .. روتين مصر الطبيعى

وقبلت واحد كان بيسال على نفس الشباك الى انا فية على بطاقة الرقم القومى قلولو زى م yaser666

رد عليكم :happy:

لسة مجتش فى السفارات يا باشاوات

لا شوفو الكوميديا بتاعة السفارات كمان . اتعرفت على واحد هناك كان نازل مصر فى العيد الصغير الى فات يدوب اجازة العيد ويرجع على طول فبالتالى مش هيلحق يعمل تصريح سفر من مصر علشان اجازة العيد فقال اعملو من السفارة المصرية فراخ الراجل يعملو من السفارة المصرية قبل العيد ب 3 شهور وجية الاخ دة قبل العيد ب 3 ايام علشان يستلموا قالولو لسة مجناش الرد من مصر .. الراجل بيقولو انا جيت هنا اكتر من 5 مرات ولسة مجاش الرد من مصر .. هو انا قتلت حد وانا مش عارف فى مصر قبل لما اسافر .. وطبعا اخينا ضاعت علية اجازة العيد ال 4 ايام الى كان هيروح يفرح بيهم وسط اهلو .. اظاهر ان بلدنا مش عيزانا :ninja:

تحياتى لكل المصرين المتبهدلين .....

وعجبنى ردك يا ياسر666 جداااااااااا بجد .. فى الجون دى

[yasser6666]

الاخوة الكرام (قديم وقاهري) شكرا علي مشاركتكم والردود

الظاهر مش مكتوب لنا نستخرج البطاقة الجديدة دي والظاهر كده حنفضل ماشيين بالبطاقة الورقية القديمة مع علمي انها سوف ينتهي العمل بها في يناير القادم 2008 وتصبح اكسبايرد !!!

ومعني الكلام ده ان مافيش حاجة ممكن تثبت الشخصية الا الباسبور وخلاص...

....

علي العموم انا حاليا بحاول استخرج شهادة ميلاد بالكمبيوتر (بالأسم الصحيح..قولوا يارب) عن طريق بعض المعارف بمصر وكذلك سمعت انه يمكن استخراج البطاقة الجديدة من مصر الان خلال يوم واحد من التقديم (قولوا يارب كمان مرة)

....

ايه السرعة دي!! صحيح حكومة نظيف التكنولوجية عاملة شغل جامد

انما كما قال الاخ (قديم) السفارات بالخارج همهم تحصيل رسوم والسلام انما تخليص مصلحة لمغترب صعبة شوية