فوز مصر بكأس العالم بعد تغلبها في النهائي على الكاميرون

[رمضان]

فاز امس منتخب مصر العسكري بكأس العالم العسكرية والمقامة في الهند بعد تغلبه في المباراة النهائية على الكاميرون 2/ صفر .

يذكر ان المنتخب قد فاز في جميع مبارياته ولم يخسر اي نقطة طوال مشواره في البطولة ، فقد فاز في الدور قبل النهائي على قطر بنتيجة 5 صفر ومن قبلها على بولندا 7/ صفر والهند صاحبة الارض 1/ صفر

[Ahmad Farahat]

يا راجل طيب اكتب العسكرية

دلوقتي الناس هتتخض فعلا وتقول ايه اللي جرى

وبعدين كمان الكاميرون تصعد للنهائي

بالمناسبة المنتخب العسكري دايما بيبقى وشه حلو على بعض اللاعبين

كان وشه حلو على وائل جمعة

وأعتقد هيبقى وشه حلو على أسامة حسني

عقبال ما نتأهل للدور الثاني في بطولة الأمم الأفريقية

[seeem]

خضيتني ياشيخ انا فكرت الموضوع نكتة او هزار لقيت بتتكلم جد و بعدين لقيت (( عسكرية )) ؟؟؟؟؟؟ !!!!!!!!!!!!!

:blink:

:lol:

:lol:

على العموم مبروك لينا كلنا ويارب تكون بشرى خير لكاس الامم

(( سؤال صغنن : هو اسامة حسنى بيلعب فى المنتخب العسكري يابو حميد !!!!! ؟؟ اصل قعدتي فى صحار خلت المعلومات الكروية تصدي ))

تم تعديل 21 أكتوبر 2007 بواسطة seeem

[الطيار المصرى]

الف الف مبروك....منتخبنا العسكري دايما مشرفنا في كاس العالم...

و عقبال ما نغلب زامبيا في كأس الامم....

و اسامة حسني بيلعب في المنتخب يا ريس سيييم...و تقريبا خطف الهداف من عبد الحميد بسيوني..

تحياتي..

الطيار المصري

[seeem]

تحية خاصة للطيار المصري ويسلموا

انا بدأت اشغل مولد الرياضة تاني على ايديكم

[justtrying]

هيه طبعا بطولة على ما قسم يعني

بس الف مبروك للرجالة الي تعبوا ومحدش يقدر يقلل من مجهودهم

[justtrying]

بخصوص اسامة حسني .. طبعا شخصية محترمة جدا ومتواضغ للغاي انا كنت اعرفه معرفة شخصية لما كنت في ايام الدراسة كان بيكون خلفي في لجنة الامتحانات في الجامعة بس ساعتها مكنتش اعرفه الصراحة بص طبعا عرفته بعدها .. وطبعا mfb: mfb: mfb: mfb: مش هقولكو كنت بعمل معاه ايه في اللجنة بس .. دلوقي ندمت بعد الجولين الي دخلهم في خمس دقايق دول :happy: :happy: :huh: يلا كله عشان خاطر المنتخب العسكري smk:

تم تعديل 21 أكتوبر 2007 بواسطة justtrying

[se_ Elsyed]

دي خامس مرة يفوزوا بكأس العالم ومعظمها كانت خارج مصر وفي دول أوروبية قوية كمان ... لكن بجد بيعجبني فيهم اصرارهم بالرغم من قلة التجمع وكمان الجهاز الفني بيبقى مؤقت أثناء البطولة فقط لكن مصدر قوتهم بيأتي من إلتزامهم وكمان لإن معظمهم بيلعب في الدوري العام فبيكتسب حساسية المباريات ...

ألف مبروك لرجال القوات المُسلحة البواسل ..

وعقبال رجال القوات المكسحة بتوع المنتخب وعلى رأسهم راعي اللاعبين المعاقين الكابتن حسن شحاته

[miramar]

عقبال الي بيقبضوا بالدولارات

مبروك لمصر

مرمر