ديكور بيتنا

[نانو]

فكرت افتح موضوع شامل نتكلم فيه عن كل ما يخص الديكور في بيوتناو كل واحد ليه اضافه يبقي شئ جميل ويتفضل يضيفها هنا

قابلت موضوع يخص خشب الارض و الباركيه ....و الحقيقه انه رغم انه من اشيك الارضيات اللي ممكن تستخدم في اي بيت الا انه اكثرهم صعوبه في التعامل معاه سواء ان كان في الصيانه او النظافه .....الموضوع ده فيه شرح مفصل وجميل ومفيد جدا بخصوص الموضوع ده

* كيفية الاعتناء بالأرضيات الخشب:

1- الوقاية (بمنع تعرضها للتلف):

- الأتربة والحبيبات الرملية أعداء الأرضيات الخشبية، وهي تعمل بمثابة الصنفرة التي تزيل الزوائد من على أي سطح وتحدث خدوشاً لذا ينبغي وضع سجاجيد صغيرة عند مداخل الحجرات.

- المياه والسوائل تراكمها على الخشب يؤدي إلى تخللها للطبقات الداخلية ثم تآكل الخشب وتكون الحشرات به، فلابد من تجفيف الأرضية سريعاً عند انسكاب أية سوائل عليها.

- المنظفات المركزة ينبغي الابتعاد عنها لأنها تضر بالطبقة العلوية التي تحمي سطح الخشب.

- الأثاث وجره على الأرض يؤدي إلى حدوث الخدوش بالخشب لذا ينبغي حمله عند نقله من مكان لآخر.

- الشمس وأشعتها المباشرة تغير من لون الأرضيات, فالستائر هنا تكون بالحل المثالي لمنع دخول الأشعة فوق البنفسجية للشمس بشكل مركز.

2- العناية اليومية:

- الكنس اليومي للأرضيات بمكناس ناعمة غير حادة.

- استخدام ممسحة قطنية للتنظيف.

لماذا تبدو أرضية حجرتك قديمة مع أنها مجددة حديثاً؟!

هل تم تركيب الخشب منذ فترة طويلة.. بضعة سنين .. أشهر .. أو حتى أسابيع لكنه في جميع الأحوال يبدو وكأنه قديم، والسبب يرجع ببساطة شديدة إلى عدم الاعتناء الجيد بها .. إذن ما الحل؟ أولاً وقبل أي شئ ينبغي التأكد من حالة الخشب بخصوص التشطيبات التى قام بها المتخصصون لرؤية ما إذا كان ستحتاج إلى الاستعانة بهم أم ستكتفي بمجهودك أنت فقط!.

* ما هي حالة أرضك الخشبية؟

- التشطيب:

هل تعرض التشطيب للتلف أم أنها مجرد أتربة تغطي سطحه، ولاختبار ذلك عليك باختيار المكان الذي تطأه الأقدام بكثرة ثم أسكب عليه ملعقة أو اثنين من الماء إذا تشرب الخشب الماء بسرعة وترك بقعة داكنة فهذا يعني أن التشطيب قد تلف وبالتالي سيعرض الخشب للتلف .. أما إذا استغرق الأمر بضعة دقائق وتأثر الخشب بدرجة أقل فهذا يعني تلف جزئي للتشطيب .. أما إذا استقرت المياه على السطح ذلك دليلاً على النتائج الإيجابية.

وعليك بتكرار نفس خطوات التجربة في أماكن أخرى بالمنزل لا تتعرض كثيراً للاستعمال

.

- حالة الخشب:

وتتوقف حالته على حالة التشطيب (الطبقة السطحية) وما توصلت إليه من نتائج في اختبار الماء السابق فإذا كانت النتيجة بالسلب للتشطيب ستكون كذلك بالنسبة للخشب والعكس صحيح .. للوصول إلى قرار بتبديله أو دهانه بطبقة واقية قبل التنظيف

.

*ماهو نوع الصيانة الذي تتطلبه أرضيتك؟

وسائل الصيانة واحدة .. لكن عندما يصل الأمر إلى حد التلف وتكون البقع فالطرق تختلف .. وللتعرف على نوع التشطيبات التي اتبعت يتم إجراء الاختبارات التالية:

1- الطبقة السطحية:

وتكون غالبيتها معالجة بمادة "البولي يورثان" وهي تشبه طبقة من البلاستيك الشفاف على سطح الخشب وهي بمثابة الحاجز الوقائى له، لأنها إذا أزيلت طبقة صغيرة من الدهان سيعرض الخشب للهشاشة مالم يكن معالج ضد المياه بمادة اليورثان.

2- الطبقة المانعة للتسرب (الإكلريك – الزيوت – الشمع):

تشعر بهذه الطبقة عندما تمرر يديك على السطح والتى يكون لها ملمس محبب ولا يؤثر عليها مطلقاً مزيل الدهان. وتحتوى هذه المواد المانعة للتسرب على صبغ أو مادة المت (وهى خليط معدنى من النحاس والرصاص والنيكل) ومن مزايا طبقات الشمع والأمونيا أنها تعطى سطحا أملساً ولوناً فاتحاً بينما تجد الزيوت والشمع تتخلل الخشب لإعطائه المزيد من الحماية.

3 – المزيد من العناية:

هل تحتاج أرضيتك إلى المزيد من العناية ... إذا كانت الإجابة بنعم اتبع الخطوات التالية:

1- استخدام الممسحة المبللة بالماء بعد عصرها جيداً وإضافة مادة منظفة (PH) إذا كان الخشب معالج جيداً بالمواد العازلة.

2- الخل منظف فعال يزيل البقع والزيوت والشحوم ولا يضر بالخشب.

3- طبقة الصيانة من الورنيش أو الشمع مطلوبة فى بعض الأحيان لإعطائه المزيد من اللمعان, وهناك مزايا وعيوب لإعادة وضعه على الأرضيات:

- المزايا: يمكن إزالته وإعادة وضعه مرة أخرى, سهل فى تنظيفه.

- العيوب: إذا لم يتم إزالته بطريقة صحيحية تتبقى آثاره القديمة وبالتالى يجعل التشطيب يفتقر إلى الاتقان وجمال المنظر.

4- إزالة البقع، تتعدد أنواع البقع وطريقة التعامل معها:

أ – بقع الماء: ينظف المكان الذى انسكب عليه الماء بلف فولاذى (سلك) ثم إعادة وضع الشمع عليه، أما إذا كانت البقعة شديدة يتم استخدام ورق الصنفرة ثم تحك بالسلك أو منظف للأرضيات ويعاد وضع الشمع والدهان الخارجى.

ب – حروق السجائر: إذا لم تكن شديدة يستخدم سلك التنظيف مع ماء وصابون.

ج – علامات الأحذية: تحك جيداً بسلك التنظيف ومنظف للأرضيات ثم تجفف الأرضية ويعاد دهانها.

د – بقع الحبر: تنظف بالسلك ومنظف للأرضيات،, أما فى البقعة الشديدة تستخدم الصنفرة والسلك والمنظف مع إعادة وضع الشمع والدهان. ومع البقع العنيدة لابد من استبدال الجزء المتأثر بها.

ه – اللبان (العلكة): يتم تجميده حتى يصبح هش ويتشقق ثم يوضع منظف حوله لسهولة نزعه من على الأرضية.

و – الكحوليات: يحك مكان البقعة بسائل أو معجون شمعى.

* تحذير:عند البدء فى تنظيف أى بقع يتم ذلك من الخارج حتى المركز حتى تمنع من انتشارها لمساحة أكبر.

* التشققات التى تحدث نتيجة لتغير المناخ فى الفصول:

الأرضيات الخشبية معرضة للتمدد والانكماش فى الصيف والشتاء مثل أى شئ آخر بفقدها للرطوبة أو امتصاصها إياها ... وهذا التأرجح ما بين الانكماش والتمدد يعرضها للتشققات والتلف أيضاً. ولعلاج مثل هذه المشكلة لن يختلف الأمر كثيراً عن باقى الحلول التى قدمناها وذلك باستخدام الشمع السائل ومسحوق صابونى وبودرة الطلق (Talcum) أو الكربون الأسود عند أماكن التشققات أو بوضع معجون يشبه فى لونه لون الخشب وإذا فشلت فى كل ذلك عليك باللجوء إلى المتخصصين ودفع النقود.

[Folana]

السلام عليكم ورحمة الله...

موضوع جميل.....تسجيل متابعة وانتظار لاستكمال ملف الديكور المنزلى....

وياريت لو فيه معلومات عن طريقة العناية برخام الارضيات والمحافظة على بريقه..

شكرا على مجهودك الجميل يانانو وفى انتظار استكمال الموضوع.. :WelEgTks:

[ahmos1]

اين انت يا نانسى يا خبيرتنا العزيزة

[نانو]

اهلا فولانه ....ميرسي علي المتابعه وعلشان خاطرك جيبتلك شويه ارضيات رخاميه تحفه

يمكن ترجعي في كلامك وتخلعي بتاعتك وتغيريها :WelEgTks:

تعتبر أرضيات الرخام والجرانيت من أقوى الأنواع التى تقاوم الإحتكاك والبرى ولها قدرة عالية على تحمل الإستخدام لفترات طويلة ...

بالنسبه لصيانتها اعتقد إنها من أسهل الأرضيات في التنظيف بإستخدام المنظافات العاديه ونصيحه خاصه جدا مني ليكي إستخدمي في تنظيفها المنظفات الخاصه لغسل الاطباق هاتزيد في لمعانها بشكل واضح .

وضروري جدا مراعاه عدم حدوث الخدوش لها بجر الاثاث عليها أو ما شابه ذلك و في النهايه وبعد فتره إستخدام طويله اذا حدث خدوش يمكن صقلها بالأستعانه بشركات النظافه حيث لديها ماكينات صقل خاصه يستخدم فيها الماس احيانا كماده صقل

أهلا أحمس

أختنا العزيزه المهندسه نانسي موجوده طبعا و أعتقد إنها لن تتأخر عنك في أي سؤال تطرحه عليها ....

[Folana]

السلام عليكم ورحمة الله...

تسلم ايديك يانانو وبأشكرك على مجهودك وتعبك معانا...الحفر على الرخام ده فن جميل اسمه waterjet ..ودلوقت بيدخلوا النحاس فى الرسومات بتدى شياكة عالية ...

.لكن انت تقصدى سائل غسيل الصحون الخاص بالغسالة ولا التنظيف المانيول؟

يارب يكون الخاص بالغسيل اليدوى لانه ارخص :wub:

انا جربت كل المنظفات المتخصصة فى تلميع الرخام ولا فائدة..لا فائدة...مش عارفة العيب فى المنظف ولا اللى بتنظف...لازم اجرب بنفسى ولو اتأخرت ابقى بلغى الاسعاف..

وفى انتظار باقى الافكار الديكورية...

صباحك جمييل... clwn:

[zizetta]

الأخت نانو

شوية أرضيات رخام تحفة تخلي الواحدة تخلع جوزها :D مش تخلغ الأرضية اللي عندها بس ...

ياريت لو عندك مواقع أخرى للديكور ضميها لموضوعك ..

بالمناسبة إن شاء الله قريباً سأبدأ درس في تعليم التريكو اليدوي وإنتي عارفة بقي الحاجات الهاند ميد قد إيه بتكون حلوة وغالية (معلش عديها بالانجليزي أصلها أحلي من كلمة يدوي) .. وإن شاء الله حننفذ سوا علي طول مع الهاويات أي شيء يختاروه وأهو ممكن نفيد ونستفيد معلومات جديدة وأفكار مبتكرة ..

تحياتي

زيزيتا

[Folana]

السلام عليكم ورحمة الله....

الأخت الفاضلة زيزيتا...طب ماهو لو خلعنا الزوج...مين اللى حيدفع تكاليف تركيب هذا الرخام؟؟ -_- ..

خلينا نشوف حل تانى :lol:

لفت انتباهى ان حضرتك اتكلمتى عن فتح موضوع لتعليم التريكو....ده حيكون موضوع هايل وحاكون اول تلميذة نجيبة تحضر معاك..لانى حاولت كتير وفشلت..مش باعرف امسك عصايتين خالص..لا ابر التريكو ولا ابر النودلز اللى بياكلوا بها الطعام الصينى..ماهى شبه ابر التريكو برضه..

فى انتظار موضوعك بالعجل..شكرا لك مقدما..

وفى انتظار نانو لاستكمال الموضوع..

wst::

[Modest]

الأخت نانو

شوية أرضيات رخام تحفة تخلي الواحدة تخلع جوزها :blink: مش تخلغ الأرضية اللي عندها بس ...

تحياتي

زيزيتا

الأخت الفاضلة نانو

برجاء إزالة الصور فوراً .. مدام زيزيتا لسه جديدة معانا و مش معقول بعد يومين تلاتة من وجودها معانا نكون إحنا السبب في أي أزمات عوائلية ... شيلي الصور مش عايزين مشاكل الله يكرمك :wub:

آسف على التدخل بس كان ضروري ألحق الموضوع .... اتفضلوا كمّلوا رخام و تريكو و مكرونة يا هوانم :)

[se_ Elsyed]

الأخت نانو

شوية أرضيات رخام تحفة تخلي الواحدة تخلع جوزها :wub: مش تخلغ الأرضية اللي عندها بس ...

تحياتي

زيزيتا

الأخت نانو

إنت تعرفي الحاج أبو أشرف اللي بيحط صور عربيات وحركات بتعقدنا ؟

أصل أنا من ساعات ما شوفت الأرضيات الخام دي وأنا حاسس إن اللي عندي ده حصير ...

بس تعرفي إن في كثير من الأوقات سعر متر الرخام زي اللي إنت حطاه في الموضوع بيبقى أغلى من سعر متر الشقة أو الأرض اللي ملزوق عليها .... بس ده رخام كرارة من أبو 120 ج ................ صح ؟ :) :wub:

بس بيني وبينكم الاخ القائد سين سين له نظرة إفتكاسية في المواضيع دي وهي :

1- بأُفضل الأرضيات الخشب في غرف النوم والمعيشة وغرفة المكتب ..... حاجة بتدي كلاسكية وفخامة وفي نفس الوقت في الشتا الواحد ما يجيلوش كُساح بالرغم من الأرضية لو رخام بتبقى مفروشة سجاجيد إلا إنه هو والسيراميك في الشتا بيطلعوا صواريخ برد .

2- بأُفضل الرخام أو البورسلين في غرف الإستقبال والجلوس وطبعاً المطبخ والحمام والطرقات المؤدية إليهم .. لكن لا يُعلى على الرخام لإنه سبحان الله مادة طبيعية وعلى الأقل البورسلين والسيراميك لو الواحد مشي حافي عليهم وييجي يبص على قاع القدم يلاقيها سودا من الرصاص اللي داخل في تصنيعهم وبتهيألي عليماً ممكن الرصاص ده يتسلل من المسمام الجلدية إلى الدم والواحد بقى يقول زي شكسبير وهو جاي يموت : يا للهول إن السُم يجري في عروقي " ..

والحمد لله يارب على سجاد النساجون الشرقيون أبو 180 ج ... والقناعة كنز لا يفنى ولا يأتي من عدم وتشغل حيزاً من الفراغ ...

[نانو]

السلام عليكم ورحمة الله...

.لكن انت تقصدى سائل غسيل الصحون الخاص بالغسالة ولا التنظيف المانيول؟

يارب يكون الخاص بالغسيل اليدوى لانه ارخص md2:

بصي يا ستو هانم هو الاولويه تكون لو النوع مستورد لان نفس أنواع المنظفات اللي باستخدمها هنا مثلا لما اروح مصر باحس انها متخففه بنسبه 1:7000

فانا حتي مش قادره اقولك نوع معين لكن عامه انا كنت أقصد سائل الغسيل المانيوال

الأخت نانو

بالمناسبة إن شاء الله قريباً سأبدأ درس في تعليم التريكو اليدوي وإنتي عارفة بقي الحاجات الهاند ميد قد إيه بتكون حلوة وغالية (معلش عديها بالانجليزي أصلها أحلي من كلمة يدوي) .. وإن شاء الله حننفذ سوا علي طول مع الهاويات أي شيء يختاروه وأهو ممكن نفيد ونستفيد معلومات جديدة وأفكار مبتكرة ..

تحياتي

زيزيتا

زيزيتا يا زيزيتا

يالا أنا مستنيه أهو وماسكه في إيدي الورقه والقلم علشان أتعلم التريكو :wub:

الأخت نانو

شوية أرضيات رخام تحفة تخلي الواحدة تخلع جوزها :) مش تخلغ الأرضية اللي عندها بس ...

تحياتي

زيزيتا

الأخت الفاضلة نانو

برجاء إزالة الصور فوراً :wub: .. مدام زيزيتا لسه جديدة معانا و مش معقول بعد يومين تلاتة من وجودها معانا نكون إحنا السبب في أي أزمات عوائلية ... شيلي الصور مش عايزين مشاكل الله يكرمك md2:

يا مويست ما هو الغرض أصلا إن الست تكون مرتاحه نفسيا ومزئطته..... :)

والله خلعت السيراميك وركبت غيره وأرتاحت يبقي خير وبركه

خلعت جوزها وإرتاحت برضه يبقي خير وبركه

الأخت نانو

شوية أرضيات رخام تحفة تخلي الواحدة تخلع جوزها :) مش تخلغ الأرضية اللي عندها بس ...

تحياتي

زيزيتا

الأخت نانو

إنت تعرفي الحاج أبو أشرف اللي بيحط صور عربيات وحركات بتعقدنا ؟

بس بيني وبينكم الاخ القائد سين سين له نظرة إفتكاسية في المواضيع دي وهي :

1- بأُفضل الأرضيات الخشب في غرف النوم والمعيشة وغرفة المكتب ..... حاجة بتدي كلاسكية وفخامة وفي نفس الوقت في الشتا الواحد ما يجيلوش كُساح بالرغم من الأرضية لو رخام بتبقى مفروشة سجاجيد إلا إنه هو والسيراميك في الشتا بيطلعوا صواريخ برد .

2- بأُفضل الرخام أو البورسلين في غرف الإستقبال والجلوس وطبعاً المطبخ والحمام والطرقات المؤدية إليهم .. لكن لا يُعلى على الرخام لإنه سبحان الله مادة طبيعية وعلى الأقل البورسلين والسيراميك لو الواحد مشي حافي عليهم وييجي يبص على قاع القدم يلاقيها سودا من الرصاص اللي داخل في تصنيعهم وبتهيألي عليماً ممكن الرصاص ده يتسلل من المسمام الجلدية إلى الدم والواحد بقى يقول زي شكسبير وهو جاي يموت : يا للهول إن السُم يجري في عروقي " ..

والحمد لله يارب على سجاد النساجون الشرقيون أبو 180 ج ... والقناعة كنز لا يفنى ولا يأتي من عدم وتشغل حيزاً من الفراغ ...

يا سيكو يا اخويا الحاج ابو أبو أشرف ده md2: من يوم ما دخل حياتنا وهو معقدنا من أول طيارته و عربياته وسيراميكه لغايه سلطاته وبابا غنوجه.. :sad:

شوف يا س س كلامك واقعي وجميل بس فيه ملاحظه مهمه أوي ألا وهي ...إن الأرضيات الخشبيه مقلب لو انت مش عايش في الشقه

ومسافر ومتغرب زي حالتنا كده ...أنا قضيت السنه ديه نص أجازتي بأفك اوضه الولاد و اخلع الخشب اللي فيها إضطريت مجبره أني أغيره بسيراميك.....وده بسبب القفله طول السنه ونسبه الرطوبه العاليه جدا طول السنه في البيوت وما بقا ش الوضع ده في اسكندريه وبس

أعتقد إن نسبه الرطوبه زادت جدا بشكل عام ....

وأنا معاك جدا في إن الخشب بيمنح دفء و شياكه للمكان جدا ....و كان ده احساسي في بدايه زواجي لكن بعد ما سافرت حقيقي دلوقتي ندمت وحاسه إني كل سنه هانزل اجازه أغير باركيه أوضه واقلبها سيراميك ...فنصيحه لأي حد مغترب وبيجهز شقه ومش ناوي يرجه دلوقتي ابتعد عن الاخشاب

ثانيا الرخام مش بيوصل البرد والرطوبه زي السيراميك خالص بالعكس ....لأني سئلت كتير السنه ديه علشان اركبه وقالولي إنه بيعزل البرد نسبيا لكن لما عرفت السعر .....فضلت أستخدام السيراميك في أوضه بناتي حبايبي بسقعته ورطوبته :)

عقلي الباطن

إلا صحيح مالهم الأخوه دول ...هو في إيه

[بنت الشاطئ1]

يعنى خلاصة الكلام

ان الحجرات تكون خشب ..ده لو مستقر لتعطى الدفء والاستقبال يكون رخام للفخامة

اما لو مش مستقر فالحجرات سيراميك للتوفير والاستقبال فقط رخام

وممكن المطبخ والحمامات سيراميك للتوفير ايضا

ايه رأيكو

[بنت الشاطئ1]

بالمناسبة إن شاء الله قريباً سأبدأ درس في تعليم التريكو اليدوي وإنتي عارفة بقي الحاجات الهاند ميد قد إيه بتكون حلوة وغالية (معلش عديها بالانجليزي أصلها أحلي من كلمة يدوي) .. وإن شاء الله حننفذ سوا علي طول مع الهاويات أي شيء يختاروه وأهو ممكن نفيد ونستفيد معلومات جديدة وأفكار مبتكرة ..

تحياتي

زيزيتا

بالنسبة لموضوع التريكو فى انتظاره بفارغ الصبر

عندى معلومات وعندى استفسارات ايضا

دعواتكم

[بنت الشاطئ1]

بس نسيت اضيف معلومة عن البورسلين

يفضل البورسلين المط الغير لميع لأن اللميع بيبقع

كمان بالنسبة لدهان الحجرات الموضة انها تكون لكل حجرة لون خاص بها وكذلك ممكن الحجرة الواحدة يكون فيها حائط مثلا مخطط والباقى سادة او حائط مموج

[نانو]

يعنى خلاصة الكلام

ان الحجرات تكون خشب ..ده لو مستقر لتعطى الدفء والاستقبال يكون رخام للفخامة

اما لو مش مستقر فالحجرات سيراميك للتوفير والاستقبال فقط رخام

وممكن المطبخ والحمامات سيراميك للتوفير ايضا

ايه رأيكو

رأيك مضبوط وطبعا كل واحد وذوقه أنا مثلا بأميل للباركيه جدا وأفضله حتي عن الرخام في الفخامه والشياكه

وعلي فكره سعر الرخام مش عالي جدا يعني في كتير من الاحيان بقترب من سعر البورسلين الفاخر

كمان بالنسبة لدهان الحجرات الموضة انها تكون لكل حجرة لون خاص بها وكذلك ممكن الحجرة الواحدة يكون فيها حائط مثلا مخطط والباقى سادة او حائط مموج

بمناسبه لون الحجرات وإختلاف ألوان الحوائط ممكن نشوف مع بعض شويه أفكار عن ألوان الحوائط وإزاي ممكن ننسقها مع ألوان

الأثاث و السجاجيد والمفروشات

الحقيقه أكتر حاجه لفتت نظري في بعض الصور ديه هو لون السقف ....إحنا دايما عندنا نهتم بلون الحوائط والأركان والسجاد و السقف نضربه ابيض

في حين إنه علي العكس تماما في بعض الصور اللي فوق إن أغمق درجه هيا دايما بتكون في السقف ...وأنا شايفه إنها بتضيف فخامه وشياكه لا بأس بها علي المكان

غير كده حجره مثلا زي حجره الأطفال محتاجه أضيف لها لون فاقع زي الفوشيه لو إتحط في الحائط هايقلب فلح جدا ومش هايبقي حلو

لكن كده أنا أخدت اللمسه الجميله في اللون المطلوب من غير ما يصيب العين بأذي وأكمل بالمفروشات أو سجاده أو حتي تابلوهات علي الحوائط تضفي لمسه متناسقه مع لون السقف وممكن كمان يدهن عامود أو حيطه مساحتها صغيره من الحجره باللون ده

[بنت الشاطئ1]

فكرة السقف الفاقع لحجرات الاطفال فكرة هايلة

ياريت يا نانو تزودينا بالصور الحلوة ديه

وياريت تركزى كمان على حجرات المعيشة ال living

طب ايه رأيك فى حجرة معيشة لونها اصفر هادى والسقف كمونى غامق والحائط اللى فى وش مدخل المعيشة

مموج اصفر فى كمونى

[بنت الشاطئ1]

هذا الرابط فيه بعض لحجرات المعيشة

http://n1601.jeeran.com/4.html

[kokomen]

موضوع جميل جدا وأذواق رائعة في الديكور والأرضيات والحوائط

عندي سؤالين أرجوا التكرم من الفضليات أو الأفاضل بالرد عليهم

1- قرأت عن أن الأرضيات السيراميك أو البورسلين تبث نسبة من الإشعاع حيث تحتوي على نسبة

من المواد المشعة قد تؤثر على الإنسان علي المدى البعيد فهل هذا صحيح

2- كيف يمكن معالجة جزء من خشب الباركيه الموجود عند مدخل باب الشقة حيث حدث تسرب للمياه ببطء

عند غسيل السلالم من قبل البواب فأصبحت قطع الباركيه التي بجوار باب الشقة سوداء اللون ومشبعة بالرطوبة

في مساحة نصف متر في نصف متر هل يمكن معالجتها فقط أم المساحة كلها

تحياتي القلبية وشكرا على أفكاركم الجميلة

:closedeyes: :unsure: :happy:

[نانو]

موضوع جميل جدا وأذواق رائعة في الديكور والأرضيات والحوائط

عندي سؤالين أرجوا التكرم من الفضليات أو الأفاضل بالرد عليهم

1- قرأت عن أن الأرضيات السيراميك أو البورسلين تبث نسبة من الإشعاع حيث تحتوي على نسبة

من المواد المشعة قد تؤثر على الإنسان علي المدى البعيد فهل هذا صحيح

2- كيف يمكن معالجة جزء من خشب الباركيه الموجود عند مدخل باب الشقة حيث حدث تسرب للمياه ببطء

عند غسيل السلالم من قبل البواب فأصبحت قطع الباركيه التي بجوار باب الشقة سوداء اللون ومشبعة بالرطوبة

في مساحة نصف متر في نصف متر هل يمكن معالجتها فقط أم المساحة كلها

تحياتي القلبية وشكرا على أفكاركم الجميلة

شكرا يا كوكومين علي ذوقك

بالنسبه للسؤال الأول للأسف ليس لدي إجابه له ورجاء التكرم بمن لديه معلومه عنه يتفضل بها

بالنسبه للسؤال الثاني طبعا يمكن تغير الجزء من الباركيه التالف وديه ميزه الباركيه إنه قطع صغيره

وبالتالي يمكن التحكم في المساحه المطلوب تغيرها

ممكن كمان تعمل عمليه صقل وتلميع لباقي الباركيه في المكان وإضافه طبقات من الفلوت علشان لا يظهر فرق كبير في لون الجزء الذي تم تغيره في الباركيه ولون باقي المكان

و نصيحه صغيره بعد تغير القطع التالفه يمكنك عمل عتبه رخاميه علي باب الشقه لمنع تسرب المياه من خارج الشقه وفعلا ديه فكره ناجحه جدا و بتضيف شياكه لمدخل البيت

[Folana]

السلام عليكم ورحمة الله....

دكتورة نانو العزيزة......يعنى خلتينا نخلع الارضيات..ونهد الحوائط...وقلنا حندكور بقى العشة بتاعتنا من اول وجديد..ومن يومها واحنا منتظرين على ركام الماضى....

ممكن نطمع انك تكملى معانا الموضوع ..وهانيالك يافاعل الخير....

بالنوسبة لسائل غسيل الصحون اللى نصحتينى به لتلميع العتبة الرخامية...فاكرة؟؟....فى الماضى القريب لما قلت:

بصي يا ستو هانم هو الاولويه تكون لو النوع مستورد لان نفس أنواع المنظفات اللي باستخدمها هنا مثلا لما اروح مصر باحس انها متخففه بنسبه 1:7000

فانا حتي مش قادره اقولك نوع معين لكن عامه انا كنت أقصد سائل الغسيل المانيوال

:blush2:

انا اشتريته واقتطعت من قوت عيالى ...بس....هيركليز استحمت به.... :lol:

حتقولى لى مين هيركليز.....حاقولك دى ابتلائى فى الدنيا.....واحدة طيبة كده باساعدها فى شغل البيت.....

ربنا يحنن قلبها علىّ قولى يارررررررررب...

يالا بجد بقى...عايزين نكمل الموضوع...ونشوف احدث صيحة فى الستائر والبراويز والحاجت الجميلة دى....

صباحك عنب.... :blush2:

[نانو]

يالا بجد بقى...عايزين نكمل الموضوع...ونشوف احدث صيحة فى الستائر والبراويز والحاجت الجميلة دى....

صباحك عنب.... wst::

مسائك عنب ياااا جميل

تصدقي يا فولانه انتي فيكي الخير والله انك فكرتينا بالموضوع ده .....شويه تغير وشويه احلام ولو ورديه يعني في وسط

ازمه العيش و الحديد و الشقق و كل المصايب اللي احنا غارقانين فيها كل يوم.... ربنا يهون يارب

أخواتي الاعزاء وممكن إخواني اللي لسه ما اتجوزوش يجوا برضه :unsure: نروح نتفرج علي شويه ستائر بناءا علي اقتراح فولانه المبهج ده

و قبل ما اتكلم ولا كلمه ...أقولكم طبعا إنه منجووووول

ماهو أكيد مش كل الستاير ديه في بيتنا يعني :happy:

هيا بنا إلي عالم الستائر ....و برضه إللي عنده إضافه ياريت يتكرم ويتفضل معانا

الستائر

النوافذ هي عيون الغرف .. وهي الواصل المباشر للمنزل مع الوسط الخارجي .. وتغطيتها لا يعني حجب هذه العلاقة ..

ولكن يعني الاستمرارية و الشفافية و الخصوصية بان واحد إن اختيار ألوان وأشكال الستائر المناسبة عملية تحتاج إلى وقت وبحث و تفكير فالتصميمات المتعددة المتوفرة تجعل مهمة الاختيار اكثر صعوبة

لكن استخدام الغرفة وألوانها وأشكال النوافذ فيها كلها عوامل مساعدة على تبسيط هذه المهمة:

ستائر غرف الجلوس والطعام:

تصميمها عادة يكون الأكثر تعقيدا وهي ستائر بعدة طبقات كما أن استخدام الإكسسوارات الخاصة بالستائر ضروري خاصة إذا كان طابع الغرفة يميل إلى الكلاسيكية و هنا يجب أن نميز نوافذنا بتصميمات فريدة ومميزة لا أن نثقل كاهلها بكميات مهولة من القماش خاصة إذا كان حجم الغرفة صغيرا و بها أكثر من شباك ونجعل شكل الغرفة غير مريح ومتعباً للنظر.

أول صوره ديه لاحظت فيها انهم واخدين جزء من قماش الانتريه وداخل في موديل الستاره ...حركه ظريفه

بس لو اضطريتي انك تغيري قماش الانتريه لإنه إتبهدل مثلا هاتضطري إنك تغيري معاه الستاره..

الدلايه المصنوعه من الخرز إللي بتتوسط الستاره جميله وفكرتها لذيذه وخصوصا في غرفه المعيشه

الموديل مش جديد طبعا و باحس بس انه مشكلته في التانيات الكتير أوي ديه بيتهيئلي عندنا في مصر هأتشيل تراب كتير وبسرعه أوي

و هانضطر نفك الستاير وننزل ونظف وشغلانه ...أنا مش بأعقدكم لا مسح الله ...أنا بس بأقول رأيي

الموديل بتاع السفره ده عجبني شكله رقيق أوي بس واضح إن شياكته في مصنعيته ...يعني عايز واحد بتاع ستاير جامد مش نص نص

طبعا الكوان ده في صالون لإن كمان الستاير معموله من التفتاه تقريبا وحاجه شفتشي خالص

ديه محتاجه مساحات واسعه جدا

ديه فكرتها جديده جدا وخصوصا الحته اللي في الجنب ديه اللي زي الاينفلوب ديه

دول شويه موديلات ويتبع قريبا إن شاء الله