افتتاح «الحمام الذكي» رقم ١٣ أمام مجمع التحرير

[aasatar]

افتتاح «الحمام الذكي» رقم ١٣ أمام مجمع التحرير

كل ما تحتاجه لقضاء حاجتك دون عناء حيث تتيح لك ٥٠ قرشا معدنية دخول أحد الحمامات الذكية لكن وفق آلية مبرمجة إلكترونيا.

وأمام مبني مجمع التحرير دشنت محافظة القاهرة حمامها الذكي رقم ١٣، والذي يأتي ضمن خطتها لإنشاء ٣٦ دورة مياه تعمل بنظام التشغيل الآلي الذاتي في أنحاء متفرقة من العاصمة.

ودورات المياه الذكية مجهزة لاستقبال الرجال والنساء إذ بمجرد وضع العملة داخل الماكينة المخصصة لها يفتح باب الحمام لمدة ٢٠ ثانية فقط يدخل خلالها المواطن ثم يغلق من تلقاء نفسه، وبمجرد انتهاء الشخص من قضاء حاجته وخروجه يبدأ الحمام مرحلة تنظيف آلي من خلال صنابير مثبتة في أكثر من مكان في الحمام تمر عبرها مياه نظيفة مختلطة بمواد تعقيم بحيث تكون جاهزة لاستقبال أشخاص جدد.

المهندس علاء محمد، مشرف الشركة المنفذة لمشروع الحمامات الذكية، قال إن دورة مياه مجمع التحرير سبقها ١٢ حماما أخري منتشرة في مصر الجديدة والنزهة ومدينة نصر، موضحا أن تكلفة إنشاء الحمام الواحد تبلغ ٥٠ ألف جنيه

وأضاف: صاحب هذه الفكرة هو الدكتور عبدالعظيم وزير الذي سعي إلي تنفيذها في مصر بعد أن شاهدها بنجاح في ألمانيا، مؤكدا أن انتشار هذه الحمامات يساعد علي الحد من دورات المياه التقليدية التي تعاني نقص النظافة وانتشار الروائح الكريهة.

http://www.almasry-alyoum.com/article.aspx?ArticleID=80362

اهم حاجة فى الموضوع لو الرصيد خلص و ربنا لسة ما سهلش ماذا سيحدث هل سيفتح الباب آليا .

تم تعديل 23 أكتوبر 2007 بواسطة aasatar

[se_ Elsyed]

أهم من الشغل ظبط الشغل

الفكرة دي كانت في دماغي يمكن من التسعينات عندما قرأت تحقيق صحفي عن سبب إنخفاض عدد السياح اليابانيين إلى مصر واللي اليابانييون نفسهم اقروأ بإن كثيراً منهم مهوسيين بموضوع الحمامات وكل شويه يذهب إلى الحمام غلاسه يعني أو زيادة نضافة .. فطبعاً بييجي مصر يتشرد وممكن يلف المحافظات كلها كعب داير عشان يلاقي حمام عام ومش هايلاقي برضوا فهايضر يوسخ هدومه وماما تزعق له وتكوي قفاه بالنار عشان ما يعملش كده تاني ...

لكن للامانة دي سمة مشتركة في الدول العربية اللي كل تفكيرها بيروح إلى التفكير السيء لإستخدامات الحمام وإنه ممكن يبقى وكر للمجرمين أو مكان يُتعاطى فيه مخدرات وما إلى ذلك

فبيقولوا " الحمام اللي يجي لك منه الريح ... سده يابا وأستريح " وأهي الأماكن اللي تحت الكباري كتيرة وكده يعني وكل واحد مع نفسه ...

واللي أقصدة أكتر إن الفكرة ستكون جيدة إذا كان في مداومة على صيانة تلك الحمامات ووضعها تحت رقابة مستقلة ..

يعني يا فرحتي بحمام متكلف 50 ألف جنيه - مش عارف إزاي ؟ ... ده اكيد معمول على الطوب الأحمر وبدل قاعدة الحمام هايبقى في جردل ظريف ومع نفسك يا مسجون إنت وهو .. لإن تكاليف البناء والسيراميك وتمديدات الصرف الصحي النضيفة المتكلفة مش اللي بتنشع وتضرب بعد شهر زي البلوكات والمباني اللي بتبنيها الحكومة .. كل ده يكلف كتير ... حتى لو متكلف 50 ألف هاعصر على نفسي لمونة وأمشيها .. فلو ما فيش صيانة دورية بضمير بعيداً عن الأحياء ومجالس المحليات واللكلكة دي ... يبقى كل سنة وإنت طيب يبقى هايبقى وكر للطغاة ولا تقولي 50 ساغ ولا ربع جنيه

وكمان لو ما فيش رجال أمن بيراقبوا الموضوع بضمير ... يبقى الحكومة كده حلت مشكلة الشقق المفروشة واوكار الجواز العرفي وبـ 50 قرش ممكن تعمل عمايل وتسوي الهوايل وأهي هاتسهل لناس كتير الموكنه اللي كانوا بيدوروا عليها ويلاقوها بطلوع الروح ...

وانا أشاشاً أساساً عندي أرتكاريا من موضوع الحاجات الذكية دي من أول نظيف ما وعدنا ببطاقة التومين الذكية اللي تصورتها بالشكل ده والواحد يروح لعم عبدو بتاع التومين وما ينطقش بكلمة وكل اللي عليه يطلع الشريحة ويدفسها في برميل الزيت تطلع له قزازة زي دي وكمان معاها شكارة رز بسمتي زي ده وفي الاخر ياخد صابونه بريحه ودنو مروح وهو أخر انبساط

وعن إذنكوا بفى عشان عايز أشد السيفون على الموضوع ده عشان أنا مش هاصدق إلا أما أشوف الحمامات الذكية دي بعد سنة من إفتتاحها واللي طبعاً السيد رئيس الجمهورية او السيد الوزير المحافظ لازم يروح ويدشنوا النقلة الحضارية دي ويبقوا اول ناس يباركوا الحمام ده وينفعونا بأي حاجه وربنا يزود إمساكهم ويقلل إسهالم قادر يا كريم ....

عامة بالتوفيق وإلى مزيد من المشروعات الذكية ...

[amrhoras]

بس كفاية الريحة طلعت ووصلت عندى هنا

المهم عمال اكل واقرى موضوعك يا سي السيد والله اتسدت نفسي اول ماشوفت الجردل وسيرة المساجين مع انى كنت جعان شكرا على الموضوع ده :happy: بس ابقى خبط الاول انا قولت فكره جديدة ومجاش فى بالى الجردل يا بشمهندس

وكمان هى بطاقة التومين دى مش كانت بروسيسور زمان للكامبيوتر ياعم وحد الله بطاقات زكية ايه انت معرفتش الخبر ده انه معدش فى بطاقات جديدة للتومين ياعم والنبي متقلبش علينا المواجع

وكمان بطل حقد طبقي وسيب الاخوه الشمامين فى حالهم يعنى لما الشرطة تطب عليهم وتعمل كبسة يتشردو ويروحوا وين :ninja:

:happy: فكرتنى بالصابون الاسود اللى كانو بيبشروه زمان عشان الغليه والغسيل قبل السافو والغسالة العادية

تم تعديل 23 أكتوبر 2007 بواسطة amrhoras

[amrhoras]

افتتاح «الحمام الذكي» رقم ١٣ أمام مجمع التحرير

كل ما تحتاجه لقضاء حاجتك دون عناء حيث تتيح لك ٥٠ قرشا معدنية دخول أحد الحمامات الذكية لكن وفق آلية مبرمجة إلكترونيا.

وأمام مبني مجمع التحرير دشنت محافظة القاهرة حمامها الذكي رقم ١٣، والذي يأتي ضمن خطتها لإنشاء ٣٦ دورة مياه تعمل بنظام التشغيل الآلي الذاتي في أنحاء متفرقة من العاصمة.

ودورات المياه الذكية مجهزة لاستقبال الرجال والنساء إذ بمجرد وضع العملة داخل الماكينة المخصصة لها يفتح باب الحمام لمدة ٢٠ ثانية فقط يدخل خلالها المواطن ثم يغلق من تلقاء نفسه، وبمجرد انتهاء الشخص من قضاء حاجته وخروجه يبدأ الحمام مرحلة تنظيف آلي من خلال صنابير مثبتة في أكثر من مكان في الحمام تمر عبرها مياه نظيفة مختلطة بمواد تعقيم بحيث تكون جاهزة لاستقبال أشخاص جدد.

المهندس علاء محمد، مشرف الشركة المنفذة لمشروع الحمامات الذكية، قال إن دورة مياه مجمع التحرير سبقها ١٢ حماما أخري منتشرة في مصر الجديدة والنزهة ومدينة نصر، موضحا أن تكلفة إنشاء الحمام الواحد تبلغ ٥٠ ألف جنيه

وأضاف: صاحب هذه الفكرة هو الدكتور عبدالعظيم وزير الذي سعي إلي تنفيذها في مصر بعد أن شاهدها بنجاح في ألمانيا، مؤكدا أن انتشار هذه الحمامات يساعد علي الحد من دورات المياه التقليدية التي تعاني نقص النظافة وانتشار الروائح الكريهة.

http://www.almasry-alyoum.com/article.aspx?ArticleID=80362

اهم حاجة فى الموضوع لو الرصيد خلص و ربنا لسة ما سهلش ماذا سيحدث هل سيفتح الباب آليا .

تصدق هو ده الموضوع اللى ناقصنا بجد وصدق محمد صبحي فى مسرحية تخاريف لما كان اسمه شحات بيه وساعة الفطار

ارنى انا عاوز زى دى فى الحمام يا ارنى

خير انشا الله وياترى فى مطابخ زكيه؟ عشان الغلابة العذاب اللى زينا لعلمك الحكاية كلها معموله عشان تدفع الفلوس مقدما وبعدين الحمام مغلق للصيانة زى تلاجات البيبسي لما نحط الكوين وتطلعلك لسانها وتقولك ايرور ايرور بليز تراى اجين ليتر

شكرا