العمل فى ديوان حاكم دبى

[muslim4ever]

الاخوة الاعزاء

السلام عليكم

اتصل بى صديق للاستفسار عن عرض وظيفى فى ديوان حاكم دبى ولكن بما انى لست فى دبى فارجوا من الاخوة المقيمين هناك ان يفيدونا بالنقاط التالية

• طبيعة المكان بمعنى هل هو يتصل مباشرة بالعائلة الحاكمة ام ديوان حكومى له انظمة ولوائح
  
• الراتب الذى يمكن ان يتفاوض عليه والمميزات الاخرى حتى يكون مستفيد اكبر استفادة
  

مع العلم بان وظيفتة ERP HRMS Business Consultant

تحياتى

تم تعديل 24 أكتوبر 2007 بواسطة muslim4ever

[رمضان]

بالنسبة لاول نقطة هو هيتصل مباشرة بالعائلة الحاكمة وفي نفس الوقت ينطبق عليه انظمة ولوائح الحكومة

بالنسبة للراتب اعتقد ان المميزات افضل من الراتب مليون مرة

وربنا يوفق الجميع

[muslim4ever]

شكراً اخى رمضان على الرد

ولكن بمعنى ايه المميزات افضل من الراتب الراجل عايز يتكلم فى رقم وبعد كدة المميزات دى حسب الدرجة والراتب

بالنسبه للتداخل العائلى والرسمى تكون هى دى المشكلة فعلاً

وجزاك الله خيراً

[رمضان]

بالنسبه للتداخل العائلى والرسمى تكون هى دى المشكلة فعلاً

اطلاقا دي مش مشكلة ولا حاجة دي ميزة

ولكن بمعنى ايه المميزات افضل من الراتب الراجل عايز يتكلم فى رقم وبعد كدة المميزات دى حسب الدرجة والراتب

انا اقصد مميزات في البلد نفسها والسفريات وتحت الطاولة وكده يعني

[قاهرى]

خلية يقبل طبعا .. دى وظيفة حكومية يعنى الى حد كبير رواتبها ثابتة بالدرجة الى هيوضع فيها ونظام الترقية ثابت مش زى القطاع الخاص الى بيكون فى صاحب العمل عايز يخسف بيك الارض على قدر ميقدر

طبعا يوافق ويروح بسرعة كمان

وربنا معاةة بجد

وبالنسبة للراتب فى الديوان بيكون عالى جدا يعنى ممكن فوق ال 10 الف درهم واكتر كمان

بس انا بصراحة مش متاكد يعنى

بس هو اساسا المفروض ميتكلمش فى موضوع الراتب بالذات علشان دى حكومة يعنى فيها سلم وظيفى ولكل درجة range راتب معين

هو بس يسال عن راتبة كام لكن لا يتفاوض مع الحكومة ...

ومميزات الديوان الاميرى اقوى بكتيررررررر كمان من مميازت الحكومة العادية .... لا يروح فى اسرع وقت طبعا

وكمان احسن ديوان اميرى فى كل امارات البلد هى ديوان دبى ..

ياعم روح باء انت لسة قاعد .. اجرىىىىىىىىى

اخوك قاهرى ..

[mesryforever]

الأخ / muslim4ever

بصفتي كنت في مكان مثل هذا بس أكبر شويه أحب أن أوضح الأشياء التاليه :-

1- ده مكان شبه حكومي يعني يجمع بين مميزات الخاص ومميزات الحكومي بمعنى تسري عليه قوانين القطاع الخاص والقوانين الحكومية

2- بالنسبه للعمل في مكان زي ده بيكون له مميزات كتير زي

- السكن وده أهم شئ في الإمارات

- مواصلات ممكن يعطوه سيارة على حسب درجته الوظيفية

- تليفون محمول ومعاه رصيد كمان

- تذاكر سفر ليه ولأولاده

- إجازه 45 يوم في السنة

- عليهم بيكون التأمين الصحي وكل شئ بالنسبة للكفالة هو بس بيديهم الأوراق وهم بخلصوا كل حاجه

- وممكن يدفعوا له الماء والكهرباء طبعاً على حسب النظام عندهم

وبالنسبه للراتب والحاجات دي بتكون على حسب الدرجه الوظيفية

طبعاً أنا قولت لك إن المكان بيمشي عليه قانون القطاع الخاص والقطاع الحكومي يعني ممكن حاجات من اللي أنها كتبتها ممكن ممتتنفذش ده طبعاً على حسب النظام المعمول بيه عندهم

أهم حاجه أسأل عن نظام السكن والراتب بس وبعد كده هتعرف كل حاجه من أي حد هناك

بس كلمه في سرك ( مكان زي كده ) بيكون كله أسرار يعني أهم شئ عدم إفشاء أسرار مكان العمل

وأحرص على أن تكون علاقاتك كويسه مع كل الناس سواء الصغير أو الكبير علشان الكل يحبوك

وكون خفيف الظل شويه مع الجديه في التعامل أثناء العمل وطبعاً متأخدش حد عليك وخصوصاً في المرحلة الأولى لأن لو حد أخد عليك هتبقى ملطشه ، ويحسسهم بشوية وقار وحزم في بعض الأمور .

وبالتوفيق بإذن الله تعالي

[muslim4ever]

الاخ قاهرى

الاخ mesryforever

اشكركم جزيلاً على هذة المعلومات الجيدة

لكن فقط لى ملاحظة على الراتب الذى ذكرة الاخ قاهرى ..

هل تعتقد ان 10 الف درهم رقم مناسب فى بلد زى الامارات وفى مكان حكومى زى دة

هنا فى السعودية لى تجربة مع احد الزملاء فى نفس المجال الذى يعمل به صديقى وهو يعمل بالحرس الوطنى السعودى (حاجة كدة زى الديوان الملكى ) وراتبة ما شاء الله ماشاء الله 7500$ ..

انا فى الحقيقة نصحتة انه يدرس الموضوع من جميع النواحى سواء المالية او الاجتماعية والاخلاقية وفهمته ان لو العرض فوق الرقم دة يبقى عرض ممتاز من النواحى المالية بس فى نواحى اخرى يجب وضعها فى الاعتبار

تحياتى لكم

تم تعديل 24 أكتوبر 2007 بواسطة muslim4ever

[mesryforever]

بص يا أخي / muslim4ever

مشكلة الإمارات في موضوع السكن

لو السكن موجود يبقى أكثر من 70% من مشاكله محلوله

ومبلغ 10.000 درهم مبلغ هيعيش مرتاح بس مش للدرجه

دا في حالة إنه معاه أولاده

[mesryforever]

أخي / muslim4ever

لو بصينا للمبلغ -/10.000 درهم بالإضافة إلى جميع المميزات أعتقد إنه هيكون أكبر من مبلغ صديقك اللي بيشتغل في السعودية في الحرس الوطني ليه لأنه صاحبك ده أكيد بياخد المبلغ ده "مقطوع" بمعنى إنه ليس له سكن فهو يسكن في مكان العمل (كامب مثلا) والأكل والشرب عليهم طبعاً

لو نيجي للأخ إللي جايه عمل في " ديوان الحاكم في دبي "

أولاً : ممكن ياخد سكن لو عنده أولاد أقل شئ في حدود من (90.000 إلى 110.000 درهم )سنوياً وده عادي جداً ممكن يكون أكتر بس أنا حبيت أوضح بمثال على للشخص العادي في مكان زي ده

ثانياً : الراتب هنقول -/10.000 درهم

ثالثاً : الهاتف المحمول بالرصيد (هنقول الرصيد -/1.000 درهم شهريا)

رابعاً : المواصلات (هنقول هياخد سيارة عادية ولتكن لاندكروزر ) يعني وفر على الأقل في حدود لو قلنا في اليوم هيصرف من 25 إلى 30 درهم يومياً يعني في الشهر 25 *30= 750 شهرياً يعني في السنة = 750*12= 9000 درهم سنوياً

خامساً : في حالة إنهم دفعوا الماء والكهرباء ولنقول بمعدل الأقل من العادي -/250 درهم شهرياً يعني سنوياً 250* 12 = 3000 درهم سنوياً

10.000 درهم راتب شهري * 12 = 120.000 درهم سنوياً

120.000 درهم سنوياً

90.000 سكن

9000 مواصلات

3000 ماء وكهرباء

220.000 درهم الإجمالي السنوي (قيمة الراتب + المميزات)

وده طبعاً على حسب درجته أنا بأتكلم في المتوسط طبعاَ