والله الشعب المصرى دة عسل

[قاهرى]

والله تانى المصرين دول زى العسل ومفيش زيهم فى الدنيا كلها

شعب مكافح بجد .. شعب ابن نكتة .. وبرغم كل البهدلة الى بتحصل فى البلد من بطالة و غلاء معيشة و ضعف رواتب و و و و و و و

الا انو تلقيهم ديما ممشين نفسهم باقل حاجة وتلقيهم كمان مبسوطين

شوفو معايا الصور دى ... مشكلة بجد

صباح الفل ....

ملحوظة : بتاع الحامل دى انا لغى الشتيمة علشان عييييب بس مش عارف ازاى ممكن واحد يحط كدة على عربيتوا md2:

فى انتظار الردود

[justtrying]

بصراحة هيه تضحك لكن في نفس الوقت بدل اد ايه البلد فيها تخلف وجهل وفقر

[قاهرى]

والله دة شغب غلبان والى بيعملو دة من زهقو من كل حاجة حولية

قولى بس يعمل اية .... الله يكون فى عونا بجد

اما موضوع الكتابة على صندوق الزبالة وعلى الحيطة .. فدة فعلا لا يدل غير على اننا شعب غير متحضر بالمرة بس منقدرش نجمع ونقول الشعب كلة لا طبعا دة بتكون فئاه جاهلة بس بردوا غلابة

ربنا معانا بجد

تحياتى للجميع ......

[قاهرى]

والله يا جماعة انا بكون مضايق لما بشوف حجات زى كدة فى مصر بس دى سلبيات كتير فى بلدنا وللاسف بحس ان المواطن الغلبان مش هو السب فى الى بيحصل دة .. بحس ان البطالة والفقر فى بعض المناطق العشوائية هى الى بتادى الى مجتمع بيتصرف بطريقة عشوائية

ارجو ان السلبيات دى متكنش فى بلدنا .. والله يعين كل فقير محتاج . ويحنن قلب الحكومة على اولدها يارب

[amrhoras]

عاوزين تحاكموا حاكموا اللى كان السبب فى المظاهر دى

مواطن شقيان بيمشى حاله

ان كان عامل او سواثق او جزار او تاجر حتى الاخ اللى واقف مع مراته ولبسين عوامات كوتش سيارة انا اول ماشوفت الصورة اتنرفزت بعد كدى صعبوا عليا لانهم اتنين متاحبين بس الكوتة على اد الموجودة هو عاوز يسعدها بس على اد مايقدر والله مثال للحب وياريت نشيل الصورة دى بعد اذنكم لانه حرام نشر هذه الصورة تخيلو لو واحد مننا اتصور كدى من غير مايعرف اكيد حيكون مضايق وفى نفس الوقت مكسوف بعتذر عن طلبي ده

سواق التاكسي ده فلة معلق قلة دمه شربات على فكره

العامل اللى شايل عربية الجر دى على دماغه راجل شقيان وبدعيلة ربنا يوسعها عليه

اما صفيحة القمامة دى واحد فاضي او شكلهم اطفال كانو بيلعبو وكتبو عليها لو تلاحظو الخط مش اد

والله مش عارف اضحك او ابكى بس الغالب ببكى على حال بلدنا وولاد بلدنا وظلم الجياة الصعبة

عموما شكرا ومصر على طلبي بعد اذنكم شيلو صورة الراجل ومراته حرام ربنا يستر على الجميع

شكرا ولا تعليق

[أسد]

أولا وقبل أي شئ .. أنا لا أرى شيئاً معيباً لهذه الدرجة في تلك الصور ..

...

الصورة الأولى .. عادي .. واحد شاري خروف وشايله .. إيه اللي فيها يعني ؟؟؟؟

الصورة الثانية .. لقطة لطيفة لسائق ذكي .. ومفيش فيها أي شئ معيب .. إلا إذا كنا نعتبر أن الشرب من القلة (ياي) حاجة بلدي وبيئة ..

الصورة الثالية .. مستحيل أن تكون تلك إطارات حقيقية .. هل تعلمون وزن إطار بهذاالحجم كم كيلو ؟؟؟؟ إنها إما عوامات لها تلك النقشة .. أو صورة صورت علىسبيل الدعابة فقط ...

الصورة الرابعة.. هذا الرجل باكستاني .. والدليل ملابسه .. إنه الزي الباكستاني التقليدي .. ولا يوجد عندنا في مصر من يرتديه ..

الصورة الخامسة والسادسة .. فيها من الإيجابية الكثير .. ولكن الأسلوب لم يكن موفقاً .. ولكن يتضح أنه ما باليد حيلة ..

الصورة السابعة .. مكررة

الصورة الثامنة .. (إحترس من النشالين) عبارة مكتوبة في كل مكان عند برج إيفل في فرنسا .. وحتى في المصاعد البانورامية التي تصعد بها البرج .. ومكتوبة بعدة لغات منها العربية ... فلا شئ في ذلك .. إلا أنهم كان ينبغي عليهم الإهتمام بكتابتها بشكل أفضل ..

الصورة التاسعة ... مفبركة وملعوب فيها بالفوتوشوب .. هجص يعني ..

الصورة العاشرة .. إبتكار من رجل داخل سيارته .. يعني مجاش عمل الحكاية دي في سيارتك إنت .. أو في سيارتي أنا علشان نزعل .. هو حر ..

الصورة الحادية عشر .. إذا وصل الطالب المكفوف بفرده إلى ذلك المكان فبكل تأكيد سيتمكن من قراءة تلك اللوحة .. ومن المنطقي أن الطالب المكفوف معه من يرافقه يمكنه قراءة ما هو مكتوب .. عادي يعني . .مفيش فيها أي حاجة ..

الصورة الثانية عشر .. واضح أنها نكته .... وظريفة كمان .. والصورة دي بالذات منتشرة في كل المواقع عن باكستان مش عن مصر ..

الصورة الأخيرة ... معلش .. يمكن في وقت راحته .. ولا هو العسكري مش مفروض ينام ..

(ولو إنه مفروض ياخد باله ومايعملش كده وهو بالزي الرسمي) .. ممكن نفوت دي

الموضوع ببساطة ... خفيف ونكتة .. فقط .. لا أكثر ولا أقل ...

أما أن نعطي الموضوع أكبر من حجمه ..

دي مبالغة غير مستحبة ...

من وجهة نظري على الأقل ..

وللحقيقة .. إحنا أفضل مما نحسب أنفسنا .

بكثيييييييير ...

تحياتي ..

تم تعديل 25 أكتوبر 2007 بواسطة أسد

[قاهرى]

كلمك عين العقل يا اسد والله فعلا يا جماعة الموضوع على سبيل الدعابة اكيد وانا الصور دى لقتها على موقع اظن انو مكتوب اسمو على كل الصور

بس والله يا جماعة انا بردوا لما شفت الصور دى بقيت مش عارف اضحك ولا ازعل على بلدى . بس المقصود بيها مش التريقة على مصر ولا اى حاجة بس انا بجد حسيت فى بعض الصور ان الشعب المصرى دة شعب مكااافح اوى وبيعرف يرسم الابتسامة على وشو حتى لو مش من قلبو . وشعب بجد بيرضى بقليلو اوى اوى اوى (طبعا انا بتكلم على فئاه الغلابة)

انا حبيت اعرض عليكم الصور دى منها بعض الصور الى بتبين ان الشعب دة شعب تعبان فى حياتو وممشى نفسوا باضيق الحدود ومنها بعض الصور فيها سلبيات زى الكتابة على الحيطان فى الشارع .

تحياتى للجميع وشكرا اسد وشكرا عمرو على ردودكم

[fighter001]

واللهي دي ابسط حاجة للوضع الي احنا فية

[doda]

انا كنت شايفة الحاجاد دي كولاها كده

لكن عايزة اقول ان انتو مالاحظتوش الحاجات الحلوة

اللي انا مخدتش بالي منها الا لمل سبت مصر

محدش حاسس اد ايه الشعب المصري متكافل مع بعضه

يمكن بنختلف مع بعض كتير لكن لما تيجي حاجة من برة بنبقى ايد وحدة

و فى الاخر كلنا واحد

و تحيا مصر

[قاهرى]

بس يا doda بيتهيالى ان الكلام دة ممكن يكون فى مصر لكن برة مصر مش بشوف المصرين ايد وحدة ابدااااااااا

يمكن انتى حالة خاصة .....

مش عارف اية الى بيحصل للمصرى لما يسافر برة بلدوا بيكون عدوا الوحيد هو المصرى الى زايو مش عارف لية

بجد عن تجربة

واكيد فى نفس الوقت انا مش بعمم الكلام دة على كل المصرين الى برة مصر بس اقصد اغلبهم وللاسف (الحسنة تخص والسيئة تعم) وعلشان كدة سمعة المصرين برة مصر مش كويسة

شكرا doda لردك