الكأس هدية للرئيس

[linux]

بما أن الاعتراف بالحق فضيــلة فانى اعترف بان احيانا أتمنى ان لاتفوز مصـــر بأى بطولات دولية. والسبب الواضح هو كمية النفاق و "المحلسة" التى تتبع الفوز!

فهاهو الفريق المصرى الذى فاز ببطولة الامم الأفريقية يهدى الفوز للرئيس.

نفسى مرة واحدة يهدوا الفوز للشعب الغلبان او لعم حمص مدلك الفريق او شعب فلسطين المقهور و اللى سعادة الرئيس مطنشة وولاحاسس بية!

طولمامصـــر بهاذا النفاق طول ما هاتفضل فى اللى هى فية.

اخيرا... مكن حد يشرح لى يعنى اية راعى الرياضة؟ هل دى حاجة كدة زى راعى الغنم؟

[مصرى]

همممممممممم

-- أولا : مرحباً

-- ثانيا .. لطيف اللوجو ده

-- أما عن سؤالك عن معنى راعى الرياضة .. وطبعا راعينا كلنا ..

فتقدر تقول كده أنه طبقا للفكر المعاصر حاجة كده زى الـ BIG BOSS :lol:

[linux]

الأخ العزيز مصـــــرى

أشكرك على الترحيب وعلى اعجابك باللوجو، اصل أخوك العبد للله بيستعمل لينوكس ولا يستسيغ الويندوووز.

طيب مش راعى الرياضة دة يبقى برضة مسئول عن الهزائم برضه؟

يعنى انا مش فاكر انى سمعت او قرأت شي كالاتى:

"خرج اليوم من تصفيات كأس العالم فريقنا القومىلكرة القدم. ولقد كان خروجا مهينا. و قد اهدى الجهاز الفنى، ولاعبى الفريق جميع هزائم الفريق المخجلة الى السيد الرئيس.

حبظلم الجن مدرب الفريق:

فى الحقيقة الرئيس كان دايما معانا دة كانت حتى خطة اللعب حسب توجيهات سعادتة. انا احب اهدى جميــــــع هزائم الفريق المخزية لسعاتة و للبية المحروس الصغير.

شرفنتح استييكة كابتن الفريق:

شوف سعادتك ... لولا رعاية الرئيس ماكنش ممكن نوصل للى احنا فية دلوقتى. دة جاب لنا كووور كتيرة ... أة و اللاهى ... وخلانا نتدرب فى حوش القصر عشان برضه البيه الصغير يتفرج مالبالاكونه.

لاحس جزمة سعاتة - وزير الشباب اللى عجز قبل الاوان:

بما اننا في وطن ديقراطى ... احب اوجه عتاب "رقيق" لسيد الكل ابونا كلنا الرئيس ... لية ماخلاش البية الصغير الموهوب ... أة و اللاهى الموهوب يلعب ... يلعب دى ايه؟ بل يقود الفريق القومى؟

وحيد ناهاوند - كبير مشجى الفريق - مصرى اصيـــل:

الله يخرب بيوتكوا ... نفسنا نروح كأس العلم ... ولو ماكش ... طيب ممكن ترفعوا قانوون الطوارئ شوية؟"

[مصرى]

ممكن ترفعوا قانوون الطوارئ شوية؟"

كله الا الأنون

التوقيع

سعادته

:roll:

[ابو حلاوه]

و الله يا لينوكس انت راجل هنحتاجك قوي قوي ... انا جربت ماندراك و وجعلي دماغي .. و ما فيهوش عربي.... سمعت عن حيدرلينوكس؟ .

[KWA]

بسم الله الرحمن الرحيم

السلام عليكم ورحمة الله وبركاته

قبل بدايه الدوره أشارت الصحف الي تجاهل المسئولين في وزاره الرياضه و الفساد و الأتحاد المصري لكره الشراب و المعمعه ...حتي يا راجل التليفزيون و القنوات الفضائيه المصريه لم تذيع كل المباريات و المباريات المذاعه مسجله و حتي النهائي التليفزيون المغربي أذاعه و التليفزيون المصري لا يعرف شئ....اذن ماذا تتوقع بعد النصر الي من سوف يتم توجيهه....

:twisted: :mad: :mad: :twisted: :roll: :) :?:

[linux]

الأخ العزيز ابوحلاوه

للأسف لم أسمع بحيدرلينوكس. لقد وجدت ان RedHat مناسب لمعظم احتياجاتى حتى الأن.

[ابو حلاوه]

انت عندك رد هات كام ؟؟

[linux]

7.2 - 8.0

[مصرى]

انت عندك رد هات كام ؟؟

7.2 - 8.0

مش ممكن تزودهم شوية .. أديك شايف .. أخونا أبوحلاوة حالته صعبة شوية :)

[الطفشان]

حسب علمي نظام لينوكس بديل للويندوز

لكن زي ما ابو حلاوة قال، مافيهوش عربي

هل دة كلام صح؟

[Rabso]

أعتقد المانشيت الأتي " جريدة الجمهورية - اليوم 22/01 " له علاقة بموضوعنا

مباراة الأهلي وأياكس..تحت رعاية سوزان مبارك

كتب - علي معالي:

أعلن الدكتور علي الدين هلال وزير الشباب ان السيدة سوزان مبارك قرينة الرئيس سوف ترعي مباراة الأهلي وأياكس الهولندي بعد غد في ستاد القاهرة علي هامش بطولة الميريديان للناشئين.

يعني إيه رعاية؟ :?: :w: و إفرضوا الأهلي إتغلب؟ :s2:

[se_ Elsyed]

طيب الأعجب من كده مباراة الاهلي وأياكس أمستردام اللى هاتتلعب يوم الجمعة 24/1 ومنظمها اأتحاد الكره الأفريقي بصفة الأهلي بطل أفريقيا قرأت النهاردة أنها هاتقام تحت رعاية السيدة / سوزان مبارك !!!!!

هو فيــــه أيه يا جدعان بجد والله ؟!!!!!!! أنا حاسسأن مصر بتدار بنظام العزب والنجوع تلاقى العمده وأهلة بيفعلوا ما يشاءوا وقتما يشاءوا ، وبرضوا هاقولها تانى نحمد ربنا أنهم سامحين لنا نعيش معاهم فى بلدهم.

أفتكرت دلوقت موقف من فيلم " على باب الوزير " عادل أمام كان عامل نفسه ظابط وقابض على واحد فلاح وحطه فى عربيته فوهما ماشيين فى الطريق عادل أمام داس على مِعزة الراجل موتها .. الراجل صرخ يالهوي المعزة اللى حيلتي ماتت عادل أمام قاله جملة ظريفة قوي " إحنا الحكومة مايهمناش أي معيز "

[Rabso]

شرف كبير لي يا se_ Elsyed أن يحدث توارد الخواطر ده :lol:

نكتب نفس الرد "تقريباً" بفارق 4 دقائق :wink:

بس أنا عجبني جداً تعليقك خصوصاً موضوع المعزة و يمكن إدراجه كتوقيع عند مناقشة مشاكل بلدنا "علشان نجيب من الأخر " :D

و أعتقد إن الرد المناسب على الموضوع ده و 99.9999 % من غيره من المواضيع هو:

نخبط دماغنا في الحيطة اللي تعجبنا :? :tu: :devil:

[se_ Elsyed]

الشرف لنا يا أستاذ "رابسو " أنت اثبت فعلاً أنك من الشخصيات "النظيفة " فى المنتدى لكن أتمنى أنك تزود عدد مشاركاتك " الفعالة " " " لتزيل " أى شكوك فى أنك متفرج وبس ، وأنا ملاحظ انك من مدينه جده .. يا بختك تلاقيك " بتغسل " هموم ومشاكل الحياة اليومية فى بحرها الجميل ، أرجو انك " تنشر " سلامنا الى كل أصدقاءنا وأهلنا فى جده وقولهم اننا بيكم ومعاكم بتكون قلوبنا اكثر " بياضاً " :D

[Rabso]

هذا من "بياض" قلبك "الناصع" يا se_ Elsyed و أتمنى أن يمتد "حبل" الوداد بيننا.

و أتمنى أن "أضيف" إلى منتدانا الراقي ليكون كلامي "المنشور" ذو فائدة بإذن الله.

:inlove: :inlove: :inlove:

[Rabso]

و علشان ما أكونش السبب في تغيير "لون" التوبيك :wink: خد عندك المانشيت ده من جريدة الأخبار النهاردة:

http://www.elakhbar.org.eg/issues/15832/0901.html

برقية شكر من اتحاد الكرة لجمال وعلاء مبارك بعد استقبالهما لمنتخب الشباب

شكرا جمال وعلاء مبارك

وقام اتحاد الكرة امس بإرسال برقيتي تهنئة إلي جمال وعلاء مبارك بمناسبة حرصهما علي حضور استقبال الفريق البطل في مطار القاهرة لما يحمله هذا الحرص من معان كبيرة لاعطاء دفعة معنوية للشباب المتفوق وكذلك تقدير الرئيس والدولة كلها لكل عمل جيد وناجح.

:roll: :roll: :roll:

[Mohammad Abouzied]

ايه يعني حسني مبارك نفسه استقبل فريق المنتخب عند حصولة على بطولة افريقيا والحكاية ان الكرة لها سحرها داخل الشعب واي واحد عاوز شهرة كبيرة لا يلعب كورة ولا يعمل فريق كرة لا يدير اي فريق كورة او يشجع ويؤيد فريق كورة حاجة عادي جدا هي بلدنا كدا بتحب الكرة

حسني مبارك مستقبلشي احمد زويل ولا حضر اجتماع له مع بعض العملاء المصريين في العلوم لانه ملهوش شعبية ولو كان اسمه الكابتن احمد زويل شوف اد ايه كانت الدعاية عليه ومكانش يعرف يمشي في الشارع من كثرة المعجبين

ودي بلدنا الكرة والفن والفنانين هم على رأس الشعب وشعبنا بيحبهم واي واحد عاوز يمشي مصلحته يشوف لاعب كرة او مدير نادي يخلص له مصلحته

انا اليوم سمعة في قناة دريم ان اسرائيل بتستورد العلماء الذرة بتوع روسيا ومصر بتستورد راقصات من روسيا ايضا

كل بلد بتدور على الي عيزاه ودا مش بأمر الحكومة دا اتجاه عام في البلد

عادي جدا ويعني ايه اننا نهدي الكأس للزعيم

انا عندي دولاب شوفنيرة مليان كاسات وتربت وحالها عدم ولكني ناوي اهديها للزعيم برضة ها يجرى ايه

المشكلة ياسادة الاعلام والاتجاه العام في مصر