الحملة القومية للتحدث بالعربية (نعم للعربية ونوووووو للانكليزية ....)

[badroora]

تعليم اللغة العربية

هيا بنا نتحد سويا لإجادة اللغة العربية

ارجو المساهمة من الجميع

الكل يساهم باللى يعرفه

نحو اعراب مفردات كلمات اى حاجة المهم نستفيد

وانا هبدأ ببعمل الحملة القوية للتحدث بالعربية

وهاعد لها اعداد جيد حتى نتقنها اتقان صحيح

يلا ادينا فى ايد بعض لمستقبل افضل !!

واتمنى من الجميع المشاركة

اللى بيحب بلده ولغته يشترك

انا هبدا الان باولى الدروس وافتتاح الحملة

والله المستعان

اكتبوا ما سبق 9 مرات والمرة القادمة سوف يتم جمع و تصحيح الكراسات .

مع تحيات ,,,

الحملة القومية للتحدث بالعربية

محاورات العطاء

نجفة

تم تعديل 25 أكتوبر 2007 بواسطة Badria Mekkawy

[miramar]

انت بتتكلمي جد يا نجوفتي عايزانا نحل الواجب ده

انا عندي درس حلو

الحروف القمرية و الشمسية و على فكرة سهل قوي

الحروف العربية زي ما احنا عارفين 28 حرف

قسمت من حيث اضافة ال التعريف لقسمين

حروف شمسية و حروف قمرية

الحروف الشمسية لا تنطق فيها لام التعريف والحرف الذي بعدها يكون مشدّداً

و سميت كذلك لأن كلمة الشمس نفسها لا تنطق فيها لام التعريف

و هي 14 حرف :

1 ت - التّاجر .

2 ث - الثّائر .

3 د - الدّينار .

4 ذ - الذّكر .

5 ر - الرّحمة .

6 ز - الزّجاجة .

7 س - السّماء .

8 ش -لشّمس .

9 ص - الصّبر .

10 ض - الضّبع .

11 ط - الطّبيب .

12 ظ - الظُّلْم .

13 ل - اللّيل .

14 ن - النّور .

الحروف القمرية تنطق فيها لام التعريف والحرف الذي بعدها يكون غير مشدّد

و سميت كذلك لأن كلمة القمر تنطق فيها اللام

و هي 14 حرف:

1 أ - الألف .

2 ب - البرق .

3 ج - الجَمَل .

4 ح - الحُب .

5 خ - الخليل .

6 ع - العِلْم .

7 غ - الغُلام .

8 ف - الفرس .

9 ق - القوّة .

10 ك - الكلمة .

11 م - الموت .

12 و - الورق .

13 هـ - الهِداية .

14 ي - اليوم .

والسلام عليكم ورحمة الله وبركاته

يلا يا تلميذ انت و هو كل واحد يطلع الفيسيتا ورانا اكل عيش

ابلة مرمر

تم تعديل 25 أكتوبر 2007 بواسطة miramar

[فولان بن علان]

ماشي يا بدرية (نجفة سابقا )

أنا تسرقي مني فكرة الحملة

وكمان تعمليها موضوع خفيف

لن أنسى لك هذا الموقف

أجيبي على هذه الأسئلة

متى تكتب الهمزة على الياء وعلى الواو وعلى الألف وعلى السطر

وما الفرق بين كتابة الهمزة المتوسطة والهمزة المتطرفة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

جاوبي يا حملة قومية

[badroora]

هلا والله بعضو مجمع اللغة العربية وصاحب فكرة الحملة ومسئولها الاول .

ماشي يا بدرية (نجفة سابقا )

أنا تسرقي مني فكرة الحملة

وكمان تعمليها موضوع خفيف

لن أنسى لك هذا الموقف

لا والله :oops: مش حضرتك قولت عاوزين نعمل حملة طيب مش عوزين دى جمع مؤنث سالم يعنى محتاج فريق لاعداد الحملة وانا اللى عملته انى افتتحتها فقط وحضرتك طبعا رئيس الحملة .

انا مجرد همزة وصل مش اكتر :phar:

.

ويلا شد حيلك معانا الطريق طويل .

وكمان انا حملتى لا للامية وحملة حضرتك نعم للعربية يبقي احنا الاتنين بنكمل بعض انا باسس من تحت وحضرتك بتظبط من فوق يعنى انت مسئول التثقيف .

أجيبي على هذه الأسئلة

متى تكتب الهمزة على الياء وعلى الواو وعلى الألف وعلى السطر

وما الفرق بين كتابة الهمزة المتوسطة والهمزة المتطرفة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

جاوبي يا حملة قومية

بسم الله الحمن الرحيم

استعنى ع الشقي بالله

الهمزة على السطر : زى مثلا كلك زوء

الهمزة على الواو : بؤ نضعها فى جملة مفيدة لو سمحت يا مريض افتح بوؤك لتبلع الدواء

الهمزة على الالف : بأف

الهمزة على الياء : قيء نضعها فى جملة المريض يتقيء

الهمزة المتوسطة :

بسم الله الحمن الرحيم

دى همزة من عائلة متوسطة

عائلة كادحة ولا تملك قوت يومها .

الهمزة المتطرفة

كانت الهمزة المتوسطة وتطرفت لانها من اسرة فقيرة ومتوسطة ومن سوء حالتها تطرفت

.

وانا من هنا اناشد السادة الاعضاء بالتبرع للهمزة

وانا وصلة الهمز بينكم وبينها يعنى انا اللى هالم التبرعات

,,,,,,,,,,,,,,,,,,,,,,,,,,,,,,,,,,,

الهمزة الابتدائية

إذاوقعت الهمزة في أول الكلمة ،تكتب بصورة الألف مهما كانت حركتها أو طبيعتها نحو " أخذ ،أمير ، أُخذ ولاتتغير كتابة الهمزة في

أول الكلمة إذا دخلت عليها السين أو الفاء أو الياء أو الكاف أو اللام أو الواو أو ال التعريف نحو يأكل سأسعى ، فأقدم ،كأنك ....

وشذت للشهرة كتابة " لئن ، لئلا ،هؤلاء ،حينئذ آنئذ ،ساعتئذ

ملاحظات 1- تكتب الهمزة فوق الألف إذا كانت مضمومة أو مفتوحة وتكتب تحت الألف إن كانت مكسورة نحو " أُم ، أَب ، إِنّ "

2- إذا ا وقع بعد الهمزة المضمومة التي في أول الكلمة همزة ساكنة أبدلت الهمزة الساكنة واوا نحو أوثر أصلها أُأْ ثر "

3- إذا وقع بعد الهمزة المفتوحة في أول الكلمة همزة ساكنة ،تبدل الهمزة الساكنة مدة نحو :"آمر " أصلها "أأمر "

4- إذا وقع بعد الهمزة المكسورة التي في أول الكلام همزة ساكنة تبدل الهمزة الساكنة ياء نحو " إيت " أصلها "إئت "

5- إذا اتصلت همزة الاستفهام بألف الوصل حذفنا ألف الوصل اكتفاء بألف الاستفهام فتقول "أسمك خالد ؟ أي "أَإِسمك خالد ؟

الهمزة المتوسطة

إن مبحث الهمزة المتوسطة يعتريه كثير من الاضطراب لكثرة الآراء فيه وتضاربها وهذه قواعد كتابة الهمزة المتوسطة

1- إذا توسطت الهمزة يقارن بين حركتها وحركة ماقبلها فتكتب بحسب الحركة الأقوى وقد رتبت قوة الحركات كالتالي

1-الكسرة 2-الضمة

3-الفتحة 4-السكون

نحو (سَئِم ، بَئْر ، سُئَل مُؤن ، َرأْس ) وقد شذت عن هذه القاعدة في موضعين تكتب فيهما منفردة على السطر

الأولى : وقوعها مفتوحة بعد ألف ساكنة نحو " قراءة ، قراءات تساءل "

الثانية : وقوعها مفتوحة أو مضمومة بعد واو ساكنة أو مضمومة مشددة نحو "مروءتك ، تبوّءك "

أما الهمزة الواقعة بين ألف وضمير فتكتب على الواو إن كانت مضمومة نحو "رداؤه جميل "

وعلى الياء إن كانت مكسورة نحو " ردائي جميل " ومنفردة على السطر إذا كانت مفتوحة نحو "شاهدت رداءه "

2- إذا سبقت الهمزة المتوسطة بياء ساكنة تعتبر بقوة الكسرة فتكتب الهمزة على الياء نحو " هيئة ، مشيئة ، بيئة "

3- إذا سبقت ألف الهمزة ألف المد تقلب الهمزة مدّة نحو "الشآم ، القرآن ، المرآة "

الهمزة المتطرفة

تكتب الهمزة المتطرفة على حرف يناسب حركة الحرف الذي قبلها أي أنها تكتب

1- على الواو إذا سبقها حرف متحرك بالضم نحو " اللؤلؤ ، وضؤ ، "

2- على الألف إذا سبقها حرف متحرك بالفتح نخو " ملأ ، ملجأ ، مبدأ، قرأ"

3- على صورة الياء إذا سبقها حرف متحرك بالكسر نخو " برئ ، مبادئ ، قارئ ، "

4- على السطر "أي منفردة " إذا سبقها حرف ساكن نحو " عبء ، شيء ، دفء ، سماء ، المرء"

ملحوظة

1- إذا كان بعد الهمزة المتطرفة غير المنفردة ضمير لايطرأ عليها أي تغيير نحو " تقرإين ، قرأوا ، يقرآن ، مبدإي " ومنهم من يعتبر أن الهمزة

المتطرفة تصبح همزة متوسطة إذا لحق الكلمة مايتصل بها رسما كالضمائر فيكتبها بحسب قواعد الهمزة المتوسطة نحو يقرؤون ، تقرئين "

وعلى هذه القواعد فإننا نكتب " لم يسئ " لم يخطئ " أخطأ "

تم الاستعانة بها من احدى الواقع نظرا لاهمية وجدية الحملة

نجفة مساعدة اول

لعضو مجمع اللغة

ومعدة لحملة اتعلم اتنور

ونحو الامية

محاورات العطاء

نجفة

[ابو محمود]

بما أن الكلام عن اللغة وايضآ العربية

انا كنت بدافع عنها فى موضوع اننا بنكتب بلغة غيرها فى نفس الباب وكان يوم اغبر

ياست نجفة اقصد بدرية ومن يومها اظاهر انى تحمست ذيادة وقلت عن ما يحاك لثقافتنا ولغتنا وهات يا انذارات من الأدارة وبعدين مراجعة ردودوبعدين اظاهر دة أخر مرة هكتب فيها ورغم ذلك انا مش هيأس وبردة هدافع عن لغتى التى اصبحت فى ألسن ناطقيها ركيكة وبعدين ياستى لوالناس عايزا تتعلم عربى بجد أن كانو ثقافتهم الأسلام يقرأو قرأن وأن كانو غير مسلمين يبقى يدرسوبقى فى الفصل بتاعك وربنا يجزيكى بكل خير علشانانتى هتتعبى قوى لأن الظاهر اليومين دول محدش عايز حتى يتكلم عربى وعلى العمومانتى شاطرة قوى لأن المواضيع دى بيكون فيها وجهات نظر كتير بين مؤيد ومعارض يعنى عتلاقى ناس كتير ممكن ترد وممكن تقرأ الموضوع ودى بقى انتى ورزقق على العموم انا ممكن اصحح الكراسات معاكى دة لو كان هناك مرتب علشان انا هدخل بعد كدة على حساب اى حد لانى حاسس ان المداخلة دى هتتشطب لية معرفش ؟

[زهرة الجبل]

ماشاء الله ...إيه النشاط ده كله؟

الموضوع جميل جداً جدً و مفيد جداً

بس تعرفي يا نجوفه أحلى حاجه عجبتني فيه إيه.؟

العنوان!!!

ضحكتيني والله لأن الموضوع يعتبر حمله لإنصاف اللغه العربيه ومع ذلك كاتبه ونووو للإنجيزيه

طيب ممكن سؤال يا أبله ؟؟((( رافعه صباعي ومستنيه الإذن)))

والله جد السؤال ده مش بهذر كان عندي في امتحان سنه تانيه ثانوي

كان بيقول ما معنى حتى؟؟

والله مش من المسرحيه ... ده من واقع ورقة الأسئله سنتها

يلا منتظره الإجابه

[الطيار المصرى]

كالعادة طبعا نورنتا تطلع بفكرة من افكارها النيرة....تسلملنا دماغك يا بدرية....

درس اللام الشمسية و اللام القمرية حلو أوي...

و ممكن اضيف عليه ان الحروف القمرية ممكن تجمع في جملة واحدة لتسهيل حفظها و هي:

ابغي حجك و خف عقيمه...

و درس الهمزات ده متميز جدا جدا جدا...

الدرس بتاعي بقي...

أكلت السمكة حتي رأسها....(الله يرحم صلاح ذو الفقار)

لكلمة رأسها ثلاث حالات من الاعراب...

اذكرها مع بيان حالة حتي في الثلاث حالات

الاجابة في دقيقة و نصف :oops:

ورونا الهمة....

تحياتي...

الطيار المصري

تم تعديل 25 أكتوبر 2007 بواسطة الطيار المصرى

[Alshiekh]

موضوع شيق ، ولكن يبدو ان المواضيع القديمة تتوارى خلف رفوف الارشيف

اليكم موضوع كامل عن قواعد اللغة العربية موجود هنا بموقعنا ( محاورات المصريين )

لغتنا العربية يسرا لاعسر إسأل ونحن نجيبك

[miramar]

ماشاء الله ...إيه النشاط ده كله؟

الموضوع جميل جداً جدً و مفيد جداً

بس تعرفي يا نجوفه أحلى حاجه عجبتني فيه إيه.؟

العنوان!!!

ضحكتيني والله لأن الموضوع يعتبر حمله لإنصاف اللغه العربيه ومع ذلك كاتبه ونووو للإنجيزيه

طيب ممكن سؤال يا أبله ؟؟((( رافعه صباعي ومستنيه الإذن)))

والله جد السؤال ده مش بهذر كان عندي في امتحان سنه تانيه ثانوي

كان بيقول ما معنى حتى؟؟

والله مش من المسرحيه ... ده من واقع ورقة الأسئله سنتها

يلا منتظره الإجابه

شوفي يا زهورة احنا في 3ثانوي بيدرسونا معاني حروف الجر و حتى واحدة منهم

حتى حرف جر مبني على السكون لا محل له من الاعراب يفيد الانتهاء

و بس شكرا

مرمر

[badroora]

هلا والله بالطلبة النشيطين

.

بجد سعيدة جدا بتجاوبكم معى بجد هى دية الوطنية وفعلا اليوم حسستونى اننا بنسعى من اجل هندى ايه لمصر مش هناخد ايه من مصر

زهرة الجيل الشاعرة المثقفة عاوزة اقولك انك ماشاء الله لغتك العربية كويسة اوى ودخولك الموضوع اتعلم اتنور هيفدنا كتير لانى اعتبرك

مُعلمة لنا فى هذا

الفصل الالكترونى . :oops:

الطيار المصري الذكى

الفكرة دى مش بتاعتى دى فكرة الدكتور فولان بن علان هو قال فى احدى المواضيع او بالتحديد اللغة العربية سبب تخلفنا

اننا يجب ان نعمل حملة لتحسين اللغة العربية .

يعنى حقوق الفكرة محفوظه لدكتور فولان بن علان :phar:

حل الاسئلة

بسم الله الرحمن الرحيم

سؤال مدام زهرة جاوبت علية الابنة المتعلمة المتنورة ماريمار

سؤال العزيز الغالى الطيار المصري

اكلت السمكة حتى راسها

1ـ أكلت السمكة حتى رأسُها .

أكلت : فعل ماض مبني على السكون لإتصاله بتاء الفاعل و التاء ضمير مبني على الضم في محل رفع فاعل .

السمكة : مفعول به منصوب و علامة نصبه الفتحة الظاهرة على آخره .

حتى : حرف استئناف .

رأسُها : بالرفع مبتدأ مرفوع و علامة رفعه الضمة و هو مضاف و الهاء مضاف إليه .

و الخبر محذوف و التقدير ( حتى رأسها مأكول ) إذ أردت الخبر مفرد .

( حتى رأسها أكلت ) إذ أردت الخبر جملة فعلية .

بمعنى : أكلت السمكة ، حتى رأسها مأكول

2 ـ أكلت السمكة حتى رأسَها .

أكلت السمكة ( نفس الإعراب الأول ) .

حتى : حرف عطف .

رأسَها : بالنصب اسم منصوب ( معطوف ) على السمكة .

بمعنى : أكلتُ السمكة و رأسها

3 ـ أكلت السمكة حتى رأسِها .

أكلت السمكة ( نفس الإعراب الأول ) .

حتى : حرف جر يفيد إنتهاء الغاية .

رأسِها : بالجر اسم مجرور و علامة جره الكسرة الظاهرة تحت آخره و هو مضاف و الهاء مضاف إليه.

بمعنى: أكلت السمكة إلى رأسها والرأس لم يؤكل .

منقولة من احدى مواقع النحو .

الاخ العزيز محمد

شكرا لاضافة موضوع قواعد اللغة العربية .

اجمل حاجة فى الموضوع دا بجد انى بتعلم منه مش باقول كدا عشان موضوعى لا خالص الموضوع دلوقتى بقي ملك للجميع ولكنى الجميل

ان اسئلتكم بتخلينى ابحث عليها فى جوجل ووانا باقرا ابدا افتكر الحاجات اللى كنت نسياها وباحس انى بجدد معلوماتى تانى .

ونفس الحماس اللى عندى لتعلم الانجليزية حسه انه بقي ليه منافس تانى وهو اكثر حماسا انى اتعلم اللغة العربية وافتكر النحو والقواعد المعقدة .

.شكرا لكل من ساهم فى الحملة القومية

وكل اللى عنده معلومة يا ريت لا يبخل علينا بها .

شعار الحملة الجديد

لا بـــــــــــارك الله فــى كــــاتـــــــم العـــــــلم

محاورات العطاء

الحملة القومية

نجفة

تم تعديل 26 أكتوبر 2007 بواسطة Badria Mekkawy

[Diab]

طب بالمناسبة في بيت شعر شهير لو جدعان تقولوا معناه ايه

ألم ألم ألم ألم بدائه إن آن آن أني لي بدوائه

من غير تشكيل

[miramar]

ايه يا دياب ده الواحد بدأ يكره العربي

ربنا يستر

مرمر

[semsema]

ايه يا دياب ده الواحد بدأ يكره العربي

ربنا يستر

بدأ؟؟؟؟؟؟؟ :flr1:

صباح الخير :WelEgTks:

انا كرهت العربي من اول ماعرفت حاجه اسمها اعراب ونحو وبلاغه ونقد B)

[badroora]

سي الإ ستاذ دياب عندنا فى الفصل يا مرحبا يا مرحبا

ايه يا بنات معقولة اول موجهه يدخل الفصل ويسال سؤال فى منتهى السهولة تقوموا متجاوبوش او تبدؤ تكرهوا اللغة لا ما يصير

ماريمار انتى شطورة وفين باقي الدروس انتى وقفتى عن اللام ليه ؟ كملى خلينا نستفيد .

سمسمة فين همتك معانا ترى انتوا لسه ظازة اى معلومة تخدوها فى المدرسة لازم حتماً تنقولهلنا هنا ماشي يلا ورونى الهمه.

نرجع سؤال الإستاذ دياب

ألم ألم ألم ألم بدائه إن آن آن أني لي بدوائ

آلم أُلم ألمً ألم بدائه أن آن أن لى بدوايء

الترجمة

جه الطبيب عندى اشكيله كل ماقوله ازاى الحال يخبي دمعوه فى منديله B)

هنا الشاعر اخوانى يتحدث عن عدم المامة بسبب الداء ودائه هنا معناها مرضة

فحين ان ان لها بداويء يعنى

انه وصفوله الدواء وهما مش عارفين مرضه

وهنا تظهر عبقرية الاطباء وصفوا الدواء وهما مش عارفين الداء

:WelEgTks: وعلى راى قول الشاعر

"يا طبيب معايا الم ساكن فى صميم قلبي خايف اقول اه لكن الرب اعلم بي جس الطبيب فى عضايا قولتله قلبي

قالى جروحك بليغة يا حبيب قلبي " :flr1: .

تم تعديل 27 أكتوبر 2007 بواسطة Badria Mekkawy

[badroora]

حُذفت للتكرار !!

تم تعديل 27 أكتوبر 2007 بواسطة Badria Mekkawy

[أبو محمد]

بما أن الكلام عن اللغة وايضآ العربية

انا كنت بدافع عنها فى موضوع اننا بنكتب بلغة غيرها فى نفس الباب وكان يوم اغبر

ياست نجفة اقصد بدرية ومن يومها اظاهر انى تحمست ذيادة وقلت عن ما يحاك لثقافتنا ولغتنا وهات يا انذارات من الأدارة وبعدين مراجعة ردودوبعدين اظاهر دة أخر مرة هكتب فيها ورغم ذلك انا مش هيأس وبردة هدافع عن لغتى التى اصبحت فى ألسن ناطقيها ركيكة وبعدين ياستى لوالناس عايزا تتعلم عربى بجد أن كانو ثقافتهم الأسلام يقرأو قرأن وأن كانو غير مسلمين يبقى يدرسوبقى فى الفصل بتاعك وربنا يجزيكى بكل خير علشانانتى هتتعبى قوى لأن الظاهر اليومين دول محدش عايز حتى يتكلم عربى وعلى العمومانتى شاطرة قوى لأن المواضيع دى بيكون فيها وجهات نظر كتير بين مؤيد ومعارض يعنى عتلاقى ناس كتير ممكن ترد وممكن تقرأ الموضوع ودى بقى انتى ورزقق على العموم انا ممكن اصحح الكراسات معاكى دة لو كان هناك مرتب علشان انا هدخل بعد كدة على حساب اى حد لانى حاسس ان المداخلة دى هتتشطب لية معرفش ؟

الفاضل / محمود مصطفى

الكتابة بهذا "الفونت" الكبير توحى بأن الكاتب "يشخط" فى القارئ .. هذه مجرد ملحوظة ولا تعتقد أن وراء الأكمة ما وراءها .

أبلة بدرية

حضرة الناظر فولان بن علان

الفكرة جميلة .. والحملة مهمة ......

كثير منا كما تريان - وأنا أولهم - يحتاج إليها

موضوع شيق ، ولكن يبدو ان المواضيع القديمة تتوارى خلف رفوف الارشيف

اليكم موضوع كامل عن قواعد اللغة العربية موجود هنا بموقعنا ( محاورات المصريين )

أخى الفاضل Mohammad

شكرا على ملاحظاتك القيمة ، ولفت الأنظار إلى كنوز "المحاورات" ..

وحيث أن أبلة بدرية قد اختارت وضع موضوع هذه الحملة فى باب "موضوعات خفيفة" .. فسأنتظر "حتى" يتبين الهدف من وضعه فى هذا الباب .. فإن ظهر أنه امتداد للموضوع القديم فسأستميح إدارة "المدرصة" عذرا وأضم الموضوعين لعدم التكرار و "حتى" نلتزم بقواعد المشاركات ، "حتى" وإن كان فى ذلك بعض من الجهد

فأرجو - كخطوة أولى - الرجوع إلى الموضوع القيم فى النافذة التى وضعها الفاضل Mohammad لمراعاة عدم التكرار عملا بقواعد المشاركات التى نود من الجميع احترامها مثلما نود احترام قواعد اللغة العربية

[badroora]

أبو محمد عندنا يا مرحبا قيام يا ولاد

:waving:

المدرصة نورت يا فندم بقدوم سيادتكم الينا .

سوف اتكلم عن نيتى والله المستعان :unsure: بصراحة انا عملت الموضوع فى موضوعات خفيفة نظرا لانى غير مؤهله لعمله

كموضوع جاد واديره انا لان من وجهة نظري القادر على ادارة مناقشة او موضوع لابد له ان يكون لديه من العلم والثقافة

الكافية لادارة موضوع واضافة اضافات قد تكون مهمة لكى تخدم الموضوع والحملة نفسها .

ولو انى اعتقد ان عنوان الموضوع يُعكس محتواه :happy: انا بدأت الفكرة بصراحة كهزار لازلة التوتر نوعا ما فى المنطئه حول

اللغة العربية وقولت بطريقة بسيطة وسهله وخفيفة فى نفس الوقت ممكن نتعلم او انا اتعلم وبصراحة الشباب ماقصروا

.

وانا سُعدت جدا بالاضافة الثرية التى اضفها الاخ محمد . وانا ماكنت اعرف انه فيه موضوع عن قواعد اللغة الى هو لغتنا العربية لان كنت هاروح واتعلم منه .

وعدم معرفتى يرجع لعدم سعي وراء تعلم اللغة العربية ولكن حيث الان قد قررت تعلم لغتى العربية وقررت ان اكون ملمه بها

ففتحت موضوع بسيط ابدا من الاول لانى بصراحة نسيت كل شيء :blush2:

عموما اللى حضرتك شايفة صح اتفضل اعرضه على نناقشه وبعدين نفكر هنعمل ايه :WelEgTks: لموؤاخذه يعنى .

ولو انى بعد ما اطلعت على موضوع لُغتنا العربية اشعر لو موضو عى انضم الى تلك الموضوع هيبقي اكبر كارثة فى عصر

اللغة العربية وعار على اللغة بالظبط كانك جبت القلعة جنب البحر وفى النهاية القضية ماثله امام سيدتكم ولكم حرية القرار .

اخى العزيز محمود مصطفي .

ان تعلم اخى مدى احترامى وتقديري لحضرتك لذا اتمنى ان تعود الينا وان تتعدى كل هذه الصعوبات .

نحن هنا اخوة مهما نختلف فى الاراء ولكن لا نختلف على احترام كلا منا للاخر

.

فانت اخ عزيز ولك احترامك وتقديرك ومدرصتى فى حاجة اليك والى علمك لكى نستفيد من خبرات حضرتك

.

ويا ريت استاذ المدهش كمان يشرفنا فى المدرسة واهو كلنا نسترزق وناكل عيش :flr1:

فى انتظار مشاركتك التالية فى درس مفيد وعاوزة اقولك باركلى فصلت نظارة يعنى تقدر تصغر الفونت بتاع الخط B) كنت

عارفة انك بتكبره عشان نظرى كان قاصر حبتين لكن الحمدلله فصلت النظارة وكله فى التمام يعنى معاك لحد فونت رقم اتنين

هاقدر اشوف كويس . :happy:

والسلام عليكم ورحمة الله وبركاته

تم تعديل 28 أكتوبر 2007 بواسطة Badria Mekkawy

[أبو محمد]

أبلة بدرية .. (مش حقول Miss بدرية أحسن نلاقى أخونا محمود داخل علينا بفونت 18 :flr1: )

نخللى بقى موضوعك الخفيف اللطيف زى ما هو (خفيفا لطيفا) ..

ولنرفع الموضوع القديم لمن يريد الاستزادة من تعلم اللغة العربية ..

وها قد رفع الأخ الفاضل Mohammad الموضوع القديم فلا عذر ولا اعتذار .. فلنتعامل فيه بما يستحقه من التوقير

وتقبلى شكرى (مين شكرى ده :WelEgTks: )

[miramar]

احم احم

يلا يا طلبة و طالبات كل واحد يعقد على الديسك بتاعه عشان نبدأ الدرس التاني

معاني حروف الجر

من

1- للابتداء (سواء المكان او الزمان)

قال تعالى ( سبحان الذي اسرى بعبده ليلا من المسجد الحرام إلى المسجد الاقصى) الاسراء :1

2- للتبعيض (اي اخذ بعض من كل)

قال تعالى ( لن تنالوا البر حتى تنفقوا مما تحبون)آل عمران :92

3-سببية

(فما بال من اسعى لأجبر عظمه حفاظا, و يسعى من سفاهته قتلي)

--------------------

إلى

1- انتهاء الغاية في الزمان

قال تعالى (ثم أتموا الصيام إلى الليل ) البقرة :187

2- انتهاء الغاية في المكان

(سرت من القاهرة إلى الاسكندرية )

------------------

عن

1- المجاوزة (أي تجاوز الشيء)

سافرت عن البلد

2- البعدية (ابتعاد شيء عن شيء)

قال تعالى ( لتركبن طبقا عن طبق ) الانشقاق :19

---------------------

كفاية كدة النهاردة

نكمل الحصة الجاية

ابلة مرمر

تم تعديل 31 أكتوبر 2007 بواسطة miramar

[semsema]

احم احم

يلا يا طلبة و طالبات كل واحد يعقد على الديسك بتاعه عشان نبدأ الدرس التاني

معاني حروف الجر

من

1- للابتداء (سواء المكان او الزمان)

قال تعالى ( سبحان الذي اسرى بعبده ليلا من المسجد الحرام إلى المسجد الاقصى) الاسراء :1

2- للتبعيض (اي اخذ بعض من كل)

قال تعالى ( لن تنالوا البر حتى تنفقوا مما تحبون)آل عمران :92

3-سببية

(فما بال من اسعى لأجبر عظمه حفاظا, و يسعى من سفاهته قتلي)

--------------------

إلى

1- انتهاء الغاية في الزمان

قال تعالى (ثم أتموا الصيام إلى الليل ) البقرة :187

2- انتهاء الغاية في المكان

(سرت من القاهرة إلى الاسكندرية )

------------------

عن

1- المجاوزة (أي تجاوز الشيء)

سافرت عن البلد

2- البعدية (ابتعاد شيء عن شيء)

قال تعالى ( لتركبن طبقا عن طبق ) الانشقاق :19

---------------------

كفاية كدة النهاردة

نكمل الحصة الجاية

ابلة مرمر

انا قرأت الكلام دا فين قبل كدا ياربي؟؟؟؟؟ wst::

<_<