هوا حد شاف محاكمة تامر حسنى

[م.سامح المصرى]

السلام عليكم ورحمة الله وبركاتة

أنا طرحت الموضوع دا علشان لسة شايف المحاكمة بتاعتة اول امبارح بالصدفة عند

واحد صاحبى هوا انا ولا انا بهتم بالحاجات دى ولا بتعنيلي شئ وبالزات الشخصية دى

بس بجد انا استعجبت لحاجات كتيرة المهم يعنى

انا اساسا ابل ما اشوف المحاكمة كنت بفتكر ان القاضى بقي هزقة وعتب علية انه زور شهادة علشان ما يخشش الجيش

بس لقيت لقيت ان العم القاضى بعد الحكم وام دولت بيقولة الى افتكرة يعنى انة حرصا على مستقبلة حكم علية الحكم دا

المهم قول ما اطولش عليكم ولا اطول

راح يحكم علية بسنة مع الشغل مع ايقاف التنفيذ

سنة واحدة ومع ايقاف التنفيذ علشان زور شهادة ما تدخلهوش الجيش علشان ما يخدمش وطنة

والعم القاضى بيقول الحكم حكمت المحكمة حضوريا بالسجن لمدة سنة مع الشغل لتامر حسنى عباس مش عارف اية

كدا تانى

لقيت واحدة عمالة تسرخ وتقول لاء لاء لاء حرااااااااااااااااااااام

انا قولت اكيد اختة ولا حاجة

المهم طلعت فنانة علشان كانوا كاتبين على جنب من الشاشة الفنانة زينه على ما افتكر بس دى باين ما شفتلهاش

اعلان بس انا اساسا مش متابع جيد للتلفزيون

المهم يعنى

كمل بقيت الحكم قال حرصا على مستقبلك وانتا شاب فى بداية عمرك وكلام تانى كدة

لقيت ان القاضى حنين اوى وحسيت ان القاضى كان هايقوم يخدة بالحضن ويقولة صورة للأولاد بقى

بس السؤال الى محيرنى

هل تامر حسنى دا لو كان واقف مكانة واحد عادى من الشعب كان هايبقي الحكم عامل ازاى ؟

هل كان هايبقى سنة ما ايقاف التنفيذ علشان الواد ميضعش مستقبلة وهوا لسة فى بداية حياتة

ولا كان هايبقي كذا سنة خدوة دا مزور ونصاب وبيتهرب من حقوق بلدة علية وما يبصش حتى لمستقبلة بس ممكن الولد العادى الى من الشعب لية عذر

يمكن عندة ظروف اهم يعنى ممكن يكون اكبر اخواتة وعايز يصرف عليهم علشان كدة زور

انما دا زور لية علشان يعمل فيلم جديد

او فيديو كليب

بجد بجد حاجة تكسف

[Lembic]

السلام عليكم ورحمة الله وبركاتة

بس السؤال الى محيرنى

هل تامر حسنى دا لو كان واقف مكانة واحد عادى من الشعب كان هايبقي الحكم عامل ازاى ؟

هل كان هايبقى سنة ما ايقاف التنفيذ علشان الواد ميضعش مستقبلة وهوا لسة فى بداية حياتة

لو كان واحد عادى كان القاضى تف عليه وقاله يا مجرم فين حق الوطن اللى أكلك وشربك وعلمك وخلاك بنى أدم - روح الاهى تنطس فى عنيك يا ناكر جميل الوطن مش لو كنت طلعت مغنى ولاطبال تخدم بلدك وتهز وسط ولادها وبناتها كان أشرف لك يا ناكر المعروف؟

[م.سامح المصرى]

ههههههههههههههههههههههههههههههههههههههه

والله بجد حلوة يا Lembic

لو كان بقي زى ما انتا قولت ساعتها كان طلعة براءة وقالة صورة للأولاد

[mohamed_mido87]

ده لو كان شاب عادى ومكان تامر كان انطس حكم محترم

و ممكن القاضى يكون معجب ببراءه تامر و منظره المبهر

او يكون كان نفسه فى يوم من الايام يكون زيه

بلد عجيبه وبتاعت فنانين صحيح

احلى سلام

[badroora]

اصل تامر حسنى يعتبر ثورة قومية وووجهة اعلامية .

محمد ميدوا

حمدالله على السلامة

وعمره مقبوله

وكل سنه وانت طيب برمضان والعيد

ويا رب تكون بخير وترجع تانى تبقي وسطنا زى زمان بجد افتقد خفة ظلك ونشاطك المتميز .

اختك

نجفة

[م.سامح المصرى]

صح بجد يا محمد يا ميدو

بلد بتاعت فنانيين صحيح

وهوا فعلا ثروة قومية يا اخت نجفة

ثروة نصابة بعيد عنك

[م.سامح المصرى]

اة نسيت يا اخ محمد

هوا انتا كنت بتعمل عمره

عمره مقبولة بأمر الله

وحمد لله على السلامة نورتو موضوعى والله

[امانى]

طبعا ده كان لازم يحصل هو ده العدل بعينه 0 معقول يحكموا على الفنان المحبوب زو الشهرة فى الوسط الفنى

أمال الغلابه يروحو فين 0 ميلقوش حته يقعدوا فيها 0

لو كان شخص عادى كانو مرمطوا بكرامته الارض ولففوه جميع الأقسام ومش بعيد يطلع فى الأخر بتهمة ارهابى

فليحيا القضاء العادل

أمانى

[م.سامح المصرى]

فعلا يا أخت امانى زىما حضرتك بتقولى كدة

تعرف الواقعة دا بتفكرنى بأية

تسمعى انتى عن ايام زمان الكفار

لما كان بيسرق فيهم الغنى تركوة ولما كان بيسرق فيهم الفقير أقامو علية الحد

اية بقى الفرق

يعتبر ما فيش فرق

والسلام ختام

[الطيار المصرى]

طبعا الفنان المبدع تامر حسني....الحلم المصري الذي قرر ان يمشي علي القدمين ليهدي البشرية من قطوف فنه....

و راح عمل أغاني دينية تكفيرا عن ذنبه نحو وطنه....و الحمد لله الوطن سامحه....اصل الوطن كريم أوي علي ابنائه المزيفين و المرتشين....لكن اللي طالع عينهم لازم يتحاسبوا و يضربوا بالجزمة....و حسبنا الله و نعم الوكيل...

و انا بمعرفتي الضئيلة في القانون....اعرف ان التزوير ده تهمة مخلة بالشرف....لو ثبتت تمنع المتهم من العمل في اي مصلحة حكومية...لكن الفنان تامر فوق القانون....لأنه ملمع اسم مصر جوة و برة....

تحياتي...

الطيار المصري

[تيتو]

السلام عليكم ورحمة الله وبركاتة

سنة واحدة ومع ايقاف التنفيذ علشان زور شهادة ما تدخلهوش الجيش علشان ما يخدمش وطنة

بجد بجد حاجة تكسف

وعشان كده القوات المسلحة بتجيبة فى الاحتفال بتاعها عشان يغنى قدام الريس

ده ثروة قومية

[م.سامح المصرى]

كلامك صح يا طيار ملمع مصر اوى

دى حتى الاغانى الدينية مدخل فيها موسيقي

والرسول علية الصلاة والسلام كان لما بيعدى جنب عرس (فرح) كان بيسد أذنية بأصابعة حتى لا يستمع إلى صوت الموسيقي

وتقولى اغانى دينية طب انا هاطلب منك طلب تحكم بين صوتة وصوت أحمد بو خاطر

خش على اسلام واى واسمع نشيد لاحمد بوخاطر هاتلاقى صوتة بسم الله جميل جدا ومن غير موسيقي انما المغنيين أعوذو بالله

بيبقى الميكروفون هاينفجر بس الى مدارى صوتهم الموسيقي

تفتكتر يا أخ تيتو انهم ادولة براءة علشان كدة ما يدفعوش يعنى حق الحفلة

بلد بتاعت مصالح صحيح

[م.سامح المصرى]

كلامك صح يا طيار ملمع مصر اوى

دى حتى الاغانى الدينية مدخل فيها موسيقي

والرسول علية الصلاة والسلام كان لما بيعدى جنب عرس (فرح) كان بيسد أذنية بأصابعة حتى لا يستمع إلى صوت الموسيقي

وتقولى اغانى دينية طب انا هاطلب منك طلب تحكم بين صوتة وصوت أحمد بو خاطر

خش على اسلام واى واسمع نشيد لاحمد بوخاطر هاتلاقى صوتة بسم الله جميل جدا ومن غير موسيقي انما المغنيين أعوذو بالله

بيبقى الميكروفون هاينفجر بس الى مدارى صوتهم الموسيقي

تفتكتر يا أخ تيتو انهم ادولة براءة علشان كدة ما يدفعوش يعنى حق الحفلة

بلد بتاعت مصالح صحيح

[Lembic]

كلامك صح يا طيار ملمع مصر اوى

دى حتى الاغانى الدينية مدخل فيها موسيقي

والرسول علية الصلاة والسلام كان لما بيعدى جنب عرس (فرح) كان بيسد أذنية بأصابعة حتى لا يستمع إلى صوت الموسيقي

مش عارف ليه يا سولو القصة دى أنا شاكك فيها حبتين أقصد مين قال إن الرسول (ص) كان بيعمل كده؟ أكيد الرسول (ص) مكنش غاوى موسيقى عمال على بطال لكن مش لدرجة إنه يسد أذنيه وهو معدى على فرح!

[م.سامح المصرى]

السلام عليكم ورحمة الله وبركاتة

أخى العزيز اللمبك على مرورك الكريم على موضوع

هل تعتقد ان الرسول علية افضل الصلاة والسلام كان بيستم للموسيقي

إطلاقا الرسول صلى الله عليه وسلم ابل ما ينزل علية الوحى القصة دى مش بحكيها بحزافيرها بس الى افتكرو منها

لما كان طفل شاف عرس فية مغنى وموسيقي وحاجات من دى فحب انه يروح ويسمع المغنى ويتفرج على العرس وكدة

فوسط الطريق نام صحى بعد م العرس انتهى

وحصلت كذا مرة

ودى احاديث تدل على ذلك

{ ليكونن من أمتي قوم يستحلون الحر والحرير والخمر والمعازف } أخرجه البخاري وفي لفظ : { ليشربن ناس من أمتي الخمر يسمونها بغير اسمها يعزف على رءوسهم بالمعازف والمغنيات يخسف الله بهم الأرض ويجعل منهم القردة والخنازير ))

قال صلى الله عليه وسلم

لا يجتمع كلام الله ومزمار الشيطان فى قلب رجل واحد

بس يا رب اكون وفقت فى ايصال المعلومة

والسلام ختام

[Diab]

تامر حسني

كل مرة بشوفه فيها ببقي نفسي آااا

آ

آآ

[م.سامح المصرى]

يا هلا يا هلا باستاذ دياب الغالي

بس في اننا نعاكس بنات الناس كدة في المنتدي

ونقول ( تامر حسني

كل مرة بشوفه فيها ببقي نفسي آااا

آ

آآ )