ماهى اول قراراتك كرئيس الجمهورية؟

[ragab2]

أول قرار

هو فتح حساب جارى بمليار دولار وببصمة الصوت فى بنوك سويسرا

ثانى قرار

هو تصعيد ابنى حمادة لكى يخلفنى فى الحكم

لأن

المال والبنون زينة الحياة الدنيا

[mooh2005]

معلش يا اخ موه 

الحق احق ان يحق 

كلامك كله تماما ماعدا شيء واحد وهوا المجندات الامريكيات 

انا م اعرفش النظام دلوقتي ايه صراحة 

لكن ايام حرب الخليج انا كنت هناك 

وكانت المجندات بيمشوا في الشوارع عااااااادي ببنطلونات و بلوزات ومن غير عبايا ولا طرحه 

حقيقة انتى شفتى بعينك ولكن معلوماتى نابعة من خبر قرأته فى الانترنت ان الحكومة الامريكية طلبت من السعودية السماح للمجندات الامريكيات بالخروج بلبسهم العادى لان فيه مجندة امريكية اشتكت ذلك للحكومة الامريكية والخبر كان على الانترنت من شهر تقريبا وبحثت عنه ولكن لم اجد اللينك الخاص به

[mooh2005]

والان دعونا لا نخرج عن الموضوع لانه جيد وايه رأيكم بعد كل ما واحد طرح اول قراراته كرئيس للجمهورية فلنعتبر هذا برنامج عمل كل واحد ونختار من منا كانت قراراته جيده ويستحق ان يكون رئيس الجمهورية من وجهة نظرنا

وانا ارشح الاخ مسلم فخور

ويا ريت كل واحد ميرشحش نفسه.

[moody00x]

1-تعيين ألأستاذة الفاضلة الدكتورة شعنونة فى منصب وزيرة ألأقتصاد وأن يكون مقرها سوق العبور....

2-إغلاق حدود مصر من الجهات ألأصلية..وعدم السماح لأى فرد بالدخول أو الخروج إلا بتصريح من ألأستاذ طفشان الذى سيتولى وزارة خليك بالبيت

3-إنشاء وزارة مستحدثة لرفع الروح المعنوية والقضاء على ألأكتئاب العام والخاص وإشاعة روح المرح والسرور لكل أفراد الشعب ويتولى الوزارة ألأستاذ محبط

4-إنشاء وزارة ملحقة بالوزارة السابقة ويكون هدفها إنعاش الروح الوطنية والمزاجية والدماغية ويتولى الوزارة ألأستاذ حشيش

5-وزارة السكر والشاى والزيت والصابون يتولى الوزارة ألأستاذ الدكتور أبو حلاوة

6-وزارة المعارف وتربية النشء وتعليم الكراريس يتولى الوزارة ألأستاذ الدكتور تصحيح

-7 وزارة التخليع والقضاء على وجود الجنس الآرى الخشن وتتولى ألوزارة السيدة الفاضلة الدكتورة ست أمينة

8-وزارة المعونات والمنح الدائمة والمؤقتة ويتولى الوزارة السيد ألأستاذ متسائل

9-وزارة إستطلاع هلال رمضان والشهور العربية ويتولى الوزارة ألأستاذالدكتور رجب

10-وزارة المصريين أهمه 7000 سنة حضارة وتتولى الوزارة الدكتورة الفاضلة كليو

وجارى تشكيل باقى الوزارات....وعلى السادة والسيدات المذكور أسمائهم ألأستعداد لحلف اليمين قريبآ جدآ فى لاظوغلى أو أبو زعبل

[بنت شعنونة]

اجري يا واد يا رينجججججججووووووووووو

هاتلنا التل قواااااااااام

خليني اظبطلي قاعدا عليييييييييه

مادام ها ابقى وزيرة :wink:

يبقى لازم استعد بقىىىىىىى :oops: :D

[الطفشان]

اجري يا واد يا رينجججججججووووووووووو

 :oops:

رينجو اسم صبي المعلمة؟

على ايامي كان لما واحد يكون عنده كلب اليف يسميه رينجو

زي لاكي و كدا

[تصحيح]

أول قرار  

هو فتح حساب جارى بمليار دولار وببصمة الصوت فى بنوك سويسرا

ثانى قرار

هو تصعيد ابنى حمادة لكى يخلفنى فى الحكم

لأن  

المال والبنون زينة الحياة الدنيا

دي من زمان .. فكرتي يا أستاذ رجب

اولا

أجعل بنتي البكر ( علياء تصحيح ) أكبر رجل أعمال في مصر

ثانيا

أجعل الواد ( جميل تصحيح ) رئيس الحزب و بعدين رئيس البلد كلها

أنا عملي .. واقعي .. مش بتاع أحلام

فيه حد منكم حيقدر يقول .. لأ..

و السلامو عليكو ..

و برنامج العمل كالتالي

ثالثا : أغلاق المنتدي و التخلص من جميع المشاغبين بتوع الحرية و الديمقراطية

رابغا : الغاء الجيش و الدفاع و تحويل جميع العاملين للداخلية و الامن

خامسا : الغاء القضاء و المحاكم و تحويل جميع العاملين للداخليه و الامن

ملحوظة 1 : رابعا و خامسا قام بتنفيذهم زعيم دولة عربية عظمي و بلدهم كويسه خالص دلوقت

ملحوظة 2 : أليس لي ملك مصر .. أعمل اللي انا عاوزه .. و أنتم عليكم الطاعة المطلقة بدون تفكير ..

ملحوظة 3 : أنا وصلت للمنصب ده ضربة حظ .. حلم في الخيال .. يعني أنا مش مديون لحد بحاجة يبقي أعمل اللي أنا عوزه ..

لا فيه شعب انتخبني و لا تعبت في عمل برنامج يقنع الناخبين ..

و حسب ناموس الحياه عندنا أنا القانون و أنا الدولة .. و عقاب من يفتح حنكه جدع أنفه و قص أذنيه ثم حلق شعر رأسه ظلبته ..

يا استاذ رجب

انا و انت ممكن نتفق بالرغم من أطماعنا .. الدنيا مصالح

[الطفشان]

امنا قلت رايي الجاد في الموضوع قبل كدة

الان الى رأي اكثر سوداوية مشتق من رواية 1984 لجورج اورويل

- تلغى جميع الاحزاب

- اسمي سيكون "الاخ الاكبر"

- تتشكل الوزارات الاتية:

وزارة الحقيقة: و تعني بوضع الحقيقة المجردة امام الشعب، و مراجعة التاريخ و اعادة كتابته

وزارة الوفرة: و تعني بتوزيع التموين على الشعب

وزارة السلام: و تعني بالحروب القائمة مع باقي الدول في العالم

[Rabso]

1-5-وزارة السكر والشاى والزيت والصابون

أنا أعترض :? سيبولي الصابون :mad:

الأستاذ الدكتور رابسو

[AL-LABAN]

منع بيع السجائر تماما و منع كل الدخان و المعسل مما يسببه من ضرر في كل شيء

[maksoof]

آمر بحلة رز و فرخة بلدى و طشت ملوخية خضرة و بعدها صينية بقلاوة و أحبس بكباية شاى كشرى.

و بعدها حاتنحى (بصحيح مش زي عبد الناصر)

نفسي في أكل مصرى يا ناس

:( :( :(

مكسوف

[الطفشان]

خرمان اكل مصري قوي كدة؟

ليه؟

انت قاعد في الماو ماو؟

دة حتى بتاع تايلاند و اليابان مش خرمانين فوي كدة

[maksoof]

لو تسمحوا لى يا سادة (و يا سيدات و آنسات) إنى أرجع للموضوع ده تانى:

الآراء المذكورة عاليه كلها جميلة. فيه حاجات الأغلبية متفقين عليها و حاجات تانية عليها إختلاف. بس كلها ما زالت آراء فردية بتعكس رأى أو شعور شخص واحد (اللى كتبها).

هل ممكن نتفق على إن تالت حاجة لازم تتعمل هى إنتخابات حرة لمجلس الشعب بعد توعية الناس عشان يفهموا إن النواب مهمتهم الأولى إنهم يمثلوهم ؟

رابع حاجة تعيين رئيس حزب الأغلبية المنتخب رئيس الوزراء على إنه هو يعين الوزراء كلهم من أعضاء المجلس المنتخبين؟

خامس حاجة نسيب الناس المنتخبين يحددوا سياسة الدولة و القوانين بناء على توصيات من لجان متخصصة فى كل مجال؟

أول و تانى حاجة حانفرد بيهم لوحدى:

1. إطلاق سراح جميع المعتقلين السياسيين و جمعهم هم و كل من إعتقل لأسباب سياسية من سنة 52 (اللى لسة عايشين طبعا) في مؤتمر و تقديم إعتذار رسمى لهم من جهة الدولة و العمل على تعويضهم على حسب إمكانيات الدولة عن اللي حصل لهم. و بالنسبة للى ماتوا (سواء داخل أو خارج المعتقلات) التعويض يعطى لورثتهم و يكتب إسمهم فى لوحات شرف تكريما لوطنيتهم و تضحيتهم.

2. تحويل جميع المعتقلات إلي متاحف يتحط فيها لوحات الشرف و يتكتب علي أبوابها بالبنط العريض : لن نسمح بتكرار هذا أبدا

[واحد تاني]

شغلتني الفكرة دي ...

قلت ادور ...

لقيت الموضوع ده ...

ناس كتير قالت فيه كلام كويس...

وناس خرجت بره الموضوع ...

عموما ... للرفع

[hopsan]

جميل يا واحد تانى ...انت ارفع و انا اكتب ...و حخليك تندم على انك رفعت

فرمان نمره واحد اغلاق جميع المدارس حتى اشعار آخر ...يا إما فيه تعليم يا إما نقعد فى بيوتنا

فرمان نمره اتنين توحيد الزى الرسمى للبلد يعنى نعمل زى الصين سابقا و كوريا الشماليه حاليا و مادام إحنا مش عارفين نلبس و خصوصا البنات و اللى عاملينه يبقى زى محترم موحد

فرمان نمره تلاته الفلوس اللى بتندفع مخالفات مروريه و غرمات و خلافه كلها تبان فى الشارع يعنى كل قرش ينصرف على الشوارع و تنظيفها و تحديثها و الحكومه ماتخدش مليم احمر من الفلوس دى

فرمان نمره اربعه بلأمر كل عماره تنزل تكنس الشارع اللى فيه بما فيهم من رجال وستات و اطفال ..كله ينظف و اليوم اللى بعده العماره اللى جنبها

فرمان نمره خمسه اعدام كل سائقى الميكروباس و المنادين و كل من بيعمل ازعاج و تلوث سمعى و بصرى

و بكده حكون رئيس جمهوريه مرتاح البال و مش حعمل استفتاء او حتى انتخابات لأن مش حيكون فيه حد فايق يقولى كفايه و انا كمان حنسى

[مريوم المصرية]

) 

.

تم تعديل 28 يونيو 2006 بواسطة مريوم المصرية

[hopsan]

ستووووب لحد هنا ...مريوم المصريه عايزه تقول حاجه و مش عارفه توصل صوتها ...حد معاه سلكه يا جماعه علشان نوصلها بمريومه اصلها يا حرام من يوم ما عرفت انها حتنزل مصر و هى مش عارفه تتلم على نفسها

بليز ادوها فرصه ..يمكن يطلع منها كلام حلو ...يلا يا مريومه ..احنا مستنينك ....

[تصحيح]

اولا

أجعل بنتي البكر ( علياء تصحيح ) أكبر رجل أعمال في مصر

ثانيا

أجعل الواد ( جميل تصحيح ) رئيس الحزب و بعدين رئيس البلد كلها

أنا عملي .. واقعي .. مش بتاع أحلام

فيه حد منكم حيقدر يقول .. لأ..

و السلامو عليكو ..

انا عن نفسي ساصدر قرار واحد فقط عشان ارتاح من كلامكم :unsure:

تكليف اعضاء من المنتدي بتشكيل الحكومة ( اختاروا انتم )

تعيين باقي اعضاء المنتدي كاعضاء في مجلسي الشعب والشوري

ثالثا : أغلاق المنتدي و التخلص من جميع المشاغبين بتوع الحرية و الديمقراطية

رابغا : الغاء الجيش و الدفاع و تحويل جميع العاملين للداخلية و الامن

خامسا : الغاء القضاء و المحاكم و تحويل جميع العاملين للداخليه و الامن

ملحوظة 1 : رابعا و خامسا قام بتنفيذهم زعيم دولة عربية عظمي و بلدهم كويسه خالص دلوقت

ملحوظة 2 : أليس لي ملك مصر .. أعمل اللي انا عاوزه .. و أنتم عليكم الطاعة المطلقة بدون تفكير ..

ملحوظة 3 : أنا وصلت للمنصب ده ضربة حظ .. حلم في الخيال .. يعني أنا مش مديون لحد بحاجة يبقي أعمل اللي أنا عوزه .. لا فيه شعب انتخبني و لا تعبت في عمل برنامج يقنع الناخبين .. و حسب ناموس الحياه عندنا أنا القانون و أنا الدولة .. و عقاب من يفتح حنكه جدع أنفه و قص أذنيه ثم حلق شعر رأسه ظلبته ..

..

.

هذا الموضوع منشور منذ ما يقرب من أربع سنوات مضت

عدد كبير ممن اشترك في الكتابة بهذا الموضوع اختفوا بما فيهم أنا

لكن الثابت الاول أنه جاري توريث الحكم و لا توجد فرصة لوجود رئيس يختاره الشعب

و الثابت الثاني هو أن شعب مصر .... ما زال نائم .. رغم تزايد الاخطار حول عنقه

و تصبحوا علي خير ..رايح انام ثلاث اربع شهور و راجع لكم تاني

سلامو عليكو

[تصحيح]

تم الحذف بمعرفتي للتكرار

تصحيح

تم تعديل 5 سبتمبر 2006 بواسطة تصحيح