معلومات عن الطيران

[قاهرى]

مساء الخير عليكم جميع الاعضاء ....

حبيت افتح موضوع اظن انو يخص كل المغتربين وهو الطياران ...

اية رايكم نتكلم فى هذا الباب عن كل ما يخص السفر بالنسبة للمغتربين

سواء سفر جوى وافضل انواع شركات الطيران من كل بلد وعيوب كل نوع سواء من ناحية التكلفة او ناحية الترانزيت او الخدمة او النظافة بتاعة الطيارة ولو حد جرب نوع شركة طيران وعجبتوا اوى او معجبتوش من ناحية قيادة الطائرة او عيوبها يحكلنا عنها .. اظن فى ناس كتيرررررر ركبو مع اكتر من شركة طيران وعندهم معلومات حلوة فى المواضيع دى

ونتكلم بردوا عن السفر البرى اذا كان حد جربوا يتكلم عنو ويقول اية الصعب فية واية عيوب السفر وعدد مرات الراحة الى بتتعمل على الطريق والمدة الى الواحد بيستنا فيها لحد لما يجى علية الدور فى العبارة فى حالة اذا كان هيعدى على بحر يعنى

بيتهيالى ممكن يكون مرجع مفيد لكل المغتربين ., وممكن كمان نحط فية اوقات وعروض شركات الطيران لو حد عارف ان فى وقت معين فى السنة شركة معية بتعمل العرض دة من البلد دى

تحياتى للجميع

اخوكم قاهرى :rolleyes:

[قاهرى]

كونت عايز اكون انا اول رد او اول معلومة لكن للاسف انا معلوماتى اظن انها محدودة برغم وجودى خارج مصر لانى بقالى 3 سنين فى الامارات بس للاسف مجربتش اركب غير مع نوع شركة طيران وحدة بس وهى (مصر للطيران) انا من وجه نظرى هى اوكى بس مجربتش غيرها علشان اعرف اقارن بنها وبين نوع طيران تانى علشان كدة للاسف معلوماتى محدودة فى المجال دة

فى انتظار ردود الاعضاء الكرام :rolleyes:

[fighter001]

يا جماعة كنت عاوز استفسر عن افضل شركات الطيران للرياض واسعار التزاكر

[قاهرى]

اهلا بيك الحضرى ....

والله انا بيتهيالى ان افضل طيران فى السعودية عموما هو طيران السعودية (بيتهيالى) مش عارف صح ولا لا ... بس مش عارف الناس تقريبا معندهاش معلومات عن الطيران ولا اية الموضوع

مفيش ردود ليـــــــــــــــــــــــــــــــة .. انتو بتخدوها مشى لمصر ولا اية يا جماعة ؟؟؟؟؟؟؟؟؟؟؟

[afreet]

اخوانى الاعزاء

من اسوأ خطوط الطيران على الاطلاق التى استخدمتها هى مصر للطيران يليها السعودية وهذا من وجهة نظرى طبعا و ارى ان سبب سوء مصر للطيران يرجع الى الضيافة و عدم الكفاءه فى مكاتب الحجز و صالات السفر مقارنة بالشركات الاخرى

اما عن اسعار التذاكر فهى تتغير بتغير وقت السفر ووجود عروض وتخفيضات بالاسعار ويكون الاختلاف كبير جدا قد يصل الى 30% من السعر

[أبو مروان]

اخوانى ... السلام عليكم و رحمة الله

انا عن نفسى جربت شركتين هما "الاماراتية" ... ودى طبعا غنية عن التعريف بس انا ليه تعليق مهم جدا هو ان فيه فرق كبير بين رحلات الاماراتية الذاهبة الى مطار القاهرة ... واللى بتكون ممتازة ... وبين الرحلات الذاهبة الى مطار برج العرب ... واللى لا تليق باسم طيران الامارات ... لذلك انصح اى واحد عاوز يستخدمها انه يختار رحلات القاهرة و ليست اسكندرية ....

كذلك فى عروض تخفيض فى رمضان و الاعياد و مهرجان دبى

اما الشركة الثانية فهى شركة طيران العربية و هى مش بطالة

أخوكم :

أبو مروان

[قاهرى]

والله يا جماعة مش عارف بس انا شايف ان مصر للطيران مش بطالة بردوا - بس اسمع ان العربية للطيران وحشة اوى وبيقولو انها اساسا مفهاش خدمة ولا فيها اكل . بس كويس النصيحة دى يا ابو مروان بتاعة الفرق بين مطار القاهرة ومطار برج العرب لطيران الامارات لان فعلا انا بستغرب ان يكون السعر من الامارات ل مطار القاهرة على طيران الامارات (ذهاب وعودة) 3000 درهم تقريبا وعلى مطار برج العرب (ذهاب وعودة) 900 درهم - الفرق طبعا شااااسع وكونت بفكر اجرب مرة انزل على مطار برج العرب بس كويس انك ادتنى النصيحة دى ........

فى انتظار الردود على باقى شركات الطيران (العربية - القطرية - الكويتية) والرحالات الى فيها ترنزيت وكدة

تحياتى للجميع

[seeem]

الموضوع جميل جدا.....

طبعا خطوط طيران الامارات هى من افضل ما عرفت من خطوط طيران من حيث الحجز وخدماته الغير متناهية (( خارج مصر فقط )) مع العلم بأني مسافر دائم على خط دبي - برج العرب ولا أشعر بأي إختلاف فى المعاملة إلا بإختلاف طاقم الضيافة وحالة امتلاء الطائرة.

طيران العربية يكتاز بكثرة مواسم التخفيض الذي يصل 70% (( اغلى تذكرة وجدتها على خطوط العربية من الشارقة الى الاسكندرية بلغت 1720 درهم واقل تذكرة كانت 485 درهم )) (( ايون ربعمية خمسة وتمانين درهم )) تستطيع الاستافدة حقيقة من طيران العربية اذا كنت من عشاق السفر بإنتظار موسم التخفيضات.

اما مصر للطيران .................. :D

تم تعديل 29 أكتوبر 2007 بواسطة seeem

[قاهرى]

طبعا من الواضح جدا يا seeem انك اسكندرانى ..

بس مظنش ابدااااااااااااااااااااااا ان العربية احسن من مصر للطيران ... كفاية ان العربية مفهاش اكلللللللللللللللللللللللللللللللللللللللللللللللللللللل وبتروح تشترى الاكل من المضيفة جوة .. مش عارف احنا فى طيارة ولا فى كنتاكى .. يا عم حرام عليك انت تلقيك مجربتش مصر للطيران انا عارف انها ممكن متكونش قد كدة يعنى بس اكيددددددد احسن من العربية بمراحل ولا اية؟؟؟؟؟؟

شكرا لمداخلتك

اخوك قاهـــــــرى

[yasovinas]

انا بسافر من اكثر من 20 سنة

• مصر للطيران تطورت كثيرا مقارنة مع ايام زمان لذلك اظن ان السمعه السيئة او الفكرة السيئة لمصر للطيران تاتي لاغلبنا من السماع او لانه بيركب الطيارة وهو يبحث عن العيوب حتى لا يكون (بيغرد خارج السرب)
  
  • 
    

  جربت مرة واحده طيران الشرق الاوسط (لبناني ) وطبعا لا يمكن مقارنة الا بطائرات شحن البضائع كان ايامها اسؤ من اتوبيس مراكز المنوفية ،،،،

  [*]طيران السعودية جيد ولكن مشكلته بالنسبة لينا احنا المصريين في الوزن وطبعا بكل المقاييس مصر للطيران تتفوق في هذا المجال عن اي شركة طيران اخرى

  [*]طيران الامارات جميل وممتاز واروع منه لمن يبحث عن الراحة والهدؤ والمتعة طيران الاتحاد من ابو ظبي

  [*]القطرية في بداياتها كانت بتقدم عروض واسعار ممتازة يمكن ان تجعلك تتنازل عن ميزة الوزن وايضا ان تتقبل 45 دقيقة ترانزيت في الدوحة - طبعا موضوع الهبوط والاقلاع احيانا بيكون تجربة مؤلمه بالاضافة الى النزول من الطائرة والانتظار في صالة الترانزيت والركوب مرة اخرى - انا باعتبرها رحلتين سفر وليست رحلة واحدة - حاليا اسعارها مقاربة تقريبا لمصر للطيران وايضا الوزن اقل بكثير

  [*]طيران الخليج بعد ان كان درة خطوط الطيران في المنطقة كلها تراجع في كل شيء بعد انسحاب معظم دول الخليج منه واصبح تابع للبحرين فقط

  [*]الكويتية تسير رحلة من دبي للاسكندرية اسبوعيا وسعرها منخفض نسبيا لكن المشكله ايضا في اربع ساعات تقريبا ترانزيت في الكويت - لها رحله لاحد مطارات الصعيد اسبوعيا ايضا - ونقول تاني وتاني الوزن

  طيران الجزيرة من اسؤ خطوط الطيران التي عاصرتها في حياتي خدمة سيئة جدا اسعار منخفضة جدا لكنها تعتبر مصيدة لان الوزن الزائد الكيلو سعره مضاعف عن اي طيران اخر ايضا ساعتين ترانزيت في الكويت الميزة الوحيده انه ينزل مطار النزهه

  واخيرا طيران العربية لا توجد على رحلاته خدمة الطعام (ولا اراها شيء مهم او اساسي في الرحلة) ميزتها ان السعر متغير بمعنى اذا اردت السفر في شهر يناير وحجزت عبر الانترنت هذه الايام فقد تحصل على سعر في حدود الالف درهم بينما اذا حجزت على نفس الرحلة بعد شهر من الان ستجد السعر قد ارتفع وهكذا الى ان تصل الى السعر الذي ذكرة احد الزملاء (1720 درهم) الوزن قليل ولكنها تتميز ايضا بطائرات مريحه وزحديثة نسبيا ورحلات متظمه واجمل ما فيها ان هناك رحلتين يوميا الى الاسكندرية يعني في اي وقت هتلاقي حجز وتسافر

  فكرت احجز للسفر في اجازة العيد الكبير باذن الله من حوالي عشرة ايام يعني باحجز لشهر ديسمبر من اواخر سبتمبر وحدث الاتي

  مصر للطيران لا يوجد مكان واحد في اي رحلة ما عدا رحلة من دبي للقاهرة يوم السبت 15/12 يعني يومين ضايعين على الفاضي (خميس وجمعه)وبسعر 1760درهم

  الاتحاد لايوجد

  الامارات كذلك

  القطرية كامل العدد

  العربية للطيران وجدت حجز واختارت اليوم واي رحله الصباحية ام المسائية ايضا العودة في المواعيد اللي عايزها والسعر 1640 درهم

  طولت عليكم لكن ارجوا ان اكون اضفت بعض المعلومات شكراً

[seeem]

طبعا من الواضح جدا يا seeem انك اسكندرانى ..

بس مظنش ابدااااااااااااااااااااااا ان العربية احسن من مصر للطيران ... كفاية ان العربية مفهاش اكلللللللللللللللللللللللللللللللللللللللللللللللللللللل وبتروح تشترى الاكل من المضيفة جوة .. مش عارف احنا فى طيارة ولا فى كنتاكى .. يا عم حرام عليك انت تلقيك مجربتش مصر للطيران انا عارف انها ممكن متكونش قد كدة يعنى بس اكيددددددد احسن من العربية بمراحل ولا اية؟؟؟؟؟؟

شكرا لمداخلتك

اخوك قاهـــــــرى

اسكندراني طبعا ولما تكون شركة مصر للطيران ماعندهاش خطوط يومية لإسكندرية من دبي من حقي اني افضل عليها العربية للطيران.

رحلة السفر من الشارقة لإسكندرية كلها 3 ساعات ونص . مش محتاج اكل فيهم وكمان الاكل مش غالى قوي ده ارخص من اي مطعم وجبات سريعة بالإضافة ان ده اثر جامد على سعر التذاكر ووفر وسيلة سفر بسعر معقول لفئة كبيرة من المصريين.

مصر للطيران سافرت عليها طوال 12 سنة من السعودية وعارف مدى المعاناه والانتظار والتأخير والاعطال والحجز بالساعات واصل السيسستم واقع ......... :D

تم تعديل 30 أكتوبر 2007 بواسطة seeem

[قاهرى]

طيب معلش اعزرونى فى الكلمة ....... كفاية ان العربية للطيران مش بتنزل مطار القاهرة

هى ممكن تبقى حلوة للاسكندرنية لكن للقاهروية لااااااااااااااااااااااااااااااااااا

صح ؟؟؟

معقول ملقتش حجز على مصر للطيران فى العيد الكبير .. ينهر ابيض انا هروح اشوف انهردة باء .. شكلى مش هنزل كدة . هو انت هتسافر من فين ؟؟ طمنى يا عم الله يكرمك

[احمد الديب]

والله يا جماعة موضوع ممتاز لكن وجهة نظري ان الشركات دي قمة في الاستغلال يعني في الاعياد الناس كلها بتنزل اجارزات يجي معلي عليك السعر ويخليك تفكر الف مرة قبل متسافر بد ما يزود عدد رحلات الطيران يعني الناس دي طالعين اكلين نازلين اكلين وييجو ايام مفيهاش شغل يجي منزل السعر الي سعر التكلفة الاصلي يعني من الاخر هو بكسب منك في ايام المواسم 300 %من سعر التذكرة لالاصلي

[engmido]

للرفع

[solimady]

بقالي 3 سنوات في سلطنة عمان الطيران اللي جربته كالتالي :

1-الطيران العماني حلو جداً وكل يوم في رحله من مسقط للقاهره بس فيه عيبين الاول انه غالي قوي والتاني بالنسبه ليه انه مش بينزل اسكندريه

2- مصر للطيران اسعارها اقل من الطيران العماني ووزنها حكايه طبعاً بس الخدمه فيها زي الزفت تحس ان المضيفه حتضربك لو طلبت كباية ميه وطبعا مابتنزلش اسكندريه

3- العربيه للطيران اسعارها كويسه قوي لو حجزت بدري يعني انا السنه اللي فاتت اجازتي كانت اول يوليو وكنت حاجز في شهر يناير - قبل النزول بستة أشهر- ب 120 ريال عماني يعنى حوالي 1200 درهم اماراتي ذهاب وعوده وميزتها بتنزل النزهه بس وزنها على القد بالظبط ومافيهاش اكل بس الاكل عليها اسعاره معقوله مش غاليه

4- الطيران القطري تحفه الخدمه خمس نجوم وبتنزل برج العرب بس طبعاً وزنها زي العربيه