الأتوبيس الخاص

[ehab shaheen]

السلام عليكم ورحمة الله وبركاته

انا عضو جديد لسه هنا في المنتدي :rolleyes: وده يعتبر اول موضوع ليا هو بصراحة موضوع يفرح ويزعل wst:: في نفس الوقت هو الأتوبيس الخاص انك ممكن تشتري مثلا تويوتا برادو او لاند كروزر وتنزلها مصر وحسب مانا سمعت وشفت بعنيا عربيات كتيرة السنة دي في مصر اتوبيس خاص انك ما بتتدفعش جمارك عليها إلا بس 5%بدل من 140%

بعد مالواحد سمع واتحمس للموضوع قال خلاص اخيرا هركب عربية جامدة في مصر ويسيب الشاهين wst:: رجعوا قالوا الموضوع ده اتلغي عشاان كتر في مصر وعلي فكرة هما مش من حقهم يلغوه لأن اي عربية 7راكب تعتبر اتوبيس خاص وده تعريف عالمي لا يجوز إلغاءه فيا ريت لو حد يعرف الموضوع ده وعنده المام بيه اكتر مني يقولي واتمني ان يكون اول موضوع ليا يستحق ويعجبكم ........

[Folana]

السلام عليكم ورحمة الله...

بنرحب بوجودك معنا اخى الفاضل ايهاب...الاتوبيس الخاص ده حكايته حكاية...اول حاجة زى ما حضرتك ذكرت..بيدخل البلد بدون دفع الجمارك المستحقة...

وعند الترخيض بيتم قياس طوله ولو ازيد من 7 راكب بيتم نزع المقاعد الزائدة ويُرخص..

ولو لك معرفة بتقدر تحوله ملاكى باحدى الطرق..

الكلام ده كان الاول...اللى بيحصل دلوقت ان ادارة المرور مضيقة الخناق جدا على راكبى الاتوبيسات الخاصة...

1- لازم تلزق ستيكر على جانبى السيارة مكتوب عليها كلمة اتوبيس خاص ورقم السيارة

2- لازم اللى يسوق السيارة يكون عامل عندك فى الشركة اللى انت مقدم اوراقها فى المرور لاستخدام الاتوبيس الخاص ده

3- موضوع ان لازم السائق هو اللى يسوق مش صاحب السيارة..ادى الى لجوء اصحاب السيارت سيدات وانسات ورجال الى استخراج رخصة مهنية درجة ثالثة علشان يكون مسموح لهم انهم يسوقوا عربياتهم

4- الاتوبيس لازم يكون له خط سير محدد من والى...من الشركة الى اماكن نقل الموظفين

6- ممنوع ركوب اى حد فى الاتوبيس الخاص الا العاملين بالشركة..

اللى اتمنع دخولها على انها اتوبيس خاص هى الكيا كرنفال..لكن اعتقد ان اللاند كروزر بتترخص اتوبيس خاص تبعا للشروط اعلاه ..والبقية تأتى..

يبقى نستنتج من كده انه لا يفضل ان تستقدم عربية ترخص كأتوبيس خاص تجنبا للخنقة والزهق...ده بالاضافة لصعوبة التحرك بها وسط خنقة المرور اللى بنعيشها فى البلد .فتبدأ تدور على مشترى متطوع وعنده القدرة على مجابهة كل هذه الشروط..وعلشان تريح وتستريح....

. ماسبق ناتج عن تجربة شخصية..

واتذكر هنا مقولة جحا.."حمارتك العارجة تغنيك عن سؤال ال.....المرور "

[أبو مروان]

بالمناسبة يا جماعة .... انا سمعت ان فى صحفى كبير فى جريدة الاخبار و بالتحديد فى ملحق اخبار السيارات بيطالب الحكومة باعفاء سيارة واحدة من الجمارك لكل مغترب مصرى عاش فى الخارج مدة لا تقل عن 5 سنوات .... كمكافاءة له عما يرسله للبلد من عملة صعبة طوال هذه المدة ..... فهل ياترى ممكن نرى مثل هذا الشىء فعلا واقع ملموس ؟

أخوكم :

أبو مروان

[ehab shaheen]

شكرا يا جماعة علي الردود المهمة دي بس يعني اللي معاه رخصة مهنية ممكن يسوقها بنفسه وموضوع الايستكر ده مفتكرش يا اختي الفاضلة folanaلأني شوفت عربيات كتيرة معليهاش ستيكر وياريت يا اخي الفاضل مروان الموضوع ده يحصل لحسن حرام بجد مصر دي يعني مش عارف المفروض تعرف ان الفلوس دي رايحلها كده كده في الاخر وبعدين تونس احسن مننا في ايه :WelEgTks: ولا سوريا عندهم الموضوع ده انك تقدر تنزل عربية واحدة من غير جمارك وعفش بيتك كامل كمان ..................

[Folana]

السلام عليكم ورحمة الله ..

ايهاب كتب:

وموضوع الايستكر ده مفتكرش يا اختي الفاضلة folanaلأني شوفت عربيات كتيرة معليهاش ستيكر

لا ..للاسف افتكر....انا باتكلم عن تجربة شخصية...مش استنتاجات...حضرتك لو دققت شوية عند الباب الامامى اليمين والشمال حتلاقى كلمة اتوبيس خاص وتحتها الرقم...ممكن صاحب العربية يتفنن فى وضعها بطريقة مش واضحة..او يكون له ضهر جامد جدا..او يكون مكبر..لكن اى كمين مرور بيوقف العربيات الاتوبيس الخاص وممكن يسحب الرخص كمان..

نعم ..حضرتك اللى معاه رخصة مهنية يقدر يسوقها بنفسه..حتى لو سيدة كمان...

ودى كانت اول طلعة للمرور فى تضييق الخناق على الاتوبيسات الخاصة..تلاها ماذكرته فى المداخلة اعلاه....

والتجربة خير دليل..اشترى حضرتك لاند كروزر ودخلها البلد ورخصها اتوبيس خاص..واحكى لنا عن تجربتك....بس للامانة انا لا انصحك...

[ehab shaheen]

هو الموضوع شكله يخوف بصراحة -_- وبعدين علي اخر الزمن الواحد يروح يطلع رخصة مهنية :lol: عشان ايه يعني ..... كأنك راكب تاكسي وبعدين عند اي كمين ممكن اي واحد من العساكر يؤلك يلا يا اسطي :lol: ومفتكرش حد يستحمل كلمة ذي دي ومضوع تحديد المسار ده كمان لأ تغور الكروزر و10 زيها..... الواحد يذل نفسه عشان ايه يعني وعلي رأيك يا فلانة (حمارتك العارجة تغنيك عن سؤال المــــــــــــــــــــــــــــــــــــــرور) وشكرا علي النصيحة يا فلانة بس ياريت حد يقولي جمارك العربيات دلوقتي في مصر ايه لبعض العربيات ذي متسوبيشي با جيرو و تويوتا برادو ولا ندكروزر :lol: بردو ........................ وألف شكر wst::

[seeem]

والله مافيش احلى من الهيونداي اكسنت . خفيفة ولذيذة وتعويرتها مقبولة .....

دي البوسة فى اللاند كروزر بصراحة يطير فيها رقاب...

وبعدين انا شايف ان اللي عايز يركب عربية في مصر ............. يوقف تاكسي