أحدث عملية نصب على الانترنت

[أبو مروان]

أحدث عملية نصب على الانترنت

أخوانى اعضاء و قراء المنتدى الكرام من منا لا يحلم بمستقبل باهر له و لاسرته ... من منا لا يحلم بوظيفة محترمة ذات راتب كبير يمكنه من الاستقالة بعد و قت قصير و العودة الى حضن الوطن الدافىء ... و غيرها من الامال و الامانى المشروعة و اللتى يعمل كل منا على تحقيقها او تحقيق جزء منها .. ولكى نصل لذلك يبحث الكثير منا عن مثل هذه الوظائف عن طريق الانترنت ... ولكن هناك بعض مواقع التوظيف (الموجودة فعلا و ليست وهميه) تقوم بتسريب معلومات الباحث عن العمل الى جهات النصب دى متضمنه : اسمه و عنوانه و الايميل و وظيفته و مرتبه الحالى و مرتبه المتوقع ..... الخ

و بعدها يبدأ سيناريو عمليات النصب و الاحتيال و خطواتها كالاتى :

أولا :

سوف تفأجاء بايميل و صل لك من موقع التوظيف اياه (ليس من ايميل مجانى) يخبرك انك مرشح للعمل فى شركة بترول عالمية كبيرة فى " أسكتلندا " و يرسل لك اسم الشركة و عنوانها على الشبكة .... تدخل حضرتك تلاقيها ماشالله شركة عملاقة و ليها حوالى 30 موقع فى مختلف انحاء العالم .. قوم ايه حضرتك تفرح و تطنطت من السعادة .

ثانيا :

بعد ما ترسل له الرد بالموافقة ... يبعت لك نسخة من العقد عبارة عن 9 صفحات كلها موقعة من مدير الشركة نفسه و يطلب منك التوقيع فى الخانه اللى تخصك فى اخر صفحة و تعمل لها سكان م ترسلها على صورة ملف PDF و ايضا تملا فورم طلب التوظيف و توقعه و ترسله بنفس الطريقة . ... و طبعا مش حقولك المرتب فى حدود كام علشان دى حاجة تطير العقل ده غير البدلات اللى مالهاش اخر و الاجازات و العمل 8 ساعات بس و 5 ايام فى الاسبوع و بلاوى كتير ماتحلمش بيها .

ثالثا :

تستلم كمان ايميل من نفس شركة التوظيف يخبرك ان كل مصاريف الفيزا و الاقامة وتصريح العمل فى بريطانيا قد تم دفعها من قبل شركة البترول و ان عليك انك تبعت ايميل الى دائرة الهجرة و الجنسية البريطانية على العنوان التالى : (وبالفعل ايميل ليس مجانى). وتكتب الايميل باسم فلان .... علشان يقولوا لك تعمل ايه و ايه الاوراق المطلوبه و لازم تبعت بسرعة علشان تاريخ التحاقك بالعمل لابد ان يكون بعد اسبوعين و ان الفيزا و تصريح العمل حتاخد اسبوع .... ولما توصل " اسكتلندا " سوف تحصل على راتب شهر مقدم كمان .... فطبعا ما تكدبش خبر و تبعت الايميل على العنوان اللى اعطوك اياه ...

رابعا :

يوصلك رد من مسؤل الهجرة و تصاريح العمل (المحترم) يخبرك ان المصاريف بتاعتك قد استوفيت و دفعت بالكامل من شركة البترول اياها بس المطلوب من حضرتك تبعت صورة جواز سفرك انت و الاسرة و معاها بوليصة تامين شامل لمدة 4 سنوات (وهى مدة العقد) و علشان تكون البوليصة معترف بيها لابد من ان تكون صادرة من شركة تامين معتمدة داخل بريطانيا و هنا يقوم بمساعدتك هذا الرجل (المحترم ) بحكم انك غشيم ما تعرفش اى شركة تامين معتمدة يعطيك اسم فلان ........ وعنوان الايميل (وبالفعل ايميل ليس مجانى) وحاول تنجز علشان تلحق تستلم الفيزا .... قوم ايه حضرتك تبعت الايميل لشركة التامين تحكى لهم الحدوتة .

فين النصب بقى ....................؟؟؟

خامسا:

تستلم رد سريع جدا من شركة التامين يخبرك بان هى دى الاجراءات هنا فى بريطانيا و خاصة الموظفين اللى بييجوا من بره .... المهم الخلاصة انك لو عاوز بوليصة معتمدة من عندنا لك لوحدك حتكلفك 570 جنية استرلينى (حوالى 1000 دولار) اما لو عاوز بوليصة عائلية دى حتكلفك مبلغ 950 جنية استرلينى (1650 دولار) .. و تبقى وقعت فى الخية ولا فيه وظيفة و لا يحزنون

أرجوكم انتبهوا وانشروها لكل اصدقائكم .... وجزاكم الله خيرا

أخوكم :

أبومروان

[amrhoras]

أبو مروان حبيبي اتمنى انك متكنش بطل هذه القصة واتنصب عليك ربنا يسترها معانا انشاء الله

تحياتى لك :WelEgTks:

عمرو

[عصام أبوالفتح]

الصراحة متقنة جداً ... ياولاد الشياطيييييييييييين

جزاك الله خير يا أبومروان على التنبيه

[أبو مروان]

أبو مروان حبيبي اتمنى انك متكنش بطل هذه القصة واتنصب عليك ربنا يسترها معانا انشاء الله

تحياتى لك :WelEgTks:

عمرو

[أبو مروان]

اخى العزيز : عمرو

انا الحمد لله ما وقعتش فى الفخ ده .... ولكن هى فعلا قصة حقيقية بدأت معى شخصيا يوم 11 أكتوبر 2007 و لكن الحمد لله انا تابعت هذا السيناريو لحد الخطوة الرابعة فقط (رابعاً) .... ولم اتابع الى (خامسا) .... وخاصة اننى قمت بارسال ايميل الى السفارة البريطانية عندما ساورنى الشك ...

و الحمد لله ...... يعنى الحكاية لسة طازة و لم تنتشر بعد لذلك قولت احذر اخوانى اعضاء المنتدى و اصدقائهم .... و ربنا يستر بقى

أخوك :

أبومروان

[ابن الصعيد]

فية موقع عربي لة تقريبا نفس السيناريوا للاطباء

لذلك وجب التنبية

[afreet]

كما هى العادة فان عمليات النصب تكون فى منتهى الذكاء والا فانها تسقط من المحاولات الاولى وقانا الله شر النصابين

المشكلة تكمن فى اننا لا نبدأ فى الاستعلام الا عند مرحلة طلب النقود ولك ان تتخيل صديقى ماذا يستطيع نصاب ان يفعل بشىء مثل صورة جواز سفر او بعض المعلومات الاخرى التى تطلب

بل لقد اصبح النصابين اكثر حرصا واصبحوا ينصبوا بالعروض الطبيعية وفى المبالغ الصغيرة حيث ان اى عرض مبالغ فيه او فوق الطبيعى "خيالى" او يطلب مبالغ كبيرة يثير الشك والاستفسار

[yasovinas]

النصب على الانترنت شيء اصبح مكرر وله مدارس ومنها نصب التسول وهو امر يحتاج الى مهاره وقدرة رهيبة على كيفية استدرار عطف الاشخاص على النت بدون ان تلقاهم او تتحدث اليهم ، فهناك من يدعي انه من ضحايا تسونامي ومنهم من يرسل لك صور عن اشخاص بعاهات واصابات اغلبها تكون ناتجه عن مكياج متقن واهمها تلك الحكايات والقصص التي تنجح في سحب المال من اهل النت واحدثها زوجان ادعيا انهما انجبا ستة توائم وانهم عاجزان عن دفع اجرة المستشفى وايجاد سكن مناسب للاطفال السته وطبعا هذه القصه مدعمة بصورة للام في المستشفى وبعض الصور للاطفال التوئم ، التبرعات انهالت على هذان الشخصان اموال واجهزة كهربائية وملابس ومواد غذائية للتوائم الست والبان وادوية ،، بل ان هناك العديد من المواقع التي انشأت خصيصا لهذه العائلة ولمساعدة التوائم الست ولمساندة هذه العائلة في امريكا بل وخارجها ايضا ؛؛ الا انه نتيجه لمصادفه غريبة اتضحت اللعبة وافتضح امر النصابين وذهبا بالطبع الى السجن لكن بعد جمع الكثير من الاموال