مناخير الزمالك بايظة...(اوتوفيستر هيدرب الكاميرون)

[النسر المصري]

خبر مذهل خلاني أقدر اعرف ان مناخير الزمالك بايظه ومسدوده عالآخر ...وان المناخير دي ما بتعرفش تشم كوره

الخبر بيقول

أعلنت الكاميرون، أحد الفرق التي تواجه مصر في كأس الأمم الإفريقية المقبلة، تعيين المدير الفني الألماني أوتو بفيستر مديرا فنيا للفريق.

وذكرت هيئة الإذاعة البريطانية (بي. بي. سي.) نبأ تعيين المدرب القدير وأكده تقرير بثته إذاعة حكومية كاميرونية.

ويتولى بفيستر حاليا مسؤولية تدريب المريخ السوداني الذي وصل إلى نهائي كأس الكونفيدرالية الإفريقية.

وينتقل بفيستر -69 عاما - للإشراف على فريق "الأسود التي لا تقهر" بعد مباراة الصفاقسي التونسي في الكونفيدرالية الأسبوع المقبل.

وكان المدرب الكاميروني جول إنيونجا يتولى تدريب الفريق بشكل مؤقت بعد رحيل الهولندي آري هان في فبراير الماضي.

وقاد بفيسترالمنتخب التوجولي في كأس العالم 2006 وسبق له تدريب المنتخب السعودي مرتين، وعمل لمدة 25 عاما في القارة السمراء درب خلالها العديد من الفرق منها الزمالك والمصري

المصدر

في الجول

لحد كده والخبر انتهى....لكن الكلام مانتهاش

لان الموضوع ليه علاقه مباشره بمناخير لزمالكاويه الي اتهمت اوتوفيستر بانه كان بيشتغل مدرب بينج بانجو...وبالليل بيشتغل كمسري تك توك :rolleyes:

اتقوا الله...اهو طلع البيه مطلوب عند اعتد الفرق الافريقيه....لا وكمان هيلعب بيهم ف كاس افريقيا ثالث اهم البطولات العالميه

عاوز الناس كده تفتحلي مناخيرها وتقولي ايه رايها .....

[miramar]

انت عارف يا نسور انا نفسي الزمالك يطلع صح و يكون اتوفيستر فاشل

عشان مصر هتقابل الكاميرون في غانا و انا مش مطمنة للموقعة الحربية دي حاسة اني مصر هتعك

ربنا يستر و يجيب العواقب سليمة

دعواتكوا معانا

مرمر

[Ahmad Farahat]

المشكلة يا مرمر إن لما يبقى فيه اتنين اغبياء بيلعبوا شطرنج توقعي ان اللي بيتفرج عليهم هوا اللي هيتشل

الكاميرون عندها فيستر

واحنا عندنا شحاته :WelEgTks:

[الطيار المصرى]

و لو....مش المشكلة مين يدرب الكاميرون....المشكلة مين بيدرب منتخبنا الهمام...

(المنجد) قصدي المعلم حسن شحاتة لا يفقه في التدريب الا قليلا....و ان شاء الله شكلنا هنطلع من البطولة دي بجدارة و لا حامل لقب و لا نيلة....ده لو استمر الاداء الرااااااااااااائع لمنتخبنا امام الفرق القوية زي بتسوانا و بوروندي بطريقة دي....

منتخبنا يضم العديد من النجوم(مع استثناء ميدو) صاحبة الاداء الرائع لكن دون تناسق او ترابط بينهم............

فحتي يتحقق هذا....نقدر نتكلم عن المنافسة....

المشكلة إن لما يبقى فيه اتنين اغبياء بيلعبوا شطرنج توقعي ان اللي بيتفرج عليهم هوا اللي هيتشل

لا و انت صادق الملك هيموت بالذبحة...

و ربنا يستر...

تحياتي...

الطيار المصري

[kokomen]

واضح أن الجماهير الأهلاوية العريقة مش عاجبهم المعلم حسن شحاته مدرب المنتخب القومي الهزيل

بلاش حسن شحاته وتحاملكم عليه ..؟؟ طيب عايزين مين يدرب المنتخب يا شباب الأهلي وشيوخه

أفتونا أفادكم الله ودام عزكم .... مين يدرب المنتخب .. من لاعبي الأهلي القدامى المخضرمين

دائما تنتقدوا حسن شحاته ... كويس ..؟؟؟ فين البديل ... فين المنقذ

فين أحمد فرحات .. فين النسر المصري .. فين الطيار المصري ... أهلي حديد

[النسر المصري]

واضح أن الجماهير الأهلاوية العريقة مش عاجبهم المعلم حسن شحاته مدرب المنتخب القومي الهزيل

بلاش حسن شحاته وتحاملكم عليه ..؟؟ طيب عايزين مين يدرب المنتخب يا شباب الأهلي وشيوخه

أفتونا أفادكم الله ودام عزكم .... مين يدرب المنتخب .. من لاعبي الأهلي القدامى المخضرمين

دائما تنتقدوا حسن شحاته ... كويس ..؟؟؟ فين البديل ... فين المنقذ

فين أحمد فرحات .. فين النسر المصري .. فين الطيار المصري ... أهلي حديد

انا برشح ابو احمد الاسكندراني....

مين يزود