فوقو يااخوانا احنا بنغرق عايزيز ابطال

[husni]

قاعد اتفرج وافكر في جواب وسؤال

في مقابله بتعملها مذيعه وزعيم مختال

مبسوط وملظلظ ومصنفر ووراه جنرال

بتقول فيه سرقه وتهليبه وفساد شغال

خمسين مليار رشوه خدوها فبيع الشركات

ومتين مليار راحو علينا فبيع شغل زمان

ورشاوي فصفقات الصحه وهروب اموال

قال فعلا

واحنا بنمسكها وهو فيه احكام

وده شيء معروف عند الدنيا

طمع الانسان

ايه يعني ماسرقو فامريكا يجي كام مليار

وكمان في اوروبا واجوارها وبلاد لافيال

وقعد يترحم علي حالهم ويقول امثال

حسيت ان احنا فريح منهم شيء عال العال

ورجعت لنفسي وصَحَتني سوء الاحوال

ادي الاموال العربيه

شغاله فقنوات فضائيه

اهدافها الساميه القوميه

تخريج اجيال

من فيفي ولوسي وهنديه وشعبان عبعال

وتقدم اعمال لنجومنا برعي ومتقال

ومسابقه مفيده لاولادنا افكار وخيال

كم ساعه في ايدين شعبولا وفيها كام خلخال

مين يعرف كم رقصه لِدينا ودقه طبال

اعداءنا بيجرو وبيصولوا

يبنوا في اقمارهم ويجولو.

كاشفين استارنا وعوراتنا وكل الاحوال

ويبصو علينا بجواسيسهم الوان واشكال

وايران بتناطح امريكا

وبتعزف في الكون مزيكا

حق الاجيال

الكل بيجري ويتغير

ويزود دخله وبيطور

واحنا قاعدين جوا اوضتنا

نرقص ونطبل ونزمر

ونعض فبعضنا ونزور

ونروح للكاميرا ونتصور

ونقول امثال

فين الزعامات الدبلانه

بوشوشها الشايخه البهتانه

وايديها بدمنا غرقانه

وجيوبها واسعه ومليانه

من عرق الناس التعبانه

وعاملين حكام

فوقو ياخوانا احنا تعبنا

دوسو الاقزام

فوقو ياخوانا احنا وقعنا

ومفيش شيال

فوقو ياخوانا احنا بنغرق

عايزين ابطال