اسعار المعيشة والطقس في الرياض

[fighter001]

انا دلوقتي في فترة استعداد دخول الرياض خلاص اسبوع او اتنين

وكنت عاوز استفسر عن شوية حاجات كدة الجو دلوقتي اخبارة اية

وبالنسبة لاسعار المعيشة في الشهر تقريبا في المتوسط اقدر اصرف قد اية اكل وشرب والذي منة يعني

[nash]

أولا إن شاء الله نقول قريبا الحمدلله علي السلامه...

ثانيا الطقس الأن يميل قليلا إلي البروده في الصباح الباكر...وعند فترة الظهيرة يميل إلي الحرارة نوعا ما....قريبا سيدخل فصل الشتاء...وهنا الطقس يصبح بارد جدا وخاصة في الليل....يعني إعمل حسابك علي ملابس شتويه جيده...

العام الماضي وصلت درجه البروده في أحدي الأيام إلي 3 تحت الصفر :WelEgTks:

بالنسبه لأسعار المعيشه...رغم إرتفاع بعض السلع الغذائيه وغيرها من المنتجات إلا أنها تبق أقل من مثيلاتها في دول الخليج ..الطعام والشراب ليس مرتفع بوجه عام...ولكن هذا ماسيحدده مستوي دخلك العام...ووجود اسرة وعدد أفرادها وكذلك نمط الحياة...الذي أعتدت عليه...

إذا أعطيتني أسئله محدده سأحاول بإذن الله الإجابه عليها ....

وتصل بالسلامه إن شاء الله

أختك ناش

[muslim4ever]

انضم الى الاخ الحديرى

وارجوا ان اعرف اسعار السقق الان فى الرياض سمعت انها زادت بشكل مرتفع

يعنى اريد معرفة شقة 3 غرف ورسيبشن تكون جديدة او نظيفة فى السليمانية او الملز

وسمعت ان هناك مخططات جديدة مثل الموجودة فى جده الان فهل تدلونا على اسماء هذة المخططات

[fighter001]

مشكورة اخت ناش علي ردك

بس حبيت اوضح حاجة هوة انة لوحدي والدخل في حدود 1500 ريال والسكن متوفر في الواحد يقدر يصرف قد اية مثلا في الاكل والشرب وكدة يعني

[amrhoras]

والله يا طويل العمر بما انك لوحدك زى حلاتى

ده يتوقف على سيادتك هل انت من محبي الطعام ام زى حلاتى اخر حاجة تفكر فيها؟

انا عن نفسي مقسم الحكاية كما يلى

50 ريال اتصالات (وحاطط 50 زيهم احتياطى)

120 ريال سجائر إل ام احمر مش حتفرق بمعدل 4 ريال فى للعلبة ممكن تزيد يانحراف 20 ريال يعنى 5 علب

100 ريال للانتقالات والعزومات على غفله

الاكل كنت فى البداية اجيب اكل الشهر كله ب 150 ريال

لانى بشترى جملة طبعا كرتونة البيض 12 ريال(3 بيضات بريال) عدد 2 فرخة حجم صغير 9ريال تونة 4علب 4ريال للعلبة ارز 15 كيس 5كيلو زجاجة الزيت حجم كبير 12 ريال عباد الشمس مكرونه 4 اكياس 3ريال للكيس(بعملها على 8 مرات) 2علبة صلصة حسب الحاجة بواقع 3ريال للواحده كيلو سمك بلطى مجمد 09 ريال بصل كيلو 4ريال(مبحبوش) التوم العلبة ب 2 ريال توم جاهز الملح مش فاكر بكام بصراحة السكر كيس 5كيلو ب 25 ريال الشاى ليبتون فاتله 100حبه ب 15ريال اللحوم بقى حسب طلبك عندك من اول 2ريال مفروم لغاية 35 من الجزار بس انا بجيب لحمة ب 12 كيس مجمد وده كان فى غالب الامر بيكفيني اكتر من شهر لانى مبكلش طبيعي الا كل يومين مش بخل بس الوحدة هى اللى بتسد النفس بعيد عنك وفى فول طبعا ب 3 ريال للعلبة

يبقى كله على بعضه ممكن تصرف 400 ريال لو مش مدخن ممكن تصرف 300 او 350 ريال بالكتير واتمنالك التوفيق اه على فكره انا ساكن فى الدمام بس اعتقد ان كل الاسعار فى السعوديه واحده تختلف فى اسعار ما ريالين او تلاته

الاكل حاليا ب 12ريال يوميا يعنى 360 ريال شهرى وده طبعا مش انصحك بيه لانى بعت القضية

بالنسبة للجو هنا حار حار حار ورطوبه عالية بس فى الشتا بتوصل تحت الصفر اعتقد الجو مقارب للرياض زى ما ذكرت مدام ناش

تحياتى وحمد لله على سلامتك قريبا

اخوك عمرو

تم تعديل 28 أكتوبر 2007 بواسطة amrhoras

[nightmare]

اه على فكره انا ساكن فى الدمام

اخيرا لقيت حد فى الدمام .. أرجوا التواصل انا ايضا فى الدمام بس مش عارف ازاي .. اعتقد قوانين المنتدي لاتسمح بوضع ايميلات او ارقام تليفونات .. ده طبعا لو معندكش مانع يا استاذ / عمرو

[amrhoras]

اه على فكره انا ساكن فى الدمام

اخيرا لقيت حد فى الدمام .. أرجوا التواصل انا ايضا فى الدمام بس مش عارف ازاي .. اعتقد قوانين المنتدي لاتسمح بوضع ايميلات او ارقام تليفونات .. ده طبعا لو معندكش مانع يا استاذ / عمرو

نايت مير حاولت ابعتلك رقم تليفونى على بريدك بس انت مش منشط الخدمة دى ياريت تبعتلى تليفونك ده بعد اذنك ويكون ليا الشرف انى اتعرف عليك

اخوك عمرو

تم تعديل 28 أكتوبر 2007 بواسطة amrhoras

[nash]

أخي الكريم مسلم...

بالنسبه لأسعار الشقق...إذا كانت كما تفضلت به من مواصفات تبدأ الأسعار من 28 ألف ريال....قد تزيد أو تنقص قليلا

هذا إذا كانت الشقه جديده وفي عمارة جديده...وقد تقل بحوالي 6000 إذا كانت العكس

للأسف ليس لدي عن المخططات أي فكرة إلا إذا كنت تقصد الكومبوندات إذا كان كذلك فالأسعار فيها قد تزيد كثيرا عن الشقق العاديه وذلك حسب المواد التريفهيه والخدمات المقدمه من حمامات سباحه أو ملاعب كرة أو حدائق....

بإنتظار أحد يضيف شيء عن المخططات السكنيه....

.............................................................................................................................

دكتور عمرو.....

حقيقي كفيت ووفيت....بس ياريت تصرف مع الوصفه شويه حديد وفيتامينات....وإلا هايبيع القضيه هو كمان

[amrhoras]

.............................................................................................................................

دكتور عمرو.....

حقيقي كفيت ووفيت....بس ياريت تصرف مع الوصفه شويه حديد وفيتامينات....وإلا هايبيع القضيه هو كمان :unsure:

احم هو حضرتك ده مش يكفى اى شخص فى العادى؟ clwn: :wub: بس والله انا طبيعى كدى مبكلش ماهو تلاقيني طخين اد كدى هههه

[fighter001]

بجد مشكور اخ عمرو علي الاهتمام الزيادة دة وربنا يجعلك دايما خير للجميع

بصراحة انا تقريبا زي حالاتك بالظبط وحيد مدخن الاكل مش قد بس بس الفرق اني رفيع شوية هههههه

[afreet]

لن اتكلم عن الاسعار والا سأبدو كالمهرج مع ماقيل ولكن للامانه عندما قرات دراسات الجدوى السابقة عن تكاليف المعيشة شككت انى اعيش فى دولة اخرى غير المذكورة عموما ربنا يعينك ويقدرك تعيش بالميزانية السابقة

اما عن الجو فحدث ولا حرج انت فى جو صحراوى فى اسخن بقعة على وجه الكره الارضيه ومن اكثرها انخفاضا فالفصول الاربعه تمر بك يوميا وكما قال الاخوه تصل الحرارة صيفا الى 52 وشتاءا الى مادون الصفر

المشكلة تكمن فى التقلبات الجوية فتجد الصباح معتدل شتاءا و الظهيرة شديدة الحرارة لتبدأ البرودة مع العصر الى البرودة الشديدة مع المغرب

والفترة القادمة اقوم عن نفسى بلبس ملابس صيفية واحمل فى يدى جاكيث متوسط الثقل للطوارىء حتى دخول الشتاء رسميا بموجات صقيعه و هنا اقوم بتغيير الملابس الصيفية الى ملابس شتوية معتدلة مع جاكيت من النوع الثقيل ثم تاتى المرحلة الاشد وطأة وهنا اقوم بلبس الملابس الداخلية الصوفية مع ملابس شتوية معتدلة مع جاكيت من من النوع المتناهى فى الثقل وتبدأ الدفايات فى العمل

والسبب فى هذه التركيبة الغريبة للملابس هو امكانية تخلصك من بعضها عند ارتفاع الحرارة المؤقت الذى يحدث خلال اليوم ثم يعود البرد مرة اخرى

[amrhoras]

لن اتكلم عن الاسعار والا سأبدو كالمهرج مع ماقيل

صباح الخير يا أ/عفريت صبحه وربحه

عساك طيب اتمنى تكون بخير ايش لونك؟

بعد اذن حضرتك معناها ايه الجملة دى ان مكنش يضايق سعادتكم ان توضحوا لنا ما قمنا بالتعقيب عليه

نرجو الافادة وشكرا

اخوك عمرو

[سكندريه]

أن شاء الله تيجي بالسلامه وأعتقد أن أخواننا هنا وفوا وزياده يعني مفيش بعد الكلام ده والدقه دي حاجه تتقال بس ربنا يسهلك وتنبصت هنا clwn:

[amrhoras]

اخى العزيز El-hadary

اولا نقول نورت الرياض انشا الله وتوصل بالسلامة ونتمنى اننا نتعرف عليك فى يوم من الايام

بصراحة فى حاجه نسيت اقولهالك وهى منقوله عن اختنا الغالية مدام ناش عبارة عن دعاء ربنا يديم عليها نعمة الايمان وحبيت انقلك الدعاء ده نقلا عنها ده بعد اذنها طبعا

(( اللهم رب السماوات السبع وما أظللن، ورب الأرضين السبع وما أقللن، ورب الشياطين وما أضللن، ورب الرياح وما ذرين. أسألك خير هذه القرية وخير أهلها، وخير ما فيها، وأعوذ بك من شرها، وشر أهلها، وشر ما فيها )).

اضغط هنا مداخلة رقم #5

شكرا مع تحياتى وارق الامنيات لك بالتوفيق

اخوك عمرو حورس

تم تعديل 29 أكتوبر 2007 بواسطة amrhoras

[afreet]

صباح الفل يا استاذ عمرو

صحيح انا مش فاهم يعنى ايه صبحه وربحه انما اعتبرتها بمعنى صباح ورباح او ربح الله صباحك وارجو ان يكون تفسيرى فى محله

ماقصدته انى ارى اسعار ومصاريف كتبت هنا تختلف تماما مع الى بيحصل لى وان فى مصاريف اخرى بتحصل غصب عن الواحد وان مبلغ 400 ريال فى الشهر ضئيل للغايه كمصروف وعليه لو كنت كتبت المصاريف الى بتحصل معايا كنت هابقى زى المهرج لان الفرق كبير لذلك فضلت عدم الدخول فى التفاصيل

ده الى قصدته بكلامى لعلك ماتكونش فهمت كلامى غير ما اقصده

تحياتى واحتراماتى

[miramar]

ايه يا استاذ عمرو انت حكتيله قصة حياتك بس ربنا يخليك للمستجدين

بص يا استاذ هريدي(صح كدة اسمك؟) من خبرة سنوات في السعودية و خاصة الرياض

هقولك ان السعودية فيها كل حاجة الرخيص والغالي

في اماكن كيلوا الطماطم وصل 7 ريال و لو دورت في اماكن الكيلو ب 3 ريال

يعني في من كله

و انا اتوقع اول ما تروح و تسكن مع مصريين زيك هيرسوك علي فيها

رينا يوفقك

مرمر

تم تعديل 29 أكتوبر 2007 بواسطة miramar

[amrhoras]

ايه يا استاذ عمرو انت حكتيله قصة حياتك بس ربنا يخليك للمستجدين

بص يا استاذ هريدي(صح كدة اسمك؟) من خبرة سنوات في السعودية و خاصة الرياض

هقولك ان السعودية فيها كل حاجة الرخيص والغالي

في اماكن كيلوا الطماطم وصل 7 ريال و لو دورت في اماكن الكيلو ب 3 ريال

يعني في من كله

و انا اتوقع اول ما تروح و تسكن مع مصريين زيك هيرسوك علي فيها

رينا يوفقك

مرمر

بما اننا بنودع أيام الغربه بقى ندى خبرة واحد سنه وكمان اعتقد ان اسمه الحضرى :wub: دو يو سبيك جيرمانى :D

لعلمك يا مرمر الحمد لله اتعاملت مع الهدف لوحدى لاني اعيش بمفردى ولا يوجد من يدلنى :wub: فقولت بقي دراسة سنه بحالها غربه لازم نشارككم فيها

اه رجاء خاص لاخويا الحضرى :- انت جاى تعمل قرش يعنى هدف سيبك من التدخين لانه ضار جدا بالصحة والجيب وفاقد الشيء لا يعطيه بس حاول والله اسهل مايمكن متسألنيش ازاى بنصحك بكدى انما لازم النصيحة

بس فين الاماكن اللى فيها كيلو الطماطم ب 7 ريال دى اجيب كفصين ب 3 ريال وابعها ونطلع بمكسب تشاركيني يا اخت مرمر وبالنص

تحياتى للجميع

عمرو

[amrhoras]

صباح الفل يا استاذ عمرو

صحيح انا مش فاهم يعنى ايه صبحه وربحه انما اعتبرتها بمعنى صباح ورباح او ربح الله صباحك وارجو ان يكون تفسيرى فى محله

ماقصدته انى ارى اسعار ومصاريف كتبت هنا تختلف تماما مع الى بيحصل لى وان فى مصاريف اخرى بتحصل غصب عن الواحد وان مبلغ 400 ريال فى الشهر ضئيل للغايه كمصروف وعليه لو كنت كتبت المصاريف الى بتحصل معايا كنت هابقى زى المهرج لان الفرق كبير لذلك فضلت عدم الدخول فى التفاصيل

ده الى قصدته بكلامى لعلك ماتكونش فهمت كلامى غير ما اقصده

تحياتى واحتراماتى

اخى العزيز عفريت صبحه وربحه يعنى صباح الخير والربح ده على حد علمي

احم فهمت قصدك يابني ومعلش عشان انا الالفاظ بتفرق معايا كتير بصراحة احم :D

بالنسبة ل 400 او اقل او اكتر ده بمبدأ على أد لحافك مد رجليك يعنى نمشي بعلم الاقتصاد كما يقول كلما زاد الدخل كلما زادت المتطلبات للفرد والعكس يعنى بيقدر يتحكم فى مصاريفة مش عارف ظروفك ايه بالظبط او ظروف معيشتك انما حسب ظروف

يعنى انا االفتره الاخيرة 75% بصرفه ومعرفش ليه يمكن لانى بنهى العقد اليومين دول فبايع القضية انما اول ماجيت كنت شادد الحزام على اساس انى ادرس الوضع والحمد لله درسته عرفت ايه اللى استغنى عنه ومش يلزمنى وايه الضرورى ليا ظبطت بالظبط معايا من الشهر التالت غربه

تحياتى لك وللجميع وبالتوفيق انشا الله

اخوك عمرو واسعد الله مساك

[fighter001]

اخى العزيز El-hadary

اولا نقول نورت الرياض انشا الله وتوصل بالسلامة ونتمنى اننا نتعرف عليك فى يوم من الايام

بصراحة فى حاجه نسيت اقولهالك وهى منقوله عن اختنا الغالية مدام ناش عبارة عن دعاء ربنا يديم عليها نعمة الايمان وحبيت انقلك الدعاء ده نقلا عنها ده بعد اذنها طبعا

(( اللهم رب السماوات السبع وما أظللن، ورب الأرضين السبع وما أقللن، ورب الشياطين وما أضللن، ورب الرياح وما ذرين. أسألك خير هذه القرية وخير أهلها، وخير ما فيها، وأعوذ بك من شرها، وشر أهلها، وشر ما فيها )).

تسلم يا عمرو واكيد ان شاء الله هنتعرف باذن الله

وطبعا شكر للاخت ناش علي الدعاء

[fighter001]

ايه يا استاذ عمرو انت حكتيله قصة حياتك بس ربنا يخليك للمستجدين

بص يا استاذ هريدي(صح كدة اسمك؟) من خبرة سنوات في السعودية و خاصة الرياض

هقولك ان السعودية فيها كل حاجة الرخيص والغالي

في اماكن كيلوا الطماطم وصل 7 ريال و لو دورت في اماكن الكيلو ب 3 ريال

يعني في من كله

و انا اتوقع اول ما تروح و تسكن مع مصريين زيك هيرسوك علي فيها

رينا يوفقك

مرمر

مشكورة مرمر علي مرورك الطيب

احمد الحضري