مرض نقص القراءة

[om marawan]

مش عارف اذا كان ده من الموضوعات الخفيفة أو لأ بس انا عندى مشكلة انى كنت احب القراءة جدا زمان ومشكلتى انى انشغلت جدا الكام سنة اللى فاتوا ونسيت ..........

طيب ايه المشكلة ماأروح أشترى كام كتاب وأرجع تانى أقرأ .........

المشكلة انى فى حيرة أقرا ايه فياريت لو حد قرأ كتاب قديم أو جديد يشاركنا اسم الكتاب والكاتب طبعا ماعتقدش اذا كان ده فيه مشكلة دعاية او حاجة

المهم هى دعوة متواضعة لتبادل القراءات وانا كنت احب ابتدى بكتاب محترم عن الحرب العالمية الاولى والتانية

ايه رأى الاعضاء الأفاضل ؟؟

[om marawan]

طيب ياجماعة اتوكل على الله وارد على نفسى يمكن حد يتشجع ويقول اسم كتاب

الحقيقة الخوف يكون الناس فاكرة ان الموضوع تبع مشروع القراءة للجميع وعشان كده ماحدش شارك :)

عموما انا لقيت فى احد المنتديات اسم كتاب الزملاء أشادوا بيه وهاحطه اول كتاب فى المكتبة هنا

وهو كتاب اسمه

الدولة العثمانية المفترى عليها

وان بشكر وبعتذر للزملاء اللى نوهوا عن الكتاب لان المنتدى تاه منى ومالحقتش اقرا اساميهم

انا ابتديت بكتاب ياجماعة ودى دعوة للقراءات وان كانت المحاورات لوحدها قراءات دسمة جدا بس الواحد برضه مايستغناش عن الكتاب اللى بيحطه جنبه قبل ماينام ويطفى الاباجورة

وعلى فكرة اللى خلانى اكتب الموضوع ده انى كنت باشوف برنامج حلو جدا اسمه خواطر 3 وكان المذيع بيأل الناس عن الكتب اللى قروها وكانت ردود الاجانب كلها عن كتب كتير حتى لو هايفة

بس ردود المصريين كانت .........................

كفاية نقول انها ماكانش ليها علاقة بموضوع القراءة اصلا

عموما ادينا استفتحنا و اعتقد ان المحاورات ملىء بالمثقفين اللى مش هيبخلوا على الجهلة اللى زيى

[حسام يوسف]

السلام عليكم

انصح الأخ مروان وجميع المصريين بقراءة موسوعة شخصية مصر للعالم المصرى الموسوعى العظيم

د0جمال حمدان

وهى تفسر العلاقة بين الجغرافية المصرية والانسان المصرى سلوكيا واجتماعيا

يعنى كتاب بيربط بين الخرايط والطبايع

مثلا ليه الفلاحين يفضلوا المسايسة

والصعايدة يحبوا المواجهة المباشرة

والسواحلية يعزوا التجارة

الموسوعة كبيرة وعظيمة ومفيدة لغاية

وأى خدمة

[seeem]

انا انصح بقراءة كتاب (( رؤيتي )) لسعادة السمو محمد بن راشد المكتوم حفظه الله ورعاه

الكتاب فعلا قوي وعظيم الفائدة لكل من يريد ان يطلع على تاريخ الامارات الحديث وكيف وصل ابناءها لها التقدم والتطور وماهي رؤيتهم المستقبلية......

بصراحة هو كتاب عن النجاح وفن الحياة

[miramar]

حاليا انا لااقرا اي كتاب (كفاية الكيمياء و الفيزياء )

لكن انصح الجميع بقراءة العبقريات لعباس العقاد

و هناك المئات من مواقع الكتب الالكترونية على النت منها هذا الموقع

مرمر

[amrhoras]

كدى يا Marawan ليه متجيش تقولى ازعل انا منك بقي تسيب مكتنبة الاسكندرية وتروح تدور على كتب خارجية قول ازمة المواصلات هى اللى معطلاك عموما اخدت موافقة من رئيس المكتبه وقالى هى كلها تروح ل Marawan احنا عندنا كام واحد انت تامر بس والنبي ابقى قولى على الكتب اللى تتقرى عشان انا بقالى عشرين سنه مقرتش من ساعة ما خلصت الثانويه العامة ماهو الواحد يلاقى حاجة يضيع فيها وقت الفراغ بيتاع الثانويه ازاى :happy:

مكتبة الاسكندرية

بس ياريت تنصحونى اقرى ايه انا كمان اصلى محبش التاريخ اوى ومش من هواة الادب والقصص الهزلية اكرهها والسياسية تقيلة على المعده والعاطفية بطلناها والاقتصادية وجع دماغ

ايه حد حيرشحلى اى حاجة؟ :closedeyes:

اتمنى فعلا انك ترجع للقراءة مرة اخرى فحقا انها غذا العقل ودى امنيتي انى ارجع تانى ياريت اى شخص عنده اسم كتاب قيم او كتاب الكترونى ياريت يرشحة ونحطهم فى موسوعة كل كتاب وأمامه الرابط او اسم الكتاب والكاتب ونبحث عنه او مكان تواجده

احييك على المبادرة الجميلة دى وانا بشجعك للعوده وبقوه واتمنى ان اعود انا الاخر

شكرا اخوك عمرو :unsure:

تم تعديل 1 نوفمبر 2007 بواسطة amrhoras

[om marawan]

والله أنا الفرحة مش سايعانى )

الزملاء الافاضل اللى ردوا عليا واللى هيردوا ان شاء الله لهم شكر خااااااااااااص جدا على تلبية نداء كل التايهين فى الكتب زى حالاتى ولهم الاجر والثواب ان شاء الله

الاخ hossamup شكرا على مشاركتك والتنويه عن الموسوعة الدسمة والقيمة دى وان شاء الله هتكون على رأس اولوياتى فى القراءة

الاخ seem الكتاب اللى تفضلت بضمه للمكتبة عمل ضجة فعلا وانا كنت قريت تعليقات عنه انه فعلا مش قصة حياة شخص ولكنه تأريخ للامارات زى ماذكرت و نموذج للنجاح ولا احد ينكر ان سموالشيخ محمد بن راشد شخصية فريدة.................... اشكرك كتيييييييييييير جدا على مشاركتك الثمينة

الاخت ..مرمر صاحبة اسم رمزى لرواية شهيرة لنجيب محفوظ .. يعنى دخولها بالاسم بس هو مشاركة فعلية بأحد الكتب وتنويه عن الأديب النوبلى نجيب محفوظ

وان كنت اشكرها اكتر على التنويه الاهم وهو مجموعة العبقريات ودى كتب مش بس ثمينة ولكنها تارخية فى شهرتها

انا حاولت سنين اقراها وماعرفش ليه عمرى ماكملت صفحتين من اى كتاب مع انها كلها كانت فى بيت ابويا

بس انا كنت زيك كده العلام (التعليم يعنى) معطلنى والوقت الوحيد الفاضى كنت بقرا فيه ميكى جيب

...الله يعين كل اللى بيذاكروا وان شاء الله بالتوفيق ..........

واخيرا وليس باخر ...شكر خاص للاخ عمرو محروس اللى غرقنا فى بحر المكتبة العريقة

انا بقول نخللى المكتبة مكانها وانا هاجيلها لغاية عندها وعلى فكرة انا فعلا ماعرفش ليه مابعرفش اشترى كتب ولا اقرا كتب غير لما كنت بروح اسكندرية بلد تفتح النفس

لو حابب تقرا حاجة خفيفة وتحببك فى مسكة الكتاب من تانى ...

اقرا "" اى كتاب "" ليوسف معاطى أو أستاذه الراحل الكبير يوسف عوف

اسلوب ساخر وخفيف فى مناقشة اى مشكلة وهتفضل تضحك وتدعيلى :)

[أبو مروان]

أخى العزيز مروان

انا شخصيا انصحك بقراءة كتابين من الكتب القديمة و هما :

1- كتاب بعنوان " دع القلق و أبدأ الحياة " و هو كتاب مترجم ... اعتقد ان المؤلف اسمه "ديل كارنيجيل" اذا لم تكن الذاكرة خانتنى

2- كتاب " تجربتى " للمعلم العظيم عثمان أحمد عثمان ... الله يرحمة

أخوك :

أبو مروان

[seeem]

1- كتاب بعنوان " دع القلق و أبدأ الحياة " و هو كتاب مترجم ... اعتقد ان المؤلف اسمه "ديل كارنيجيل" اذا لم تكن الذاكرة خانتنى

لا ماخنتكش قوي

المؤلف اسمه ديل كارنيجي ..... وهو صاحب مؤلفات عدة في التغلب على مصاعب الحياة وتطوير الذات..... ربح الكثير من إعطاء دورات في نفس الصدد ...... وربح أكثر من بيع كتبه القوية والمميزة بمواضيعها وأسلوب طرحها ......انشأ بعد ذلك مؤسسة خيرية بإسمه

[miramar]

نصيحة لوجه الله الي عايز او يحب يستمتع بقراءة قصة رائعة لكاتب اروع

يقرا الايام وحديث الاربعاء لطه حسين

رااااااااااااائعة

مرمر

[om marawan]

الاخوة الاعزاء ابو مروان و...... seem

اشكركم على نصيحتكم القيمة

انا كنت قريت فعلا كتاب دع القلق وابدأ الحياة يمكن من كام سنة وفادنى كتيير ومن النصائح اللى علقت فى ذهنى

انه عندما تواجهك مشكلة فعليك بتخيل أسوأ الاحتمالات وتأقلم عليه وعندما تواجهك اى نتيجة ستجد انها افضل من احتمالاتك ( بس المهم تتفنن فى الاحتمالات السيئة بقى ) smk:

بس الحاجة الغريبة اللى سمعتها ان الكاتب انتحر فى نهاية حياته !!

الاخت ميرامار اشكرها على مشاركتها الثانية

كانت مشاركتها الاولى عن اجمل كتب العقاد أحد أعمدة الكتابة العربية

وهاهى تشاركنا بقصة عميد الادب طه حسين ... وقصة الايام قرأتها من سنوات واضم صوتى لصوتها فى انها راااااااائعة

واتمنى فعلا انى اقرا حديث الاربعاء

حبيت قبل مانهى اشارك بموسوعة فعلا عظيمة و عندى منها جزء على سيديهات وان شاء الله هشترى الكتاب

وهى موسوعة الاعجاز العلمى فى القران .. للدكتور زغلول النجار

ولا توجد كلمات تقدير تكفى هذه الموسوعة او تكفى صاحبها اثابه الله عليها خير الجزاء

اخى عمرو محروس الموسوعة فعلا هتحببك فى القراءة بنهم وشغف ........... وعمق ايمان

تم تعديل 5 نوفمبر 2007 بواسطة marawan