أبناء المغتربون __ مشاكل وحلول

[sameh elbosaty]

الأخوة الأعزاء

السلام عليكم ورحمة الله وبركاته

مما لا شك فيه أن الجميع منا ( آباء أو امهات ) يكون شغلهم الشاغل ؛ وأكثر ما يقلق مضاجعهم هو التفكير فى أبنائهم ؛ التربية ... التعليم ... المستقبل ......إلخ

وبما أننا ونحن مغتربون فالوضع أصعب كثيراً عمن هو مستقر فى الوطن.

فمنا من هو مغترب هو وأسرته ؛ ومنا من هو مغترب بمفرده وأسرته موجوده بمصر

وكلنا نعلم أنه فى تلك الحالتين يكون هناك مردود سىء على تربية الأبناء ؛ سواء كانوا فى مجتمع الغربة مع أسرهم ؛ المجتمع الذى لا يستطيعون العيش فيه بنفس أسلوب الحياة فى بلدهم ؛ وأكثر ما يصيبهم منه هو الحبس فى البيت أغلب الأوقات ؛ وإذا كانوا فى مصر والأب مغترب فكلنا نعلم مدى العواقب الوخيمة المترتبة على غياب الأب وخاصة فى فترة المراهقة فيما فوق.

إذن تربية الأبناء بالنسبة للأب المغترب مشكله تكاد تفتقد الحل حتى الآن.

فمن يريد تربية أبنائه أمام عينية ؛ يحكم عليهم بالتنشئة فى مجتمع مختلف العادات والتقاليد والطباع ؛ لا يستطيع اكتساب والعيش بتقاليد وطباع المجتمع الذى تربى فيه ؛ ولا يعرف شيئاً عن تقاليد وطباع وطنه الأصلى ؛ أما من يريد تربية أبنائة فى وطنهم ؛ بين أهليهم ؛ وفقاً لتقاليدهم وعاداتهم فهو ربما يحكم عليهم بالفشل والإنحراف بسبب بعده عنهم

من هنا إخوانى وأخواتى ... آباء .. وأمهات ...وأبناء

أدعوكم للمشاركة

فالموضوع جد خطير ... يحتاج منا إلى كثير من التفكير

فلنفتح باب النقاش

ومن له تجربة واقعية أو خبره عمليه أو خلفية علمية

فليدلى كلاً منا بدلوه لعلنا نصل إلى حل ؛ وتعم الفائده على الكل

------------------

ولكم منى خالص التحية والتقدير

والمعذره على الإطالة

أخوكم / سامح ....الرياض

[afreet]

اخونا العزيز

لقد لمست وترا حساسا وللاسف فاغلب المصريين الذين قابلتهم لا يهتمون بهذا الموضوع الا فى مراحل متاخره ويصعب فيها العلاج معتقدا ان ابناؤه يعيشون كما يعيش اقرانهم بالغربة وكله تمام ولا يرى ان الجميع فى الهم مشتركون

وهذا ما حاولت توضيحه لبعض الاخوه هنا ووجدت مقاومه عنيفه بان الابناء يجب اخذهم فى الاعتبار بدءا من اتخاذ قرار السفر للمره الاولى وان هناك سلبيات جسيمة ستحدث لابد من اخذها فى الحسبان

ولا اريد ان اكرر نفس الكلام ولكن الابناء هم ضحية الغربه فلا يمكن لطفل ان ينشأ فى الخليج ويعود الى مصر ان يكون شخص طبيعى كالناشىء فى مصر و تقاس مدى سواء شخصيته بعدد سنوات الغربه والبيئة المحيطة ولنا فى السلف خبره

اما ان ينشأ الابناء دون اب فهو ايضا لا ينتج فردا سويا وان كان اقل ضررا من سابقتها وخاصة فى حالة وجود ام قويه

وهنا نتحدث عن الابناء فقط بغض النظر عن الاب وامكانية حياته دون اسرته فهم كما قلت خلاصة الحياة التى نقوم بالتضحية من اجلهم

والمقصود هو مراعاة هذا الجانب عند اتخاذ قرار الغربة من البداية ومعرفة العواقب واخذها بالحسبان

ولكى نكون واقعيين فيجب علينا تجاوز هذه المرحله لان متخذ قرار السفر لا ولن ينظر لهذه النقطه لانه لا يلمسها مهما قال القائلون ونتكلم عن من سافر بالفعل وماذا يمكن ان يفعل لتخفيض الضرر لاقل حد ممكن

[قاهرى]

مشاء الله بجد موضوع شيق وحساس للغاية

فى انتظار ردودكم حتى نكتسب خبرة فى هذا الموضوع الجميل

ولكم ان اعقب على الموضوع بوجه نظرى الشخصية :

انا من وجه نظرى ان الوضع بيختلف حسب الدولة او المكان الى اتربا فية الشخص دة فالى بيتربا فى الخليج طبعا بيكون غير الى بيتربا فى اوربا او اميركا مثلا

طيب الفرق اية ... انا شايف من امثله كتير ادامى ان الى بيعيش فى دولة اجنبية مش بيعرف يتاقلم على الحياة فى مصر بعد لما يرجعلها للاختلاف الشاااااااسع فى العادات والتقاليد الى اتربا عليها الشخص دة معما كان ابو و امه بيحولو يربه على تقاليد بلدنا مش هيعرف لان للمجتمع دور كبيرر جدا فى شخصية الفرد وخصوصا فى سن المرهقه .وبالتالى ان الشخص دة الى بيعيش بره مصر تقريبا بيكمل حياتوا كلها برها ويتجوز من هناك وخلاص على كدة كانه شخص من البلد دى ويكم كمان دة بياخد الجنسية وخلاص بيكون تقريبا لا ينتمى لمصر غير ببعض العادات الى بتعجبه منها والباقى من وجه نظروا بيعتبرها تخلف

اما الشخص الى بيعش فى الخليج اظن انو بيكون اهون شوية بس بردوا بيكون مش متاقلم على الحياة فى مصر بمجرد وصولوا ليها وبياخد تريقة للصبح من الاصحاب الى بيتعرف عليهم سواء فى كلية او مدرسة طبعا بسبب لو نطق مثلا بالغلط كلمة متعود يقولها فى الخليج فى مصر مش بيقولها وكدة .. بس موضوع التاقلم دة اظن انو بيحصل من مصر واهلها بيتم بعد كام سنة كدة اما التربية بتكون هيا الاساس فى سن المراهقة لو تربية الفرد دة تربية سوية وصح بوجود الاب و الام بيكون الوضع مختلف اذا غاب احد الاطراف

وللموضوع باقية

[sameh elbosaty]

الأخ / afreet

شكراً على مرورك ؛ وأتفق معك فى أن الأبناء هم أكثر المتضررين من الغربة

الأخ / قاهرى

شكراً على مرورك ؛ وأحب أن أعقب على مداخلتك بأن الموضوع له أبعاد أكبر بكثير من امكانية تأقلم الإبن مع الحياة بمصر فيما بعد أم لا ؟

اخوانى الأعزاء

لقد طرحت الموضوع لكى نتناقش سوياً فى تأثير الغربة على الأبناء فى مراحل عمرهم المختلفة سواء كان المغترب هو الأب فقط أو الأب ومعه أسرته ؛ وبالتالى من خلال تعرفنا الجيد على المشكلة نتمكن من وضع الحلول بما يتوافق مع عاداتنا وتقاليدنا.

ألا ترون أنه فى حالات كثيرة من الأبناء الذين يولدون فى الغربة تكون عملية الكلام عندهم متأخرة مقارنة بغيرهم ممن هم موجودين بمصر..... فهذه مشكله من المشكلات ناتجة عن الغربة وتؤثر على الأبناء فى مرحلة الطفولة الأولى ......... وعلى قياس ذلك نجد الكثير فى المراحل المختلفة

لذا أكرر دعوتى لجميع الأخوان والأخوات للمشاركة بخبراتهم العملية والعلمية وآراءهم ؛ فالمشاركة سواء بالإتفاق أو الإختلاف مفيده فى الوصول إلى الحل

ولكم منى خالص التحية

وشكراً

[miramar]

الاخوة الاعزاء

انا بنت مصرية تربيت معظم حياتي في الرياض

لم تصبني امراض نفسية لكن اصابتني امراض اشتياق و الم و امل اني ممكن ارجع تاني وابوس ارض مصر

الغربة تعلم الشخص الصلابة و انه يعمل لكل خطوة حساب

الغربة مش سبب لأن الاطفال شخصياتهم تبقى كدة

الام و الاب هما الي بيحددوا الشخصيات و السلوكيات للابنهم او بنتهم

سواء في الغربة سواء في مصر

التربية الكويسة مبتتبعش الظروف

اتمنى اني كنت خفيفة عليكوا

مرمر

[ابن الصعيد]

اريد ان اسال

هل البيئة والمجتمع المصري يمكن ان يتربى اولادي فية احسن من الدول التي نعمل بها

حد سمع ان بمصر الان التحرش بالنساء اصبح عادي بوضح النهار

لازم نعرف ان مصر بتغرق حتي بعادتها واخلاقيات الناس اصبحت غير زمان واللي اتربينا عليها زمان لما كنا بنغير لو حد عاكس بنت الجيران ونخاف عليها كاختنا

دة مجرد راي

[قاهرى]

الاخ sameh elbosaty

تحياتى لك فى البداية .. بس انا من راى مرمر و واحد تايه

ان الاسرة هى الى بتحدد شخصية الطفل سواء فى مصر او فى اى بلد تانية .. انت عارف مثلا لو الاب بيحب مصر وبيقول كلم كويس عنها وكدة هتلاقى الطفل مشتاق انوا يشوف مصر ويشوف البلد الى هو ينتمى ليها (زى مرمر كدة) اما لو الاب بعيد عن مصر وكارها هتلاقى الطلف بردوا متاثر بكلام اهلو وهيكره مصر بدون حتى ميشوفها ولما يشوفها حتى هتلاقية قرفان مهنا ومش قادر يحس بجملها

اما موضوع بداية النطق عند الاطفال .. هو انا شايف فعلا الموضوع دة حقيقى ومتفق معاك فية ودة بحكم ان الاهل لما بيكونوا بعد عن مصر بتكون فى اكتر من لغة الطفل بيسمعها لو مثلا الخليج (فى البيت بسمع مصرى فى السوق انجليزى ممكن بياع شامى مثلا - واحد ماشى مع صحبوا بيتكلموا هندى بصوت عالى) كدة يعنى فدة طبيعى انوا يتاخر شويةةةةة فى النطق لانو بيحس بتشتت بس هى مش قاعدة انا عندى مثلا اولاد اخويا توائم عندهم دلوقتى سنتين ونصف تقريبا بيقولو كلام غير طبيعى .. مش عارف بيجبوه منين مع ان اهلهم بيحلفو انهم مش بيقولو الكلام دة بيقولولى ان ممكن بيسمعو كدة فى التلفزيون

(يعنى مثال مثلا . كان بباهم جيبلهم خاتم ذهب لكل وحدة منهم بقولها جبتى منين الحجات الحلوة دى لقتها بتقولى من (الساغة) نفسى اعرف ازاى طفلة مكملتش 3 سنين تقولى الساغة عرفت الساغة دى اساسا من فين .. مع انهم عيشين هنا على طول ومش بينزلوا مصر غير الاجازات ...

يعنى كمثال

انا اسف للاطالة ومش عارف انا حاسس بجد ان قاعد بتكلم مع اخواتى جدا مش عارف ازاى قاعد بحكى مواضيع شخصية بس انا بجد حاسس انكم اخواتى فى الغربة اوىىىىى

واسف انى بتكلم بالغة العامية ويوعدنى ويوعدكم ربنا باطفال حلوة تقول بردوا الساغة وهما فى الغربة wst::

تحياتى للجميع