ماذا تنتظرون من مؤتمر "الحزبوطني"؟

[Sherief AbdelWahab]

كما في الدعاية السمجة المصاحبة لسي المؤتمر.. أوجه نفس السؤال ولكن بجدية شديدة:

ماذا تنتظرون من سي مؤتمر الحزبوطني؟

خلص الكلام

[seeem]

اولا : ما وضع مشروع توشكى فى برنامج الحزبوطني الجديد ؟

[se_ Elsyed]

اولا : ما وضع مشروع توشكى فى برنامج الحزبوطني الجديد ؟

توشكى أو غيرها وكل ما يخص الشعب المصري غير مدرج إطلاقاً على جدول اعمال مؤتمر الحزب الوطني .. وكل ما في الأمر إن المؤتمر هايناقش الامور التنظيمية التظبيطية للسيد جمال مبارك في المستقبل القريب على أساس إن الوالد خالص رجل بره ورجل جوه فلازم جمال يرسى له على حل ولازم كمان الحزب يكون جاهز للتغييرات القادمة بدل ما يلاقي نفسه فجأة زي حزب البعث بعد صدام ما راح وأتسحلوا في الشوارع لإنهم كانوا حراميه وآفاقين .

ولو لاحظتو إن مؤتمرات الحزن السنوية هي حديثه العهد .. وكان الغرض منها في البداية - ونجحت فيه بإقتدار - هو تنحية وتهميش دور الحرس القديم المُحيط بمبارك من زمان زي كمال الشاذلي وصفوت الشريف ويوسف والي وكل تلك الوجوه الحمضانه اللي ما تكولش مع جمال لإنه عايز شباب رِوش مثله يطبلوا له ويزمروا له وبيحطوا جِل في شعرهم زيه ... وبالفعل رويداً رويدا الحرس القديم كان بيقاوم ويفلفص شويه في الأول لكن دلوقت إستسلموا وأختفى نجمهم .. وعلى نجم الحرس الروش الجديد وجيل شباب المستقبل المحيط بالأخ الزعيم القائد جمال مبارك ادام الله ظله .

[se_ Elsyed]

اولا : ما وضع مشروع توشكى فى برنامج الحزبوطني الجديد ؟

بالمناسبة اليومين دول هانسمع أحلى طلقات هوائية حنجورية حزبوطنية .. عن إنجازات الحزب تحت مظلة السيد الرئيس القائد مثل

- تصريح الأخ القائد الصغير جمال بإن الحكومة وفرت 2.5 مليون فرصة عمل في أخر سنتين ..... أديها تهجيص وما حدش بيحسب ولا ياخد باله .

- تصريح حكومي في جرايد النهاردة بإن أبو ظبي طالبه 100 فدان تزرعهم في توشكى ... وام ظبي طالبه مليون قيراط تعمل جنينه وخرابيط وتهجيص ليس له أساساً من الصحة .

[seeem]

تصريح حكومي في جرايد النهاردة بإن أبو ظبي طالبه 100 فدان تزرعهم في توشكى ... وام ظبي طالبه مليون قيراط تعمل جنينه وخرابيط وتهجيص ليس له أساساً من الصحة .

موسيقى السيرك .....(( لاا لاا للللاا)) واروجوزات بتتنطط وناس عينيها مفتوحة على الاخر ..... 100 فدان بحالهم ياولاد......

حتى الكدب ....... مش نافع....

[se_ Elsyed]

تصريح حكومي في جرايد النهاردة بإن أبو ظبي طالبه 100 فدان تزرعهم في توشكى ... وام ظبي طالبه مليون قيراط تعمل جنينه وخرابيط وتهجيص ليس له أساساً من الصحة .

موسيقى السيرك .....(( لاا لاا للللاا)) واروجوزات بتتنطط وناس عينيها مفتوحة على الاخر ..... 100 فدان بحالهم ياولاد......

حتى الكدب ....... مش نافع....

آي .... المرة دي جت في أنا

معليش الخبر كان بيقول 100 ألف فدان مش 100

المصدر

الأهرام

[seeem]

سلامتك يا س س من الآي

وبردوا لو 100 الف كدابين كدابين كدابين

هما فى ابوظبي هبل ولا ايه !!!!!!!!!!!!!

طب يناقشوا الصحة والتعليم , او النقل والمواصلات , او الاسكان

صاحبنا بيقول ان بقاء معدل زيادة السكان فى مصر على وضعه الحالى اصبح مشكلة امن قومي ((واخد بالك يا س س)) يعنى من الاخر امن دولة !! ممكن كمان شوية صغيرين يقبوضوا على الواحد بتهمة انه طفا اللمبة......

ولا يمكن يعملوا عمليات زي مابدأوا يعملوها للكلاب. ((ومايمنعش ابدا من وجود نسبة وفيات خلال العمليات))

المصدر

وسونا احسن ناس

[مسالم]

الحقيقه .. كنت بافكر في هذا الموضوع صباحاً .. وكنت ناوي اطرح عليكم سؤال راودني وحسيته عندما كنت اشاهد مؤتمر الحزب الوطني...

السؤال هو ... ماذا كان شعوركم عندما شاهدتم رئيس لجنة السياسات بالحزب وهو يطرح الانجازات التي انتهت والتي سوف تنتهي بإذن الله .. سواء رضينا ام لم نرضى ...

هل شعرتم براحه نفسيه أم بماذا ..؟؟ أنا عارف انه سؤال صعب .. بس نفسي أعرف اذا كنت انا دايماً بافكر في خيالات ام ان هناك من هو يحس بما احس به عند رؤية ولي العهد .. قصدي رئيس لجنة السياسات بالحزب..