ندوة شهرية للمبدعين من أعضاء المحاورات..ما رأيكم؟

[المدهش]

السادة المبدعون في محاورات المصريين..

شعرا وكتاب قصة وهواة موسيقى وفنانين تشكيليين وعازفين..ما رأيكم دام فضلكم لو عملنا منتدى شهري لنا نحن المبدعين من أعضاء المحاورات نلتقى من خلاله في الخميس الاول من كل شهر مثلا في اي مكان وساعة نحددها ونتبادل الاستماع والمناقشة والاستمتاع بأعمالنا على غرار صالونات الادب زمان والآن..وأنا شخصيا مستعد للمساهمة بايجاد مكان مناسب نلتقي فيه..سواء في نقابة الصحفيين في شارع عبدالخالق ثروت أو في النادي النهري للصحفيين في شارع البحر الأعظم أو في أي مكان تحددونه..ما رأيكم في تلك الفكرة..التي أتعشم أن تجد التجاوب والتشجيع من الأستاذ الجميل عادل أبوزيد والشاعرة الناقدة ايمان الدفراوي(بنت مصرية)

[badroora]

واللى مالوش فى اى حاجة من الحاجات اللى حضرتك ذكرتها ممكن يحضر مستمع

لو ينفع يعنى انا نازلة مصر كمان خماشر يوم ايقوا سوبولى دعوة wst::

[المدهش]

طبعا يا بدرية يشرفنا جميعا حضورك وحضور أصدقاءنا الأعزاء في المنتدى..وأرجو أن تلقى الفكرة ترحيب المسئولين عن الموقع لتفعيلها ووضعها موضوع التنفيذ وأنا واثق أن الآستاذ عادل ابوزيد والاستاذة ايمان سيدعمان هذا الاقتراح ان لم يكن قد فكرا فيه بالفعل من قبل وانا لا اعرف بسبب ابتعادي لفترة عن المشاركة في المحاورات..اهلا بك مرة أخرى وتوصلي مصر بالسلامة ان شاء الله

[Ahmad Farahat]

أكيد أنا في أول الصفوف يا أستاذ مدهش

وتسلم على الاقتراح

[المدهش]

شكرك يا احمد على تشجيعك وصوتك معي ..وجهدك ايضا لانجاح هذه الفكرة وتحويلها الى امر واقع

[Ahmad Farahat]

بالمناسبة يا بدرية

إنتي ليكي مش دعوة واحدة

إنتي ليكي 5 دعوات واحنا متفقين معاكي أنا وإنتي ومدام ايمان وكمان إن شاء الله الأستاذ عادل معانا

ويا سلام لما يزيدوا الأحبة وييجوا كلهم معانا

بالمناسبة

نسيت كمان مادا الجميل

أصغر محاوراتي

[bentmasria]

اسفة انى لسه شايفة الموضوع بس مكالمتك التليفونية الغالية كانت اجمل دعوة

المنتدى ملىء بالاقلام الواعدة والمواهب الجميلة ويسعدنى ان نلتقى دائما على الفن والادب الجميل معك وباذن الله نتعاون ليكون هذا اللقاء علامة فى تاريخ المحاورات واتمنى ان ينضم الينا الاستاذ احمد محمود والاستاذ داروين والاستاذ كامل الجمل والاستاذ ابومحمدوالفاضلة فولانة ويارب يارب تكون مدام سلوى نازلة مصر علشان تقود المسيرة الى جوار استاذنا عادل ابوزيد والذى اثق انه سيكون اول المشاركين فى كل شىء

اما شبابنا الجميل الناض بالموهبة كاحمد وباسم وسيناترا ومهيب وهوس وفولان وطفشان ووجدى ودياب وجميعهم وغيرهم من الاقلام النسائية الواعدة اتمنى ان نحظى بفرصة لقائهم والاستماع اليهم ان شاء الله والجميل هشام جنيدى ساسعى للاتصال به فور تحديد الموعد والمكان اللهم اجمعنا فى خير ورقى وجمال دائما دائما على الحب

البنت المصرية

[amrhoras]

طب انا مليش اى موهبه :wub:

طب ممكن اكون من الجمهور مستمع ومش حطلع صوت والله وحربع ايدي واعمل قفل على فمي :)

اما الحق انقل اى حاجة كدى على الماشي من اى حد واجى اقولها :wub:

بدريه ياختى الظاهر انا كمان مليش مكان تعالى بقى نجمع الناس اللى بلا مواهب ونتقابل برده محدش احسن من حد :)

فكره حلوه جدا يا ا/ مدهش والله جميلة جدا وياريت تنفذوا الفكره دى بس اوعو تنسوا الاخوه المغتربين وديما اضيفو صور للمقابلات دى لازم نحس اننا مع بعض

[المدهش]

فكرة الصور وكتابة تفاصيل ما يجري في الندوة وما يلقى فيها من قصائد وأشعار جميلة جدا يا عمرو..وهي يمكن أن تكون مقدمة لاصدار ديوان أو مجموعة قصصية جماعية لأعضاء في المنتدى..شكرا يا عمرو واهلا بيك..

الاستاذة ايمان..

أنت الترمومتر الذي نقيس به حرارة التفاعل في المنتدى والاستاذ عادل ابوزيد هو الاب الروحي وصاحب الفرح الذي نتحاور في ظله ونتطلع دائما اليه..وبدونكما وبدون تفاعل وتحمس اعضاء المحاورات لا يمكن لاي فكرة ان تتم أو تنجح..أرجو أن تكون هذه الندوة مقدمة لافكار اخرى تجمعنا دائما على الخير وما ينفعنا وينفع الناس ويمكث في الارض

[Diab]

العزيز مدهش

حمد الله ع السلامة اولا ونرحب بيك وبعودتك القوبة لصفوف المحاورات التي يثقل وزنها بثقل أعضاءها

ثانيا انا احب اني اكون معاكم في الاجتماع لكن للأسف ان overseas

لكن ان شاء الله يكتب لكم النجاح ومين عالم جايز نحضر معاكم في القريب العاجل

تحياتي لك وللفاضلة إيمان الدفراوي الشهيرة بأم مادا

[عبير يونس]

للرفع

لضرورة الموضوع

و أرى أن يتم الترتيب له حاليا في ظل العهد الجديد

و ممكن المغتربين يعملوا ندوة شهرية هنا

بإننا مثلا نختار يوم و نتفق نتواجد كلنا فيه و نعرض ما نود عرضه و نتناقش حوله

ما رأي حضراتكم؟

[bentmasria]

السادة المبدعون في محاورات المصريين..

شعرا وكتاب قصة وهواة موسيقى وفنانين تشكيليين وعازفين..ما رأيكم دام فضلكم لو عملنا منتدى شهري لنا نحن المبدعين من أعضاء المحاورات نلتقى من خلاله في الخميس الاول من كل شهر مثلا في اي مكان وساعة نحددها ونتبادل الاستماع والمناقشة والاستمتاع بأعمالنا على غرار صالونات الادب زمان والآن..وأنا شخصيا مستعد للمساهمة بايجاد مكان مناسب نلتقي فيه..سواء في نقابة الصحفيين في شارع عبدالخالق ثروت أو في النادي النهري للصحفيين في شارع البحر الأعظم أو في أي مكان تحددونه..ما رأيكم في تلك الفكرة..التي أتعشم أن تجد التجاوب والتشجيع من الأستاذ الجميل عادل أبوزيد والشاعرة الناقدة ايمان الدفراوي(بنت مصرية)

موافقة طبعا يا استاذ محمد ستكون فرصة رائعة لكل المبدعين والمكان فى نقابة الصحفيين اقتراح مناسب جدا بالنسبة لى على الأقل اتمنى ان نجد ردودا وتشجيعا من اعضاء المحاورات الكرام وشكرا لك على اقتراحاتك الرائعة المثمرة بكل الخير ان شاء الله

[لماضة مصرية جدا]

السلام عليكم و رحمة الله و بركاته

:protest: :protest:

اكيد طبعا لاني مش من المبدعين :lol:

طب اذا كان اصلا اصلا عدد كبير من المحاورين و المحاورات و انا و انت و الناس المنورين المنتدي هنا هوت مغتربين...نعمل احنا ايه بقي؟؟؟

ممكن بقي اقترح اقتراح آد النملة

ليه منسهلشي الدنيا علي نفسنا......و بما ان احنا عملنا قفزات غير تقليدية في عالم الانترنت و اللي المفروض بنقدم فيه ازاي الدنيا بتتطور...ليه منخليش التجمعات دي اونلاين

يعني نتفق علي موعد ده يكون الندوة الشهرية الاولي و نتجمع هنا يا اوضة الدردشة يا اما نعمل اوضة اونلاين نقدر نتواصل من خلالها

و ده طبعا علي ما ربنا يفرجها و نشوف ارض الوطن

و دي وجهة نظر

من امام اللاب توب....مراسل قطاع الغربة

لماضة