انا عندي مشكلة!!

[بنت شعنونة]

معظم الشعب المصري "لأنه عاطفي"

لما بيبقى عنده مشكلة تلاقي اول حاجا يعملها انه يرفع سماعة التلفون ويكلمه صاحب عزيز ويحكيله على اللي حصله ويطلب منه النصح!!

وطبعا يتطوع الصصديق بالنصيحة لصاحبة حسب خبرته و واقعه وحسب رؤيته للموقف اصلا

الناس دايما تقول... انت جوا المشكلة ف مش شايف كويس؟ انما احنا برا ف شايفنها كلها وشايفنها احسن منك!!!!!اسمع كلامنا :?

في رايي المتواضع الكلام دا غلط يا جماعا..

دلوقتي الصديق اللي احنا ها نحكيله دا مهما حكيتله بالتفصيل الممل لن يستطيع ان يلم بكل احوال الموقف؟ وحتى لو

..

لو اداك نصيحة هوا برا الموضوع يعني الناتج مش ها يفرق معاه!! :?

سواء بالخسارة او المكسب

ولو نصيحته انت طبقتها وجابتك ورا ها تروح تقوله منك لله انت اللي شورت عليا بكدا

تلاقي الرد المنطقي جدا ليه

"انت طلبت راي وانا قلتهولك" وبعدين عقلك في راسك تعرف خلاصك!!

يعني في النهاية الغلط عليك؟؟

انا شفت الموضوع دا خصوصا في المشاكل الزوجية او العاطفية

فعلا

نادرا لما النصيحة بتعمر وكتير جدا بتهدم

" اوعى ترجعلها هاتركبك"

"لالا تكلميه بتاع ايه سيبيه لما يرجعلك"

"فين كرامتك"

"هددها انك ها تتجوز عليها "

"سيبلها البيت اليومين لحد ما تهدوا"

!!!!!!!!!!!!!!!!!!!!!!!

كل دي نصايح سمعتها وسمعناها؟؟؟؟؟

وكتير جدا يتكون في غير محلها

والا بلاش

فلان عاوز يتجوز فلانة

لالا يا عم ابعد عنها.... انا "سمعت" انها دايرا على حل شعرها

ويسال فلان عنها ناس تانية تلاقيهم يشكروا فيها

ويرتبط فلان بفلان وبعد الخطبة يحكيلهاعلى اللي قاله البيه

وتستغرب لأنها لا تعرفه ولا عمرها سمعت عنه

وطلبت لقائه

وبقف فلان مع علان وبعدين يساله على فلانه.. فيقوله ما "سمعتش" عنها حاجا من فترة

يقولوا انت تعرفها (وهيا واقفة قدامه)

يقوله اماااااال دي صايعة ياعم

- طب اعرفك.... اهي فلانة اللي انت بتكلم عليها

وتنشق الأرض وتبلعه؟؟؟؟ :twisted: :twisted: :twisted:

الموقف دا حصل قدامي للأسف؟؟

ولكن على الطرف التاني نلاقي الدين النصيحة

وامركم شورى بينكم

واذا اختلفتم فحكم من اهلها وحكم من اهله

؟؟؟؟؟

انا احترت :(

[Faro]

النصيحة أو المشورة يجب أن تكون دبلوماسية. أما عن السؤال عن سلوك الأخرين فيجب الإبتعاد عنه ... والإجابة عنه.

جميع نصائحى كانت وستظل الدبلوماسية حتى يتسنى لطالب النصيحة أن يبحث عن الحل المناسب وحتى أتجنب - أنا - اللوم لإعطاء النصيحة الخطأ .

[بنت شعنونة]

:cry: :cry:

استاذ فارو

كلامك انبلي ضميري :(

معنى كدا اني رحت ورا الشمس

بسبب النصايح اللي انا قدمتها للناس ....مع انها كانت بتكون من قلبي جدا :(

يبقى على كدا الواحد ما ينصحش حد نهائي

ولا يطلب النصيحة :(

[Faro]

يبقى على كدا الواحد ما ينصحش حد نهائي

ولا يطلب النصيحة :(

إعطاء النصيحة إذا طلب منك يتوقف على نوع أو طبيعة المشكلة التى تحتوى على أشخاص ولذا لا مفر من الدبلوماسية ... النصائح التى تحمل معنى الإرشادات لتجنب شيأ ما لا تحتاج لدبلوماسية.

أما طلب النصيحة فأنت صاحبة قرار العمل / الأخذ بالنصيحة المعطاة أم لا .

[بنت شعنونة]

:cry: :cry: :cry:

معنى كدا ان النصح شيء نسبي؟؟؟؟

[Katamando]

" الدين النصيحة"حديث شريف

يعني التهرب من أداء النصيحة لشخص آخر يعتبر مخالف للدين, فإذا كان الأساس هو نشر تعاليم الدين بالنصح فما بالك بإبداء النصح لمن يطلبها. أما اذا كان ما يطلب فيه النصيحة خارج نطاق معرفتك او مداركك فعليك أن تكون صريحاً مع نفسك أولاً و ان تقر بأنك لا تعلم ماذا ينبغي فعله ( ومن قال لا أعلم فقد أفتى) ولا ينبغى أن تحجم بالفعل عن النصح الهادف لا النصح المتطرف كما ذكرت شعنونة امثلة له , وعلينا أن نعرف أن من يطلب النصيحة في أغلب الأحيان يشكو من ألم نفسي أضطره لطلب النصيحة من الغير وعليه فإن النصح برأي عنيف للحل ينتج عنه نتائج وخيمة لذا ينبغي التأنى والنصح بالصبر و التحمل وهو ما يندرج تحت الدبلوماسية التي ينصح بها السيد Faro.

قيل في الامثال :

يابخت من بكاني وبكى الناس عليا ولا ضحكني وضحك الناس عليا

بمعنى تحري الأمانة في النصح وليس النصح بما يتفق ويتماشى مع آراء وأهواء طالب النصح

مش كده ولا أيه؟ :D

[إبن مصر]

وقالوا كمان فى الامثال امشى فى جنازه وماتمشيش فى جوازه!!!!!

طبعا دى دعابه :D

المهم ...

يا شعنعن يا بنتى للمرة الالف......

النصيحه واجب ولابد منها بشروط:

1- ان تكون على علم اى المام كامل بكل ابعاد الموضوع محل النصح وكذلك الالمام الكامل بنتيجه اتباع ما سوف تقترحيه .

2- ان تخاطبى الناس على قدر عقولهم اى بقدر ما يستةعبون من الامر بلا مغالاه او تفريط.

3- الدبلوماسيه كما قال الاساتذه مطلوبه وحتميه الا فيما يتعلق بالعقائد والدين فلا دبلوماسيه فى شرع الله وليس معنى هذا الغلظه حاشا لله ولكن معناهانه لن يكون هماك تجميل للحقيقه .

4- ليس معنى انى لا اتبع النصيحه ان امتنع عن التعبير عنها ما دمت متأكد من صحتها فقد يملك احدهم من الجرأه ما لم أمتكلكه ويطبق الصح فيكون المنصوح اقوى من الناصح.

بس

والا انتم رايكم ايه

[بنت شعنونة]

طيب ماشي

كلامكم صح لو 1+1=2

يعني حاجات منطقية او عمليه اي حاجا كدا

انما لو جه حد يسالك رايك في مسالة شخصية ليه

ودي بتحصل كتييييييير جدا بالفعل

يبقى الحل ايه

خصوصا..

انه كل شخص يختلف عن التاني وغير كدا الشخص نفسه يختلف من لحظة للحظة!!!!!!!

طب وبعدين؟