سؤال عن اوانى الطهى

[بنت الشاطئ1]

السلام عليكم

قرأت اكثر من مرة عن خطورة أوانى الطهى المصنوعة من الالمونيوم فالأغذية المحتوية على أحماض عضوية أو مركبات لها تأثيرات قلوية وهي تسبب ذوبان عنصر الألمنيوم من أواني الطبخ وتكوين رواسب بيضاء تلوث الطعام الموجود فيها،

كذلك الفخار عند الزخرفة قد تحتوى المواد المستعملة لذلك بعض الأصباغ أو الرصاص والتي قد تختلط بالطعام

المهم ملخص ما قرأت ان افضل شئ هو البايركس

انا اصبحت استخدم البايركس لكن الارز ما زلت اطهوه فى الالمونيوم مش عارفة ايه البديل

وكمان التيفال المشكلة انى كل فترة اجدد اوانى التيفال لأنها تخدش ..انا صراحة استخدم ملاعق خشب ولكن المشكلة فى تنظيفها احيانا مش انا اللى بغسل الاوانى فأجد انها تخدش واضطر اغيرها ولكنى قررت الان عدم شراء التيفال

مشكلتى فى الارز لو حد عنده فكرة عن انسب اوانى الارز

وكذلك هناك اوانى اسمها فيزون VISONرأيتها لكن لم استخدمها هذه شكلها كالبايركس لكن ممكن بعد الطهى فورا توضع فى الماء لا تتأثر بالتغيرات الفجائية ..حد جربها

سؤال كمان ايه رأيكم فى الحلل الصاج اللى هى فى منها عدة الوان وكذلك منها النوع الغالى اللى بيكون ثقيل..

هل هذه صحية للطبخ ام لا

[بنت الشاطئ1]

ماحدش عارف الاجابه واللا ايه

[miramar]

انا معرفش حاجة خالص في الطبخ بس اقدر اقولك ان الفخار احسن حاجة

في منه دلوقتي مصنوع بطريقة حديثة و عصرية

اكيد في حد جرب الفيرون ده الي انت بتسالي عليه بس استني الاعضاء يصحوا

مرمر

[nash]

أختي الكريمه بنت الشاطيء...

أنا أستعملت تقريبا كل أنواع الطناجر في الطبخ....

ملاحظاتي...الفيزون ممتاز في الطهي وبالذات عند التسبيك...وسيء جدا عند غلي الحليب مثلا لإنه يحتفظ بالحرارة لمده طويله وبالتالي حتي بعد طفي الموقد يبقي الفوران للحليب...

أنا استريح أكر شيء في التيفال...وطبعا كلنا نعرف أنه يحتاج للعنايه حتي لا يصاب بالخدش وبالتالي تؤثر الماده في الصحه العامه...

الإستانلس ستيل جيد جدا..ولكنه يأخذ بعض الوقت للتنظيف...

إذا عزمتي علي الفيزون...فهو جيد جدا وأنصحك فيه...

دمتي في رعايه الله وحفظه

[نانو]

شوفي يا ستي أدامك حلين (مش حلتين )

يا إما تستخدمي حله طبخ الأرز و ديه هاتسألي عليها في أي محل أدوات مطبخ هتلاقيها و ديه مفيده جدا للمرأه العامله

الحل التاني طالما إنك قررتي تبطلي إستخدام التيفال يبقي تستخدمي الستانليس ستيل وديه أكثر أواني الطهي أمان

علي صحه الإنسان

بس هيا عيبها إنها بتلسع الحاجه بسرعه فيها ولازم تأخدي بالك تكون النار هاديه و ما تقعديش الحاجه علي النار فتره ازيد من المطلوب

كمان و أنتي بتشريها تأخدي بالك فيه منها أنواع ذات قاعده سميكه و ديه الأنواع الحديثه .....و بتكون عازله اكتر للحراره و بتلسع الأكل أقل

بالنسبه للأواني الفيزون ديه زي البيركس بس بتستخدم فوق النار لكن البيركس مش ممكن توضع مباشره علي النار

هيا طبعا صحيه لكن تخيلي وانتي بتتعاملي معاها يوميا في عمل الأرز مثلا بتكون عرضه للكسر كتير جدا لإنها كمان بتكون وزنها ثقيل

وبالتالي هاتفقدي منها كتير وهاتضطري كل شويه تشتري واحده جديده أسرع ما كنتي بتشتري حلل تيفال

وطبعا طبعا الألومنيوم من أخطر انواع الحلل وأكثرها ضررا علي الإنسان بشكل خطير ومباشر فإبعدي عنها خالص

الحلل الصاج مش عارفاها الحقيقه ولكن اعتقد النوع الثقيل اللي بتتكلمي عليه هو الإستانلس اللي كلمتك عنه أول واحد

ومع تمنياتي لكي بأكل شهي ... (باين يعني إن أكلك حلو من مطبخ بنت الشاطئ)

[sendrella119]

بنت الشاطئ .....حاولي تستخدمي اللي انتي ارتحتي في التعامل معاه ما عدا طبعا الالومونيوم .

الصاج لا طبعا لان الاكل طعمة بيكون غريب فيه وكمان اقل خدشة بيبقي خطر جدا لانه بيعمل مادة سامة

ناش بالنسبة للفيزون وغلي اللبن انا كنت باستخدم كريستالة غلي اللبن او حطي مغرفة كبيرة لمنع فوران

نانو بتقصد الانواع اللي زي كده

بتقوم علي البخار طبعا في انواع مختلفة كتير منها بس لو فكرتي فيها اشتري صناعة اوروبة وليس امريكية او كندية وخدي ده كمقياس عموما مش في الاواني فقط

انا باستخدم لكل نوع استخدام

مثلا الفرن........ فخار وبيركس

الارز والتسبيك .........تيفال

وبس كفاية كده احسن انا حاسة نفسي بقيت عاملة زي (خطيب سعاد حسني في فيلم صغيرة علي الحب)

.....

.....

يسلق الخرشوف سلقا جيدا

[بنت الشاطئ1]

شوفي يا ستي أدامك حلين (مش حلتين :lol: )

يا إما تستخدمي حله طبخ الأرز و ديه هاتسألي عليها في أي محل أدوات مطبخ هتلاقيها و ديه مفيده جدا للمرأه العامله

الحل التاني طالما إنك قررتي تبطلي إستخدام التيفال يبقي تستخدمي الستانليس ستيل وديه أكثر أواني الطهي أمان

علي صحه الإنسان

بس هيا عيبها إنها بتلسع الحاجه بسرعه فيها ولازم تأخدي بالك تكون النار هاديه و ما تقعديش الحاجه علي النار فتره ازيد من المطلوب

كمان و أنتي بتشريها تأخدي بالك فيه منها أنواع ذات قاعده سميكه و ديه الأنواع الحديثه .....و بتكون عازله اكتر للحراره و بتلسع الأكل أقل

بالنسبه للأواني الفيزون ديه زي البيركس بس بتستخدم فوق النار لكن البيركس مش ممكن توضع مباشره علي النار

هيا طبعا صحيه لكن تخيلي وانتي بتتعاملي معاها يوميا في عمل الأرز مثلا بتكون عرضه للكسر كتير جدا لإنها كمان بتكون وزنها ثقيل

وبالتالي هاتفقدي منها كتير وهاتضطري كل شويه تشتري واحده جديده أسرع ما كنتي بتشتري حلل تيفال

وطبعا طبعا الألومنيوم من أخطر انواع الحلل وأكثرها ضررا علي الإنسان بشكل خطير ومباشر فإبعدي عنها خالص

الحلل الصاج مش عارفاها الحقيقه ولكن اعتقد النوع الثقيل اللي بتتكلمي عليه هو الإستانلس اللي كلمتك عنه أول واحد

ومع تمنياتي لكي بأكل شهي ... :lol: (باين يعني إن أكلك حلو :lol: من مطبخ بنت الشاطئ)

thank you all

thank you nano

i am sorry i can not write arabic

but what do you mean ya nano for the rise ..is there special things to cook the rise and what is the kind of it...

[نانو]

العفو خالص جدا جدا يا بنت الشاطئ :lol:

شوفي ال rice cooker

سندريلا حاطتلك صورتها في المداخله بتاعتها و ديه بتبقي حله بالكهربا مخصوصه لتسويه الأرز و معروفه عند أي محل بيبع أواني مطبخ

أو أجهزه كهربائيه و ديه من أنجح الحاجات في الأرز لإنك بترمي فيها الرز و تمشي وتسيبيها تسويه لوحدها :lol:

[امانى]

الاخت العزيزة بنت الشاطئ انا مع مدام نانو فى استعمال الاوانى الاسانليس فهى امنه وكما قالت الاخت

نانو يوجد اوانى زات قاعدة سميكة وانا بستعمل الاستنليس وبعد غليان الاكل بهدى النار وفى حالة الارز

بعد ما بفتح علب السمن الاتنين كيلو باحتفظ بالغطاء واغسله واحطه تحت الحلل على النار خصوصا فى الارز

بعد ما يبتدى يتشرب بعد كدة مش هيشيط منك ابدا اى اكل ولا يتلسع وجربى وقوليلى وبالهنا والشفا

امانى