القديس ابوتريكة

[حسام يوسف]

بداية مش عاوز المنتدى المحترم بتاعنا يبقى خناقة فى قهوة بلدى بين الاهلوية والزملكاوية

وانا زملكاوى لكن والله مش بقول كلامى عشان كدة

لكن بعيد عن ده

هل يستاهل ابوتريكة كل هذا التزمير والتهليل الاعلامى؟

من ناحية المستوى الفنى :هو جيد لكن فيه ماتشات كاملة ممكن متشوفوش

واخرها ماتش امبارح بين الاسماعيلى والاهلى على سبيل المثال

ومن ناحية الاخلاق:يقولوا عليه قديس

وهوما يفرقش عن فاروق جعفر حاجة فى تمثيل البينالتيات وراجعوا اكتر من ماتش منها حرس الحدود العام الماضى

هل ابوتريكة يستاهل اننا نغنيله؟

ده معملش ربع اللى عمله واحد زى حسام حسن

انا عارف ان الاهلوية اغلبية

لكن لو سمحتوا نناقش الامور بعيدا عن التشنجات الكروية

وبلاش يبقى عندنا تابو رابع (بعد الجنس والدين والسياسة)اسمه محمد ابو تريكة

[Ahmad Farahat]

وانا زملكاوى لكن والله مش بقول كلامى عشان كدة

لكن بعيد عن ده

أولا ومن غير زعل إطلاقا

إنت بتقول كده بس علشان انت زملكاوي

ومينفعش يكون فيه سبب تاني غير كده

خليك صريح

أما عن مستواه الفني ومحاسبته على بعض المباريات التي لا يكون فيها جيدا

فهل كان حسام حسن يلعب كل مبارياته بشكل جيد؟

إن كان يفعل فأنت على حق

بل هل رونالدينيو هكذا يلعب كل مبارياته بشكل جيد؟

هذا هو السؤال يا عزيزي

أبو تريكة يا صديقي يحفظ قسما كبيرا في القرآن ويفعل الخير دائما ويصلي الفجر حاضرا و......

ومثل في بلنتي ماتش الحدود من 3 سنين واعتذر عنه

فهل تراه سيدخل النار على هذا البلنتي وينسى له الله كل هذا لقاء هذا البنلتي؟

أما عن حسام حسن فإنه فعل ما فعله لطول الأمد الذي لعبه في الملاعب

راجع عهود حسام حسن في الكرة وستجدونه لا يلعب وحده

صحيح أنه أفضل مهاجم جاء إلى مصر لكنه لا يلعب وحده

وحرام يا صديقي أن يصنع لاعب شيئا كأبي تريكة ثم نمنع عنه الإشادة والتكريم لمجرد أنه لم يفعل ربع ما فعله حسام حسن

أبو تريكة حقق مع الأهلي بطولة الدوري 3 مرات

والكأس مرتان

والبطولة ألأفريقية مرة

وبطولة دوري أبطال أفريقيا مرتان

وكأس السوبر الأفريقية مرتان

وكأس السوبر المحلية 3 مرات

كما حقق الميدالية البرونزية في كأس العالم للأندية

كا هذا في غضون 3 مواسم ونصف

ترى لو كان يلعب في الأهلي من 10 أعوام فقط تراه ماذا كان سيحقق؟

إن ما يحسب لأبي تريكة أنه فعل كل هذا بمعاونة زملائه في فترة وجيزة

ولو أنك تريد من الجمهور الأهلاوي أن يكره أبا تريكة لأي سبب في نفسك

فانا لا أطالبك بكره شيكابالا أو عمرو زكي

واللي شايل قربة مخرومة مش هتخر غير على دماغة

ملحوظة

أنا قصدي أبوتريكة طبعا

سيب قربته تخر على دماغنا

إحنا موافقين

ولا ايه.............

بل

تم تعديل 2 نوفمبر 2007 بواسطة Ahmad Farahat

[miramar]

من ناحية ان ابو تريكة يستاهل فهو يستاهل

و لكن حاليا الكل بيدور على بطل عشان يعمله اغاني و شعارات و هتافات

مرمر

[احمد هادي]

عزيزي

شاهد هذا الفيديو

http://www.youtube.com/watch?v=asv1yTOAV28

هو يوضح اهم سبب لحب الناس لابو تريكة اكتر من غيره من اللاعبين

رغم ان انجازات غيره ربما تكون اكثر منه بكثير

تحياتي

[حسام يوسف]

السلام عليكم

أخى العزيز الأهلاوى

لو عايزنى احلفلك ان كلامى مش تعصب من النادى المنافس(واللى حاليا لا بينافس ولا حاجة)

انا تحت أمرك

لكن انا عايز اناقش الموضوع بموضوعية وبعيد عن اى تعصب أو قرب مخرومة وكلام من ده

لأنه اذا كان تعصب كرة هيزعلنا من بعض يبقى مالوش لازمة

ويبقى المنتدى بتاعنا فقد رسالتة

ومعتقدش لا أنا ولا انت ممكن نكون عايزين ده

السؤال مرة تانية:

هل التهليل الاعلامى والاناشيد والالقاب الزائدة عن الحد

الى درجة عمل أغانى باسمة شيئ منطقى؟

انا ارجو مناقشة الامر بالعقل مش بالتعصب

شكرا وبالتوفيق فى مباراة النجم القادمة

[Ahmad Farahat]

السلام عليكم

أخى العزيز الأهلاوى

لو عايزنى احلفلك ان كلامى مش تعصب من النادى المنافس(واللى حاليا لا بينافس ولا حاجة)

انا تحت أمرك

لكن انا عايز اناقش الموضوع بموضوعية وبعيد عن اى تعصب أو قرب مخرومة وكلام من ده

لأنه اذا كان تعصب كرة هيزعلنا من بعض يبقى مالوش لازمة

ويبقى المنتدى بتاعنا فقد رسالتة

ومعتقدش لا أنا ولا انت ممكن نكون عايزين ده

السؤال مرة تانية:

هل التهليل الاعلامى والاناشيد والالقاب الزائدة عن الحد

الى درجة عمل أغانى باسمة شيئ منطقى؟

انا ارجو مناقشة الامر بالعقل مش بالتعصب

شكرا وبالتوفيق فى مباراة النجم القادمة

سؤالي إليك

هل ترى أن محمد محمد محمد أبو تريكة لم يفعل لناديه ومنتخب مصر ما يستحق عليه التهليل الإعلامي؟

لقد ألقيت إليك ببطولاته التي صنعها لناديه ومنتخب مصر في فترة وجيزة

المشكلة ليست في العدد على حجمه

وانما في المعدل الذي حقق به هذه البطولات

فإن كنت لا تراه لا يستحق التهليل الإعلامي أو الأغاني التي تهتف باسمه فهذا رأيك

لكنني أرى أن أبا تريكة لن ينال حقه الفعلي مهما فعلنا له

فهو لاعب أعاد الإنسانية إلى الملعب

وأعاد الحياة إليه في مصر

لاعب من الطراز القديم إذا صحت العبارة

لاعب يلعب من أجل اللعب وليس من اجل شيء آخر

وإذا كان أبو تريكة لا يستحق هذا التهليل الإعلامي فمن هو الذي يستحق

حسام حسن نال ما يكفي من التهليل

وكذلك حازم امام

ومن قبلهما محمود الخطيب

وكلهم فعل ما يمكنه من أجل اللعبة

وهذا هو دور أبي تريكة للحصول على حقه المشروع من الشهرة والمديح

أنا مش زعلان إطلاقا بالمناسبة

بالمناسبة برضه

ثق أنني رجل واقعي للغاية رغم أنني شاعر ولا أراك في هذا الموضع إطلاقا لو كان أبو تريكة في الزمالك

آسف يا صديقي

لا أثق مطلقا في أن شيكابالا المتخانق مع طوب الأرض لو أنه هو الحاصل على هذه الألقاب والمديح كنت ستتحدث عنه بهذه الطريقة

بل كنت ستطالب له بالمزيد

وأنا لا أطالبك بأي شيء يا صديقي

فهذه هي طبيعة الأشياء

وأنا لا أطالبك أيضا بحب أبو تريكة أو الإعتراف له بما هو أهل له

أنا لست بهذه القسوة

كل ما هنالك أنني قدمت إليك بالأرقام لماذا أصبحت لأبي تريكة كل هذه الشعبية وكما قلت لك إن بنلتي الحدود لن يدخله النار إذا كان صواما قواما حاجا يؤدي ما لدينه بحقه

وأقول أيضا إن هذا الأمر فعله حسام حسن أيضا كثيرا ذلك الذي تريده أن يختص بأي مديح وكأن الكرة أصبحت وقفا وحكرا على حسام حسن الذي لا أشكك في موهبته إطلاقا

لقد سألت سؤالا وأجبت عليه ولا داعي للحلفان يا صديقي

وأعتقد أنك لو في مكانه أيضا ولم تحصل على حقك من المديح والدعاية والشهرة كنت ستشعر بالضيق لهذا الحي الذي لا يطرب زامره

وفي النهاية ثق أنني أحدثك بقلب هاديء وصدر خال من التعصب

ولكن كان الأولى بهذا الموضوع لاعب كميدو

ولن أزيد في هذا الصدد

[justtrying]

والله يا استاذ حسام كلامك مظبوط ومعقول

بس هتعمل ايه هيه دي مصر لازم النفخة الكدابة

ابو تريكة معملشي تمن الي عمله واحد زي حسام حسن

أبو تريكة الي طالعين بيه السما ده عنده 29 سنة يا جدعان .. حسام حسن كان عمل الي عمله ابو تريكة ده وهوه 20 سنة ولا 22 سنة

يا جدعان عمل ايه للمنتخب ؟ !!! :sad: متجننيش يا استاذ احمد ارحمني بءه ايه الي عمله ابو تريكة للمنتخب ؟؟؟؟

بطولة افريقيا الاخيرة .. طيب تسمحلي اقولك احنا واخدنها كوسة علني .. اه والله بس من غير زعل :cry:

كل واحد لازم نديله حجمه على اد امكانياته وعلى اد معطياته بردو

يعني مثلا هقولك على حاجه

امبارح كنت بتفرج على ماتش الزمالك مع غزل المحلة ..

الواد شريف اشرف دخل جول وكمان جول .. المذيع الي اسمه اشرف بتاع اي ار تي .. عمال يقول ده لاعيب عالمي وممكن يحترف في الارسنال وبرشلونة !!!! .. ولا شيكا بالا مثلا .. مدينو حجم اكبر من حجمه بكتير .. حاجه تجنن عشان واحد دخل جونين حلوين وبيلعب حلو شوية نقول بءه لاعيب عالمي

ده اسمه كلام تهريج ..

المسألة ملهاش دعوة بأهلي وزمالك .. بس بالعقل يا جدعان لازم نعرف حجمنا كويس

ونفس الكلام ينطبق على الحج ابو تريكة .. بأمانة لاعيب عادي جدا ميستاهلشي نص التضخيم الإعلامي ده كله

[احمد هادي]

والله يا استاذ حسام كلامك مظبوط ومعقول

بس هتعمل ايه هيه دي مصر لازم النفخة الكدابة

ابو تريكة معملشي تمن الي عمله واحد زي حسام حسن

ليه ؟ هو حسام حسن خد بطولة افريقيا 18 مرة متتاليه مع الاهلي ؟؟ : :blink

أبو تريكة الي طالعين بيه السما ده عنده 29 سنة يا جدعان .. حسام حسن كان عمل الي عمله ابو تريكة ده وهوه 20 سنة ولا 22 سنة

حسام وهو عنده 20 سنه كان محمود الخطيب هو نجم الفريق وايمن شوقي هو هدافه وطاهر ابو زيد هو صانع العابه ...راجع نهائي افريقيا 87 تجد الخطيب في آخر 15 دقيقة من حياته الكروية يمرر كره للكابتن حسام امام المرمي منفردا فلا يستطيع حسام ايداعها المرمي بسبب الخضة :lol:

ابو تريكة انضم للاهلي من 4 سنوات فقط ...يعني كان عمره 26 سنه ويكفيه اختياره للمنتخب وهو يلعب في الدرجة التانية مع الترسانة مع انور سلامة وبعده محسن صالح

يا جدعان عمل ايه للمنتخب ؟ !!! :lol: :lol: متجننيش يا استاذ احمد ارحمني بءه ايه الي عمله ابو تريكة للمنتخب ؟؟؟؟

بطولة افريقيا الاخيرة .. طيب تسمحلي اقولك احنا واخدنها كوسة علني .. اه والله بس من غير زعل :wub:

ياريت نعرف الكوسه دي ببتجاب منين عشان نكسب البطوله كل مرة بيها

ونفس الكلام ينطبق على الحج ابو تريكة .. بأمانة لاعيب عادي جدا ميستاهلشي نص التضخيم الإعلامي ده كله

فعلا ابو تريكه لاعب اقل من العادي

هدفه في الصفاقصي امام 60 الف متفرج في الدقيقة 92 هو هدف اقل من العادي

وان يكون اهم لاعب في فريق يحرز بطولة انديه قارية مرتين متتاليتين والثالثة بعد ايام انشاء الله هو انجاز اقل من العادي

واهدافه في كاس العالم للاندية هي اهداف اقل من العادية

والوصول للرقم القياسي في الاهداف في مرمي الزمالك شيءاقل من العادي

ومشاركته مع نجوم العالم في مباريات اليونسيف وكان العربي الوحيد مع السعودي سامي الجابر اقل من العادي

وعروض الاحتراف في الدوري الانجليزي شيء اقل من العادي

والتواضع الجم والاخلاق العالية وحب الملايين اقل من العادي

اما من يقارن ابو تريكة وحسام فيكفي ان اقول ان ابو تريكة لم يسب صالح سليم ولم يخلع فانله النادي الاهلي ويدوسها في الملعب ولم يتعدي علي مدرب المنتخب ( محسن صالح ) في بيته بالسب ولم يشاهد العالم صورته وهو يحاول خطف الرشاش من احد رجال الامن في بيروت سنة 96 في مباراة لبنان الودية :sad: ولم يسمعه الملايين يسب صبي الملعب بالكلمة الانجليزية القبيحة التي تبدأ بحرف f :cry: ولم يقول انه ثروه قومية ولم يعلن انه لولاه لما اخذنا بطوله ولا رحنا كاس العالم

:cry:

وقبل كل شيئ .....الادب فضلوه عن العلم

وبالتاكيد .....فضلوه عن اللعب

تحياتي

[amrhoras]

وحدو الله يجماعه ابو تريكه واد لعيب وحسام حسن كمان بس انا كنت سمعت انا مليش فى الكوره وبكرهها بس على حد علمي ان حسام دخل التاريخ بتسجبله للهدف المئة والله اعلم من كام سنه كدى او احسن هداف فى افريقيا

انما الناس الجديده دى شيكابالا او تريكه او ميدو او او او بيطلعو ياخدلهم يومين ويخطفو الانظار وينامو تانى

فينك يا عم خطيب او اكرامى او مجدى عبد الغنى برده الناس بتوع زمان كان لهم شنه ورنه كدى مش مجرد لعبه تفوت ولا حد يموت

وكمان اللى بيحصل فى عالم الكوره الايام دى مهزله ان كان زمالك او الكوره المصريه عامة تقدروا تقولولى بقالنا كام سنه مدخلنا كاس العالم؟

واعتقد ان الكوره مجرد رياضه لا مجال للتعصب هو مفيش حد يحب التنس هنا ولا ايه مبيجبوش الاخبار بتعته ليه اصلى اعشق اجاسي جدا اعتزل بعدها مشفتش ماتش تنس واحد

احلى حاجه فيكم الكوره خطفت انظاركم وخلتكم تضربوا بعض بالكراسي والجماهير وخصوصا البورسعيدي تلغى مباراه ايه ده انا فى حلم ولا علم كوره دى ولا خناقة

معلش احنا بنتكلم مع انى مليش فى الكوره بس بقول رأيي لانى شايفكم مسكين فى بعض وارب مخرومة دى طريقة نقاش؟

مرسي بيكو ارفوار

[justtrying]

يا استاذ احمد يا هادي بالهداوة هدي اللعب شوية

الحج الي اسمه ابو تريكة ده عمل 3 بطولات وبطولتين ولعب مع مين .. مع نجوم العالم :D معرفشي بناء على الايه الاختيار بس ما علينا اكيد الحج شوبير الي ماسك اتحاد الكورة هوه الي مرشحه .. يعني المواضيع دي بتمشي بالمزاج زي البلد كلها مهي ماشية بالمزاج بردو

طيب تمام الراجل كويس وميه ميه .. ولاعيب كويس مش دي النقطة الي بنكلم فيها .. احنا بنقول انه واخد حجم اكبر من حجمه بكتير جدا جدا وميستهلشي كل ده

طبعا سيادتك عارف ان انا لو جبتلك مثلا بطولات حققها مثلا لاعب زي حسام حسن مش هتكفي صفحة واحدة ممكن يعني بتاع تلات اربع صفحات لكن انت قولت الي عمله ابو تريكية في سطرين تلاته .. على اده

لكن عمل ايه للمنتخب عشان ياخد كل الضجة دي ؟؟ !!!

طيب انا هقولك على حاجه .. امسك لاعيب في الاهلي زي الحضري .. راجل محترم وميه ميه وعمل بطولات اد الي عملها الحج ابو تريكية عشرات المرات سواء للاهلي او للمنتخب محدش يقدر يقلل من امكانياته أو معطياته .. وخد شهرة وكل حاجه بس بالمعقول بالعقل مش تروح تقولي يلعب في الدوري الانجليزي ؟؟ :D :D ده انتو لعبتو ادام برشلونة فضحتونا يا راجل :D :D تقولي الدوري الانجليزي :D

يا رب تكون الفكرة وصلت ..

المسألة مش ده عشان الاهلي يبءه انا بكلم كدة .. لا .. النقطة الي كنت اقصدها ان كل واحد ياخد حجمه على ادي الي بيديه

وبعدين متكبرشي الخط كدة عشان انا اتخضيت قولت ابو تريكة مصاب ولا حاجه تبءه مصيبة :D :D

سلام عليكم والف مبروك مقدما على البطولة الافريقية وفوزكم على النجم الساحلي

[Ahmad Farahat]

انامش فاهم والله الزملكاوية عايزين ايه

واخد ضجة وبيتعمله اغاني والناس بتحبه

طيب احنا مالنا

ده حب ربنا يا سيدي

ربنا محبب فيه خلقه

بعدين ايه المطلوب من ابو تريكة اكتر من اللي عمله

لعيب عمل كل حاجة في عالم البطولات الا الصعود لكأس العالم في فترة وجيزة جدا

ودخل قائمة احسن 5 لعيبة في افريقيا

سؤال صريح

ألا يتمنى الزملكاوية وجود لاعب مثل أبو تريكة عندهم؟

وأتوقع الجواب مسبقا

[احمد هادي]

يا استاذ احمد يا هادي بالهداوة هدي اللعب شوية

الحج الي اسمه ابو تريكة ده عمل 3 بطولات وبطولتين ولعب مع مين .. مع نجوم العالم معرفشي بناء على الايه الاختيار بس ما علينا اكيد الحج شوبير الي ماسك اتحاد الكورة هوه الي مرشحه .. يعني المواضيع دي بتمشي بالمزاج زي البلد كلها مهي ماشية

وهل الكابتن شوبير هو اللي رشحه كمان لجايزة احسن لاعب في افريقيا اللي ما قربناش منها من ايام الخطيب 1983؟؟

لكن عمل ايه للمنتخب عشان ياخد كل الضجة دي ؟؟ !!!

وهو لعب كام بطوله مع المنتخب عشان يلحق يعمل !!!.....الراجل لعب كاس افريقيا اللي فاتت واحرزها ..بل وكان هو من سدد ضربة الترجيح الاخيرة

مش تروح تقولي يلعب في الدوري الانجليزي ؟؟ :D :D ده انتو لعبتو ادام برشلونة فضحتونا يا راجل :D :D تقولي الدوري الانجليزي :D

ولعبنا قبلها مع ريال مدريد وغلبناه ...... الهزيمة من برشلونة مش فضيحة .....انما الفضيحة اني اتغلب من الرجاء 3 صفر علي ملعبي ....وبعدها بسنه من نادي اردني مش فاكر اسمه

ياريت تحاول تقنع المسئولين المغفلين في اندية انجلترا بوجهة نظرك دي خصوصا ان اكتر من نادي تقدم بعروض حقيقية ....ومن اكتر من سنه

لما يكون عندك لاعب في الدوري المحلي التعبان بتاعنا ويقدر ينافس مع دروجبا وكانو واسيان بينما في السابق كان أول مركز للاعبينا هو ال11 وال17 يبقي في انجاز حقيقي

نحياتي

تم تعديل 3 نوفمبر 2007 بواسطة احمد هادي

[احمد هادي]

وحدو الله يجماعه ابو تريكه واد لعيب وحسام حسن كمان بس انا كنت سمعت انا مليش فى الكوره وبكرهها بس على حد علمي ان حسام دخل التاريخ بتسجبله للهدف المئة والله اعلم من كام سنه كدى او احسن هداف فى افريقيا

انما الناس الجديده دى شيكابالا او تريكه او ميدو او او او بيطلعو ياخدلهم يومين ويخطفو الانظار وينامو تانى

فينك يا عم خطيب او اكرامى او مجدى عبد الغنى برده الناس بتوع زمان كان لهم شنه ورنه كدى مش مجرد لعبه تفوت ولا حد يموت

وكمان اللى بيحصل فى عالم الكوره الايام دى مهزله ان كان زمالك او الكوره المصريه عامة تقدروا تقولولى بقالنا كام سنه مدخلنا كاس العالم؟

واعتقد ان الكوره مجرد رياضه لا مجال للتعصب هو مفيش حد يحب التنس هنا ولا ايه مبيجبوش الاخبار بتعته ليه اصلى اعشق اجاسي جدا اعتزل بعدها مشفتش ماتش تنس واحد

احلى حاجه فيكم الكوره خطفت انظاركم وخلتكم تضربوا بعض بالكراسي والجماهير وخصوصا البورسعيدي تلغى مباراه ايه ده انا فى حلم ولا علم كوره دى ولا خناقة

معلش احنا بنتكلم مع انى مليش فى الكوره بس بقول رأيي لانى شايفكم مسكين فى بعض وارب مخرومة دى طريقة نقاش؟

مرسي بيكو ارفوار

يا اخ حورس ولا تحتمس ولا حتي قرموطي :D

واضح فعلا انه مش بس ملكش في الكوره

لاده واضح كمان انه مالكش في الكتابة

ارب مخرومة......

فعلا وصف يدل علي ذوق عالي وحس ادبي رائع

تم تعديل 3 نوفمبر 2007 بواسطة احمد هادي

[احمد هادي]

السلام عليكم

أخى العزيز الأهلاوى

لو عايزنى احلفلك ان كلامى مش تعصب من النادى المنافس(واللى حاليا لا بينافس ولا حاجة)

انا تحت أمرك

لكن انا عايز اناقش الموضوع بموضوعية وبعيد عن اى تعصب أو قرب مخرومة وكلام من ده

لأنه اذا كان تعصب كرة هيزعلنا من بعض يبقى مالوش لازمة

ويبقى المنتدى بتاعنا فقد رسالتة

ومعتقدش لا أنا ولا انت ممكن نكون عايزين ده

السؤال مرة تانية:

هل التهليل الاعلامى والاناشيد والالقاب الزائدة عن الحد

الى درجة عمل أغانى باسمة شيئ منطقى؟

انا ارجو مناقشة الامر بالعقل مش بالتعصب

شكرا وبالتوفيق فى مباراة النجم القادمة

معذرة ...

أبوتريكة "إبليس" وليس "قديس"

القاهرة: عفوا ، جمهور الأهلى محمد أبوتريكة ليس قديس الملاعب ، هو قديس فى حياته الشخصية لا خلاف على ذلك، بينما يتسلح بأدوات "إبليس"من مكر وخداع داخل المستطيل الاخضر وهذا هو سر نجاحه المحلى .

محيط ـ مصطفي نجم

ويجمع المعلقون الرياضيون علي أن ابو تريكه فى كل مباراة يثبت صحة هذا الكلام ولعل أقرب مثال على ذلك مباراة الاهلى الأخيرة أمام أسيك أبيدجان الايفوارى التى أقيمت الأحد الماضى باستاد القاهرة الدولى فى ختام دورى المجموعات ضمن منافسات بطولة دورى أبطال أفريقيا والتى انتهت لصالح القافلة الحمراء بهدفين دون رد سجلهما الأنجولى فلافيو ومحمد أبوتريكة حيث آثر الأخير الفوز بالمباراة واحتلال المركز الاول فى المجموعة على سلامة لاعبى الخصم .

معلق المباراة اثار دهشة الجمهور عند سقوط أحد لاعبى الفريق الايفوارى فى منتصف الملعب لإصابة وضعته ارضا، فى الدقيقة 75 ، قريبا من أبوتريكة المسيطر على الكرة، حيث علق المذيع بقوله:" ياسلام عليك يأبوتريكة هى دى أخلاق الفرسان هى دى أخلاقك الرياضية والجميع عارف انك هااطلع الكرة فى الأوت لمعالجة اللاعب الايفوارى" ، ولكن الجميع فوجىء بتمريرة أبوتريكة الساحرة الى زميله الانجولى جيلبيرتو فى الناحية اليسرى ليلعبها عرضية الى مواطنه فلافيو محرزا هدف التقدم للأهلى .

ويعتبر تصرف ابو تريكة بعيدا عن "أخلاق الفرسان" داخل الملعب والتي توقعها المعلق كما يتوهم محبيه، وهذا حقه بالطبع فهو فى ساحة الميدان الذى يحتاج الى استغلال سقطات المنافس حتى لو وصل الأمر الى سقوط الخصم على أرض الملعب نتيجة الإصابة.

وهنا يبرز اعتراض على من يتشدق بشعار الأخلاق الرياضية فى الارتباطات المحلية والقارية لان هذا الشعار ابتدعته الملاعب الأوروبية التى تقدم الكرة الحقيقية وتضع سلامة اللاعبين فى اعتبارها الأول مهما كانت نتائج اللقاءات.

وقد يقول البعض أن اللاعبين فى البطولات الأوربية المختلفة لا يتعمدون اضاعة الوقت وعندما يسقطون على الأرض فهم فعلاً فى حاجة شديدة الى العلاج بينما يحدث العكس فى البطولات الأفريقية والعربية واتفق تماما مع أصحاب هذا الرأى ولكن ما الذى يجبر لاعب أسيك أبيدجان لإضاعة الوقت قبل ربع ساعة من انتهاء اللقاء بينما كان التعادل السلبى هو سيد الموقف وقتها وهو يعلم تماماً أن النقاط الثلاث فقط هى التى ستؤهل فريقه الى الدور قبل النهائى.

النقطة الثانية التى تضاف الى قدرات أبوتريكة "الأبالسية" هو احتياله على الحكام للحصول على ركلات الترجيح دون أن يتعرض للمضايقة أو العرقلة بل وصل الامر فى بعض الأحيان الى التحايل من خارج منطقة الجزاء وهو ما حدث فى مباراة الأهلى وحرس الحدود فى الجولة الحادية عشرة ضمن منافسات الدورى المصرى موسم 2004 / 2005 عندما احتسب الحكم محمد فاروق ضربة جزاء مثيرة للقهقهات فى الدقيقة الأخيرة من الوقت الإضافى بعد سقوط أبوتريكة خارج منطقة الـ18 دون اعتراض دفاع الحدود بينما كانت النتيجة التعادل بهدف لهدف ، وينهض تريكة بعدها مهللاً ومكبراً بالنصر المنتظر رغم اعترافه بعد ذلك بأن الحكم لم يكن محقا فى احتساب ركلة الجزاء .

وأقرب ضربات الجزاء "التريكية" المثيرة للعجب مباراة السوبر المصرى الاخيرة أمام الاسماعيلى والذى حصل فيها على ضربة جزاء غير صحيحة من تسلل واضح أسفرت عن هدف التعادل للأهلى ليهلل ويكبر أبوتريكة من جديد ، وتهاجم بعض الأقلام مهاجم الاهلى لتربط بين سلوكياته داخل الملعب والتى تختلف كلياً عن سلوكياته خارجه التى تتسم بالتزامه الدينى وتواضعه الجم.

وللمرة الثانية أكرر بان أبوتريكة من حقه كل ذلك فليس ذنبه أن الحكام ينخدعون فى سقطاته فى بعض الأحيان أويجاملونه باعتباره لاعباً فى الاهلى أحياناً أخرى، فالملعب ساحة لاستخدام كافة الأساليب من أجل الوصول الى الهدف المنشود وإسعاد الجماهير حتى لو بنصر زائف وهذا يحدث عالمياً حيث حصل المنتخب الايطالى على كأس العالم الاخيرة بعد فوزه على استراليا فى دور الـ16 بهدف دون مقابل من ضربة جزاء غير صحيحة، كما فعلها الأسطورة الأرجنتينية دييجو أرماندو مارادونا فى مونديال 1986 بالمكسيك عندما وضع هدفاً بيده فى مرمى انجلترا ليجرى فرحاً بمجرد تجاوز الكرة خط المرمى ثم قلده مواطنه ليونيل ميسى بعد 21 عاماً فى مباراة فريقه برشلونة أمام خيتافى بكأس الملك الأسبانى.

وتبقى كلمة أخيرة ، محمد أبوتريكة ظاهرة غير تقليدية فى جمهورية مصر العربية وتحتاج الى دراسة حقيقية حتى يستفاد منها بقية النجوم فى شتى المجالات، فعلى الرغم من الجماهيرية الكبيرة التى يحظى بها ونجوميتة اللامعة والهالة الاعلامية التى تحيط به على مدار السنوات الأربع الماضية الا أنه ما زال يتسم بالتوازن النفسى والتواضع اللامحدود الى جانب التزامه الأخلاقى والدينى ولكن خارج المستطيل الأخضر.

[احمد هادي]

بعيدا عن المهاترات والجدل...

نحن مجتمع مأزوم

يبحث عن اي نجاح علي أي مستوى فلا يجد

يبحث عن قدوة يفتقدها

لو اضفت لذلك الاهتمام الكبير بكرة القدم والذي يفوق اهتمام معظمنا بما هو اهم منها لسبب بسيط هو ان تأثير الجمهور عليها لا يغيرفيها شئ........... بعكس كرة القدم ...حيث كانت هتافات الجماهير ضد حازم كافيه ليخرج من الملعب ولا يعود

كرة القدم هي المجال ..ربما الوحيد الذي نتمتع فيه بالشفافية

فالكوسه لا يمكن ان تبقي لاعبا في الملعب لأن الشتائم ستلاحقه حتي يخرج

والفاشل فيها سواء كان مدربا أو لاعبا لا ترحمه الجماهير فاما ان يقال المدرب أو يجلس اللاعب علي الدكة

لذلك كان طبيعيا ان يهتم الناس بالكرة لانها متنفس لهم علي مستويات مختلفة

اما بالنسبة لابو تريكة

فهو النموذج الذي لا نراه في مجالات اخري اهم من كره القده

فابو تريكة العلم ( الدكتور زويل ) لم يسمح له المدير الفني بنزول الملعب

وابو تريكه الاصلاح والايجابيه (عمرو خالد ) خرج من الملعب بعد ان استبعد من ال21 لاعب الاساسين

وابو تريكة الاعلام ( حمدي قنديل ) يلعب مع منتخب الامارات حاليا

وهكذا يا سيدي لم يبق في الملعب غير ابو تريكه الكرة

وهو عندي افضل من اي ممثل أو مطرب أو مذيع من الذين يطاردوننا كل يوم غلي الشاشات

فهل وجهة نظري clear ?

ام انني لا احسن التعبير ؟

تحياتي

[seeem]

بغض النظر ............

انا باحب ابوتريكة من القلب...... واحب اللى يحب ابو تريكة.............

واهتف لأبوتريكة ......... واغني لأبو تريكة ............

الراجل ده فرحني وخلاني اتفرج تاني على الكورة ...... عنده فن واخلاق .........

من الاخر..........................راجل محترم ....

[حسام يوسف]

اللى خايف منه حصل

اتقلبت خناقة

انا اللى مضايقنى يا جماعة الطبل والزمر

لكن مادام لواحد من الاهلى يبقى مفيش مشكلة

صعب ببقى موضوعيين حتى فى الكرة؟

انا معرفش الاخ احمد فرحات

وانا جديد فى المنتدى

لكن حقيقى بحب مداخلاتة

ولما جت عند الاهلى او ابو تريكة

طلعت منه اوت

كلامى محدد:الطبل والزمر بالشكل ده مرفوض ايا كان اهلى او زمالك

ومن الناحية الفنية ليه ماتشات فوق وليه ماتشات تحت يعنى فى المجمل مش سوبر

ومن ناحية الاخلاق فى الملعب وعدم الخوف على الخصم او ادعاء الاصابة

والتمثيل فى البينالتيات فجدث ولا حرج

على فكرة راجعوا ماتش الصفاقسى فى القاهرة كرتة دخلت ازاى (قمة الحظ)

ولقاء العودة شوتة بالشمال فرست تايم رائعة ف الجول

علما انة مبيلعبش بالشمال اصلا

والله يخرب بيت سعد الصغير والمطرب التانى بتاع ابوتريكة يا فنان

ما السنة اللى قبلها بركتة لعب افريقيا ماتشات عمرة

وكان هداف البطولة

ما حدش جاب سيرتة

وايه حكاية احسن لاعب فى افريقيا دى؟

احسن من دروجبا وايتو وغيرهم؟

[justtrying]

كرة القدم هي المجال ..ربما الوحيد الذي نتمتع فيه بالشفافية

لا تعليق :blink:

[Diab]

كان يعجبني قوي المذيعين بتوع زمان

لو مارادونا عمل كرة حلوة يروح المعلق يقول

يا سلام الكرة دي بتفكرني بحجازي والضظوي

كنت باستغرب ياراجل اتقي الله

بقي عاوز تجيب مارادونا للضظوي

احنا بس بنحب نضع هالة لكل شيء قديم حتي لو كانت مش قد كدة

بيتهيألي خرجت عن الموضوع بس كلمتين حزين في نفسي قولتهم

[amrhoras]

وحدو الله يجماعه ابو تريكه واد لعيب وحسام حسن كمان معلش احنا بنتكلم مع انى مليش فى الكوره بس بقول رأيي لانى شايفكم مسكين فى بعض وارب مخرومة دى طريقة نقاش؟

مرسي بيكو ارفوار

يا اخ حورس ولا تحتمس ولا حتي قرموطي :blink:

واضح فعلا انه مش بس ملكش في الكوره

لاده واضح كمان انه مالكش في الكتابة

ارب مخرومة......

فعلا وصف يدل علي ذوق عالي وحس ادبي رائع :happy:

دى بقى اعتبرها دعابه ولا اهانه؟؟؟؟؟

اخى احمد لا اسمح لك ولو على سبيل الدعابة ولن تأتى كى تعلمنى الذوق العالى والحس الأدبي وان كان على القرب المخرومة فاعتقد انك لم تقرأ سوي مداخلتى اقرأ بتمعن أكثر ولا تتسرع بالرد او تداعب من لا تعرفه

وأطلب من الجميع أن يكون ردودهم تكون فى السياق الأدبي والخطأ ممنوع ولو على سبيل الدعابة

شكرا

محلوظة عمرو حورس ان لم تكن قد سمعت عنه من قبل هذا ليس بخطأى أرجع لكتب التاريخ ولن أقول اكثر من ذلك

أرجو التوضيح العاجل

تم تعديل 4 نوفمبر 2007 بواسطة amrhoras