لا تغافلي صمتي/شعر بالمحكية/

[حيان حسن]

لاتغافلي صمتي

ولا تجرَحي النسيان

ضلي متل ما كنتْ

أرسم صورتِك

صورة ع كتف الغَيم

ضيّعها الزمانْ

بعدو الدمع

بيغّسل عيوني

سكران

بيطفّي

جَمر

سكران

وما كان بدّي

غير ما تكوني

متل القصيدة

تغافل الغفيان

جرحتي الصمت

بحكاية مجنوني

هجرتي السهر

وخيالك السهران

وحيات قلب

الخَيب ظنوني

رح ضل

شارد بالدني وسرحان

ولَملِم حروف

عملتها موني

وطلّع حكي

من فوهة البركان

ياهالقصيدة ليش مدفوني

لا تستحي

بعدي أنا جهلان

نسيت اللي راحوا بعيد

نسيوني

خزَقت الورق من دفتر

اللي كان

وما كنت فيّي

غيّر فنوني

تركتك متل مسودة

ع الحيطان

خَربط حكي

بالجن مسكوني

عملتِك غريبة

ما الا عنوان

وبعدو الدمع

بيغّسل عيوني

سكران بيطّفي

جَمر سكران

[shahd]

يالها من معزوفة رائعة.. صح لسانك استاذي

[حيان حسن]

شهد الغالية

مرورك أسعدني

دمت بكل الخير أيتها الرائعة