حُسني يابن العــــ روبة .. ما أروعك

[se_ Elsyed]

والله هم يبكي وهم يضحكم ... وكمان هم بورجر

كنت عايز أضع هذا الموضوع في باب الإبتسام .. لكن قلت خلينا سياسة الأول يمكن أألف له قصة أضعه هناك

أمين اتحاد العمال لـ«مبارك»: تبت يدا من ظن أنه قد يفجعك.. وما عاش من لم يتبعك

جريدة المصري اليوم ...عدد الجُمعة 2/11

الكلام اللي بالاحمر ده تعليق الأخ الرفيق سين سين على المنافق إبراهيم الأزهري الأمين العام للإتحاد العام لنقابات عمال مصر ... ولقب أمانة بعيدة كل البعد عن صاحب تلك الإفتكاسات النفاقية

كتب مـحـمـد عـزوز ظ¢/ظ،ظ،/ظ¢ظ ظ ظ§

«حسني يا ابن العروبة.. يا أخي ما أروعك.. تبت يدا من ظن يوماً أنه قد يفجعك.. أو أنه قد يخدعك.. ما عاش من لم يتبعك.. ما عاش من لم يسمعك ( سمعت الرعد في ودانك يا بعيد وإن شاء الله نشوفك قريب في جمعية الصم والبكم ) ».. بهذه الأبيات الشعرية تحدث إبراهيم الأزهري، الأمين العام للاتحاد العام لنقابات عمال مصر عن الرئيس مبارك، في محاولة للرد علي الذين يهاجمونه - حسب قوله - ويسيئون إليه ويثيرون حوله الشائعات، التي تضر بمصلحة البلاد.

والله يا أخي تبت يدك أنت .. يامن كتبت هذه الكلمات النفاقية ... الناس اللي زي دي بيقولوا إيه لاولادهم لما يسألوهم : يا بابا إيه التهجيص والهوبصة اللي إنت بتهوبصها دي ؟ وأقسم بالله لو جه رئيس لمصر بكره إسمه عبد الحميد جُمعه ... الأخ الأزهري المنافق ده هايغير القصيدة ويخليها .... يا عبعحميد يا جمعه يابن العروبة ما أروعك ... لإنه إتربى في كنف الحزب الوطني المتلون بكل الألوان

الأزهري قال - في اختتام احتفالات اتحاد شباب العمال بانتصارات حرب أكتوبر، التي أقيمت مساء أمس الأول بالمؤسسة الاجتماعية العمالية بمحافظة القليوبية - إن الرئيس مبارك أطال الله عمره هو الفلاح والعامل والعسكري، ( وهو بابا وهو ماما وهو انور وجدي ... الراجل ما غلطش أصل الداستور بيقول كده ) والرئيس الذي يشعر بكل طبقات المجتمع ويمثلها ( صح يا عيني ... ده من كتر ما بيشعر بينا ما بقاش عنده شعر وماشي بباروكة دلوقت ... ربنا يديله ااصحة ويكتر شعره ويقرعنا إحنا اللي ما عندناش شعور ) ، مؤكداً أنه لم يجد وسيلة أفضل من الشعر يتصدي بها لمنتقدي الرئيس.

وأشار الأزهري إلي أن اتحاد شباب العمال حصر كلمات الرئيس مبارك في موسوعة من جزءين أطلق عليها اسم «موسوعة مبارك العمالية»، موضحاً أن مكتبة الكونجرس الأمريكي طلبتها وتناقلتها. ( لأ ده كتير ... كتيير ... والموضوع ده يلزم له أشرب شفشق ميه ,,,, عشان ريقي ما يباقش ناشف وأعرف أرد على الأخ المنافق ده الرد المناسب .. وهايكون الرد بأني أبصق عليه وعلى كلامه ..... بس أنا فعلاً سمعت الخبر ده على السي إن إن أولت إمبارح ... حتى بالامارة الحاجة كارولين أمينة مكتبة الكونجرس طلعت على الشاشة وكانت لابسة طرحه سودا وجلبيه سودا وعماله تلطم خدودها وتشق هدومها - أه يا قليلة الأدب - وهي على صرخه واحده وعماله تقول : أوسني .. بليز ... بليز يا أوسني ... تراي تو سيند تو أص أوول يور سبيتش تو كيب إت إن مكتبة الكونجرس ... منشان تستفيد منها الأجيال الأمريكية القادمة - قالت البؤين الأخرانين دول بالعربي من كُتر تأثرها وهي معجزة في حد ذاتها لإن الست ما كانتش تعرف عربي أساساً لكن أهي المعجزة حصلت على إيد الرئيس .... ومنشان تبقى نبراس ومرجع من مراجع امهات الكتب .... وهنا لقيت المذيع بتاع السي إن إن ميل عليها وعمال يشدها من عالكرسي لإن الست إتشنجت وفضلت تقطع في شعرها وهي بتقول عايزة أوسني ... هاتولي أوسني ... وكان فعلاً منظر يقطع الهدوم ) روح يا ازهري ... ربنا يديلك على قد نيتك .....

وأكد الأزهري - خلال الاحتفال الذي شهدته عائشة عبد الهادي وزيرة القوي العاملة والمستشار عدلي حسين محافظ القليوبية والدكتور صفي الدين خربوش، رئيس المجلس القومي للشباب - أنه سيرد علي من يسيئون للرئيس مبارك من خلال قصيدته الشعرية التي اختتمها بقوله «يا مبارك، قلوبنا معك، عقولنا معك، ( فلوسنا معاك ... بنوكنا معاك ... شركاتنا معاك ... هدومنا معاك ) كلنا معك، حسني يا ابن مصر يا قائدي ما أشجعك، صبنا في بحار الحق تجدنا دوما معك، ولمصرنا بالحب.. إنا نعاهدك».

ورغم إعلان حسين مجاور، رئيس اتحاد العمال - الذي غاب عن الاحتفال - استقلالية الاتحاد عن عائشة عبد الهادي وزيرة القوي العاملة فإن الأزهري قال عنها - في كلمته - إنها زهرة الحركة النقابية والوردة التي تعطر التنظيم النقابي ( عيشة المخدماتية بقت ورده ؟ !!!!! ... في زمن أوسني كل شيء جايز حتى حمل وولادة العجايز ..... مش بعيد يطلع بكرة يقول إن حسين مجاور أو فتحي سرور هو رشدي أباظة ... يبقى عندنا ورده ورشدي وفاضل نعمل جزء تاني من فيلم آه يا ليل يا زمن ياني ياما )

وشهد الاحتفال مفارقات عديدة، حيث حاول عدد من النقابيين التقرب من وزيرة القوي العاملة فور دخولها مقر المؤسسة الاجتماعية العمالية، سواء المتفقين معها أو المختلفين، وقاموا بتقديم فروض الولاء والطاعة، وساعد علي ذلك غياب حسين مجاور عن فعاليات الاحتفال بسبب انشغاله بأداء واجب عزاء.

[Salwa]

طيب انا راضية ضميرك ياسى السيد ..

مش اللى انت فيه ده .....حقد طبقى ؟؟

مش دى غيرة ؟؟ ...

انت ليه مش عاوز الامور تسير بسلاسة وبدون تعقيد ؟؟؟؟؟؟؟؟؟؟؟؟؟؟؟؟...

ماتسيب الناس تفضفض وتعبر عن حبها وامتنانها ..!! الناس للى لحم كتافهم من خيره ....وفى نفس الوقت ...مسئولين عنه وبس بيعملوا اللى عليهم ........صعبة دى ؟؟؟..!!! الله ؟؟

طيب ده يمثل العمال ؟؟ العمال اللى هم مين بقى ؟؟

الامين العام...للاتحاد العام ....لنقابات عمال مصر .......................الله ؟؟

نقابات ياسى السيد ............نقابات ......كلللللل نقابات مصر .............!!!!!!!

يعنى حتى (( الامين ده اللى بيمدح )) هو يمثل مسئوليته على سيادة الرئيس (( شخصيا )) .هو.كنقيب يبحث عن حقوق الرئيس شخصيا !!!!!!!!!!!!........مش برضه سيادة الرئيس ( حفظه الله ورعاه ) ...هو اكبر عضو عامل فى المحروسة وهو يمثلنا جميعا ؟؟

لكنه ........عامل ..

اذن.............................هو مسئول من الامين العام .........(( اللى ما بيعرفش يعوم ...بس بيعرف يغرق )) ...واللى هو بدوره مسئول من ......عائشة (( المسئولة عن الامناء )) .....

انا كدة تهت ...

من الاول خليك معايا حبة حبة ...............هو مين مسئول عن مين ؟؟

الامين عن العمال .......................................1

وعائشة وزيرة مسئولة عن العمال و الامناء .....2

والرئيس من العمال ....................................3

والرئيس مسئول عن الوزراء .........................4

اذن حسب النظرية ..........؟؟؟؟؟؟؟؟؟؟؟؟؟؟؟؟؟؟

يبقى كله مسئول عن كله .......وآهى فى بيتها ..

دى عاوزة واحد قهوة ........وملناش دعوة ...!!!!!!

[nash]

لماذا يقوم شخص ما بالحط من قدرة بهذا المنظر المخزي والمعيب في حقه هو في المقام الأول؟؟

ألم يجد طريقه أخري للنفاق تحفظ له ماء الوجه حين يجتمع بمعارفه وأقرباءة؟؟

ثم اي بحار وأنهار هذه التي نتبعها خلفه هل تم رفعه إلي مصاف الأنبياء؟؟...هل ظن أنه يتكلم عن نبي الله موسي عليه السلام ؟

من الذي أعطاة الحق ليتكلم بألسنتنا ويأتي بصفه الجمع علي سبيل اليقين؟؟

وبالمناسبه ...هي مكتبه الكونجرس داريه أصلا عنه ولا عن كلامه حتي تطلب كلماته العماليه؟؟؟

أحيانا يصبح النفاق بسخافه النكت القديمه التي عفي عليها الزمن...

النفاق ..أفه بشعه سواء لمن قام بها ومن تقبلها علي حد سواء ...أفهم أن أجامل إنسان ما ..لكنها تقتصر علي الجمل العاديه وليست بصفه المبالغه الممقوته...

لو تخلصت مصر من هذه الجوقه الكاذبه شله المنافقين...وكله تمام ياريس...والشعب بيبوس الأيادي ويلهج لسانه بالدعاء لك في حلك وترحالك حتي وانت في قبرك ...سينصلح لها الحال

أو هكذا أتمني لمصر

[Abofady]

مادام الاخ الازهرى قلبها اغانى فله وللريس منى هذه الانشوده :

عندك ملوخية ............. ياريس

خضراء وطرية ............. ياريس

ما تبيع وأتوصى ............ ياريس

حالنا فى النازل ............ ياريس

جتكم نيلة فى نفاقكم ، حتى نفاكم ماسخ وبايخ

[Folana]

السلام عليكم ورحمة الله....

والله هم يبكي وهم يضحكم ... وكمان هم بورجر

وفيه هم ياجمل ..وفيه هم على القلب...الهموم المعاصرة كتيرر بس مين يقرا ومين يسمع

«حسني يا ابن العروبة.. يا أخي ما أروعك.. تبت يدا من ظن يوماً أنه قد يفجعك.. أو أنه قد يخدعك.. ما عاش من لم يتبعك.. ما عاش من لم يسمعك....

هو فيه ايه؟.....ماله يعنى؟...

مش ما اروعك دى اغنية؟.....بتقول "يا ابن العروبة ما اروعك..تاكل وتنكر ما افجعك...ملعون ابو من يخدعك..ربنا ياخد من لم يتبعك...وحنقطع ودن من لم يسمعك..وايييييييييييييه ه ه "....بس مش فاكرة اسم المغنى...كان بيغنيها لواحد جارهم فى شارع العروبة.. :rolleyes:

إن الرئيس مبارك أطال الله عمره هو الفلاح والعامل والعسكري،

الرجل ماكدبش... smk:

بس المضحك بجد انى متخيلة الاستاذ صاحب القصيدة العصماء دى بعد الاحتفال..بيسأل:هه..الريس سمع القصيدة بتاعتى؟

الرد:قصيدة ايه؟...

قصيدة مااروعك..جنابك نسيت ولا ايه؟

ايوه ايوه..حابقى اعرضها عليه وحينبسط منك قوى خالص..

ينبسط بس؟..مافيش حاجة تانية؟ ترقية مثلا..عزومة على العشا..

انت حتطمع ولا ايه يافندى..مش كفاية عليك شرف كتابة عصيدة لمولانا الخديو؟......خدوه ه ه ه

"النفاق آفة العصر".....عنوان موضوع ..ايه رايك يا سين سؤال لو تعرضنا لهذا الموضوع باستفاضة.........

[se_ Elsyed]

"النفاق آفة العصر".....عنوان موضوع ..ايه رايك يا سين سؤال لو تعرضنا لهذا الموضوع باستفاضة.........

حاضر من عينيه الإتنين

بس شجعينا بحاجه كده يا فُلانه ..

يعني حتة قصيدة .... حلةً عصيدة ... أي حاجه تدفعني إلى الإمام ( ما عدا الشلاليت )

طب إيه رأيك في مطلع القصيدة دي ... هاديلك الصدر وإنتي عليكي الباقي

سين سين يا مُشرفنا ... والنبي بطل تقرفنا ...

أكملي القصيدة

[amrhoras]

أ/ سين سين صباح الورد

حبيت بس اكمل بقية القصيدة

سين سين يامشرفنا ومنورنا ورافع راسنا

مبارك مين وريس مين مانت كفاية تبقى رئيسنا

ارحمنا شويه وحن علينا اعصابنا اتحرقت وانت معانا

مواضيعك حلوه وجميلة بس حرام اللى بتعملو فينا

اعمل ريس ياشيخ احسن م اللى بتعملوا فينا

كل شويه قضية كل شويه قضية انا مش عارف اخلص من الأولنيا

ارحمنا شويه حن علينا اعصابنا اتحرقت وانت معانا

كلامنا بيوجع لأ مبيوجعش وعمنا قاعد بيبص علينا

وعم نظيف عاملى نضيف والدنيا قايمه و مقلوبه علينا

اكل وميه سياحة وسد بيروحو فين العالم اللا (الله)

كرش وكرش بقو كرشين وفلوس الشعب يملو العين

بس ارجع واقول ناس تاكل................... وناس تقول الحمد لله

سين سين انت حبيبي واخويا واهلى

اما الباقى غمة وتعدى قريب جدا

قول بس يارب وهى حتمشي دعوة مصرى لناسه واهله

ارجو انها تعجبك بص مش تدقق على القافية او معانى الكلمات او الوزن الموسيقى smk: هى بس مجملها اه ذرة قصيدة :rolleyes: ابقى افتكرنا ياريس لما تمسك الحكم

اوعى بس تحسب انى بنفقك من دلوقتى:blink: لسه لما تمسك الحكم

اخوك عمرو حورس :happy:

[se_ Elsyed]

سين سين انت حبيبي واخويا واهلى

مع سين سين هانعبر للمستقبل بالفكر الجديد وبكده الروس إتساوت وبقيت زيي زي إبن العروبة ...

بس مجملها اه ذرة قصيدة ابقى افتكرنا ياريس لما تمسك الحكم

اوعى بس تحسب انى بنفقك من دلوقتى لسه لما تمسك الحكم

عيب يا حورس ... مش انا الحاكم اللي ينسى أصحابه وأصدقاءه أو يتنكر لهم بعد ما يترستق عالكُرسي المتنجد ...

وبعدين ما تنساش إن الثورة دايماً بتاكل أولادها .... وإنتو أولادي وأولاد الثورة .... يعني بإذن الله أنا اقوم بالثورة من هنا والباقي بقى ربنا يقدرنا عليه

[رمضان]

الراجل ده وأمثاله مثال حي على اننا نحن الذين نصنع الظلم ونصنع الفاسدين

فعندما تجد مدير ظالم او حاكم جائر فاعلم ان وراءه رجل مثل هذا الافاق

[amrhoras]

عيب يا حورس ... مش انا الحاكم اللي ينسى أصحابه وأصداقاءه أو يتنكر لهم بعد ما يترستق عالكُرسي المتنجد ...

وبعدين ما تنساش إن الثورة دايماً بتاكل أولادها .... وإنتو أولادي وأولاد الثورة .... يعني بإذن الله أنا اقوم بالثورة من هان والباقي بقى ربنا يقدرنا عليه

انت حاطط عينك على عرش مصر بقي smk:

والله ياجماعه احنا فعلا زى ما قال استاذ رمضان احنا اللى صنعنا الظلم بأيدينا لما دائما يكون المجني علينا لماذا لا نتكاتف ونقول بصوت واحد لا للظلم والفساد

ياريت نحط ادينا فى ايد بعض بس الوقت ميكونش متأخر بعد منتباع زى البلد ما اتباعت

شكرا

سين سين انت فعلا اخ عزيز لي وتعرف تمام ان الكلام السابق معظمه اقصده اما بالنسبة للنفاق ليس بطريقى اعتز فعلا بالكتابة الى اخ عزيز على لم اراه يوما ولكنى اعجب بقلمه دائما

اخوك عمرو

تم تعديل 5 نوفمبر 2007 بواسطة amrhoras

[Folana]

"النفاق آفة العصر".....عنوان موضوع ..ايه رايك يا سين سؤال لو تعرضنا لهذا الموضوع باستفاضة.........

حاضر من عينيه الإتنين

بس شجعينا بحاجه كده يا فُلانه ..

يعني حتة قصيدة .... حلةً عصيدة ... أي حاجه تدفعني إلى الإمام ( ما عدا الشلاليت )

طب إيه رأيك في مطلع القصيدة دي ... هاديلك الصدر وإنتي عليكي الباقي

سين سين يا مُشرفنا ... والنبي بطل تقرفنا ...

أكملي القصيدة

السلام عليكم ورحمة الله ....

مابلاش أنا....طب تصدق بالله فاكر اخونا سكوب...كتبت له كلمتين فى معرض الصور اختفى من ساعتها ..واحنا مش مستغنين عنك صراحة...

بس علشان ماتزعلش خد عندك ياسيدى :

س.س يامُشرفنا والنبى تبطل تقرفنا

(انت اللى كاتب كده ماليش دعوة )

مابين سياسة وفساد غاوى انت تدوخنا

مصر بتتقدم بينا ولا بتتقدم بهم....

وجعت قلوبنا ماتبطل بقى تخوتنا

مالنا ياعم احنا ومالهم عكننت علينا عيشتنا

حنسيب طوابير العيش اياك.. ونهتف فين حريتنا

ولانبطل ننزل شارع الا اما يسلكوا ماسورتنا؟

مصر بتتقدم بهم...طبعا بهم...امال بأم سعيد جارتنا؟

مصرهم..مش مصرنا..ايش جابهم هم فى حارتنا

بينى وبينك..نفسى ينزاح الهم...وترجع من تانى نخوتنا

ووااايييييييييييييييييييه ه ه ه ه ه ه

وشكورم :rolleyes:

[kokomen]

الغريب جدا في موضوع نفاق الأزهري اللى كاتب القصيدة العصماء دي

بيكلم إزاي بأسم عمال مصر .....؟؟؟؟؟؟؟؟؟؟ علامات إستفهام كبيرة جدا

وفي نفس الوقت مظاهرات العمال على قدم وساق في مناطق مختلفة من مدن

مصر في المحلة الكبرى والمنصورة وغيرها ... وبالرغم من كل هذا

الراجل نازل مدح وتهليل وكأن العمال في أحسن خير ونعمة

أكيد يا أزهري حا تأخذ منصب مرموق نتيجة نفاقك الجميل

لعن الله النفاق والمنافقين

:rolleyes:

[somebody]

:closedeyes: :closedeyes: :closedeyes: :rolleyes: :happy:

اللهم اجعله خير

تم تعديل 2 يناير 2008 بواسطة somebody

[بحبك يامصر]

بمصر جميع المضحكات لكنه ضحك يشبه البكاء

انا مش فاكر مين اللى قال العباره ديه اعتقد كان ابن خلدون عموما من وقتها ولغاية دلوقتى وهيا قائمه

لك الله يا مصر

:closedeyes: