محاولات المصريين - للنساء فقط - فنون التريكو

[Folana]

السلام عليكم ورحمة الله...

:lol: :lol:

انا اشتريت السنانير

:lol:

والخيوط الصوف

bxg::

وانا فى انتظارك ....مليت.. bsh:)

ننوشة...انزلى بموضوعك عن الرسم على السيراميك ..نشغل ايدنا شوية...بس موضوع منفصل علشان الالوان ماتجييش على التريكو...

[نانو]

الظاهر يا جماعه إن زيزيتا بتعملنا ساسبنس الأول بموضوع لماذا من حولك أغبياء وبعدين تدخل في الأبر و الخيوط :lol:

[امانى]

الاخت العزيزة زيزيتا متابعة الموضوع من الاول ومنتظرة لحظة العمل وزى ما الاخت الفاضلة فولانه ما قالت

محضرة كل الادوات وفى الانتظار

يا ريت يا اخت ناش نتفرج على تصميماتك فى السراميك وتعرفينا ازاى نشتغل على السراميك لانه فن

رائع ويبقى لكى جزيل الشكر

اخواتى قراء هذا الباب كلكم وربنا دمكم زى العسل مدام زيزيتا ومدام فولانه ومدام ناش ومدام نانو كلكم كلكم

وبدورة الامورة الكل دمه زى الشربات بحب اقرا لكم اوى حتى لو معلقتش بس بجد ربنا يخليكم لنا دائما يا رب

انا بقى عندى موهبة بس مش عارفة اثقلها وهى الرسم كمان باستخدم حاجات من الطبيعة لعمل تابلوه

رائع وتلاقينى من اى حاجة الاقيها فى ايدى ممكن اعمل منها شئ جمالى 0

مرة كنت بعمل مربه بلح وطبعا خرج من البلح كتير من النوى وجاتلى فكرة انى ممكن استغل هذا النوى فى

عمل حاجة جميلة فعلا رسمت طاووس وكبرته فى التصوير على شفاف بعد كدة نقلته على قماش وشديته

على سبورة الاولاد 0 بعد كدة لونت النوى بالوان الطيف زى ما بنشوفها فى الطاووس ولونت جسم الطاووس

ولزقت النوى كله فى جناح الطاووس بصفوف متساويه والوان متناسقة لقيت الطاووس بقى منظره رائع

فرجته لواحدة صديقتى مدرسة رسم عجبها جدا وخدته منى علقته على الحائط فى المدرسة اللى فيها

لو اى حد عنده اى حاجة فى البيت مش نافعة او مش بيستغلها ممكن يقولى وانا احاول اقترح عليه نعمل

ايه لتحويلها لحاجة نافعة وجميلة 0 اطلت عليكم لكم جميعا كل تحياتى

امانى

[nash]

سوري يا ميس زيزيتا....والله أخر مرة....أخرج عن الموضوع...بس حقيقي موضوعك جميل...وحمسنا جميعا علي عرض مواهبنا...

وطبعا شخصيتك الجميله هي التي جعلتني أطمع في كرمك وتحملك لي...في موضوعك....الأكثر من رائع....

فوفو الجميله واماني العسوله...بما أنكم من محبي الأعمال اليدويه فإن شاء الله سأنزل بموضوع قوي عن السيراميك لإنه فن جميل جدا...وبما إنك يا أماني رسامه جميله ...فأنا واثقه إنك ستكونين عونا لي في الموضوع...

حبيبة قلبي فولانه...هو ليس رسم علي السراميك ..بل كيفيه صنع عجينه سيراميك وتشكيل ورود وأكسسوار منها...وطبعا بما أنكم أحلي الاخوات..هاأقولكم علي أسرار حلوة للعجينه ...وأنتم كمان عليكم تعطوني أفكار جديده...

أختي زيزيتا...تسلمي يارب علي طوله بالك علي...

دمتي في رعايه الله وحفظه

[badroora]

انا بقى عندى موهبة بس مش عارفة اثقلها وهى الرسم كمان باستخدم حاجات من الطبيعة لعمل تابلوه

ماشاء الله يا امانى وطلعتى فنانه كمان يعنى فنانه وشاعرة ماشاء الله والله انتى تستاهلى كل خير :yahoo:

فرجته لواحدة صديقتى مدرسة رسم عجبها جدا وخدته منى علقته على الحائط فى المدرسة اللى فيها

يا خبتك يا امانى هو دا اللى علمتهولك تضحك عليكى وتاخد منك الطاووس ببلاش :110:

لو اى حد عنده اى حاجة فى البيت مش نافعة او مش بيستغلها ممكن يقولى وانا احاول اقترح عليه نعمل

ايه لتحويلها لحاجة نافعة وجميلة 0 اطلت عليكم لكم جميعا كل تحياتى

عندى كتب واقلام واساتيك وكمية لا حصر لها من السيديهات

يلا بقي ورينا شطارتك ؟

بس اعملى موضوع لوحدك وسميه ورشة امانى لاعادة تأهيل النفايات المنزلية

عشان بس منغلوش على بوتيك زيزيتا او نزعل مننا ابله فولانه

ابلة زيزيتا

سورى يا ابلة مقدرتش امسك نفسي لما امانى كشفت لنا عن موهبتها وانا عشان عرفة قلبك كبير كالعادة مش هتقولى حاجة ,,,صح يا ابلة فولانه

وبجد سعيدة جدا ان الموضوع بتاعك كشف لنا عن موهبه العزيزة ناش والغالية امانى

وانا بما انى غير موهوبة :blink: هاكتفي بالدور التنظيميى يعنى هاخدلك الغياب ااعمل مشاريب للطبلة عاوزة تعبتينى مشوار تقعدينيى بالعيال انا تحت امرك .

ناش

يلا بقي إبي بالمعرض بتاعك عشان اعملك حفلة الافتتاح

ودى هدية من المكتب كتشجيع للمنتج اليدوي المصري

يلا يا شباب ورونا الهمة

فى رعاية الله

وربنا يخليكم :lol:

[Folana]

...

حبيبة قلبي فولانه...هو ليس رسم علي السراميك ..بل كيفيه صنع عجينه سيراميك وتشكيل ورود وأكسسوار منها...وطبعا بما أنكم أحلي الاخوات..هاأقولكم علي أسرار حلوة للعجينه ...وأنتم كمان عليكم تعطوني أفكار جديده...

السلام عليكم ورحمة الله...

ننوشة..انا مش باحب أخبز :lol: ...:yahoo:

بس والله فكرة جميلة اسرعى بها......انا باقول موضوع منفصل علشان ياجماعة الامور ماتدخلش فى بعضها ...يعنى مانبقاش بنقرا مداخلة عن التريكو والى بعدها عن حاجة تانية...

واخدة بالك يابدرية ؟؟؟

[Folana]

السلام عليكم ورحمة الله...

نانو كتبت :

الظاهر يا جماعه إن زيزيتا بتعملنا ساسبنس الأول بموضوع لماذا من حولك أغبياء وبعدين تدخل في الأبر و الخيوط

...وجهة نظر برضه والله...امال ايه اللى أخر زيزيتا كده؟؟

أمانى...ضرورى تعلمينا برضه الموهبة الجميلة...بدل ما انا بأرمى كل حاجة تقع تحت ايدى...بس فى موضوع منفصل ... :D

:wub:

صباحكم جميل كلاتكم...

[zizetta]

يا صلا ع النبي يا صلا ع النبي (وش اللمبي في اللي بالي بالك) .. إيه الزباين الحلوة دي كلها... لأ دنا حشمر بقي وأنزل بتقلي .. بس وسعوا شوية علشان ممكن يحصل خسائر في الأرواح لو نزلت علي حد :D ..

بجد أنا مبسوطة أوي من إهتمامكم .. ومش عارفة أبدأ بالرد علي مين والا مين.. كلكم يا ولاد عندي غلاوة واحدة ..

أماني الجميلة : بحب الصورة اللي انتي حاطاها أوي ومتخيلاكي شبهها لرقة إحساسك وذوقك ..

المزمزين بدرية : بصراحة الكلام كله لا يوفيكي قدرك من المعزة .. أنتي تنفعي تكوني سوبر سوبر ميمبر ..

نانو وناش : مش عارفة ليه بحب أكلمكم مع بعض .. حاسة أنكم قرايب أو أصحاب أوي ..

ومسك الختام : فلانة هانم .. بحس فيكي بالعقل والرزانة .. وخفة الظل ..

كان نفسي تكون معانا سلوى هانم لأني أشعر أن عندها من الخبرة والذوق العالي اللي حتفيدنا بيه برضة..

بنت الشاطىء ومرمر .. إنتوا فين ..

بما أننا بقى طلعنا كلنا مواهب موؤدة .. ياريت بقى المشرفين نشوف لهم برضك شغل معانا ويخصصوا لنا ملف مستقل إسمه الأشغال اليدوية يندرج تحته السيراميك والرسم والتريكو وأي أعمال يدوية أخرى بخلاف الطبخ والمسح وحوما العيال ... ..

أرجو قبول عذري عن التأخير لأني والله من يومين كتبت رد وحملت صور وحاجات حلوة كتير بس فجأة لقيتها طارت لما دوست علي زرار بالخطأ .. فتقهرت .. وتقهقرت..

على العموم الرسالة دي أنا بس بصبركم بيها ...والليلة يا عمدة حنزل الدرس الأول إن شاء الله ..

تحياتي

زيزيتا

[zizetta]

(جبت لك الفولدر يا مدام زيزيتا كخدمة إنسانية يعني مش عايز من وراها لا بلوفر و لا شيرز و لا حتى لكلوك )

مستر موديست..

الحقيقة أنا مش عارفة أرسل لك شكر وتحية كبيرة علي ردك علي في موضوع عيد ميلادك والا في موضوع التريكو ده .. والا ايه والا ايه ..

أشكرك بجد علي مساعدتك لي في تنزيل الصور وياريت برضة تبقى تقولي نزلتها ازاي ..

ماتحملش هم اللكلوك .. بس إبقى قوللي انت مقاسك كام علشان نعمل حسابنا في قسم الجينتلمن لما نفتتحه ..

تخيل والله إني كنت كاتبة الرد لحضرتك ولسي السيد كمان في الرسالة السابقة وفجأة لقيتها تاهت في زحام المدينة .. وأصل الواحد بقى بيكتب أون آير يعني لو تاهت الفكرة ميعرفش يقدح زناد فكره (حلوة دي صح؟) ويكتبها تاني ..

لكن الحقيقة أنا مبسوطة ان هناك من الرجال من يهتم بتلك الأمور .. طبعا أنا عارفة إنك داخل علي طمع في اللكلوك .. لكن خلاص يا سيدي إعتبر الكلوك في رجلك .. وكل شتاء وإنت طيب..

تحياتي

زيزيتا

[zizetta]

دورة تدريبية في فنون التريكو

المنهج الدراسي (مراحل تعلم التريكو) :

مرحلة المبتدئين ( المستوى الأول) :

وفيها يتم تعلم الغرز الأساسية وكذلك تتضمن كيفية زيادة عدد الغرز وكيفية تنقيص عدد الغرز ثم أخيراً بعض مهارات تقفيل الشغل والتشطيب.

المرحلة المتقدمة للمبتدئين (المستوى الثاني):

نتعلم فيها تطبيق بعض الباترونات البسيطة وبعض التشكيلات السهلة.

المرحلة المتوسطة (المستوى الثالث) :

وفيها نتعلم تطبيق بعض الباترونات الصعبة وتبسيطها .

المرحلة أعلى من المتوسطة (المستوى الرابع):

نتعلم فيها تنفيذ أكثر من غرزة من خلال تطبيق باترون واحد فيه أكثر من شكل متداخل في بعضه ..يعني الشغل يكون أكثر تعقيداً من المرحلة المتوسطة.

المرحلة المتقدمة أو مرحلة الإحتراف ( المستوى الخامس):

تنفيذ بعض الغرز المعقدة والألوان المتداخلة في الباترون ( الجاكار مثلاً) والأشكال المتداخلة وفنيات التشطيب .

وإن شاء الله سوف نتعلم معاً كيف يمكننا الحصول علي باترون من النت وتنفيذه ثم بعد ذلك عمل الباترون بأنفسنا وهنا يلعب دور الإبداع والإبتكار لمن تمتلك تلك الملكة..

ملاحظات عامة:

1- سأحاول تعضيد الموضوع بصور وفيديو لإيضاح الصورة لأن شغل التريكو لازم يتشاف طبعاً علشان نعرف نتعلم ..

2- لا تيأسي إذا ما أخطأتي مرة واثنين وثلاثة .. حاولي مرة أخرى وسوف تنجحين إن شاء الله .

3- التريكو موضة لا تبطل .. وشيء جميل أن تشتغلي شيء بيديكي لك أو لأولادك أو يا شيخة حتى لجوزك :D...لذة النجاح ممتعة.

مش حكتر الكلام وأسيبكم مع الصور والفيديو أولاً .. ثم نتلق منكم أي إستفسارات للتوضيح كتابة بعد ذلك ..

(كان بودي أصور لكم إيدي على الطبيعة وأنا بشتغل تريكو لكن إنتوا عارفين بقى الخدمة في البيوت بتعمل ايه في الصوابع :) هذا بخلاف إني قايدة لهم صوابعي العشرة شمع .. فالإضاءة حتكون كتير علي الصور.. )

والآن نبتدي بإسم الله ..

فيديو يوضح أول غرزة :

أول غرزة

باقي الغرز وتكرر حسب العدد المطلوب:

غرز التريكو

والرابط التالي فيديو يوضح الخطوة الأولي لوضع الخيط علي الإبرة بطريقة أخرى:

أول سطر

الخطوة التالية شغل الغرزة العدل :

وزي الشطار كده نعمل عينة الأول علشان إيدينا تتظبط بس علي الدركسيون .. قصدي علي الإبر ..المهم نبتدي نعمل عينة بإستخدام الخيط اللي إتفقنا عليه يكون متوسط السمك (وسط لا تخين ولا رفيع علشان يكون شكل الغرزة حلو) وإبر نمرة 4.5 أو 5 ونعمل مثلاً 20 غرزة ونطلع بيها كام سطر كده حلوين لحد الشغل ما يبان ويظهر شكله ولو فيه عيوب أو غرز منزلقة نشوفها علشان نعرف إحنا ماشيين إزاي .. (خلي بالكو حتشتغلوا المرة دي كله عدل وده حيخلي سطح العينة كأنها سطر عدل وسطر مقلوب - وحنشرح دي الليسون اللي جاي)

الإبرة الفاضية تمسك باليد اليمني والإبرة التي بها سطر الغرز الرئيسي باليد اليسرى (ويعكس الحال بالطبع بالنسبة للأعسر).

1- أدخلي الإبرة الفاضية اللي في إيدك اليمين داخل الغرزة الأولي علي الإبرة اللي في اليد اليسرى .. حتدخلي الإبرة الفاضية في عين

الغرزة اللي شكلها بيكون عامل زي العروة .. حتدخلي الإبرة من جوة لبرة يعني سن الإبرة يكون عكس وجهك .

2- تلفي الخيط من الخارج للداخل علي الإبرة اليمنى وتسحبي ببطء الإبرة وبها الخيط الملفوف من الغرزة الي دخلناها فيها .

3- إسلتي الغرزة الشمال من على الإبرة الشمال بعد ما تلقطي من خلالها الخيط (الخطوة السابقة )..

4- كرري نفس العمل مع باقي الغرز.

5- كده نكون إشتغلنا سطر ونقلنا الخيط بالسطر الجديد علي الإبرة اليمين .

6- اعكسي وضع الإبر وإمسكي الإبرة اللي عليها الشغل بإيدك الشمال والإبرة الفاضية بإيدك اليمين وكرري لحد ما تعملي عشرين سطر مثلاً (ده العدد المطلوب للعينة)

والفيديو التالي يوضح طريقة شغل الغرزة العدلة

فيدو الغرزة العدلة

لاحظي أنك ممكن تمسكي الخيط باليد اليمني أيضاً في حالة إذا ما وفتي لمسك الإبرتين باليد اليسرى أو ترك الإبرة التي باليد اليمني حرة ولكن يتم هذا بسرعة حتى لا تنزلق الغرز من عليها.

فيديو آخر(لكي تحصلي علي هذا الشكل تشتغلي سطر عدل وسطر مقلوب ) وحنوضح المقلوب فيما بعد..

لاحظي طريقة لف الخيط على اليد اليمني ولاحظي مسكة الأصابع للإبر وحركتها علي الغرز للحفاظ عليها حتى لا تنزلق..

لاحظي أن الغرزة قبل الأخيرة هي غرزة مقلوبة والحصة الجاية حنعرف طريقة شغلها..

يارب الصور والفيدوهات تطلع مظبوطة

تحياتي

زيزيتا

ملحوظة : للأسف لم أتمكن من إضافة الصور وقالوا لي إنني قد وضعت صور كثيرة فمسحتها كلها من هذه الرسالة وححاول المرة الجاية ان شاء الله

[Modest]

مستر موديست..

أشكرك بجد علي مساعدتك لي في تنزيل الصور وياريت برضة تبقى تقولي نزلتها ازاي ..

تحياتي

زيزيتا

لا شكر على واجب مدام زيزيتا :D

بصي يا ستي على الصورتين التاليتين و الشرح اللي معاهم:

في الأول ضغطت على لينك Scarves الموجود في مداخلتك و بعدين ضغطت على صورة من الصور و كمثال أول صورة على الشمال و المُشار إليها بالسهم.

وقفت بالماوس على الصورة و دوست Right Click و اخترت Properties و أخدت كوبي من Address الصورة و المحدد بالتظليل الأصفر في الصورة

جيت هنا بقى و حطيت الـ Address مكان Picture link في النص التالي

مستر موديست..

ماتحملش هم اللكلوك .. بس إبقى قوللي انت مقاسك كام علشان نعمل حسابنا في قسم الجينتلمن لما نفتتحه ..

إذا كنتي مُصِرَّة يعني على موضوع اللكلوك فأنا و كلي خجل و كسوف من ذوقك :) ... جبت لحضرتك واحد من لكاليكي علشان ما تغلبيش في المقاس و كده يعني wst::

و الله الواحد محرج أوي جداً خالص من ذوقك :lol: .. حاسس إني هاتعبك معايا :blush2: .. بس انتي اللي عرضتي wst::

[badroora]

مش كبير شويا دا استاذ موديست !!!

بقي بالذمة دا مقاسك بردوة يا جنرال ؟

اعرف ان حضرتك خجول وجبت مقاس نجلك عشان متتعبش اختا الكريمة زيزيتا wst::

ولكنى عشان حريصة انها تعرف المقاس الحقيقي سامحنى خليتك قاعد عالمكتب وبتهوى رجلك وجبت فردة الشوز ناخد المقاس ونرجعها فى الحال اوعى تنسي وتتحرك :D

اى خدمة :)

تم تعديل 15 نوفمبر 2007 بواسطة Badria Mekkawy

[Folana]

السلام عليكم ورحمة الله...

والله يا جماعة انتم ناس جميلة جدا....بدرية انت مشكلة بجد..:)

مدام زيزيتا...ماشاء الله...باشكرك على مجهودك الهايل ده....بجد ما جصرتى...انا حابدأ معاك..واصور اللى عملته واعرضه عليك تصححيه

نونكن ولا موش نونكن؟؟؟

صباحك جميل ......... :D

[zizetta]

الأعزاء مستر موديست .. أشكرك جداً .. صحيح العلمو نورون .. عملت بوصيتك والنتيجة أهي قدامك .. إن شاء الله أول كونتينر صوف حنستورده من تركيا حيكون من حدك ونصيبك علشان اللكلوك يطلع مظبوط على المقاسات اللي أخذتها المزمزين بدرية .. لأن هي الحقيقة اللي مختصة برفع المقاسات في البوتشيك .. وأنت عارف بقى إيد المؤمن ميزان.. بس أنا حاسة إن إيديك يا بدارة فرطة حبتين .. ياللا يجعله عامر..

الست فولانة هانم .. بفضل تشجيعاتكم نستمر بعونك يارب .. ومنتظرين أول قطفة من ثمار إنتاجك..

================================================================

التالي صور لم أستطع تنزيلها الدرس السابق لظروف شخصية خاصة :unsure: وهي بخصوص برضة بداية الشغل كسطر أول :

حكمل الصور في رسالة تالية لأن بيقولوا ان الصور أكتر من المسموح به .

تحياتي

زيزيتا

تم تعديل 15 نوفمبر 2007 بواسطة zizetta

[zizetta]

تابع صور السطر الأول الرئيسي في شغل التريكو:

ودي كمان صور توضيحية بالفلاش للعقدة :

الصورة التالية توضح شكل الغرزة العدل :

(مع ملاحظة ان العينة كلها عبارة عن سطر عدل وسطر مقلوب ليعطي هذا الشكل ولكن هذا إسم الغرزة وبتكون علي شكل حرف v يعني مثلاً ده سطر vvvvvvvvvvvvvvvvvvvvvvvvvvvvvvv).

أما الصورة التالية فتوضح شكل الغرزة المقلوبة :

(مع ملاحظة أن العينة كلها سطر مقلوب وسطر عدل ليعطي هذا الشكل ولو قلبنا الشغل علي الوجة الآخر حنلاقي شكل الغرزة العدل كما هو مذكور أعلاه) وده سطر غرز مقلوب اللي بتكون علي شكل - - - - - - -

دول كانوا شوية صور بسيطة وبعدين حنكمل الدرس إن شاء الله بعد ذلك ...ونبقى ناخد طريقة شغل الغرزة المقلوبة .

تحياتي

زيزيتا

[nash]

الله عليكي يا زيزيتا ...

حقيقي شرح جميل ....تصدقي فهمتها علي طول.....

مش طبعا علشان أنا عبقريه وبس لأ أصلي مرة في القرون السحيقه أتعلمت الغرزة البسيطه ونسيتها نهائي...فكانت فرصه موضوعك أفتكر تاني واحاول أعمل شيرز ...

[zizetta]

أعزائي .. نكمل عروستي ..

الغرزة المقلوبة

طريقة عمل الغرزة المقلوبة :

1- إمسكي الأبرة الفاضية بإيديك اليمين والإبرة التي بها السطر الرئيسي أو التي بها الشغل (في حالة لو كنتي إشتغلتي كام سطر

عدل) في إيدك الشمال.

2- أدخلي سن الإبرة اليمين في أول غرزة موجودة علي الإبرة الشمال وذلك من الخلف للأمام .. سيكون سن الإبرة اليمين مواجهه لك

في هذه الحالة .. يعني ندخل الإبرة من برة لجوة عكس الغرزة العدل بندخل الإبرة من جوة لبرة .

3- لفي الخيط اللي علي الشلة من اليمين للشمال علي الإبرة بعد إدخالها في الغرزة.

4- ألقطي الخيط الملفوف وإسحبيه معاكي وخرجيه بالإبرة من الغرزة على ورا.

5- إسلتي الغرزة الأصلية من على الإبرة الشمال وأتركيها ستلاحظين أنها سقطت في الغرزة المشتغلة وإتحبكت بالخيط اللي لفيناه.

6- كرري الخطوات مع باقي الغرز .

(هام جداً أن نتدرب علي مسك الإبر علي بعد مناسب من سنها حتى نتمكن من التحكم الخيط والإبرة وكذلك في إحكام الغرز التي تم شغلها علي الإبر من دون أن تنزلق ).

والتالي رسومات توضح طريقة الشغل للغرزة المقلوبة :

فيديو يوضح كيفية شغل الغرزة المقلوبة :

فيدو الغرزة المقلوبة

فيدو آخر للغرزة المقلوبة

الآن تم الإنتهاء من شرح طريقة عمل السطر الأول الرئيسي للشغل وكذلك طريقة عمل الغرزة العدلة وطريقة عمل الغرزة المقلوبة .

يعني لو إشتغلنا العينة سطر عدل وسطر مقلوب سطر عدل وسطر مقلوب حيدينا الشكل ده

بحيث أن الشكل الأول هو أمام الشغل والشكل الثاني هو خلف الشغل

(ملحوظة ممكن إستخدام أي من الوجهين حسب الرغبة ولكن يراعي ألا يكون تعقيدات الخيط واضحة في الوجه الأمامي للشغل – وسوف نوضح طريقة إخفاء وصلة الخيط أو العقد بحيث يبدو الشغل كما لو كان الخيط متصل ).

ملحوظة هامة : كل غرز التريكو إما عدل أو مقلوب .. ولكن لهما تشكيلات كبيرة جداً تعطينا أشكال متنوعة ومختلفة وسنرى ذلك مع تقدمنا في الشرح.

الدرس القادم : البليسيه

تحياتي

زيزيتا

[Folana]

السلام عليكم ورحمة الله....

مدام زيزيتااا...يامدام زييييززز...يا اهل الله ياللى هنا....هو البوتشيك قافل ولا ايه ؟؟

يعنى عشمتينى بالشيرز..بعت انا اللى ورايا واللى قدامى...واشتريت خيط وابر وعمالة اقولهم حتتكسوا ياولاد الشتوية دى...وحضرتك بلغتى فرار..

حنعمل ايه بعد كده..ايه البليسية ده ونعمله ازاى...؟؟

يعنى نظرة ياست مش كده أووومال...

كان معكم

اسطى نينة فلانة من مشغل التريكو المنزلى بصفط اللبن..

[zizetta]

أيون .. أني جاييه أهو .. مين بيندهني ... مين ؟ نينة الحاجة فولانة ذات نفسيها .. يا خبر يا خبر ...

نينة الحاجة فولانة ..

أشكرك لإهتمامك .. إن شاء الله حكمل اليوم بس أول ما ستو هانم تديني فرصة أقعد براحتى علي الكمبيوتر .. أصل بنتي أجدع واحدة تخلى الكمبيوتر يستغيث .. وبعدين يفرفر ..وبعدين يسورق ..وبعدين يتكل على الله ... واللي بعده .. واللي بعده..

وما تقلقيش علي الشيرزات .. كله بأوانه .. حتخلس الشتوية دي يعني حتخلس الشتوية دي .. بعونك يا رب ..

إنتظرينا اليوم في برنامجنا بوتشيك مدام زيزيتا وأعوانها للحياكة والتريكو علي قناة (المحور) .. :)

تحياتي

زيزيتا

[Folana]

إنتظرينا اليوم في برنامجنا بوتشيك مدام زيزيتا وأعوانها للحياكة والتريكو علي قناة (المحور) .. :D

تحياتي

زيزيتا

السلام عليكم ورحمة الله ...

إنتِ بتقولى محووووووووووور....يبقى انت اللى قتلتى باباياااا..

المحور ده يامدام زيزيتا..جاب لى حالة نفسوية مستعصية..اول ماحد يجيب سيرته أصاب بهلع وتشنجات وأهيبر وأطيح فى خلق الله... md2: :wub:

تصورى يامون هانم.. :sad: ..أركب المحور الساعة اربعة اهبط مصر الجديدة الساعة تسعة مساءا..طب ده يرضى ربونا..ويقولك تصلحيات ..وتيجى تبصى على اللى بيصلحوا ماتلاقيش حد....لكن عشمنا فى ربونا كبير...كل شىء له نهاية.....

وزى ما بدرية قالت ..تحسى كده عليه بتلاحم قوى الشعب واصرارهم على انهم يوحدوا الخطى ويسيروا بتلامس الاكتاف...ويحضرنى هنا اغنية الست"وقف الخلق ينظرون جميعا كيف اعطل مصالح الشعب وحددددى"واهديها للشركة القائمة على الاصلاحات...

وفى نهاية البرنامج وبمناسبة قناة المحور..احب اسمع اغنية "محور يادنيا محور...اجى من هنا محور..اروح هنا ..محور..هنا او هنا ..محووووووووور" :)

الكلام يطول عن المحور حقيقى بس خلينا فى موضوعنا..

وشكورم...