مش حا نبنى محطات نووية .. تصفيق حاد .. حا نبنى محطات نووية .. تصفيق حاد

[Zazoksh]

منذ أكثر من 16 عاماً .. وإثر حادث مفاعل تشيرنوبل النووى أعلن فخامته ما يلى:

لن أغامر بمستقبل البلد وأعمل محطات نووية ... وأديكم شايفين إيه إللى بيحصل منها

وطبعاً .. وكالعادة .. وبالتأكيد ... هلل وصفق وهتف كل أفراد شلته (حكومة وصحافين وفنانين ... إلى أخر طابور النفاق)

ومن حسن حظ بقية دول العالم أنها لا تستمتع إلى الإذاعة المصرية أو تقرأ الصحف المصرية .. وإلا كانت سمعت كلام فخامته .. وجابت محطاتها النووية على الأرض ... وعاشت فى ظلام وبؤس

والآن وبعد 16 سنة ... عاد فخامته وأعلن أن مصر يجب أن تبنى محطات نووية .. لأننا يا حرام لازم نبنيها

طب بذمتكم .. مين يعوض مصر عن الخسائر المترتبة على تأجيل بناء تلك المحطات طوال الفترة الماضية ؟

من يعوض مصر من كم الكفاءات والمهارات التى كانت ستظهر بالتبعية مع بناء وإدارة هذه المحطات

حد يفهمنى

لا نية لبيع القطاع العام ...... تصفيق حاد

سوف نبيع القطاع العام ...... تصفيق حاد

لا نية لبناء محطات نووية (حتى ولو كانت للإستخدام السلمى ) ...... تصفيق حاد

يجب علينا أن نبنى محطات نووية (والراجل قرب يحلف للناس أنها بتاعة كهرباء وليس أكثر من ذلك) ...... تصفيق حاد

حرام والله

[miramar]

ما هو نص البلد اليومين دول شغالين شلة طبالين

والربع يصفق لهم و الربع الباقي عايز يغير بس مش عارف او مش قادر

والمسموع هو التصفيق بس والزعيق مخنوق تحت السحابة السودا

مرمر

[amrhoras]

للأسف يا مدام زيزيتا طوابير النفاق لن تنتهى والله لو حتى قال واعلنها جهرا ان جمال من بكره رئيس حنلاقى برده تصفيق حاد ياجمال انت رئيسنا

المصلحة دلوقتى تحكم معاك مصلحتى انت عمى مش حتنفعنى يبقى انت ابن ........

وبما ان كريمة المجتمع زى مابيقولو والاخوه اصحاب المصالح ومن يمتلك كرسي عالى خايف عليه ليضيع منه لازم نقول امين

محطة نووية من 16 سنه تكلفتها كام والان تكلفتها كام؟

بلاش دى اخواننا قسم طاقة ذرية اللى راحو واتغربو عشان ملهمش مجالات هنا مين يعوضهم حاجات كتير اوى نتكلم عليها غير فرص عمل الشباب خيرات كتير وفرص اكتر ضاعت وراحت كمان مع اللى اتباع بتراب الفلوس

واللى زاد وغطى انى اكتشفت اننا اتبعنا فوق البيعه اجانب يتحكموا فى خيرنا اليوم احنا نصفى ثلث ارباع العاملين بالمصحله كذا واليوم نسرح عمال مصنع كذا من اجل التطور والتقدم

بلاش دى البنوك ولا بلاش نفتح سيرتها

انا لقيت ان القضية بايظة وعمرها ما حتتعدل واسف ان كنت متشائم احنا لينا رب اسمه الكريم

شكرا واسف انى اتفتحت فى الكلام

اخوكى عمرو

[mesryforever]

دول شويه مرتزقه منافقين ليهم مصالح ومش مشكله البلد واللي فيها والناس الغلابه التعبانين

" عاش الملك مات الملك "

[fighter001]

هشتكنا وبشتكنا يا ريس دا انت رئيس والنعمة كويس

واللى زاد وغطى انى اكتشفت اننا اتبعنا فوق البيعه

في فيلم عايز حقي هاني رمزي كان عاوز يبيع البلد ويدي للناس فلوس

دلوقتي هما الي باعو البلد ومحدش خد حاجة