لغز عدد العصافير على الشجرة

[The Professor]

جائني ابني بورقة بها العديد من المسائل الرياضية طالبا المساعدة في حل إحدى المسائل. والحقيقة لم استطع ان اساعده لأني لم أتمكن من التوصل للحل الصحيح. فهل لدى أحدكم حل لتلك المسألة؟

المسألة كما وردت بالنص كالتالي :

عدد من العصافير إذا أضفنا إليه نصفه وأضفنا إليه ربعه وواحدة كان الناتج يساوي 100 عصفورة

[amrhoras]

جائني ابني بورقة بها العديد من المسائل الرياضية طالبا المساعدة في حل إحدى المسائل. والحقيقة لم استطع ان اساعده لأني لم أتمكن من التوصل للحل الصحيح. فهل لدى أحدكم حل لتلك المسألة؟

المسألة كما وردت بالنص كالتالي :

عدد من العصافير إذا أضفنا إليه نصفه وأضفنا إليه ربعه وواحدة كان الناتج يساوي 100 عصفورة

اذا فرضنا ان العصافير = (س)

1/4س + 2/1س + 1 = 100

3/4س + 1 = 100

3/4 س = 100-1 ننقل عدد 1 الطرف الاخر باشاره سالبه

3/4س = 99 نقلب الكسر وننقله الطرف الاخر

س = 99 * 4 بالقسمة على 3

س = 132

1/4 * 132 + 1/2 * 132 + 1 = 100

اى خدمه أ/ بروفسير انت بس تأمر نسألكم الدعاء ويارب تطلع مظبوطه

اخوك عمرو بالتوفيق

تم تعديل 5 نوفمبر 2007 بواسطة amrhoras

[The Professor]

شكرا لك اخي عمرو وجزاك الله خير .

بس الحقيقة اللي انا فهمته من المسألة ان العدد + نصفه + ربعه + 1 = 100 وعلشان كده لم استطع التوصل للحل

[amrhoras]

ماهو احنا عوزين نوجد العدد

لو فرضنا س + 1/4س + 1/2س +1 = 100

يبقى 7/4س + 1 = 100

4/7س =99

س = 99*4 على 7

س = 56.57 وده مرفوض

انما احنا عوزين نوجد العدد اللى نصه + ربعه +1 = 100

يبقى س = 132

هذا والله اعلم

wst::

[The Professor]

شكرا أخي العزيز وآسفين لتعبك معانا...

[gopy]

السؤال مش صحيح الصحيح إن العدد + مثله +نصفه + ربعه + 1 = 100

والعدد هو 36

[miramar]

حل استاذ جوبي صح

س +س +0,5 س +0,25 س +1 =100

يبقى 11/4 س +1 = 100

11/4 س = 99

يبقى س = 99 * 11/4

س= 36

وبس

مرمر

[amrhoras]

طب افهم انا ازاى

بيقول عدد من العصافير

حنضيف نصفه + ربعة + عصفوره = 100

انتو جبتوا العصافير + عددها مره تانية + نصفها + ربعها + عصفوره ليه؟ :closedeyes:

ينهار ابيض انا بقت دماغى بلوظه خالص انا حليتها ازاى فى الاول :happy: اوعى تقولى ابنك راح قدمها انهاردة استنى بس ووحد الله كدى لغاية لما نريسى على الحل الصيحيح

بس العدد + نصه + ربعه + 1 = 100 كش حيطلع رقم صحيح انما انتو اضفتوا العدد مرتين ليه

تم تعديل 6 نوفمبر 2007 بواسطة amrhoras

[amrhoras]

ينهار ابيض صح صح صح صح

عدد العصافير + نصه + عدد العصافير مره تانية + ربعها + 1 = 100

يعنى العصافير = 36 صح يا جوبى ياخويا

اسف استاذ بروفسير :closedeyes: انا عاوز ارجع حضانه تانى :happy: مخدتش بالى وانا بحلها امبارح بلاش ضرب واعتذر لو كان ابنك راح بيها المدرسه وحصله حاجة بسببي

بس اده لعب بالالفاظ ده انا كرهت العصافير

[miramar]

عمورة باشا

مفيش عدد صحيح لوجمعناه مع نصه مع ربعه مع واحد يدينا 100

الا اذا كانت العصافير 56,57 على الشجرة وانا اول مرة اشوف عصفور يبقى نص عصفور وحتة

اكيد بروفيسور مكانش يقصد كدة كان يقصد المعادلة زي ما حليناها انا وجوبي

مرمر

[قديم]

انا سبق سمعت السءال بطريقه اخــري مع الاعتذار للاستاذ برفسور ..

ان كان قد نسي من السؤال جمله . اخلت بالمعنــي ..وقد يكون نفس الحل وله طريقه اخــري .. ولكن .للمشاركــه ساقول ما عنــدي ..

جاء عصفور الي مجموعه عصفاير على الشجره فقال لهم كم عددكم

فقال احدهم نحن .. وضـــــــعفــنا .. ونصفنا .. وربعنا . .. وانت معنا نصبح مئــه..

وبالتالي الحل على النحو التالي ..

نحن 36 و ضعفنا 36 مره اخري ..ونصفنا 18 وربعنا 9 .. وانت معنا 1

الحل

36 +36 + 18 + 9 +1 = 100

هذا واللــــــــــه اعلـــــــــــم

[amrhoras]

يــــــــــــــــــــــــــــادى الفضيحة أم كلاكل (جلاجل) يـــــــــــــــــــــادى الكرسه(الجرسه) ام حناكر(حناجر)

منيح منحح نحانيح قول لع ملــــــــــــــــيح

:closedeyes: :happy: يا أرض ابلعيني يعد ماتفضحنا ادام مصر كلها

هو عمرو راح وين حد شافه بيقولو انه انتحر

والنبي يا مرمر ياختى مش تيجيبي اسمنا خلينا فى الدرا مداريين

خلاص ياعم قديم ايه ياعم عمال ابصلك اغمزك ولا انت هنا خالص

[قديم]

يــــــــــــــــــــــــــــادى الفضيحة أم كلاكل (جلاجل) يـــــــــــــــــــــادى الكرسه(الجرسه) ام حناكر(حناجر)

ولا يهمك يا سي عمروو..

على فكره فضيحه بجلاجل .

هناك مدينه قريبه من الرياض اسمها جلاجل . فاول ما سمعت المثل كنت افتكر المقصود بجلاجل هي المديـنه .سالت احد زملاءي من اهل جلاجل فقال لا .. ..وشرح لي المعنـــــــــى بي جلاجل .. لها ازيز وصوت مخيف ..

وهي العصافير لسا موجوده .. ؟؟؟

[The Professor]

إيييييييييييييييه كل ده .. ما شاء الله .. على فكرة يا جماعة انا مؤمن تماما بالعبقرية المصرية في الرياضيات ...

تحياتي لكل من اسهم بالمشاركة في الموضوع وعلى رأسهم اخي عمرو والأخوة والأخوات الأعزاء gopy , Miramar و قديم بس صدقوني انا حطيت المسألة زي ما وردت بالضبط ولو الفالح اللي حطها كان اكثر وضوحا او لم ينسى معطيات معينة فيها , كان ممكن الولد يحلها وبسهولة لكن كانت فرصة ممتازة علشان نتعرف على عباقرة في الرياضيات . تحياتي للجميع

[miramar]

ممكن اسال سؤال ؟

هو استاذ قديم حضرتك مصري؟؟؟؟

لو سعودي فانا احييك لأنك احد السعوديين الي احترمهم واقدرهم

مرمر

تم تعديل 6 نوفمبر 2007 بواسطة miramar

[amrhoras]

إيييييييييييييييه كل ده .. ما شاء الله .. على فكرة يا جماعة انا مؤمن تماما بالعبقرية المصرية في الرياضيات ...

تحياتي لكل من اسهم بالمشاركة في الموضوع وعلى رأسهم اخي عمرو والأخوة والأخوات الأعزاء gopy , Miramar و قديم بس صدقوني انا حطيت المسألة زي ما وردت بالضبط ولو الفالح اللي حطها كان اكثر وضوحا او لم ينسى معطيات معينة فيها , كان ممكن الولد يحلها وبسهولة لكن كانت فرصة ممتازة علشان نتعرف على عباقرة في الرياضيات . تحياتي للجميع

:happy: كل ما الموضوع يتنسي يجي واحد ويصحيه تانى

وكمان قصدك ايه بقى من التريقه دى :closedeyes: ياعم حعديلك 10 جنيه حد يشيل الموضوع ده من هنا مصر كلها بتتفرج عليا يالهوتىىىىىىى

والله كنت عبقرى رياضيات فعلا وكنت بجيب امتياز فى ماده الرياضيات فى الكليه (الماده الوحيده اللى شفت فيها امتياز)هشششششش

خلا بقى ياعم انت الكبيييييييييييييييرر حد يرمى كرسي فى الكلوب ياخونا

والنبي محدش يقول للعيال ان عمو عمرو معرفتش يحل مسأله الله يخليكو سر بينا ها

أيوه يامحمد عوزنى جايلك طب ياجماعه عن اذنكم عندى ناس

[The Professor]

[كل ما الموضوع يتنسي يجي واحد ويصحيه تانى

وكمان قصدك ايه بقى من التريقه دى :closedeyes: ياعم حعديلك 10 جنيه حد يشيل الموضوع ده من هنا مصر كلها بتتفرج عليا يالهوتىىىىىىى

والله كنت عبقرى رياضيات فعلا وكنت بجيب امتياز فى ماده الرياضيات فى الكليه (الماده الوحيده اللى شفت فيها امتياز)هشششششش

خلا بقى ياعم انت الكبيييييييييييييييرر حد يرمى كرسي فى الكلوب ياخونا

والنبي محدش يقول للعيال ان عمو عمرو معرفتش يحل مسأله الله يخليكو سر بينا ها :happy:

أيوه يامحمد عوزنى جايلك طب ياجماعه عن اذنكم عندى ناس

ايه يا عمرو انت واخد الموضوع بحساسية عالية ليه؟ الغلطة اصلا من عندي لأن انا حطيت المسألة زي ماوردت في المسابقة وبالنص يعني اصلا الغلط غلط اللي واضع المسالة بهذا الشكل من الأساس . هون عليك يا أخي و انت صدقني ومش تريقة عبقري رياضيات واكرر مش تريقة

[amrhoras]

:lol: يراجل والله مفيش حساسيه :unsure: انا اتكلم مع اخوانى بقلب رحب مع قليل من الفكاهه ربنا يوفقك ويوفق الباشا اللى دوخنا بمسائله دى :happy: انا مزعلتش والله

اخوك عالم الرياضيات ابن حورس

[عادل أبوزيد]

سعدت بهذا الموضوع لأنه يعنى - لى على الأقل - إستمرارية و بقاء التراث عبر السنوات ، فأول مرة سمعت هذه المسألة كان منذ أكثر من 55 سنة !! و هنا أنا ذا أقرأها على محاورات المصريين !!

كان هذا إستهلالا لابد مه

أصل المسألة كما أذكرها ..

حيت عصفورة مجموعة من العصافير على شجرة قائلة السلام عليكم أيها "المية" فردت عليها عصفورة "إحنا مش مية لكن إحنا و أدنا و نصنا و ربعنا و بيكى نكمل المية

[badroora]

سعدت بهذا الموضوع لأنه يعنى - لى على الأقل - إستمرارية و بقاء التراث عبر السنوات ، فأول مرة سمعت هذه المسألة كان منذ أكثر من 55 سنة !! و هنا أنا ذا أقرأها على محاورات المصريين !!

كان هذا إستهلالا لابد مه

أصل المسألة كما أذكرها ..

حيت عصفورة مجموعة من العصافير على شجرة قائلة السلام عليكم أيها "المية" فردت عليها عصفورة "إحنا مش مية لكن إحنا و أدنا و نصنا و ربعنا و بيكى نكمل المية

يعنى العصافير من 55 مفئسوش دا حتى دوام الحال من المحال :rolleyes:

ابي العزيز ازى حضرتك بقالنا كتير مش بنشوف حاجة لحضرتك ونشكر صاحب الموضوع الذي من اجلة رايناك اليوم .

هذه المسألة تدل على شيئين الاول اصالة كل ماهو قديم واننا محافظين على التراث وبننقله من جيل الى جيل .

والشيء الثانى اننا فقدنا القدرة على التجديد واكتفينا بالموروث